पुराणे विश्वासटिप्पन्यः

विश्वास-प्रस्तुतिः

अथात्मचिन्तानुचरेण यास्यन् विहङ्गराजेन विभुः पुरीं स्वाम् ।
उवाच पत्नीं दशनांशुलक्षात् वमन्निवानन्दममान्तमन्तः॥

मूलम्

विश्वास-प्रस्तुतिः

सत्ये समीक्षस्व विपारिजातां वृत्तेन हीनामिव वेदविद्याम् ।
निशामिव प्रोषितशीतभानुं नारीमनाथामिव नाकलक्ष्मीम् ॥

मूलम्

विश्वास-प्रस्तुतिः

आलम्बिता नम्रमुखी भवत्या हस्तेन रक्ताङ्गुलिपल्लवेन।
वदान्यवृक्षस्य विभाति शाखा वक्तुं वयस्येव रहः प्रवृत्ता॥

मूलम्

विश्वास-प्रस्तुतिः

सुपर्णवेगानिलविप्रकीर्णैः सुरद्रुमैरन्तरितः सुमेरुः।
आलक्ष्यते कालवशेन भूयः प्ररूढलूनैरिव पक्षजालैः॥

मूलम्

विश्वास-प्रस्तुतिः

निसर्गकल्याणतया प्रतीतं सर्वोत्तरं तत्त्वमिवैकमाद्यम् ।
अमुं प्रिये नूनमतन्द्रितानि जायोतींषि भक्त्या परियन्त्यजस्रम्॥

मूलम्

विश्वास-प्रस्तुतिः

वितानवान् व्योमतलेन मेरुस्तारागणैराहितमौक्तिकेन।
निविश्य मध्येक्षितिभद्रपीठं गङ्गोदकैराद्रियतेभिषेकम्॥

मूलम्

विश्वास-प्रस्तुतिः

सहस्रभानुप्रमुखैः समन्ताज्ज्योतिर्गणैरस्य विघूर्णमानैः।
महीभृतामग्रसरस्य मन्ये नीराजनं विश्वसृजा प्रयुक्तम् ॥

मूलम्

विश्वास-प्रस्तुतिः

प्रख्यातधाम्नामपि दिक्पतीनां प्रासादवासादरमाक्षिपन्तः।
अध्यासिता योगिभिरस्य नित्यं राजन्त्यमी रत्नगुहाविशेषाः॥

मूलम्

विश्वास-प्रस्तुतिः

परिस्फुरन्त्याः क्षितिपद्ममध्ये पिर्श्वेषु हेमाचलकर्णिकायाः।
पश्य प्रिये रत्नविशेषचित्रां कृशोन्नतां केसरशैलपङ्क्तिम् ॥

मूलम्

विश्वास-प्रस्तुतिः

वलाविभङ्हैरिव वर्षभेदैस्त्रिभिर्विभक्तं त्रिदशानुभाव्यैः।
संदृश्यते सागरमेखलाया सुमध्यमे मध्यमिदं धरण्याः॥

मूलम्

विश्वास-प्रस्तुतिः

अभञ्जनीयं प्रथिमानमाप्तां स्थानेष्वरैराकलितामहार्यैः।
चराचराणां प्रभवेन धार्यां चक्राकृतिं पश्य समुद्रनेमिम् ॥

मूलम्

विश्वास-प्रस्तुतिः

विकल्पितानि त्रिदिवेन भूमौ वर्षाणि दिव्यानि विलोकयेथाः।
द्वन्द्वैरिह द्वन्द्वविषादमुक्तैर्निर्विश्यते यौवनमेकरूपम् ॥

मूलम्

विश्वास-प्रस्तुतिः

इलावृतान्तां निषधादवाचीं विलङ्घ्य हृद्यां हरिवर्षसीमाम्।
खगेश्वरः संश्रितहेमकूटं निनीषते किम्पुरुषास्पदं नः॥

मूलम्

विश्वास-प्रस्तुतिः

वपुः शुभं वाजिमुखाङ्गनानां वक्त्रं च युञ्जन्निह किन्नरीणाम्।
स्त्रीरत्नसृष्टिं विदधे विधिश्चेत् त्र्यक्षः कथं पञ्चशरस्य जेता॥

मूलम्

विश्वास-प्रस्तुतिः

दिदृक्षमाणस्य ममैष देशान् सव्यापसव्येन गतिक्रमेण।
अमोघवृत्तिर्गगने गरुत्मान् विचेष्टते चित्तमिव द्वितीयम् ॥

मूलम्

विश्वास-प्रस्तुतिः

निपत्य चोत्पत्य च लङ्घयन्ती निम्नोन्नतान् वर्षविभागदेशान् ।
छाया समेन स्वपथेन यान्तं तरस्विनं तार्क्ष्यमिवातिशेते ॥

मूलम्

विश्वास-प्रस्तुतिः

महीयसो वेगवशेन मध्ये सीमन्तयन्नेष शरत्पयोदान् ।
यदृच्छया संभृतचामरश्रीः संदृश्यते देवि तवौपवाह्यः॥

मूलम्

विश्वास-प्रस्तुतिः

वियत्पयोधिं तरतां विशालं विमानदीप्तेन गरुत्मता नः।
इयं पुरः शैलवनोपपन्ना विश्वंभरा भाति विलोमगेव ॥

मूलम्

विश्वास-प्रस्तुतिः

शरद्घनस्तोम इवोपसीदन् संदृश्यते किन्नरनाथशैलः।
सन्ध्याविहारच्युतसंहतात्मा शम्भोरिवोद्धूलनभस्मराशिः॥

मूलम्

विश्वास-प्रस्तुतिः

सुधायमानां धनदस्य सौधे स्वाभाविकीमस्य गिरेरभिख्याम् ।
पर्याकुलैर्विष्णुपदीतरङ्गैराम्रेडयन्तीव हराट्टहासाः॥

मूलम्

विश्वास-प्रस्तुतिः

अमुष्य दीप्तोन्नतदन्तभूम्नो नक्षत्रमालार्चिततुङ्गमौलेः।
पादेषु भान्ति स्फटिकाः प्रभूताः नाकद्विषस्येव नखेन्दुबिम्बाः॥

मूलम्

विश्वास-प्रस्तुतिः

उदग्रवज्रव्रणकर्कशानां पर्याप्तसारेण भुजार्गलानाम् ।
अनेन विख्यापितविक्रमं तद् रचक्षः पुरा रामशरव्यमासीत्॥

मूलम्

विश्वास-प्रस्तुतिः

अयं वनैः श्यामनितम्बभागो गौरः स्वयं गैरिकसंभृतश्रीः।
वलाहकग्राह्यगुणान्तरीयं मदारुणं व्यञ्जयते मदार्यम् ॥

मूलम्

विश्वास-प्रस्तुतिः

अस्मिन् धनाधीश्वरराजधान्यामाकर्णितं हैमवतीसखेन ।
त्वत्कीर्त्युपघ्नं शृणु किन्नरीणां गृहे गृहे किन्नरकण्ठि गीतम् ॥

मूलम्

विश्वास-प्रस्तुतिः

निशम्य दिव्यद्रुमसम्भवानां नूनं रवं नूपुरमञ्जरीणाम् ।
उड्डीयमानाः प्रतियन्त्यमी त्वां मञ्जुस्वराः मानसहंसदाराः॥

मूलम्

विश्वास-प्रस्तुतिः

इतो हिरण्यप्रमुखैः प्रभुक्ता शोणाधरे शोणितराजधानी ।
आदौ समुत्खातपुनर्निखातैः कैलासशृङ्गैरिव भाति सौधैः॥

मूलम्

विश्वास-प्रस्तुतिः

मृदङ्गनादेन मृगाङ्गमौलिं प्रसादयन् पालयतीह दैत्यान् ।
बलेरपत्यं बलिनां विजेता बाणासुरो बाहुसहस्रशाली ॥

मूलम्

विश्वास-प्रस्तुतिः

रामास्त्ररन्ध्रोदितहंसयूधं क्रौञ्चं गिरिं लक्षय दूरलक्ष्यम् ।
पीतां पुनः श्रोत्रुपथेन काले भागीरथीं जह्नुमिवोद्वमन्तम् ॥

मूलम्

विश्वास-प्रस्तुतिः

अमुष्य दूरादसिताक्षि दृष्टिं दिव्ये गिरौ दातुमिहार्हसि त्वम् ।
मरिद्गणेन ह्यमुनोन्नतेन स्वाहारसम्भूतिरमन्थि सिन्धुः॥

मूलम्

विश्वास-प्रस्तुतिः

विलग्नदैत्येश्वरशोणितानां वैकुण्ठकेयूरजुषां मणीनाम् ।
अयत्नशाणोपलतामपुष्यन् आर्द्राः सुधाबिन्दुभिरस्य कूटाः॥

मूलम्

विश्वास-प्रस्तुतिः

लक्ष्मीसुधासञ्जननाय तूर्णं विमथ्नता वेगमनेन दत्तम् ।
आवर्तभेदैरधुनाप्यगाधैरर्थापयन्त्यम्बुनिधेर्महौघाः॥

मूलम्

विश्वास-प्रस्तुतिः

अमोघबाणस्च मुनेरशोष्ये फेनायमानानि यशः पयोधौ ।
गतागतैर्हंसकुलान्यमूनि च्छायापथं सञ्जनयन्त्यपूर्वम् ॥

मूलम्

विश्वास-प्रस्तुतिः

धृतिक्षमं देवि सुरस्रवन्त्याः सिद्धाश्रितं शम्भुमिव द्वितीयम् ।
परिष्कृतिं भारतवर्षसीम्नः प्राप्ता वयं पर्वतसार्वभौमम् ॥

मूलम्

विश्वास-प्रस्तुतिः

अनुप्रविष्टं गिरिजासखीभिः पर्यन्तसंस्तम्भितभूतवर्गम्।
अदूरतश्चैत्ररथात्प्रभूतं वैहारिकं पश्य वनं पुरारेः॥

मूलम्

विश्वास-प्रस्तुतिः

अभङ्गुरैराहतयोरनङ्गः शृङ्गारदिग्धैरिह चित्रपुङ्खैः।
अभिन्नमन्योन्यलयादकार्षीत् देहं द्वयोरर्धसमीक्ष्यभेदम्॥

मूलम्

विश्वास-प्रस्तुतिः

दिवा महानीलमयूखजालैर्नक्तं प्रकाशेन महौषधीनाम्।
पश्यन्त्यमुष्मिन् परिवृत्तिशून्यं कालं सदा कर्बुरमादितेयाः॥

मूलम्

विश्वास-प्रस्तुतिः

अलुप्तमेघद्युतिरिन्द्रनीलैर्वज्रैरसौनित्यतटित्प्रकाशः।
प्रवृत्तगङ्गास्तनितो दधाति प्रावृड्गुणान् प्रीणितनीलकण्ठः॥

मूलम्

विश्वास-प्रस्तुतिः

अमुष्य मूर्धन्युपपत्य निम्नैश्चतुर्दिशं विष्णुपदी प्रयाति ।
चतुर्भिरुन्मीलितराशिभेदा वेधोमुखैर्वेदमयीव विद्या॥

मूलम्

विश्वास-प्रस्तुतिः

सरित्सहस्रैरभिगम्यमाना शिलोच्चयैरन्तरिता दधाति।
प्रवालमुक्ताप्रभृतेः प्रसूतिः पत्नी पयोधेरियमानुरूप्यम् ॥

मूलम्

विश्वास-प्रस्तुतिः

त्रयीमिव क्षालितविश्वपङ्कां त्रैलोक्यलक्ष्म्या इव सत्त्वशुद्धिम्।
तपोधनाः सर्व इमां भजन्ते धर्मस्य निश्रेणिमिव प्रभूताम्॥

मूलम्

विश्वास-प्रस्तुतिः

प्रख्यातगोत्रप्रभवेपि नित्यं परिग्रहे भूयसि वर्तमाने।
त्वयैव मां वेत्ति कलत्रवन्तं नाथं नदीनामनयैव लोकः॥

मूलम्

विश्वास-प्रस्तुतिः

पतद्ग्रहे तिष्ठति रुक्मशैले धर्मद्रवैरात्मभुवार्च्यमानः।
अस्याः प्रसूतिः परमस्य पुंसः पादो नभस्सागरपारदृश्वा॥

मूलम्

विश्वास-प्रस्तुतिः

त्रिभिस्त्रिलोकीमनघैः स्वपूरैः तारागणाम्रेडितशीकरौघैः।
विमार्जयन्ती वृजिनात् पुनीते विष्णोरियं विक्रमवैजयन्ती ॥

मूलम्

विश्वास-प्रस्तुतिः

अभुग्नभागान्तरितैः पयोभिः सम्भिद्यमानैरियमन्तरेषु।
नगेन्द्रमूर्धन्युपयाति शोभां नक्षत्रमालेव गजेन्द्रकुम्भे॥

मूलम्

विश्वास-प्रस्तुतिः

स्रोतोभिरस्याः परिपूर्यमाणः सुधामयं सिन्धुमिवादधानैः।
अपां पतिर्नित्यमबिन्धनेन ज्वालावता नूनमशोषितोभूत् ॥

मूलम्

विश्वास-प्रस्तुतिः

भगीरथप्रार्थितसिद्धिमेनां पृथक्प्रवाहां पृथिवीं पुनानाम्।
भस्मीकृतानां सगरात्मजानां प्राहुः सुधां प्रापितदेवभावाम्॥

मूलम्

विश्वास-प्रस्तुतिः

स्थानानुरूपां प्रसृतैः प्रवाहैर्महद्भिरेषा मधुरावदातैः।
प्रालेयशैलात् प्रथितानुभावा प्रवर्तते वागिव वश्यवाचः॥

मूलम्

विश्वास-प्रस्तुतिः

उदीरितास्तार्क्ष्यवानिलेन त्वन्नूपुरान्नूनमधीतनादाः।
भवन्त्यमी स्वागतवादिनस्ते भागीरथीसैकतराजहंसाः॥

मूलम्

विश्वास-प्रस्तुतिः

प्रदीयते सुन्दरि दूरकृष्टैर्दिव्येन ते शेखरसौरभेण।
मयूरपिञ्छातपवारणश्रीर्मन्दाकिनीहेमसरोजभृङ्गैः॥

मूलम्

विश्वास-प्रस्तुतिः

वहन्नसौ काञ्चनपद्मरेणून् व्योमापगावीचिविहारशीलः।
विलुप्तपत्राङ्कुरमानने ते स्वेदोद्गमं न क्षमते समीरः॥

मूलम्

विश्वास-प्रस्तुतिः

अस्याः समीरैरपनीतगन्धान्यलक्तकैरङ्कितसैकतानि।
स्वैरोपभोगं सुरसुन्दरीणां विवृण्वते तीरलतागृहाणि॥

मूलम्

विश्वास-प्रस्तुतिः

रहस्त्वदाश्लेषरसोत्सुकस्य त्वदेकदृष्टेरपि विश्वदृष्टेः।
वियन्नदी लोचनयोरसौ मे विहन्ति लक्ष्यान्तरपक्षपातम्॥

मूलम्

विश्वास-प्रस्तुतिः

दिव्यं बदर्याश्रममेतदन्ते देवैः स्तुतं दक्षिणतः प्रतीयाः।
निःश्रेयसं दर्शयतीव वृत्त्वा नारायणो यत्र नरेण सार्धम्॥

मूलम्

विश्वास-प्रस्तुतिः

निवृत्तरागैः परिचर्यमाणो नाथः स्वयं नाकनिकेतनानाम्।
धन्यैरनन्यैरनुपालनीयं धर्मं निजं धारयतीह शुद्धम् ॥

मूलम्

विश्वास-प्रस्तुतिः

तृतीयवर्णप्रभवे निजाङ्गे स्त्रीरत्नमुत्पाद्य विहारयोगी ।
इहात्मसम्मोहनलालसानामपत्रपामप्सरसामकार्षीत् ॥

मूलम्

विश्वास-प्रस्तुतिः

अन्यच्च दूरादनघं तदीयं प्राग्दक्षिणं भाति तपोवनाग्र्यम् ।
भजन्ति यस्मिन् पदयोरमुष्य न्यासं शुभं निश्चितयोगलक्ष्याः॥

मूलम्

विश्वास-प्रस्तुतिः

अत्र स्थितं श्रान्तिजुषां मुनीनां छायालकृष्णाजिनपल्लवेन।
वैरोचनेर्दानजलावसेकात् वर्धिष्णुना वामनपादपेन ॥

मूलम्

विश्वास-प्रस्तुतिः

इमानि च प्रेयसि तापसानामेकान्तहृद्यानि तपोवनानि ।
इहैकपादस्थितिमेतदीयां धर्मो युगे धारयतीव तुर्ये॥

मूलम्

विश्वास-प्रस्तुतिः

तमो निगीर्णं सकृदेव पुंसामासीदतामाश्रमहव्यवाहाः।
इहौषधाख्यानि हवींषि भुक्त्वा धूमोपलक्ष्यं ध्रुवमुद्वमन्ति ॥

मूलम्

विश्वास-प्रस्तुतिः

निजाश्रम्भ्यः प्रतिनिर्जिहानाः दूरादमी दर्शितपूर्णकुम्भाः।
सत्याशिषः सम्प्रति साधुवाक्यैरभ्यर्चयन्त्याहितवह्नयस्त्वाम्॥

मूलम्

विश्वास-प्रस्तुतिः

समीपवृक्षेष्विह बद्धनीडाः शिक्षोपपन्नां श्रुतिमुद्गृणन्तः।
शकुन्तयः शोणमुखा भजन्ते सब्रह्मचर्यं सह तीक्ष्णधीभिः॥

मूलम्

विश्वास-प्रस्तुतिः

धर्मस्य सम्भूतिरिवाग्रतस्ते सान्दीपिनेराश्रमभूमिरेषा ।
अधीतिनो यत्र मम त्रिवेद्यामन्तः स्थिरालोक इवान्तरात्मा॥

मूलम्

विश्वास-प्रस्तुतिः

समग्ररत्नौघमिवाब्धितोयं तारागणैराप्तमिवान्तरिक्षम् ।
विशङ्कटं विन्ध्यहिमाद्रिमध्यं पुण्यं प्रिये भूषितमेतदार्यैः॥

मूलम्

विश्वास-प्रस्तुतिः

पितृक्रियानिर्वृतजामदग्न्यं क्षिप्तैनसां क्षेत्रमिदं कुरूणाम् ।
समेयुषां संयुगदीक्षयैतत् देहत्यजां दक्षिणतो न पन्थाः॥

मूलम्

विश्वास-प्रस्तुतिः

सव्ये भवत्याः सरयूसमेता सम्येयमाभाति पुरी रघूणाम् ।
दयाविपाकेन चराचराणां दिव्यं पदं यत्र दिदेश रामः॥

मूलम्

विश्वास-प्रस्तुतिः

तमालषण्डैस्तमसेव दृष्टैर्वामेतरो वामविलोचने नः।
वसुन्धराकुन्तलकान्तिचोरैः कान्तैरसौ भाति कलिन्दशैलः॥

मूलम्

विश्वास-प्रस्तुतिः

दिवाकरेणात्र बिलेषु नूनं बन्दीकृतानां बहुलक्षपाणाम्।
छायाविशेषैः प्रचितैस्तदर्हमाप्यायनामारचयन्ति वृक्षाः॥

मूलम्

विश्वास-प्रस्तुतिः

इतः प्रभूतात् पितुराव्रजन्ती कालिन्द्यसौ कालियदोषमुक्ता।
समेत्य सख्येव सुरस्रवन्त्या सरित्पतिं शुद्धिमती प्रयाति ॥

मूलम्

विश्वास-प्रस्तुतिः

स्वमूलशैलस्य विभाति शृङ्गे धातूपरक्ते सवितुस्सुतेयम् ।
महावराहस्य महीव पूर्वं दंष्ट्राङ्कुरे दानवशोणिताङ्के ॥

मूलम्

विश्वास-प्रस्तुतिः

यमस्वसुस्तन्वि यथार्थनामा मान्या समीपे मधुरा बिभाति ।
सुपर्वणां यत्र सभां सुधर्मा भूमेरहं भूषणतामनैषम् ॥

मूलम्

विश्वास-प्रस्तुतिः

पिबत्यसौ पश्चिमदक्षिणाशां नूनं खगेशोयमनूनवेगः।
विलोकितानामिह न व्यवस्था नेदीयसां देवि दवीयसां वा ॥

मूलम्

विश्वास-प्रस्तुतिः

त्रयीमयस्तन्वि तवौपवाह्यः कालक्रमादापनतो धरण्याम् ।
सामाभिरामध्वनिभिः समन्तात् पक्षानिलैर्मार्जयतीव दोषान् ॥

मूलम्

विश्वास-प्रस्तुतिः

आ पश्चिमादम्बुनिधेरवन्ध्या शरत्प्रसूतैः क्षितिरस्य सस्यैः।
दिवौकसां दर्शितभागधेया दिशत्यसौ लोचनदिष्टवृद्धिम् ॥

मूलम्

विश्वास-प्रस्तुतिः

सरित्प्रवाहैर्व्यतिकीर्यमाणैः सङ्कल्पयोनेरिव शिल्पभेदैः।
पश्य प्रिये त्वं परिवृत्य किञ्चित् दिव्योपमान् जानपदान् विशेषान् ॥

मूलम्

विश्वास-प्रस्तुतिः

तवैष जीर्णश्चलयन् पुरस्तात् विद्युन्मयीं वेत्रलतां प्रतन्वीम् ।
बिभर्ति शुद्धो धृतकञ्चुकश्रीः प्रायः प्रतीहारपदं पयोदः॥

मूलम्

विश्वास-प्रस्तुतिः

आदाय शालिस्तबकान् अदूरात् प्राप्ता शुकश्रेणिरसौ विभाति ।
त्वदागमप्रीतशरत्प्रयुक्ता वैहायसी वन्दनमालिकेव ॥

मूलम्

विश्वास-प्रस्तुतिः

आरक्तफुल्लैररविन्दिनीनां सूनैरमी नूतनसूर्यकल्पैः।
त्वत्कान्तिमाध्वीमनुभूय रक्तैर्नेत्रैरिवाभान्ति समुद्रदाराः॥

मूलम्

विश्वास-प्रस्तुतिः

करेणुकाभिः सह गाहमानाः पयः प्रसन्नं शरदापगानाम् ।
अमी निमीलन्नयनाः कपोलैराविर्मदैराविलयन्ति नागाः॥

मूलम्

विश्वास-प्रस्तुतिः

स एष सप्तच्छदरेणुजालैः क्रीडन्निवालिम्पति गन्धवाहः।
वन्यद्विपानां व्रजतां प्रतीपं मदप्रवाहैर्मलिनान् कपोलान् ॥

मूलम्

विश्वास-प्रस्तुतिः

अभिन्नवर्णा गृहिणीव भव्या वेलाटवी वारिनिधेर्विभाति ।
नित्यानुभूतामपि नव्यबुद्ध्या रसैरसौ निर्विशतीव हृष्यन् ॥

मूलम्

विश्वास-प्रस्तुतिः

तरङ्गवेगात् तरलाम्बुधारी गृह्णात्यसौ गारुडरत्नवर्णः।
वसुन्धरावारिरुहस्य पार्श्वै सिद्धोदयां श्यामलपत्रशोभाम्॥

मूलम्

विश्वास-प्रस्तुतिः

विभाति पर्यन्तमही पयोधेः फेनैरसौ वीचिकरप्रकीर्णैः।
अभ्यर्चितानां त्रिदशातिथीनामाहारशेषैरिव पर्युदस्तैः॥

मूलम्

विश्वास-प्रस्तुतिः

प्रवालवह्नौ परिदीप्यमाने मुञ्चन्त्यसौ मौक्तिकलाजवर्षम् ।
अमुष्य वेला धृतवेपथुस्ते वैवाहिकीं स्मारयति स्म वेलाम् ॥

मूलम्

विश्वास-प्रस्तुतिः

स्वसम्भवं सम्प्रति पारिजातं दृष्ट्वा चिरप्रोषितसंनिवृत्तम् ।
आलिङ्गनार्थीव तरङ्गहस्तान् आविर्मणीन् उन्नमयत्युदन्वान् ।

मूलम्

विश्वास-प्रस्तुतिः

अहीन्द्रनिश्वासमरुत्प्रणुन्नैरावर्तसम्भेदिभिरेष फेनैः।
उपायनं दित्सुरिवाम्बुधिस्ते मुक्तातपत्राणि मुहुः प्रसूते ॥

मूलम्

विश्वास-प्रस्तुतिः

वेलाचलादर्भकपञ्चवक्त्रान् विहङ्गपातेन जिघृक्षमाणान्।
निमज्जनोन्मज्जनवेगभूम्ना मातङ्गयादांसि विलोभयन्ति ॥

मूलम्

विश्वास-प्रस्तुतिः

प्रवालमुक्तामणिभिः प्रदिष्टैः प्रत्याहृतैः पत्रलताङ्कुराद्यैः।
अन्योन्यभूषापरिवृत्तिलीलां करोत्यसौ कूलभुवा पयोधिः॥

मूलम्

विश्वास-प्रस्तुतिः

वर्णं महानीलमणिप्रकाशैः स्मितद्युतिं मौक्तिकचन्द्रिकाभिः।
बिम्बाधरं विद्रुमभङ्गभेदैः व्यनक्त्यसौ तन्वि तवाम्बुराशिः॥

मूलम्

विश्वास-प्रस्तुतिः

विवृण्वती बाडबवह्निदीप्तिं विद्योतते विद्रिमपङ्क्तिरेषा ।
देवेन सम्पीडितयोस्त्रिधाम्ना दैत्येन्द्रयोरान्त्रपरम्परेव ॥

मूलम्

विश्वास-प्रस्तुतिः

महावराहस्य खुराद्रिघातैः क्षुण्णः प्रविद्धो रघुवीरबाणैः।
विसंस्थुलद्वीपतयोपलक्ष्यैर्वीरव्रणैरेष बिभाति रूढैः॥

मूलम्

विश्वास-प्रस्तुतिः

सम्भृत्य तोयं सहसोज्जिहानान् सेन्द्रायुधान् पश्य घनान् सनादान्।
उदन्वना दुर्जयमन्तरिक्षं जेतुं प्रवृत्तानिव तस्य पुत्रान् ॥

मूलम्

विश्वास-प्रस्तुतिः

अपां तरङ्गैरयमन्तरङ्गैराप्लावयिष्यन् समये धरित्रीम् ।
समीनयूधस्तनुते सरस्वान् सन्नाहगन्धीनि गतागतानि ॥

मूलम्

विश्वास-प्रस्तुतिः

असौ परप्रेमपदं स्वभावादापूर्यमाणो महता रसेन।
आत्मेव दृष्टः सहसा प्रजानामदर्शनेच्छामितरेषु दत्ते ॥

मूलम्

विश्वास-प्रस्तुतिः

गरुत्मतः कम्पितदिव्यवृक्षं पक्षानिलं पातुमुपेत्य नागाः।
वितन्वतेबालमणिप्रकाशैरसूर्यबालातपमन्तरिक्षम् ॥

मूलम्

विश्वास-प्रस्तुतिः

मरुद्भिराघूर्णितसाद्रिनागैर्वेगोद्भवैरस्य विमथ्यमानः।
उत्क्षिप्तशङ्खप्रकरापदेशात् भूयः सुधामुद्गिरतीव सिन्धुः॥

मूलम्

विश्वास-प्रस्तुतिः

दोधूयमानं विविधोर्मियोगात् छायागरुत्मन्तमवेक्ष्य भीताः।
आवर्तशैलीमभिनेतुमिच्छन्त्यङ्गैरमी कुण्डलितैर्भुजङ्गाः॥

मूलम्

विश्वास-प्रस्तुतिः

सफेनहासो जटिलः प्रवालैरुद्वर्तयन् ऊर्मिभुजैर्भुजङ्गान्।
विडम्बयत्येष निसर्गभीमः कस्यापि कल्पान्तनटस्य लीलाम् ॥

मूलम्

विश्वास-प्रस्तुतिः

अशेषतः सोयमचिन्त्यभूमा कुम्भीकुमारेण निपीतवान्तः।
सिष्णासया सम्पततोपि दृष्ट्वा द्विजाधिपान् वेपत इत्यवैमि॥

मूलम्

विश्वास-प्रस्तुतिः

प्रदर्शितात्मभ्रमणेन नूनं प्रत्यायितां मन्दरनर्तकेन ।
सव्यापसव्यैर्भ्रमणैस्तरस्वी रम्यामसौ पुष्यति रासलीलाम् ॥

मूलम्

विश्वास-प्रस्तुतिः

तैस्तैरसौ निर्मथितो विधूतः संक्षोभितो बन्धनपीडन्द्यैः।
प्रसादगाम्भीर्यनिधिः प्रथिम्ना क्षमान्वयं नोज्झति शीतलात्मा ॥

मूलम्

विश्वास-प्रस्तुतिः

विमथ्य विश्राणितमेतदीयं दैत्यद्विषा देवि मरुत्वदाद्याः।
सारं पिबन्तस्त्रिदशाः कदापि द्राघीयसीं नानुभवन्ति निद्राम् ॥

मूलम्

विश्वास-प्रस्तुतिः

कलत्रवन्तं पुरुषं पुराणं कपालिनं चन्द्रकलावतंसम् ।
ऐरावताद्यैः प्रचितान् अकार्षीत् वैमानिकान् एष महावदान्यः॥

मूलम्

विश्वास-प्रस्तुतिः

इदं जगद्दर्शिततारतम्यं यद्भ्रूलतालास्यविशेषनिघ्नम् ।
प्रजापतीनां जननीमजन्यां तामेष देवीमनघामसूत ॥

मूलम्

विश्वास-प्रस्तुतिः

वराय दत्त्वा निरवद्ययूने कन्यामसौ कौस्तुभयौतकं च ।
महोत्सवे वाहनभोजनाद्यैरानर्च देवान् इतरान् यथार्हम् ॥

मूलम्

विश्वास-प्रस्तुतिः

जगन्त्यशेषाणि यदेकदेशे पर्यङ्कतां तस्य गतः प्रथिम्ना।
अलङ्घनीयं महिमानमन्यैर्भजत्यसौ भावितशेषभावः॥

मूलम्

विश्वास-प्रस्तुतिः

अनर्घमाद्यं हरिनीलरत्नं लक्ष्मीदृशा नित्यनिदर्शनीयम् ।
नभः प्रतिच्छन्दनिभेन नूनमन्तर्गतं व्यञ्जयति स्वधाम्ना ॥

मूलम्

विश्वास-प्रस्तुतिः

मधुद्विषो वर्णमुषां मणीनां त्रासव्यपायेपि तिरोहितानाम् ।
उदन्तमाख्यातुमिवोर्मिमाली करान् असौ कर्षति वीचिहस्तैः॥

मूलम्

विश्वास-प्रस्तुतिः

पश्यामि सौहार्दवतां तवाक्ष्णा तरङ्गनिम्नोन्नतलङ्घनेन।
उद्वर्तितानां महसां मणीनामूर्ध्वं प्रसर्पन्तमिवोर्मिमन्तम्॥

मूलम्

विश्वास-प्रस्तुतिः

अन्वेषयन् दित्सितदक्षिणोहमाचार्यसान्दीपिनिसूनुवृत्तम् ।
आविष्टशङ्खासुरसन्निवेशं प्राञ्चं महाशङ्खमिहान्वविन्दम् ॥

मूलम्

यादोनिधाने यदुराजधान्याः सम्प्राप्तये सेतुरिहोपक्लृप्तः॥

रामेण सीतापतिना निबद्धे लङ्कापथे लाघवमादधाति ॥

विश्वास-प्रस्तुतिः

अमूनि कैलासनिभान्यदूरात् सिद्धाङ्गनासेव्यलतागृहाणि ।
पुण्यानि सत्ये पुलिनानि सिन्धोश्चिरेण दृष्टिं चरितार्थयन्ति ॥

मूलम्

विश्वास-प्रस्तुतिः

तटप्रदेशेषु तरङ्गहस्तैः प्रसारयन् सम्प्रति फेनपङ्क्तीः।
सभाजनार्थं तनुते भवत्याः प्रायः पदन्यासपटीमुदन्वान् ॥

मूलम्

विश्वास-प्रस्तुतिः

विलङ्घयन् व्योमपथेन सिन्धुं त्वद्दर्शने दीप्तकुतूहलानाम् ।
रथस्तवासौ त्वरयातिशेते मनोरथं विष्णुपदीवधूनाम् ॥

मूलम्

विश्वास-प्रस्तुतिः

सुरद्रुमस्त्वद्विरहालसानां तवागमं सूचयितुं सखीनाम् ।
मधुव्रतीनां मधुरैः प्रणादैः प्रियंवदं प्रेषयतीव गन्धम् ॥

मूलम्

विश्वास-प्रस्तुतिः

विजित्य सङ्ख्ये नरकं सनाकं प्रत्यागतं मां प्रतिगन्तुकामाः।
पौराः प्रहर्षोपनतैः प्रणादैरम्भोनिधेरन्तरयन्ति घोषान्॥

मूलम्

विश्वास-प्रस्तुतिः

विधाय तार्क्ष्यं गगनाब्धिपोतं सार्धं मया देवि समाव्रजन्तीम् ।
प्रत्युद्गतेव प्रतिभाति भव्या दूरादियं द्वारवती पुरी त्वाम् ॥

मूलम्

विश्वास-प्रस्तुतिः

निबद्धजैत्रध्वजपङ्क्तिरम्या पुष्पैरसौ पूरितराजमार्गा ।
सदामजान्बूनदतोरणश्रीः सौधत्विषा सूचयतीव हर्षम् ॥

मूलम्

विश्वास-प्रस्तुतिः

पदे परस्मिन्निव नित्यमस्यां शुद्धेन सत्त्वेन विभूषितायाम् ।
धर्मस्य वासाः प्रथिताः पृथिव्यां सरित्पतौ गोष्पदवद्भवन्ति ॥

मूलम्

विश्वास-प्रस्तुतिः

स्वरश्मिनिष्पादितसूर्यभेदामर्चिर्मुखैरञ्चितभव्यभागाम् ।
निवृत्तिधर्मे नियतस्थितीनां नैश्श्रेयसीं पद्धतिमाहुरेनाम् ॥

मूलम्

विश्वास-प्रस्तुतिः

सौधोपरुद्धत्रिदिवावकाशं छायासमाक्रान्तभुजङ्गलोकाम् ।
पुरीमिमां भूषितसिन्धुमध्यां कुत्र स्थितां वेत्सि कुतोमुखां वा ॥

मूलम्

विश्वास-प्रस्तुतिः

उदन्वता खातवती समन्तादयत्नवप्रायिततुङ्गवेला ।
न शक्यते सात्यकिना सनाथा नाथैः सुराणामपि जेतुमेषा ॥

मूलम्

विश्वास-प्रस्तुतिः

प्राकारचक्रं यदुराजधान्याः पश्यैतदुत्तुङ्गमसूर्यलङ्घ्यम् ।
यद्भावमेवं भजते यथार्थं सङ्कोचमृच्छन्निव चक्रशैलः॥

मूलम्

विश्वास-प्रस्तुतिः

निर्मुक्तशेषोरगनिर्विशेषैर्निकेतनैरुन्नमितान्तरिक्षम् ।
उदग्रतालध्वजमेतदग्रे सीमान्तरं सीरभृतो गुरोर्नः॥

मूलम्

विश्वास-प्रस्तुतिः

अभैमसम्भाव्यविभूतियोगं हैमं सुरत्नैरचिरोपनीतैः।
अनुत्तमादुत्तरमार्यधाम्नः ख्यादं त्वया गेहमिदं मदीयम् ॥

मूलम्

विश्वास-प्रस्तुतिः

प्रतीक्षमाणान् अधिचन्द्रशालं पश्य त्वया शिक्षितचारुलास्यान् ।
त्वत्केशहस्तस्वजनैः कलापैर्गोपानसीश्छादयतो मयूरान् ॥

मूलम्

विश्वास-प्रस्तुतिः

आहारभेदैरुचितैर्भवत्या संरक्षितानां तनयाभिमानात्।
शृणुत्वदालोकनतर्षभाजां प्रजल्पितं पञ्जरशारिकाणाम् ॥

मूलम्

विश्वास-प्रस्तुतिः

सीमन्तमुक्तामणि सन्निकर्षाते प्रसूतिचित्रीकृतशुक्तिरम्याः।
अमी पुरस्तात् भवतीसखीनामन्तर्मुदामञ्जलयः स्वदन्ते ॥

मूलम्

विश्वास-प्रस्तुतिः

मायाधिकेन विधिना मनसेव सृष्टैराभाति यादवगृहैरनघा पुरीयम् ।
नाभागनाहुषनलादिनराधिपानामाजानसम्पदपहासमिवादधानैः।

मूलम्

विश्वास-प्रस्तुतिः

नित्यं धनेशनगरीं निधिभिः प्रभूतामाखण्डलेन महिताममरावतीं च ।
प्रत्येकधामविभवैः परिभूय दृप्ता सौधैरियं प्रहसतीव सुधावदातैः॥

मूलम्

विश्वास-प्रस्तुतिः

इत्यालपन्तमथ तार्क्ष्यरथेन कृष्णे हेमाद्रिणा हरितशैलमिवोपनीतम् ।
पौराः समीक्ष्य मुदिताः सह वल्लभाभिः पद्मावृतां दिवमकुर्वत दृष्टिपातैः॥

मूलम्

विश्वास-प्रस्तुतिः

प्रत्युद्गतप्रियसखीजनदत्तहस्तां सत्यां त्रयीमयरथादवतारयिष्यन्।
नाथस्तदा नगरमध्यनभःप्रदेशादासीदति स्म निजसौधसमीपरथ्याम् ॥

मूलम्

विश्वास-प्रस्तुतिः

व्यतिकरितसुवेलां विश्वकर्मप्रसूतिं लवणजलधिगुप्तामाप लङ्कामिवान्याम्।
धनपतिबहुमान्यां धर्मसेतुर्यदूनां दुरधिगमसमीपां द्वारकां राजधानीम् ॥

मूलम्

विश्वास-प्रस्तुतिः

विजयिनमुपयातं वीक्ष्य सत्यासहायं व्यतनुत मुदितेव द्वारका वन्दिकृत्यम् ।
अमरतरुसमीरैः प्रेषितैराहृतानामुपवनमधुपानामुन्मदानां प्रणादैः॥

मूलम्

विश्वास-प्रस्तुतिः

स्तुतिशतमुखराभिः स्वर्गनेतुः स जेता सविनयमनुयातः सत्यभामासखीभिः।
निजमगमदगारं निर्विशन् प्रेयसीनां स्मरशरशयितानां मन्दमभ्युत्थितानि ॥

मूलम्

विश्वास-प्रस्तुतिः

अभिगतमुषया तदानिरुद्धं बलितनयेन बलीयसा निरुद्धम् ।
यदुपरिषदि सर्वलोकदर्शी कलहरुचिः कथयाम्बभूव योगी ॥

मूलम्

बाणाभिख्यं बलिसुतमथो बद्धबन्धुं जिगीषुः
सेनोत्थानं सुमहति पुरे श्वस्तनं घोषयित्वा ।
चिन्तारूढत्रिभुवनहितश्चिन्तनीयो मुनीनां
वासागारं प्रभुरधिगतो वासतेयीं निनाय ॥