आल्वार्तिरुनगरि-तिरुवेङ्कटत्तय्यङ्गार् समर्पितं श्रीसत्यवरदराज-मङ्गलम्
मङ्गलम् वरदायास्तु सत्याख्य-पुरवासिने ।
श्रीशाय श्रित-रक्षित्रे श्रीवत्सयास्तु मङ्गलम् ॥ {१}
अभीतिप्रदहस्ताय अभीष्टफलदायिने ।
अकारवाच्यभूताय अस्मद्देवाय मङ्गलम् ॥ {२}
कालमेघनिपापाय कारुण्यामृत-वर्षिणे ।
प्रयोगचक्रहस्ताय प्रभवे मम मङ्गलम् ॥ {३}
प्रपन्नजनकूटस्थ-प्रकाशितप्रतिष्ठया ।
सुतराम् भ्राजमानाय सुरराजाय मङ्गलम् ॥ {४}
श्री काञ्चीपूर्णमिश्राय सम्प्रदायार्त्तदायिने ।
सादरं संयमीन्द्रेण संसेविताय मङ्गलम् ॥ {५}
भार्गवीप्रियनाथाय भानुमण्डलस्थायिने ।
भासमानासमानाय भक्तप्रियाय मङ्गलम् ॥ {६}
बृहद्देवीसमेताय प्रणतार्त्तिहराय च ।
क्षेमङ्कराय सर्वेषाम् देवराजाय मङ्गलम् ॥ {७}
सम्फुल्ल-पद्मनेत्राभ्यां समस्तक्लेशनाशिने ।
सत्यवरदराजाय सर्वदा तव मङ्गलम् ॥ {८}
मङ्गलाशासनपरैः मदाचर्यपुरोगमैः ।
सर्वैश्च पूर्वैराचार्यै सत्कृतायास्तु मङ्गलम् ॥ {९}
श्रियै नमः
श्रीमते रामानुजाय नमः
श्रीमते श्री पराशर-भट्टारक-महादेशीकाय नमः