विश्वास-प्रस्तुतिः
अणोरणीयसीं विष्णोर्महतोऽपि महीयसीम् ।
प्रपद्ये पादुकां नित्यं तत्पदेनैव सम्मिताम्॥ 25.1
मूलम्
अणोरणीयसीं विष्णोर्महतोऽपि महीयसीम् ।
प्रपद्ये पादुकां नित्यं तत्पदेनैव सम्मिताम्॥ 25.1
विश्वास-प्रस्तुतिः
प्रतितिष्ठति पादसंमितायां
त्वयि नित्यं मणिपादुके ! मुकुन्दः ।
इतरे तु परिच्छदास्त एते
विभवव्यञ्जनहेतवो भवन्ति॥ 25.2
मूलम्
प्रतितिष्ठति पादसंमितायां
त्वयि नित्यं मणिपादुके ! मुकुन्दः ।
इतरे तु परिच्छदास्त एते
विभवव्यञ्जनहेतवो भवन्ति॥ 25.2
विश्वास-प्रस्तुतिः
तव रङ्गनरेन्द्रपादरक्षे !
प्रकृतिः सन्नपि भक्तिपारतन्त्र्यात् ।
भवतीं वहतीव पन्नगेन्द्रः
प्रथितस्वस्तिकलक्षणैः शिरोभिः॥ 25.3
मूलम्
तव रङ्गनरेन्द्रपादरक्षे !
प्रकृतिः सन्नपि भक्तिपारतन्त्र्यात् ।
भवतीं वहतीव पन्नगेन्द्रः
प्रथितस्वस्तिकलक्षणैः शिरोभिः॥ 25.3
विश्वास-प्रस्तुतिः
परस्य पुंसः पदसन्निवेशान्
प्रयुञ्जते भावितपञ्चरात्राः ।
अघप्रतीपानपदिश्य पुण्ड्रान्
अङ्गेषु रङ्गेशयपादुके ! त्वाम्॥ 25.4
मूलम्
परस्य पुंसः पदसन्निवेशान्
प्रयुञ्जते भावितपञ्चरात्राः ।
अघप्रतीपानपदिश्य पुण्ड्रान्
अङ्गेषु रङ्गेशयपादुके ! त्वाम्॥ 25.4
विश्वास-प्रस्तुतिः
विमृश्य रङ्गेन्द्रपतिंवरायाः
श्रुतेः स्थितां मूर्धनि पादुके ! त्वाम् ।
बध्नन्ति वृद्धाः समये वधूनां
त्वन्मुद्रितान्याभरणानि मौळौ॥ 25.5
मूलम्
विमृश्य रङ्गेन्द्रपतिंवरायाः
श्रुतेः स्थितां मूर्धनि पादुके ! त्वाम् ।
बध्नन्ति वृद्धाः समये वधूनां
त्वन्मुद्रितान्याभरणानि मौळौ॥ 25.5
विश्वास-प्रस्तुतिः
वहन्ति रङ्गेश्वरपादरक्षे !
दीर्घायुषां दर्शितभक्तिबन्धाः ।
आशाधिपानामवरोधनार्यः
त्वन्मुद्रिकां मङ्गळहेमसूत्रैः॥ 25.6
मूलम्
वहन्ति रङ्गेश्वरपादरक्षे !
दीर्घायुषां दर्शितभक्तिबन्धाः ।
आशाधिपानामवरोधनार्यः
त्वन्मुद्रिकां मङ्गळहेमसूत्रैः॥ 25.6
विश्वास-प्रस्तुतिः
व्यूहक्रमेण प्रथितारमग्रे
सन्दर्शयन्तीं मणिपादुके ! त्वाम् ।
पातुं त्रिलोकीं पदपद्मभाजं
सौदर्शनीं शक्तिमवैमि शौरेः॥ 25.7
मूलम्
व्यूहक्रमेण प्रथितारमग्रे
सन्दर्शयन्तीं मणिपादुके ! त्वाम् ।
पातुं त्रिलोकीं पदपद्मभाजं
सौदर्शनीं शक्तिमवैमि शौरेः॥ 25.7
विश्वास-प्रस्तुतिः
बद्धासिका कनकपङ्कजकर्णिकायां
मध्ये कृशा मुररिपोर्मणिपादुके ! त्वम् ।
सन्दृश्यसे सरसिजासनया गृहीतं
रूपान्तरं किमपि रङ्गविहारयोग्यम्॥ 25.8
मूलम्
बद्धासिका कनकपङ्कजकर्णिकायां
मध्ये कृशा मुररिपोर्मणिपादुके ! त्वम् ।
सन्दृश्यसे सरसिजासनया गृहीतं
रूपान्तरं किमपि रङ्गविहारयोग्यम्॥ 25.8
विश्वास-प्रस्तुतिः
मानोचितस्य मदधीनजनस्य नित्यं
मा भूदतः कृपणतेति विचिन्तयन्त्या ।
बन्दीकृतं ध्रुवमवैमि वलग्नदेशे
कार्श्यं त्वया कमललोचनपादरक्षे !॥ 25.9
मूलम्
मानोचितस्य मदधीनजनस्य नित्यं
मा भूदतः कृपणतेति विचिन्तयन्त्या ।
बन्दीकृतं ध्रुवमवैमि वलग्नदेशे
कार्श्यं त्वया कमललोचनपादरक्षे !॥ 25.9
विश्वास-प्रस्तुतिः
मध्ये कृशामुभयतः प्रतिपन्नवृद्धिं
मन्ये समीक्ष्य भवतीं मणिपादरक्षे ! ।
नित्यं मुकुन्दपदसङ्गमविप्रयोगौ
निश्चिन्वते कृतधियः सुखदुः खकाष्ठाम्॥ 25.10
मूलम्
मध्ये कृशामुभयतः प्रतिपन्नवृद्धिं
मन्ये समीक्ष्य भवतीं मणिपादरक्षे ! ।
नित्यं मुकुन्दपदसङ्गमविप्रयोगौ
निश्चिन्वते कृतधियः सुखदुः खकाष्ठाम्॥ 25.10
विश्वास-प्रस्तुतिः
रङ्गेशितुश्चरणपङ्कजयोर्भजन्ती
रक्षाप्रसाधनविकल्पसहामवस्थाम् ।
मान्याकृतिर्निविशसे मणिपादरक्षे !
मध्ये परिच्छदविभूषणवर्गयोस्त्वम्॥ 25.11
मूलम्
रङ्गेशितुश्चरणपङ्कजयोर्भजन्ती
रक्षाप्रसाधनविकल्पसहामवस्थाम् ।
मान्याकृतिर्निविशसे मणिपादरक्षे !
मध्ये परिच्छदविभूषणवर्गयोस्त्वम्॥ 25.11
विश्वास-प्रस्तुतिः
अङ्गान्तरेषु निहितान्यखिलानि कामं
पर्यायकल्पनसहानि विभूषणानि ।
नित्यं मुकुन्दपदपद्मतलानुरूपं
नैपथ्यमम्ब ! भवती नयनाभिरामम्॥ 25.12
मूलम्
अङ्गान्तरेषु निहितान्यखिलानि कामं
पर्यायकल्पनसहानि विभूषणानि ।
नित्यं मुकुन्दपदपद्मतलानुरूपं
नैपथ्यमम्ब ! भवती नयनाभिरामम्॥ 25.12
विश्वास-प्रस्तुतिः
ये नाम भक्तिनियतैस्तव सन्निवेशं
निर्विश्य नेत्रयुगळैर्न भजन्ति तृप्तिम् ।
कालक्रमेण कमलेक्षणपादरक्षे !
प्रायेण ते परिणमन्ति सहस्रनेत्राः॥ 25.13
मूलम्
ये नाम भक्तिनियतैस्तव सन्निवेशं
निर्विश्य नेत्रयुगळैर्न भजन्ति तृप्तिम् ।
कालक्रमेण कमलेक्षणपादरक्षे !
प्रायेण ते परिणमन्ति सहस्रनेत्राः॥ 25.13
विश्वास-प्रस्तुतिः
पदमप्रमाणमिति वादिनां मतं
मधुजित्पदे महति मास्म भूदिति ।
व्युदपादि तस्य चरणावनि ! त्वया
निगमात्मनस्तव समप्रमाणता॥ 25.14
मूलम्
पदमप्रमाणमिति वादिनां मतं
मधुजित्पदे महति मास्म भूदिति ।
व्युदपादि तस्य चरणावनि ! त्वया
निगमात्मनस्तव समप्रमाणता॥ 25.14
विश्वास-प्रस्तुतिः
अप्रभूतमभवज्जगत्त्रयं
यस्य मातुमुदितस्य पादुके ! ।
अप्रमेयममितस्य तत्पदं
नित्यमेव ननु सम्मितं त्वया॥ 25.15
मूलम्
अप्रभूतमभवज्जगत्त्रयं
यस्य मातुमुदितस्य पादुके ! ।
अप्रमेयममितस्य तत्पदं
नित्यमेव ननु सम्मितं त्वया॥ 25.15
विश्वास-प्रस्तुतिः
आलवालमिव भाति पादुके !
पादपस्य भवती मधुद्विषः ।
यत्समीपविनतस्य शूलिनः
सारिणी भवति मौळिनिम्नगा॥ 25.16
मूलम्
आलवालमिव भाति पादुके !
पादपस्य भवती मधुद्विषः ।
यत्समीपविनतस्य शूलिनः
सारिणी भवति मौळिनिम्नगा॥ 25.16
विश्वास-प्रस्तुतिः
मोदमानमुनिबृन्दषट्पदा
भाति मुक्तिमकरन्दवर्षिणी ।
काऽपि रङ्गनृपतेः पदाम्बुजे
कर्णिका कनकपादुकामयी॥ 25.17
मूलम्
मोदमानमुनिबृन्दषट्पदा
भाति मुक्तिमकरन्दवर्षिणी ।
काऽपि रङ्गनृपतेः पदाम्बुजे
कर्णिका कनकपादुकामयी॥ 25.17
विश्वास-प्रस्तुतिः
युगपदनुविधास्यन् यौवतं तुल्यरागं
यदुपतिरधिचक्रे यावतो रूपभेदान् ।
तदिदमतिविकल्पं बिभ्रती सन्निवेशं
तव खलु पदरक्षे ! तावती मूर्तिरासीत्॥ 25.18
मूलम्
युगपदनुविधास्यन् यौवतं तुल्यरागं
यदुपतिरधिचक्रे यावतो रूपभेदान् ।
तदिदमतिविकल्पं बिभ्रती सन्निवेशं
तव खलु पदरक्षे ! तावती मूर्तिरासीत्॥ 25.18
विश्वास-प्रस्तुतिः
तत्तद्वृत्तेरनुगुणतया वामनीं व्यापिनीं वा
प्राप्ते रङ्गप्रथितविभवे भूमिकां सूत्रधारे ।
मन्ये विश्वस्थितिमयमहानाटिकां नेतुकामा
नानासंस्था भवति भवती पादुके ! नर्तकीव॥ 25.19
मूलम्
तत्तद्वृत्तेरनुगुणतया वामनीं व्यापिनीं वा
प्राप्ते रङ्गप्रथितविभवे भूमिकां सूत्रधारे ।
मन्ये विश्वस्थितिमयमहानाटिकां नेतुकामा
नानासंस्था भवति भवती पादुके ! नर्तकीव॥ 25.19
विश्वास-प्रस्तुतिः
माने परं समाने
प्रत्यक्षेणागमेनापि ।
हरिचरणस्य तवापि तु
वैषम्यं रक्ष्यरक्षकत्वाभ्याम्॥ 25.20
मूलम्
माने परं समाने
प्रत्यक्षेणागमेनापि ।
हरिचरणस्य तवापि तु
वैषम्यं रक्ष्यरक्षकत्वाभ्याम्॥ 25.20