विश्वास-प्रस्तुतिः
नमस्ते पादुके ! पुंसां संसारार्णवसेतवे ।
यदारोहस्य वेदान्ता वन्दिवैतालिकाः स्वयम् ॥ 9.1
मूलम्
नमस्ते पादुके ! पुंसां संसारार्णवसेतवे ।
यदारोहस्य वेदान्ता वन्दिवैतालिकाः स्वयम् ॥ 9.1
विश्वास-प्रस्तुतिः
उचितमुपचरिष्यन् रङ्गनाथ ! प्रभाते
विधिशिवसनकाद्यान् बाह्यकक्ष्यानिरुद्धान् ।
चरणकमलसेवासौख्यसाम्राज्यभाजां
प्रथमविहितभागां पादुकाम् आद्रियेथाः॥ 9.2
मूलम्
उचितमुपचरिष्यन् रङ्गनाथ ! प्रभाते
विधिशिवसनकाद्यान् बाह्यकक्ष्यानिरुद्धान् ।
चरणकमलसेवासौख्यसाम्राज्यभाजां
प्रथमविहितभागां पादुकाम् आद्रियेथाः॥ 9.2
विश्वास-प्रस्तुतिः
पद्माजुष्टं भजतु चरणं पादुका लब्धवारा
प्रत्यासन्नास्तव परिजनाः प्रातरास्थानयोग्याः ।
अर्धोन्मेषादधिकसुभगाम् अर्धनिद्रानुषङ्गां
नाभीपद्मे तव नयनयोर्नाथ ! पश्यन्तु शोभाम्॥ 9.3
मूलम्
पद्माजुष्टं भजतु चरणं पादुका लब्धवारा
प्रत्यासन्नास्तव परिजनाः प्रातरास्थानयोग्याः ।
अर्धोन्मेषादधिकसुभगाम् अर्धनिद्रानुषङ्गां
नाभीपद्मे तव नयनयोर्नाथ ! पश्यन्तु शोभाम्॥ 9.3
विश्वास-प्रस्तुतिः
उपनमति मुहूर्तं शेषसिद्धान्तसिद्धं
तदिह चरणरक्षा रङ्गनाथ त्वयैषा ।
मृदुपदमधिरूढा मञ्जुभिः शिञ्जितैः स्वैः
उपदिशतु जनानाम् उत्सवारम्भवार्ताम्॥ 9.4
मूलम्
उपनमति मुहूर्तं शेषसिद्धान्तसिद्धं
तदिह चरणरक्षा रङ्गनाथ त्वयैषा ।
मृदुपदमधिरूढा मञ्जुभिः शिञ्जितैः स्वैः
उपदिशतु जनानाम् उत्सवारम्भवार्ताम्॥ 9.4
विश्वास-प्रस्तुतिः
रङ्गाधीश ! मरुद्गणस्य मकुटादाम्नायबृन्दस्य वा
प्रत्यानीय समर्पिता विधिमुखैर्वारक्रमादागतैः ।
वाहारोहणसंभृतं श्रमभरं सम्यग्विनेतुं क्षमा
लीलासञ्चरणप्रिया स्पृशतु ते पादाम्बुजं पादुका ॥ 9.5
मूलम्
रङ्गाधीश ! मरुद्गणस्य मकुटादाम्नायबृन्दस्य वा
प्रत्यानीय समर्पिता विधिमुखैर्वारक्रमादागतैः ।
वाहारोहणसंभृतं श्रमभरं सम्यग्विनेतुं क्षमा
लीलासञ्चरणप्रिया स्पृशतु ते पादाम्बुजं पादुका ॥ 9.5
विश्वास-प्रस्तुतिः
वृत्तं क्रमेण बहुधा नियुतं विधीनाम्
अर्धं द्वितीयमिदम् अङ्कुरितं तवाह्नः ।
नीलासखीभिरुपनीय निवेश्यमाना
मङ्क्तुं प्रभो ! त्वरयते मणिपादुका त्वाम्॥ 9.6
मूलम्
वृत्तं क्रमेण बहुधा नियुतं विधीनाम्
अर्धं द्वितीयमिदम् अङ्कुरितं तवाह्नः ।
नीलासखीभिरुपनीय निवेश्यमाना
मङ्क्तुं प्रभो ! त्वरयते मणिपादुका त्वाम्॥ 9.6
विश्वास-प्रस्तुतिः
दिव्याप्सरोभिरुपदर्शितदीपवर्गे
रङ्गाधिराज ! सुभगे रजनीमुखेऽस्मिन् ।
संरक्षिणी चरणयोः सविलासवृत्तिः
नीराजनासनमसौ नयतु स्वयं त्वाम् ॥ 9.7
मूलम्
दिव्याप्सरोभिरुपदर्शितदीपवर्गे
रङ्गाधिराज ! सुभगे रजनीमुखेऽस्मिन् ।
संरक्षिणी चरणयोः सविलासवृत्तिः
नीराजनासनमसौ नयतु स्वयं त्वाम् ॥ 9.7
विश्वास-प्रस्तुतिः
आसनादुचितम् आसनान्तरं
रङ्गनाथ ! यदि गन्तुमीहसे ।
सन्नतेन विधिना समर्पितां
सप्रसादमधिरोह पादुकाम्॥ 9.8
मूलम्
आसनादुचितम् आसनान्तरं
रङ्गनाथ ! यदि गन्तुमीहसे ।
सन्नतेन विधिना समर्पितां
सप्रसादमधिरोह पादुकाम्॥ 9.8
विश्वास-प्रस्तुतिः
परिजनवनिताभिः प्रेषितः प्राञ्जलिस्त्वां
प्रणमति मदनोऽयं देव ! शुद्धान्तदासः ।
फणिपतिशयनीयं प्रापयित्री सलीलं
पदकमलमियं ते पादुका पर्युपास्ताम्॥ 9.9
मूलम्
परिजनवनिताभिः प्रेषितः प्राञ्जलिस्त्वां
प्रणमति मदनोऽयं देव ! शुद्धान्तदासः ।
फणिपतिशयनीयं प्रापयित्री सलीलं
पदकमलमियं ते पादुका पर्युपास्ताम्॥ 9.9
विश्वास-प्रस्तुतिः
इति निगमवन्दिवचसा समयेसमये गृहीतसङ्केतः ।
अभिसरति रङ्गनाथः प्रतिपदभोगाय पादुके! भवतीम् ॥9.10
मूलम्
इति निगमवन्दिवचसा समयेसमये गृहीतसङ्केतः ।
अभिसरति रङ्गनाथः प्रतिपदभोगाय पादुके! भवतीम् ॥9.10