०६५

नान्दीमुखेषु सर्वेषु पूजयेद्यो गणाधिपम्
तस्य सर्वो भवेद्वश्यः पुण्यं भवति चाक्षयम्॥ १ ॥

नान्दीमुखेषु सर्वेषु पूजयेद्यो गणाधिपम्
तस्य सर्वो भवेद्वश्यः पुण्यं भवति चाक्षयम्॥ १ ॥

गणानां त्वेति मन्त्रेण सर्वयज्ञघटेषु च
सर्वसिद्धिमवाप्नोति स्वर्गं मोक्षं लभेन्नरः॥ २ ॥

गणानां त्वेति मन्त्रेण सर्वयज्ञघटेषु च
सर्वसिद्धिमवाप्नोति स्वर्गं मोक्षं लभेन्नरः॥ २ ॥

मृण्मये प्रतिमायां च चित्रे चाथ दृषण्मये
द्वारदारुणि पात्रे च हेरम्बं लेखयेद्बुधः॥ ३ ॥

मृण्मये प्रतिमायां च चित्रे चाथ दृषण्मये
द्वारदारुणि पात्रे च हेरम्बं लेखयेद्बुधः॥ ३ ॥

अन्यस्मिन्नपि देशे तु सततं दृष्टिगोचरे
स्थापयित्वा तु हेरम्बं शक्त्या यः पूजयेद्बुधः॥ ४ ॥

अन्यस्मिन्नपि देशे तु सततं दृष्टिगोचरे
स्थापयित्वा तु हेरम्बं शक्त्या यः पूजयेद्बुधः॥ ४ ॥

तस्य कार्याणि सिद्ध्यन्ति दयितानि समन्ततः
न विघ्नं जायते किञ्चित्त्रैलोक्यं वशमानयेत्॥ ५ ॥

तस्य कार्याणि सिद्ध्यन्ति दयितानि समन्ततः
न विघ्नं जायते किञ्चित्त्रैलोक्यं वशमानयेत्॥ ५ ॥

विद्यार्थी लभते विद्यां वेदशास्त्रसमुद्भवाम्
अन्यां च शिल्पिविद्यां च विजयां स्वर्गदायिनीम्॥ ६ ॥

विद्यार्थी लभते विद्यां वेदशास्त्रसमुद्भवाम्
अन्यां च शिल्पिविद्यां च विजयां स्वर्गदायिनीम्॥ ६ ॥

धनार्थी विपुलं वित्तं कन्यां साध्वीं मनोरमाम्
ऐश्वर्यं धर्मसाध्यं च तनयं कुलमोक्षदम्॥ ७ ॥

धनार्थी विपुलं वित्तं कन्यां साध्वीं मनोरमाम्
ऐश्वर्यं धर्मसाध्यं च तनयं कुलमोक्षदम्॥ ७ ॥

न रोगैः पीड्यते कश्चिन्न ग्रहैः प्रेतयोनिभिः
शृङ्गिभिर्नापि रक्षोभिर्विद्युद्भिर्वनतस्करैः॥ ८ ॥

न रोगैः पीड्यते कश्चिन्न ग्रहैः प्रेतयोनिभिः
शृङ्गिभिर्नापि रक्षोभिर्विद्युद्भिर्वनतस्करैः॥ ८ ॥

न राजा कुप्यति गृहे न च मारी प्रवर्तते
न दौर्भिक्ष्यं न दौर्बल्यं पूजयित्वा विनायकम्॥ ९ ॥

न राजा कुप्यति गृहे न च मारी प्रवर्तते
न दौर्भिक्ष्यं न दौर्बल्यं पूजयित्वा विनायकम्॥ ९ ॥

अभिप्रेतार्थसिद्ध्यर्थं पूजितो यः सुरैरपि
सर्वविघ्नछिदे तस्मै गणाधिपतये नमः॥ १० ॥

अभिप्रेतार्थसिद्ध्यर्थं पूजितो यः सुरैरपि
सर्वविघ्नछिदे तस्मै गणाधिपतये नमः॥ १० ॥

मन्त्रश्चायं ॐ नमो गणपतये
नारायणप्रियैः पुष्पैरन्यैश्चापि सुगन्धिभिः
मोदकैः फलमूलैश्च द्रव्यैः कालोद्भवैस्तथा॥ ११ ॥

मन्त्रश्चायं ॐ नमो गणपतये
नारायणप्रियैः पुष्पैरन्यैश्चापि सुगन्धिभिः
मोदकैः फलमूलैश्च द्रव्यैः कालोद्भवैस्तथा॥ ११ ॥

दधिदुग्धैः प्रियैर्वाद्यैरपि धूपसुगन्धिभिः
पूजयेद्गणपं यस्तु सर्वसिद्धिमवाप्नुयात्॥ १२ ॥

दधिदुग्धैः प्रियैर्वाद्यैरपि धूपसुगन्धिभिः
पूजयेद्गणपं यस्तु सर्वसिद्धिमवाप्नुयात्॥ १२ ॥

विशेषात्तस्य लिङ्गे तु यो ददाति वसुप्रियम्
पूजोपकरणं वस्त्रं सर्वं लक्षगुणं भवेत्॥ १३ ॥

विशेषात्तस्य लिङ्गे तु यो ददाति वसुप्रियम्
पूजोपकरणं वस्त्रं सर्वं लक्षगुणं भवेत्॥ १३ ॥

देशे च भारते वर्षे वनिता पूर्वसन्निधौ
लौहित्यदक्षिणे तीरे लिङ्गरूपो विनायकः॥ १४ ॥

देशे च भारते वर्षे वनिता पूर्वसन्निधौ
लौहित्यदक्षिणे तीरे लिङ्गरूपो विनायकः॥ १४ ॥

हरगौरीसमादेशाद्देवानां सम्मतेन च
स्थितो लोकप्रशान्त्यर्थं सर्वविघ्नविनाशनात्॥ १५ ॥

हरगौरीसमादेशाद्देवानां सम्मतेन च
स्थितो लोकप्रशान्त्यर्थं सर्वविघ्नविनाशनात्॥ १५ ॥

पूजयित्वा तु तं देवं शक्तितो द्रव्यसञ्चयैः
विनायकत्वमाप्नोति वेदशास्त्रार्थपारगः॥ १६ ॥

पूजयित्वा तु तं देवं शक्तितो द्रव्यसञ्चयैः
विनायकत्वमाप्नोति वेदशास्त्रार्थपारगः॥ १६ ॥

सकृत्प्रदक्षिणं कृत्वा दृष्ट्वा स्पृष्ट्वा तु मानवः
अक्षयं लभते स्वर्गं सदा देवैः प्रपूज्यते॥ १७ ॥

सकृत्प्रदक्षिणं कृत्वा दृष्ट्वा स्पृष्ट्वा तु मानवः
अक्षयं लभते स्वर्गं सदा देवैः प्रपूज्यते॥ १७ ॥

संसर्गिणां च म्लेछानां गत्यर्थं सुतपस्विनाम्
पुत्रार्थं सर्वलोकानां तत्र शम्भुर्विनायकः॥ १८ ॥

संसर्गिणां च म्लेछानां गत्यर्थं सुतपस्विनाम्
पुत्रार्थं सर्वलोकानां तत्र शम्भुर्विनायकः॥ १८ ॥

कृत्वाभिषेकं लौहित्ये स्पृशेद्यस्तु गणाधिपम्
सप्तजन्मकृतात्पापान्मुच्यते नात्र संशयः॥ १९ ॥

कृत्वाभिषेकं लौहित्ये स्पृशेद्यस्तु गणाधिपम्
सप्तजन्मकृतात्पापान्मुच्यते नात्र संशयः॥ १९ ॥

न वैधव्यं न कार्पण्यं न शोकं न तु मत्सरम्
विनायकं समासाद्य जन्मजन्मनि संलभेत्॥ २० ॥

न वैधव्यं न कार्पण्यं न शोकं न तु मत्सरम्
विनायकं समासाद्य जन्मजन्मनि संलभेत्॥ २० ॥

पुनः सिद्धिः पुनर्भोग्यं पुनः कीर्तिः पुनर्बलम्
पूजयित्वा तु गणपं नरस्य नात्र संशयः॥ २१ ॥

पुनः सिद्धिः पुनर्भोग्यं पुनः कीर्तिः पुनर्बलम्
पूजयित्वा तु गणपं नरस्य नात्र संशयः॥ २१ ॥

अस्य पूजामकृत्वा च सर्वाभीष्टं विनश्यति
तत्र देवाश्च सुप्रीता ब्रह्मविष्णुहरादयः॥ २२ ॥

अस्य पूजामकृत्वा च सर्वाभीष्टं विनश्यति
तत्र देवाश्च सुप्रीता ब्रह्मविष्णुहरादयः॥ २२ ॥

मघोनो गणपस्याथ पूजाविरहितस्य च
अथासुरैर्महावीर्यैर्हिरण्याक्षमुखै रणे॥ २३ ॥

मघोनो गणपस्याथ पूजाविरहितस्य च
अथासुरैर्महावीर्यैर्हिरण्याक्षमुखै रणे॥ २३ ॥

मघवा तु जितो वीर्याद्धिरण्याक्षेण वै तदा
ततस्सुराश्च निर्वीर्या यावद्वर्षशतं पुरा॥ २४ ॥

मघवा तु जितो वीर्याद्धिरण्याक्षेण वै तदा
ततस्सुराश्च निर्वीर्या यावद्वर्षशतं पुरा॥ २४ ॥

दैवासुरे महायुद्धे सुराणां च पराजयः
ततो देवाधिदेवे तु शिवे देवैर्निवेदितम्॥ २५ ॥

दैवासुरे महायुद्धे सुराणां च पराजयः
ततो देवाधिदेवे तु शिवे देवैर्निवेदितम्॥ २५ ॥

भगवन्नसुरैर्नो हि जितं राज्यं गता मखाः
एतस्मिन्नन्तरे शम्भुर्देवान्वचनमब्रवीत्॥ २६ ॥

भगवन्नसुरैर्नो हि जितं राज्यं गता मखाः
एतस्मिन्नन्तरे शम्भुर्देवान्वचनमब्रवीत्॥ २६ ॥

हेरम्बाय वरो दत्त उमया प्रीतया मया
पूजया ते परा सिद्धिर्देवादीनां भवत्विति॥ २७ ॥

हेरम्बाय वरो दत्त उमया प्रीतया मया
पूजया ते परा सिद्धिर्देवादीनां भवत्विति॥ २७ ॥

अवजानाति यो मोहात्पुरुषस्तु महोत्सवे
न भवेत्तस्य सिद्धिश्च रणे चापि पराजयः॥ २८ ॥

अवजानाति यो मोहात्पुरुषस्तु महोत्सवे
न भवेत्तस्य सिद्धिश्च रणे चापि पराजयः॥ २८ ॥

महामखेन युष्माभिः पूजा गणपतेः कृता
हेलया न कृता मोहात्तस्मात्प्राप्तः पराजयः॥ २९ ॥

महामखेन युष्माभिः पूजा गणपतेः कृता
हेलया न कृता मोहात्तस्मात्प्राप्तः पराजयः॥ २९ ॥

शीघ्रं गच्छत वै पुण्यां गणपस्य महात्मनः
पूजां कुरुत धर्मज्ञा जयस्तूर्णं भविष्यति॥ ३० ॥

शीघ्रं गच्छत वै पुण्यां गणपस्य महात्मनः
पूजां कुरुत धर्मज्ञा जयस्तूर्णं भविष्यति॥ ३० ॥

ततो हरमुखाच्छ्रुत्वा वचः क्षेमपरं हितम्
प्रहृष्टा विबुधास्सर्वे गणपस्य पुरः स्थिताः॥ ३१ ॥

ततो हरमुखाच्छ्रुत्वा वचः क्षेमपरं हितम्
प्रहृष्टा विबुधास्सर्वे गणपस्य पुरः स्थिताः॥ ३१ ॥

देवा ऊचुः-
गणाधिप नमस्तुभ्यं सर्वदेवैकपालक
स्वर्गभोगप्रद प्रीत्या हेरम्ब त्वां नताः स्म ह॥ ३२ ॥

देवा ऊचुः-
गणाधिप नमस्तुभ्यं सर्वदेवैकपालक
स्वर्गभोगप्रद प्रीत्या हेरम्ब त्वां नताः स्म ह॥ ३२ ॥

जयदं सर्वयुद्धेषु सिद्धिदं सर्वकर्मसु
महामायं महाकायं हेरम्ब त्वां नताः स्म ह॥ ३३ ॥

जयदं सर्वयुद्धेषु सिद्धिदं सर्वकर्मसु
महामायं महाकायं हेरम्ब त्वां नताः स्म ह॥ ३३ ॥

एकदन्तं महाप्राज्ञं लम्बतुण्डं विनायकम्
देवं महर्षिदेवानाम्मिन्द्रस्य च नताः स्म ह॥ ३४ ॥

एकदन्तं महाप्राज्ञं लम्बतुण्डं विनायकम्
देवं महर्षिदेवानाम्मिन्द्रस्य च नताः स्म ह॥ ३४ ॥

यत्ते पुरार्चनं यज्ञे न कृतं तत्क्षमस्व नः
सुराणां च गिरः श्रुत्वा गणपो वाक्यमब्रवीत्॥ ३५ ॥

यत्ते पुरार्चनं यज्ञे न कृतं तत्क्षमस्व नः
सुराणां च गिरः श्रुत्वा गणपो वाक्यमब्रवीत्॥ ३५ ॥

युष्माभिर्व्रियतां देवा वरो मत्तो हि वाञ्च्छितः
ततः शक्रादयः सर्वे बृहस्पतिपुरोगमाः॥ ३६ ॥

युष्माभिर्व्रियतां देवा वरो मत्तो हि वाञ्च्छितः
ततः शक्रादयः सर्वे बृहस्पतिपुरोगमाः॥ ३६ ॥

ऊचुर्गणपतिं देवा जयोस्माकं भवत्विति
देवानां वचनं श्रुत्वा गणेशो वाक्यमब्रवीत्॥ ३७ ॥

ऊचुर्गणपतिं देवा जयोस्माकं भवत्विति
देवानां वचनं श्रुत्वा गणेशो वाक्यमब्रवीत्॥ ३७ ॥

बाढमेव सुरश्रेष्ठा जयो वो भवतु द्रुतम्
ततो देवगणास्सर्वे हर्षनिर्भरमानसाः॥ ३८ ॥

बाढमेव सुरश्रेष्ठा जयो वो भवतु द्रुतम्
ततो देवगणास्सर्वे हर्षनिर्भरमानसाः॥ ३८ ॥

गणेशं पूजयामासुर्गन्धसारैस्तु मण्डनैः
दिव्यधूपैः सुवस्त्रैश्च कुसुमैर्नन्दनोद्भवैः॥ ३९ ॥

गणेशं पूजयामासुर्गन्धसारैस्तु मण्डनैः
दिव्यधूपैः सुवस्त्रैश्च कुसुमैर्नन्दनोद्भवैः॥ ३९ ॥

पारिजातादिभिः पुष्पैरन्यैर्देवमनोहरैः
पूजितो गणपो देवैरुवाच सुरसत्तमान्॥ ४० ॥

पारिजातादिभिः पुष्पैरन्यैर्देवमनोहरैः
पूजितो गणपो देवैरुवाच सुरसत्तमान्॥ ४० ॥

गच्छध्वं विबुधा देवं विष्णुमद्भुतसाहसम्
स विधास्यति वः कामं वाञ्च्छितं च ततः सुराः॥ ४१ ॥

गच्छध्वं विबुधा देवं विष्णुमद्भुतसाहसम्
स विधास्यति वः कामं वाञ्च्छितं च ततः सुराः॥ ४१ ॥

स्वंस्वं रथं समारुह्य गतास्ते हरिमव्ययम्
पीताम्बरं नमस्कृत्य ऊचुर्देवगणा मुदा॥ ४२ ॥

स्वंस्वं रथं समारुह्य गतास्ते हरिमव्ययम्
पीताम्बरं नमस्कृत्य ऊचुर्देवगणा मुदा॥ ४२ ॥

हरात्मजं तु सम्प्राप्य पूजयित्वा गणाधिपम्
आगतास्त्वत्सकाशं वै महात्मन्नद्य केशव॥ ४३ ॥

हरात्मजं तु सम्प्राप्य पूजयित्वा गणाधिपम्
आगतास्त्वत्सकाशं वै महात्मन्नद्य केशव॥ ४३ ॥

एतच्छ्रुत्वा तु देवानां वचनं हरिरव्ययः
यथातथ्यमुवाचेदं हनिष्ये दैत्यपुङ्गवान्॥ ४४ ॥

एतच्छ्रुत्वा तु देवानां वचनं हरिरव्ययः
यथातथ्यमुवाचेदं हनिष्ये दैत्यपुङ्गवान्॥ ४४ ॥

श्रुत्वा वागमृतं देवा नारायणमुखाच्च्युतम्
हृष्टाश्च सुमुदाविष्टा द्रव्यैरिष्टैः समर्चयन्॥ ४५ ॥

श्रुत्वा वागमृतं देवा नारायणमुखाच्च्युतम्
हृष्टाश्च सुमुदाविष्टा द्रव्यैरिष्टैः समर्चयन्॥ ४५ ॥

पुनर्विष्णुरुवाचेदं देवानिन्द्रपुरोगमान्
स्वंस्वं बलं समाहृत्य सज्जी भवत विज्वराः॥ ४६ ॥

पुनर्विष्णुरुवाचेदं देवानिन्द्रपुरोगमान्
स्वंस्वं बलं समाहृत्य सज्जी भवत विज्वराः॥ ४६ ॥

हरिष्ये तान्दुराचारान्बलं चैव समन्ततः
अस्त्रवृन्दं तु सङ्गृह्य यूयं तिष्ठत निर्भयाः॥ ४७ ॥

हरिष्ये तान्दुराचारान्बलं चैव समन्ततः
अस्त्रवृन्दं तु सङ्गृह्य यूयं तिष्ठत निर्भयाः॥ ४७ ॥

माधवस्य वचः श्रुत्वा प्रगताः सुरपुङ्गवाः
विमानानि समारुह्य सर्वे दिव्यास्त्रधारिणः॥ ४८ ॥

माधवस्य वचः श्रुत्वा प्रगताः सुरपुङ्गवाः
विमानानि समारुह्य सर्वे दिव्यास्त्रधारिणः॥ ४८ ॥

देवानां हर्षवाक्यानि दैत्यचारैः श्रुतानि वै
राजानं कथयामासुर्हिरण्याक्षं महाबलम्॥ ४९ ॥

देवानां हर्षवाक्यानि दैत्यचारैः श्रुतानि वै
राजानं कथयामासुर्हिरण्याक्षं महाबलम्॥ ४९ ॥

श्रुत्वा दैत्यपतिस्तत्र चुकोपाति महाबलः
सचिवांस्तु समाहूय क्रुद्धो वचनमब्रवीत्५० 1.65.50
अधुनेन्द्रादिदेवाश्च निखिलाः क्रूरबुद्धयः
माधवं च परीप्सन्तः शम्भौ सर्वं न्यवेदयन्॥ ५१ ॥

श्रुत्वा दैत्यपतिस्तत्र चुकोपाति महाबलः
सचिवांस्तु समाहूय क्रुद्धो वचनमब्रवीत्५० 1.65.50
अधुनेन्द्रादिदेवाश्च निखिलाः क्रूरबुद्धयः
माधवं च परीप्सन्तः शम्भौ सर्वं न्यवेदयन्॥ ५१ ॥

कथं जयं च लप्स्यामो दैत्यवृन्देतिदारुणे
त्रिपुरारिरुवाचेदं गणेशं यजतामराः॥ ५२ ॥

कथं जयं च लप्स्यामो दैत्यवृन्देतिदारुणे
त्रिपुरारिरुवाचेदं गणेशं यजतामराः॥ ५२ ॥

पूजयित्वा तु तं देवं जेष्यथासुरदानवान्
ततो देवगणैर्हृष्टैः पूजितो गणनायकः॥ ५३ ॥

पूजयित्वा तु तं देवं जेष्यथासुरदानवान्
ततो देवगणैर्हृष्टैः पूजितो गणनायकः॥ ५३ ॥

गणाधिपेन तुष्टेन क्रूरो दत्तो वरो महान्
जेष्यथाद्यासुरान्सर्वांस्ततो देवा मुदान्विताः॥ ५४ ॥

गणाधिपेन तुष्टेन क्रूरो दत्तो वरो महान्
जेष्यथाद्यासुरान्सर्वांस्ततो देवा मुदान्विताः॥ ५४ ॥

हरिं निवेदयामासुरस्मद्वधपरीप्सवः
हरेर्बाढमुपश्रुत्य रथिनः शस्त्रपाणयः॥ ५५ ॥

हरिं निवेदयामासुरस्मद्वधपरीप्सवः
हरेर्बाढमुपश्रुत्य रथिनः शस्त्रपाणयः॥ ५५ ॥

युद्धार्थमधितिष्ठन्ति निर्जरास्त्वभयामयि
यस्य या शक्तिरस्तीह देवाञ्जेतुं वदत्वलम्॥ ५६ ॥

युद्धार्थमधितिष्ठन्ति निर्जरास्त्वभयामयि
यस्य या शक्तिरस्तीह देवाञ्जेतुं वदत्वलम्॥ ५६ ॥

ततो राज्ञोवचः श्रुत्वा मधुर्वचनमब्रवीत्
जेष्यामि च हरिं राजन्सहायं मे नियोजय॥ ५७ ॥

ततो राज्ञोवचः श्रुत्वा मधुर्वचनमब्रवीत्
जेष्यामि च हरिं राजन्सहायं मे नियोजय॥ ५७ ॥

जिते नारायणे देवाः सभयास्त्रिदशा ध्रुवम्
तस्मान्नारायणोऽस्माकं भागः सर्वपुरञ्जयः॥ ५८ ॥

जिते नारायणे देवाः सभयास्त्रिदशा ध्रुवम्
तस्मान्नारायणोऽस्माकं भागः सर्वपुरञ्जयः॥ ५८ ॥

ततो धुन्धुश्च सुन्दश्च कालकेयो महाबलः
सहायश्च मधोस्तस्य जेष्यामो माधवं नृप॥ ५९ ॥

ततो धुन्धुश्च सुन्दश्च कालकेयो महाबलः
सहायश्च मधोस्तस्य जेष्यामो माधवं नृप॥ ५९ ॥

सर्वदैत्यबले मुख्याश्चत्वारो दृढविक्रमाः
कालमृत्युसमा वीराः सर्वास्त्रविधिपारगाः॥ ६० ॥

सर्वदैत्यबले मुख्याश्चत्वारो दृढविक्रमाः
कालमृत्युसमा वीराः सर्वास्त्रविधिपारगाः॥ ६० ॥

बलस्तत्राब्रवीद्वाक्यं यस्मिन्जय उपस्थितः
तं च जेष्यामि जिष्णुं च प्रतिज्ञा मे दृढा नृप॥ ६१ ॥

बलस्तत्राब्रवीद्वाक्यं यस्मिन्जय उपस्थितः
तं च जेष्यामि जिष्णुं च प्रतिज्ञा मे दृढा नृप॥ ६१ ॥

नमुचिश्च मुचिश्चैव भ्रातरौ बलदर्पितौ
ऊचतुस्तौ नृपं ह्यावां जेष्यावो वै बलाद्बलौ॥ ६२ ॥

नमुचिश्च मुचिश्चैव भ्रातरौ बलदर्पितौ
ऊचतुस्तौ नृपं ह्यावां जेष्यावो वै बलाद्बलौ॥ ६२ ॥

जम्भश्चैवाब्रवीद्वाक्यमिन्द्रमिन्द्रपुरोगमान्
जेष्यामि नात्र सन्देहो दैत्या भवत विज्वराः॥ ६३ ॥

जम्भश्चैवाब्रवीद्वाक्यमिन्द्रमिन्द्रपुरोगमान्
जेष्यामि नात्र सन्देहो दैत्या भवत विज्वराः॥ ६३ ॥

त्रिपुरश्चाब्रवीद्वाक्यं जेष्यामि च विनायकम्
तावदूचेऽथ सेनानीर्मयो देवान्तको बली॥ ६४ ॥

त्रिपुरश्चाब्रवीद्वाक्यं जेष्यामि च विनायकम्
तावदूचेऽथ सेनानीर्मयो देवान्तको बली॥ ६४ ॥

कुबेरं प्रतिरक्षोभिः सर्वांश्चैव हिरण्यकान्
एतस्मिन्नन्तरे तत्र नारदो मुनिसत्तमः॥ ६५ ॥

कुबेरं प्रतिरक्षोभिः सर्वांश्चैव हिरण्यकान्
एतस्मिन्नन्तरे तत्र नारदो मुनिसत्तमः॥ ६५ ॥

गत्वोवाच हिरण्याक्षं जिष्णुदूतोहमागतः
राज्यं त्यज स्ववाचा नः प्राणेषु यदि ते हितम्॥ ६६ ॥

गत्वोवाच हिरण्याक्षं जिष्णुदूतोहमागतः
राज्यं त्यज स्ववाचा नः प्राणेषु यदि ते हितम्॥ ६६ ॥

न चेद्युध्यस्व मामद्य न वा गच्छ रसातलम्
ततः कोपादुवाचेदं नारदं मुनिसत्तमम्॥ ६७ ॥

न चेद्युध्यस्व मामद्य न वा गच्छ रसातलम्
ततः कोपादुवाचेदं नारदं मुनिसत्तमम्॥ ६७ ॥

अहिंस्यस्त्वं ब्राह्माणाद्य गच्छ तूर्णं ममाग्रतः
देवानां च विपत्तिं च कदनं निधनं पुरः॥ ६८ ॥

अहिंस्यस्त्वं ब्राह्माणाद्य गच्छ तूर्णं ममाग्रतः
देवानां च विपत्तिं च कदनं निधनं पुरः॥ ६८ ॥

पश्य विप्र क्षणेनान्तं प्राप्तं हरिहरादिकम्
एवमुक्त्वा स दैत्येन्द्रो बलाध्यक्षमुवाच ह॥ ६९ ॥

पश्य विप्र क्षणेनान्तं प्राप्तं हरिहरादिकम्
एवमुक्त्वा स दैत्येन्द्रो बलाध्यक्षमुवाच ह॥ ६९ ॥

सज्जीकृत्य बलं सर्वान्रथांश्चानयत द्रुतम्
दैत्यराजवचः श्रुत्वा बलाध्यक्षः समन्ततः॥ ७० ॥

सज्जीकृत्य बलं सर्वान्रथांश्चानयत द्रुतम्
दैत्यराजवचः श्रुत्वा बलाध्यक्षः समन्ततः॥ ७० ॥

बलान्याहूय सहसा सन्त्रस्तास्तूर्णमागताः
कोटिकोटिसहस्राणि अक्षौहिण्यो बलानि च॥ ७१ ॥

बलान्याहूय सहसा सन्त्रस्तास्तूर्णमागताः
कोटिकोटिसहस्राणि अक्षौहिण्यो बलानि च॥ ७१ ॥

एकैकस्य च वीरस्य वाहनानि महान्ति च
स्यन्दनानि विचित्राणि गजोष्ट्राश्वखरानपि॥ ७२ ॥

एकैकस्य च वीरस्य वाहनानि महान्ति च
स्यन्दनानि विचित्राणि गजोष्ट्राश्वखरानपि॥ ७२ ॥

सिंहव्याघ्रलुलायांश्च समारुह्य ययुस्तदा
वाद्यैः सर्वैश्च भूयिष्ठैः सिंहनादैर्भयानकैः॥ ७३ ॥

सिंहव्याघ्रलुलायांश्च समारुह्य ययुस्तदा
वाद्यैः सर्वैश्च भूयिष्ठैः सिंहनादैर्भयानकैः॥ ७३ ॥

दिशस्तु पूरयामासुस्सिन्धुवेलाचला धराः
सर्वलोकाश्च वित्रेसुः समुद्राश्च चकम्पिरे॥ ७४ ॥

दिशस्तु पूरयामासुस्सिन्धुवेलाचला धराः
सर्वलोकाश्च वित्रेसुः समुद्राश्च चकम्पिरे॥ ७४ ॥

देवदुन्दुभयो नेदुः सर्वदेवैः समीरिताः
वाद्यैश्च विविधैरन्यैर्वायुपूर्णैर्घनस्वनैः॥ ७५ ॥

देवदुन्दुभयो नेदुः सर्वदेवैः समीरिताः
वाद्यैश्च विविधैरन्यैर्वायुपूर्णैर्घनस्वनैः॥ ७५ ॥

सर्वलोकाभयत्रस्ता ये च त्रैलोक्यवासिनः
भ्रष्टकामागताकाशं घोरं तीव्रं महाहवम्॥ ७६ ॥

सर्वलोकाभयत्रस्ता ये च त्रैलोक्यवासिनः
भ्रष्टकामागताकाशं घोरं तीव्रं महाहवम्॥ ७६ ॥

परिघैः पाशशूलैश्च खड्गयष्टिपरश्वधैः
शरैश्च निशितैर्घोरैर्जघ्नुरन्योन्यमाहवे॥ ७७ ॥

परिघैः पाशशूलैश्च खड्गयष्टिपरश्वधैः
शरैश्च निशितैर्घोरैर्जघ्नुरन्योन्यमाहवे॥ ७७ ॥

शस्त्रास्त्रैर्बहुधामुक्तैर्दिशः सर्वा निरन्तरम्
विगृहेषु धरण्यां च पर्वतेषु जलेषु च॥ ७८ ॥

शस्त्रास्त्रैर्बहुधामुक्तैर्दिशः सर्वा निरन्तरम्
विगृहेषु धरण्यां च पर्वतेषु जलेषु च॥ ७८ ॥

देवस्थाने तथाकाशे पर्वताग्रेषु सानुषु
गह्वरेषु महारण्ये तयोर्युद्धमवर्तत॥ ७९ ॥

देवस्थाने तथाकाशे पर्वताग्रेषु सानुषु
गह्वरेषु महारण्ये तयोर्युद्धमवर्तत॥ ७९ ॥

पुष्कलादि घनानां च वर्षधारा जलं यथा
पतन्त्यस्त्राणि सैन्येषु शतशोथ सहस्रशः॥ ८० ॥

पुष्कलादि घनानां च वर्षधारा जलं यथा
पतन्त्यस्त्राणि सैन्येषु शतशोथ सहस्रशः॥ ८० ॥

केचित्पेतुः पृथिव्यां तु शरैः सम्भिन्नविग्रहाः
शक्तिभिर्मुसलैश्चान्ये छत्रशूलपरश्वधैः॥ ८१ ॥

केचित्पेतुः पृथिव्यां तु शरैः सम्भिन्नविग्रहाः
शक्तिभिर्मुसलैश्चान्ये छत्रशूलपरश्वधैः॥ ८१ ॥

पतिताः सम्मुखे शूरा युद्धेषु न्यायवर्तिनः
गच्छन्ति सुरसद्मानि स्वाम्यर्थे ये त्वभीरवः॥ ८२ ॥

पतिताः सम्मुखे शूरा युद्धेषु न्यायवर्तिनः
गच्छन्ति सुरसद्मानि स्वाम्यर्थे ये त्वभीरवः॥ ८२ ॥

ये चान्ये कातराः पापा हन्तारो विमुखान्रणे
अन्यायैर्ये च योद्धारस्ते यान्ति यममन्दिरं॥ ८३ ॥

ये चान्ये कातराः पापा हन्तारो विमुखान्रणे
अन्यायैर्ये च योद्धारस्ते यान्ति यममन्दिरं॥ ८३ ॥

त्रिदिवस्था गजारोहाः सैन्धवस्थास्तथापरान्
रथस्थांश्च रथारोहाः पदगांश्च पदातयः॥ ८४ ॥

त्रिदिवस्था गजारोहाः सैन्धवस्थास्तथापरान्
रथस्थांश्च रथारोहाः पदगांश्च पदातयः॥ ८४ ॥

परस्परं विनिघ्नन्ति शूरा युद्धाभिकाङ्क्षिणः
मुदिताः सत्वसम्पन्ना धर्मिष्ठा बलसंवृताः॥ ८५ ॥

परस्परं विनिघ्नन्ति शूरा युद्धाभिकाङ्क्षिणः
मुदिताः सत्वसम्पन्ना धर्मिष्ठा बलसंवृताः॥ ८५ ॥

केषाञ्चिद्वाहवश्छिन्ना मुसलैर्भिन्नमस्तकाः
केशाश्शिरांसि वस्त्राणि निपेतुर्धरणीतले॥ ८६ ॥

केषाञ्चिद्वाहवश्छिन्ना मुसलैर्भिन्नमस्तकाः
केशाश्शिरांसि वस्त्राणि निपेतुर्धरणीतले॥ ८६ ॥

मध्यच्छिन्नास्तथा भिन्नाः पेतुरुर्व्यां महाबलाः
खड्गपातैस्तथा चोग्रैश्छ्रिन्नभिन्नाः परश्वधैः॥ ८७ ॥

मध्यच्छिन्नास्तथा भिन्नाः पेतुरुर्व्यां महाबलाः
खड्गपातैस्तथा चोग्रैश्छ्रिन्नभिन्नाः परश्वधैः॥ ८७ ॥

गामेव पतिता धीरा दिव्यालङ्कारभूषिताः
प्रदीप्तोभूद्धरादेशो वीरैर्नागैर्हयै रथैः॥ ८८ ॥

गामेव पतिता धीरा दिव्यालङ्कारभूषिताः
प्रदीप्तोभूद्धरादेशो वीरैर्नागैर्हयै रथैः॥ ८८ ॥

विविधाभरणैर्नष्टैः पताकाभिश्च केतुभिः
ततो वसुन्धरा सर्वा सशैलवनकानना॥ ८९ ॥

विविधाभरणैर्नष्टैः पताकाभिश्च केतुभिः
ततो वसुन्धरा सर्वा सशैलवनकानना॥ ८९ ॥

रुधिरौघप्लुता तत्र विबुधासुरयोर्युधि
क्रव्यादैर्बहुभिस्तत्र खादितो द्रव्यसञ्चयः॥ ९० ॥

रुधिरौघप्लुता तत्र विबुधासुरयोर्युधि
क्रव्यादैर्बहुभिस्तत्र खादितो द्रव्यसञ्चयः॥ ९० ॥

लोहितं प्रचुरं पीतं रक्षोभिश्च वृकादिभिः
अन्यैर्महागणैरेव क्षतजं पवनान्वितम्॥ ९१ ॥

लोहितं प्रचुरं पीतं रक्षोभिश्च वृकादिभिः
अन्यैर्महागणैरेव क्षतजं पवनान्वितम्॥ ९१ ॥

खादितं प्रीतिमद्भिश्च फेरुगृध्रगणैर्मुदा
एतस्मिन्नन्तरे सूरिः सुरपूज्यो बृहस्पतिः॥ ९२ ॥

खादितं प्रीतिमद्भिश्च फेरुगृध्रगणैर्मुदा
एतस्मिन्नन्तरे सूरिः सुरपूज्यो बृहस्पतिः॥ ९२ ॥

मृतसञ्जीवनीविद्यां सुराणां सञ्जजाप ह
विशल्यकरणीं दिव्यां ब्रह्मविद्यां महाबलां॥ ९३ ॥

मृतसञ्जीवनीविद्यां सुराणां सञ्जजाप ह
विशल्यकरणीं दिव्यां ब्रह्मविद्यां महाबलां॥ ९३ ॥

ततो धन्वन्तरिर्विद्वान्सुरवैद्यो मनोजवः
औषधैस्तत्प्रयोगैश्च रणे पर्यटते मुदा॥ ९४ ॥

ततो धन्वन्तरिर्विद्वान्सुरवैद्यो मनोजवः
औषधैस्तत्प्रयोगैश्च रणे पर्यटते मुदा॥ ९४ ॥

तत्र देवाश्च जीवन्ति ये मृताश्च महाहवे
अव्रणा बलसम्पन्नाः प्रयुध्यन्ति भृशं पुनः॥ ९५ ॥

तत्र देवाश्च जीवन्ति ये मृताश्च महाहवे
अव्रणा बलसम्पन्नाः प्रयुध्यन्ति भृशं पुनः॥ ९५ ॥

एवं शतसहस्रं तु गणं दैत्यस्य चोद्धतम्
पतितं पुण्ययोगाच्च शरैर्निर्भिन्नकन्धरम्॥ ९६ ॥

एवं शतसहस्रं तु गणं दैत्यस्य चोद्धतम्
पतितं पुण्ययोगाच्च शरैर्निर्भिन्नकन्धरम्॥ ९६ ॥

ततस्तु जयशब्देन नन्दन्ति सिद्धचारणाः
ऋषयः खेचराश्चान्ये ये चैवाप्सरसां गणाः॥ ९७ ॥

ततस्तु जयशब्देन नन्दन्ति सिद्धचारणाः
ऋषयः खेचराश्चान्ये ये चैवाप्सरसां गणाः॥ ९७ ॥

गीतिं गायन्ति गन्धर्वाः शशंसुः परमर्षयः
अथ क्रुद्धो महातेजा दैत्यमुख्यो महाबलः॥ ९८ ॥

गीतिं गायन्ति गन्धर्वाः शशंसुः परमर्षयः
अथ क्रुद्धो महातेजा दैत्यमुख्यो महाबलः॥ ९८ ॥

कालकेय इति ख्यातः सेनानीर्दैत्यपस्य च
स्यन्दनस्थो महावीर्यो धनुरादाय तत्र च॥ ९९ ॥

कालकेय इति ख्यातः सेनानीर्दैत्यपस्य च
स्यन्दनस्थो महावीर्यो धनुरादाय तत्र च॥ ९९ ॥