५६ स्यमन्तकोपाख्यानम्

स्यमन्तकमणिकी कथा, जाम्बवती और सत्यभामाके साथ श्रीकृष्णका विवाह

श्रीशुक उवाच

सत्राजितः+++(←सत्रजित)+++ स्वतनयां
कृष्णाय कृत-किल्बिषः।
स्यमन्तकेन मणिना
स्वयम् उद्यम्य दत्तवान् १

सत्राजितः स्वतनयां कृष्णाय कृतकिल्बिषः।
स्यमन्तकेन मणिना स्वयमुद्यम्य दत्तवान्॥

श्रीशुकदेवजी कहते हैं—परीक्षित्! सत्राजित् ने श्रीकृष्णको झूठा कलंक लगाया था। फिर उस अपराधका मार्जन करनेके लिये उसने स्वयं स्यमन्तकमणि सहित अपनी कन्या सत्यभामा भगवान् श्रीकृष्णको सौंप दी॥ १॥

राजोवाच

सत्राजितः+++(←सत्रजित)+++ किम् अकरोद्
ब्रह्मन् कृष्णस्य किल्बिषः।
स्यमन्तकः कुतस् तस्य
कस्माद् दत्ता सुता हरेः २

सत्राजितः किमकरोद् ब्रह्मन् कृष्णस्य किल्बिषम्।
स्यमन्तकः कुतस्तस्य कस्माद् दत्ता सुता हरेः॥

राजा परीक्षित् ने पूछा—भगवन्! सत्राजित् ने भगवान् श्रीकृष्णका क्या अपराध किया था? उसे स्यमन्तकमणि कहाँसे मिली? और उसने अपनी कन्या उन्हें क्यों दी?॥ २॥

श्रीशुक उवाच

आसीत् सत्राजितः+++(←सत्रजित्)+++ सूर्यो
भक्तस्य परमः सखा।
प्रीतस् तस्मै मणिं प्रादात्
स च तुष्टः स्यमन्तकम् ३

आसीत् सत्राजितः सूर्यो भक्तस्य परमः सखा।
प्रीतस्तस्मै मणिं प्रादात् सूर्यस्तुष्टः स्यमन्तकम्॥

श्रीशुकदेवजीने कहा—परीक्षित्! सत्राजित् भगवान् सूर्यका बहुत बड़ा भक्त था। वे उसकी भक्तिसे प्रसन्न होकर उसके बहुत बड़े मित्र बन गये थे। सूर्य भगवान‍्ने ही प्रसन्न होकर बड़े प्रेमसे उसे स्यमन्तकमणि दी थी॥ ३॥

स तं बिभ्रन् मणिं कण्ठे
भ्राजमानो यथा रविः।
प्रविष्टो द्वारकां राजन्
तेजसा नोपलक्षितः ४

स तं बिभ्रन् मणिं कण्ठे भ्राजमानो यथा रविः।
प्रविष्टो द्वारकां राजंस्तेजसा नोपलक्षितः॥

सत्राजित् उस मणिको गलेमें धारणकर ऐसा चमकने लगा, मानो स्वयं सूर्य ही हो। परीक्षित्! जब सत्राजित् द्वारकामें आया, तब अत्यन्त तेजस्विताके कारण लोग उसे पहचान न सके॥ ४॥

तं विलोक्य जना दूरात्
तेजसा मुष्ट+++(=चुरित)+++-दृष्टयः+++([प्र५])+++।
+++(क्रीडार्थं)+++ दीव्यते ऽक्षैर् भगवते
शशंसुः सूर्य-शङ्किताः ५

तं विलोक्य जना दूरात्तेजसा मुष्टदृष्टयः।
दीव्यतेऽक्षैर्भगवते शशंसुः सूर्यशङ्किताः॥

दूरसे ही उसे देखकर लोगोंकी आँखें उसके तेजसे चौंधिया गयीं। लोगोंने समझा कि कदाचित् स्वयं भगवान् सूर्य आ रहे हैं। उन लोगोंने भगवान‍्के पास आकर उन्हें इस बातकी सूचना दी। उस समय भगवान् श्रीकृष्ण चौसर खेल रहे थे॥ ५॥

नारायण नमस् ते ऽस्तु
शङ्ख-चक्र-गदा-धर।
दामोदरारविन्दाक्ष
गोविन्द यदु-नन्दन ६

नारायण नमस्तेऽस्तु शङ्खचक्रगदाधर।
दामोदरारविन्दाक्ष गोविन्द यदुनन्दन॥

लोगोंने कहा—‘शंख-चक्र-गदाधारी नारायण! कमलनयन दामोदर! यदुवंशशिरोमणि गोविन्द! आपको नमस्कार है॥ ६॥

एष आयाति सविता
त्वां दिदृक्षुर् जगत्-पते।
मुष्णन् गभस्ति-चक्रेण
नृणां चक्षूंषि तिग्म-गुः ७

एष आयाति सविता त्वां दिदृक्षुर्जगत्पते।
मुष्णन् गभस्तिचक्रेण नृणां चक्षूंषि तिग्मगुः॥

जगदीश्वर! देखिये! अपनी चमकीली किरणोंसे लोगोंके नेत्रोंको चौंधियाते हुए प्रचण्डरश्मि भगवान् सूर्य आपका दर्शन करने आ रहे हैं॥ ७॥

नन्व् अन्विच्छन्ति ते मार्गं
त्रिलोक्यां विबुध-र्षभाः।
ज्ञात्वाद्य गूढं यदुषु
द्रष्टुं त्वां यात्य् अजः प्रभो ८

नन्वन्विच्छन्ति ते मार्गं त्रिलोक्यां विबुधर्षभाः।
ज्ञात्वाद्य गूढं यदुषु द्रष्टुं त्वां यात्यजः प्रभो॥

प्रभो! सभी श्रेष्ठ देवता त्रिलोकीमें आपकी प्राप्तिका मार्ग ढूँढ़ते रहते हैं; किन्तु उसे पाते नहीं। आज आपको यदुवंशमें छिपा हुआ जानकर स्वयं सूर्यनारायण आपका दर्शन करने आ रहे हैं’॥ ८॥

श्रीशुक उवाच

निशम्य बाल-वचनं
प्रहस्याम्बुज-लोचनः।
प्राह नासौ रविर् देवः
सत्राजिन् मणिना ज्वलन् ९

निशम्य बालवचनं प्रहस्याम्बुजलोचनः।
प्राह नासौ रविर्देवः सत्राजिन्मणिना ज्वलन्॥

श्रीशुकदेवजी कहते हैं—परीक्षित्! अनजान पुरुषोंकी यह बात सुनकर कमलनयन भगवान् श्रीकृष्ण हँसने लगे। उन्होंने कहा—‘अरे, ये सूर्यदेव नहीं हैं। यह तो सत्राजित् है, जो मणिके कारण इतना चमक रहा है॥ ९॥

सत्राजित् स्वगृहं श्रीमत्
कृत-कौतुक-मङ्गलम्।
प्रविश्य देव-सदने
मणिं +++(पुरोहित-)+++विप्रैर् न्यवेशयत् १०

सत्राजित् स्वगृहं श्रीमत् कृतकौतुकमङ्गलम्।
प्रविश्य देवसदने मणिं विप्रैर्न्यवेशयत्॥

इसके बाद सत्राजित् अपने समृद्ध घरमें चला आया। घरपर उसके शुभागमनके उपलक्ष्यमें मंगल-उत्सव मनाया जा रहा था। उसने ब्राह्मणोंके द्वारा स्यमन्तकमणिको एक देवमन्दिरमें स्थापित करा दिया॥ १०॥

दिने दिने स्वर्ण-भारान्
अष्टौ स सृजति प्रभो।
दुर्भिक्ष-मार्य्-अरिष्टानि
सर्पाधि-व्याधयो ऽशुभाः।
न सन्ति मायिनस् तत्र
यत्रास्ते ऽभ्यर्चितो मणिः ११

दिने दिने स्वर्णभारानष्टौ स सृजति प्रभो।
दुर्भिक्षमार्यरिष्टानि सर्पाधिव्याधयोऽशुभाः।
न सन्ति मायिनस्तत्र यत्रास्तेऽभ्यर्चितो मणिः॥

परीक्षित्! वह मणि प्रतिदिन आठ भार¹ सोना दिया करती थी। और जहाँ वह पूजित होकर रहती थी वहाँ दुर्भिक्ष, महामारी, ग्रहपीडा, सर्पभय, मानसिक और शारीरिक व्यथा तथा मायावियोंका उपद्रव आदि कोई भी अशुभ नहीं होता था॥ ११॥

स +++(सत्राजित्)+++ याचितो मणिं क्वापि
यदु-राजाय+++(=उग्रसेनाय)+++ शौरिणा+++(=शूरसेनपैत्रेण [कृष्णेन])+++।
नैवार्थ-कामुकः प्रादाद्
याच्ञा-भङ्गम् अतर्कयन् १२

स याचितो मणिं क्वापि यदुराजाय शौरिणा।
नैवार्थकामुकः प्रादाद् याच्ञाभङ्गमतर्कयन्॥

एक बार भगवान् श्रीकृष्णने प्रसंगवश कहा—‘सत्राजित्! तुम अपनी मणि राजा उग्रसेनको दे दो।’ परन्तु वह इतना अर्थलोलुप—लोभी था कि भगवान‍्की आज्ञाका उल्लंघन होगा, इसका कुछ भी विचार न करके उसे अस्वीकार कर दिया॥ १२॥

तम् एकदा मणिं कण्ठे
प्रतिमुच्य महाप्रभम्।
+++(सत्राजिद्-भ्राता)+++ प्रसेनो हयम् आरुह्य
मृगायां व्यचरद् वने १३

तमेकदा मणिं कण्ठे प्रतिमुच्य महाप्रभम्।
प्रसेनो हयमारुह्य मृगयां व्यचरद् वने॥

एक दिन सत्राजित् के भाई प्रसेनने उस परम प्रकाशमयी मणिको अपने गलेमें धारण कर लिया और फिर वह घोड़ेपर सवार होकर शिकार खेलने वनमें चला गया॥ १३॥

प्रसेनं सहयं हत्वा
मणिम् आच्छिद्य केशरी।
गिरिं विशन् जाम्बवता
निहतो मणिम् इच्छता १४

प्रसेनं सहयं हत्वा मणिमाच्छिद्य केसरी।
गिरं विशञ्जाम्बवता निहतो मणिमिच्छता॥

वहाँ एक सिंहने घोड़े सहित प्रसेनको मार डाला और उस मणिको छीन लिया। वह अभी पर्वतकी गुफामें प्रवेश कर ही रहा था कि मणिके लिये ऋक्षराज जाम्बवान् ने उसे मार डाला॥ १४॥

सोऽपि चक्रे कुमारस्य
मणिं क्रीडनकं बिले।

अपश्यन् भ्रातरं भ्राता
सत्राजित् पर्यतप्यत १५

सोऽपि चक्रे कुमारस्य मणिं क्रीडनकं बिले।
अपश्यन् भ्रातरं भ्राता सत्राजित् पर्यतप्यत॥

उन्होंने वह मणि अपनी गुफामें ले जाकर बच्चेको खेलनेके लिये दे दी। अपने भाई प्रसेनके न लौटनेसे उसके भाई सत्राजित् को बड़ा दुःख हुआ॥ १५॥

“प्रायः कृष्णेन निहतो
मणि-ग्रीवो वनं गतः।
भ्राता ममे"ति तच् छ्रुत्वा
कर्णे कर्णे ऽजपन् जनाः १६

प्रायः कृष्णेन निहतो मणिग्रीवो वनं गतः।
भ्राता ममेति तच्छ्रुत्वा कर्णे कर्णेऽजपञ्जनाः॥

वह कहने लगा, ‘बहुत सम्भव है श्रीकृष्णने ही मेरे भाईको मार डाला हो; क्योंकि वह मणि गलेमें डालकर वनमें गया था।’ सत्राजित् की यह बात सुनकर लोग आपसमें कानाफूसी करने लगे॥ १६॥

भगवांस् तद् उपश्रुत्य
दुर्यशो लिप्तम् आत्मनि।
मार्ष्टुं प्रसेन-पदवीम्
अन्वपद्यत नागरैः १७

भगवांस्तदुपश्रुत्य दुर्यशो लिप्तमात्मनि।
मार्ष्टुं प्रसेनपदवीमन्वपद्यत नागरैः॥

जब भगवान् श्रीकृष्णने सुना कि यह कलंकका टीका मेरे ही सिर लगाया गया है, तब वे उसे धो-बहानेके उद्देश्यसे नगरके कुछ सभ्य पुरुषोंको साथ लेकर प्रसेनको ढूँढ़नेके लिये वनमें गये॥ १७॥

हतं प्रसेनं अश्वं च
वीक्ष्य केशरिणा वने।
तं चाद्रिपृष्ठे निहतम्
ऋक्षेण ददृशुर् जनाः १८

हतं प्रसेनमश्वं च वीक्ष्य केसरिणा वने।
तं चाद्रिपृष्ठे निहतमृक्षेण ददृशुर्जनाः॥

वहाँ खोजते-खोजते लोगोंने देखा कि घोर जंगलमें सिंहने प्रसेन और उसके घोड़ेको मार डाला है। जब वे लोग सिंहके पैरोंका चिह्न देखते हुए आगे बढ़े, तब उन लोगोंने यह भी देखा कि पर्वतपर एक रीछने सिंहको भी मार डाला है॥ १८॥

ऋक्ष-राज-बिलं भीमम्
अन्धेन तमसा वृतम्।
एको विवेश भगवान्
अवस्थाप्य बहिः प्रजाः १९

ऋक्षराजबिलं भीममन्धेन तमसाऽऽवृतम्।
एको विवेश भगवानवस्थाप्य बहिः प्रजाः॥

भगवान् श्रीकृष्णने सब लोगोंको बाहर ही बिठा दिया और अकेले ही घोर अन्धकारसे भरी हुई ऋक्षराजकी भयंकर गुफामें प्रवेश किया॥ १९॥

तत्र दृष्ट्वा मणि-प्रेष्ठं
बाल-क्रीडनकं कृतम्।
हर्तुं कृत-मतिस् तस्मिन्न्
अवतस्थे ऽर्भकान्तिके २०

तत्र दृष्ट्वा मणिश्रेष्ठं बालक्रीडनकं कृतम्।
हर्तुं कृतमतिस्तस्मिन्नवतस्थेऽर्भकान्तिके॥

भगवान‍्ने वहाँ जाकर देखा कि श्रेष्ठ मणि स्यमन्तकको बच्चोंका खिलौना बना दिया गया है। वे उसे हर लेनेकी इच्छासे बच्चेके पास जा खड़े हुए॥ २०॥

तम् अपूर्वं नरं दृष्ट्वा
धात्री चुक्रोश भीतवत्।
तच् छ्रुत्वा ऽभ्यद्रवत् क्रुद्धो
जाम्बवान् बलिनां वरः २१

तमपूर्वं नरं दृष्ट्वा धात्री चुक्रोश भीतवत्।
तच्छ्रुत्वाभ्यद्रवत् क्रुद्धो जाम्बवान् बलिनां वरः॥

उस गुफामें एक अपरिचित मनुष्यको देखकर बच्चेकी धाय भयभीतकी भाँति चिल्ला उठी। उसकी चिल्लाहट सुनकर परम बली ऋक्षराज जाम्बवान् क्रोधित होकर वहाँ दौड़ आये॥ २१॥

स वै भगवता तेन
युयुधे स्वामिना ऽऽत्मनः।
पुरुषं प्राकृतं मत्वा
कुपितो नानुभाव-वित् २२

स वै भगवता तेन युयुधे स्वामिनाऽऽत्मनः।
पुरुषं प्राकृतं मत्वा कुपितो नानुभाववित्॥

परीक्षित्! जाम्बवान् उस समय कुपित हो रहे थे। उन्हें भगवान‍्की महिमा, उनके प्रभावका पता न चला। उन्होंने उन्हें एक साधारण मनुष्य समझ लिया और वे अपने स्वामी भगवान् श्रीकृष्णसे युद्ध करने लगे॥ २२॥

द्वन्द्व-युद्धं सुतुमुलम्
उभयोर् विजिगीषतोः।
आयुधाश्म-द्रुमैर् दोर्भिः
क्रव्यार्थे श्येनयोर् इव २३

द्वन्द्वयुद्धं सुतुमुलमुभयोर्विजिगीषतोः।
आयुधाश्मद्रुमैर्दोर्भिः क्रव्यार्थे श्येनयोरिव॥

जिस प्रकार मांसके लिये दो बाज आपसमें लड़ते हैं, वैसे ही विजयाभिलाषी भगवान् श्रीकृष्ण और जाम्बवान् आपसमें घमासान युद्ध करने लगे। पहले तो उन्होंने अस्त्र-शस्त्रोंका प्रहार किया, फिर शिलाओंका, तत्पश्चात् वे वृक्ष उखाड़कर एक-दूसरेपर फेंकने लगे। अन्तमें उनमें बाहुयुद्ध होने लगा॥ २३॥

आसीत् तद् अष्टाविंशाहम्
इतरेतर-मुष्टिभिः।
वज्र-निष्पेष-परुषैर्
अविश्रमम् अहर्-निशम् २४

आसीत्तदष्टाविंशाहमितरेतरमुष्टिभिः।
वज्रनिष्पेषपरुषैरविश्रममहर्निशम्॥

परीक्षित्! वज्र-प्रहारके समान कठोर घूँसोंसे आपसमें वे अट्ठाईस दिनतक बिना विश्राम किये रात-दिन लड़ते रहे॥ २४॥

कृष्ण-मुष्टि-विनिष्पात-
निष्पिष्टाङ्गोरु-बन्धनः।
क्षीण-सत्त्वः स्विन्न-गात्रस्
तम् आहातीव विस्मितः २५

कृष्णमुष्टिविनिष्पातनिष्पिष्टाङ्गोरुबन्धनः।
क्षीणसत्त्वः स्विन्नगात्रस्तमाहातीव विस्मितः॥

अन्तमें भगवान् श्रीकृष्णके घूँसोंकी चोटसे जाम्बवान् के शरीरकी एक-एक गाँठ टूट-फूट गयी। उत्साह जाता रहा। शरीर पसीनेसे लथपथ हो गया। तब उन्होंने अत्यन्त विस्मित—चकित होकर भगवान् श्रीकृष्णसे कहा—॥ २५॥

जाने त्वां सर्व-भूतानां
प्राण ओजः सहो बलम्।
विष्णुं पुराण-पुरुषं
प्रभविष्णुम् अधीश्वरम् २६

जाने त्वां सर्वभूतानां प्राण ओजः सहो बलम्।
विष्णुं पुराणपुरुषं प्रभविष्णुमधीश्वरम्॥

‘प्रभो! मैं जान गया। आप ही समस्त प्राणियोंके स्वामी, रक्षक, पुराणपुरुष भगवान् विष्णु हैं। आप ही सबके प्राण, इन्द्रियबल, मनोबल और शरीरबल हैं॥ २६॥

ओजः प्रवृत्तिसामर्थ्यं सहो वेगः बलन्धारणसामर्थ्यम् प्राणादीनां निर्वाहकमित्यर्थः ॥ २६ ॥

त्वं हि विश्व-सृजां स्रष्टा,
सृष्टानाम् अपि यच् च सत् +++(→त्रिषु गुणेषु प्रज्ञापूर्णांशः)+++।
कालः कलयताम्, ईशः
पर आत्मा तथात्मनाम् २७

त्वं हि विश्वसृजां स्रष्टा सृज्यानामपि यच्च सत्।
कालः कलयतामीशः पर आत्मा तथाऽऽत्मनाम्॥

आप विश्वके रचयिता ब्रह्मा आदिको भी बनानेवाले हैं। बनाये हुए पदार्थोंमें भी सत्तारूपसे आप ही विराजमान हैं। कालके जितने भी अवयव हैं, उनके नियामक परम काल आप ही हैं और शरीर-भेदसे भिन्न-भिन्न प्रतीयमान अन्तरात्माओंके परम आत्मा भी आप ही हैं॥ २७॥

यस्येषद्-उत्कलित-रोषकटाक्ष-मोक्षैर्
वर्त्मादिशत् क्षुभित-नक्र-तिमिङ्गलो ऽब्धिः।
सेतुः कृतः, स्वयश-उज्ज्वलिता च लङ्का
रक्षःशिरांसि भुवि पेतुर् इषु-क्षतानि २८

यस्येषदुत्कलितरोषकटाक्षमोक्षै-
र्वर्त्मादिशत् क्षुभितनक्रतिमिङ्गिलोऽब्धिः।
सेतुः कृतः स्वयश उज्ज्वलिता च लङ्का
रक्षःशिरांसि भुवि पेतुरिषुक्षतानि॥

प्रभो! मुझे स्मरण है, आपने अपने नेत्रोंमें तनिक-सा क्रोधका भाव लेकर तिरछी दृष्टिसे समुद्रकी ओर देखा था। उस समय समुद्रके अंदर रहनेवाले बड़े-बड़े नाक (घड़ियाल) और मगरमच्छ क्षुब्ध हो गये थे और समुद्रने आपको मार्ग दे दिया था। तब आपने उसपर सेतु बाँधकर सुन्दर यशकी स्थापना की तथा लंकाका विध्वंस किया। आपके बाणोंसे कट-कटकर राक्षसोंके सिर पृथ्वीपर लोट रहे थे (अवश्य ही आप मेरे वे ही ‘रामजी’ श्रीकृष्णके रूपमें आये हैं)’॥ २८॥

इति विज्ञात-विज्ञानम्
ऋक्ष-राजानम् अच्युतः।
व्याजहार महाराज
भगवान् देवकीसुतः २९

इति विज्ञातविज्ञानमृक्षराजानमच्युतः।
व्याजहार महाराज भगवान् देवकीसुतः॥

अभिमृश्यारविन्दाक्षः
पाणिना शं-करेण तम्।
कृपया परया भक्तं
मेघ-गम्भीरया गिरा ३०

अभिमृश्यारविन्दाक्षः पाणिना शङ्करेण तम्।
कृपया परया भक्तं प्रेमगम्भीरया गिरा॥

परीक्षित्! जब ऋक्षराज जाम्बवान् ने भगवान‍्को पहचान लिया, तब कमलनयन श्रीकृष्णने अपने परम कल्याणकारी शीतल करकमलको उनके शरीरपर फेर दिया और फिर अहैतुकी कृपासे भरकर प्रेम-गम्भीर वाणीसे अपने भक्त जाम्बवान् जी से कहा—॥ २९-३०॥

मणि-हेतोर् इह प्राप्ता
वयम् ऋक्ष-पते बिलम्।
मिथ्याभिशापं प्रमृजन्न्
आत्मनो मणिनामुना ३१

मणिहेतोरिह प्राप्ता वयमृक्षपते बिलम्।
मिथ्याभिशापं प्रमृजन्नात्मनो मणिनामुना॥

‘ऋक्षराज! हम मणिके लिये ही तुम्हारी इस गुफामें आये हैं। इस मणिके द्वारा मैं अपनेपर लगे झूठे कलंकको मिटाना चाहता हूँ’॥ ३१॥

इत्य् उक्तः स्वां दुहितरं
कन्यां जाम्बवतीं मुदा।
अर्हणार्थं स मणिना
कृष्णायोपजहार ह ३२

इत्युक्तः स्वां दुहितरं कन्यां जाम्बवतीं मुदा।
अर्हणार्थं स मणिना कृष्णायोपजहार ह॥

भगवान‍्के ऐसा कहनेपर जाम्बवान् ने बड़े आनन्दसे उनकी पूजा करनेके लिये अपनी कन्या कुमारी जाम्बवतीको मणिके साथ उनके चरणोंमें समर्पित कर दिया॥ ३२॥

अदृष्ट्वा निर्गमं शौरेः
प्रविष्टस्य बिलं जनाः।
प्रतीक्ष्य द्वादशाहानि
दुःखिताः स्वपुरं ययुः ३३

अदृष्ट्वा निर्गमं शौरेः प्रविष्टस्य बिलं जनाः।
प्रतीक्ष्य द्वादशाहानि दुःखिताः स्वपुरं ययुः॥

भगवान् श्रीकृष्ण जिन लोगोंको गुफाके बाहर छोड़ गये थे, उन्होंने बारह दिनतक उनकी प्रतीक्षा की। परन्तु जब उन्होंने देखा कि अबतक वे गुफामेंसे नहीं निकले, तब वे अत्यन्त दुःखी होकर द्वारकाको लौट गये॥ ३३॥

निशम्य देवकी देवी
रुक्मिण्य् आनक-दुन्दुभिः+++(=वसुदेवः)+++।
सुहृदो ज्ञातयो ऽशोचन्
बिलात् कृष्णम् अनिर्गतम् ३४

निशम्य देवकी देवी रुक्मिण्यानकदुन्दुभिः।
सुहृदो ज्ञातयोऽशोचन् बिलात् कृष्णमनिर्गतम्॥

वहाँ जब माता देवकी, रुक्मिणी, वसुदेवजी तथा अन्य सम्बन्धियों और कुटुम्बियोंको यह मालूम हुआ कि श्रीकृष्ण गुफामेंसे नहीं निकले, तब उन्हें बड़ा शोक हुआ॥ ३४॥

सत्राजितं शपन्तस् ते
दुःखिता द्वारकौकसः।
उपतस्थुश् चन्द्रभागां
दुर्गां कृष्णोपलब्धये ३५

सत्राजितं शपन्तस्ते दुःखिता द्वारकौकसः।
उपतस्थुर्महामायां दुर्गां कृष्णोपलब्धये॥

सभी द्वारकावासी अत्यन्त दुःखित होकर सत्राजित् को भला-बुरा कहने लगे और भगवान् श्रीकृष्णकी प्राप्तिके लिये महामाया दुर्गादेवीकी शरणमें गये, उनकी उपासना करने लगे॥ ३५॥

तेषां तु +++(दुर्गा-)+++देव्य्-उपस्थानात्
प्रत्यादिष्टाशिषा स च।
प्रादुर्-बभूव सिद्धार्थः
स+++(नव)+++दारो हर्षयन् हरिः ३६

तेषां तु देव्युपस्थानात् प्रत्यादिष्टाशिषा स च।
प्रादुर्बभूव सिद्धार्थः सदारो हर्षयन् हरिः॥

उनकी उपासनासे दुर्गादेवी प्रसन्न हुईं और उन्होंने आशीर्वाद दिया। उसी समय उनके बीचमें मणि और अपनी नववधू जाम्बवतीके साथ सफल मनोरथ होकर श्रीकृष्ण सबको प्रसन्न करते हुए प्रकट हो गये॥ ३६॥

उपलभ्य हृषीकेशं
मृतं पुनर् इवागतम्।
सह पत्न्या मणि-ग्रीवं
सर्वे जात-महोत्सवाः ३७

उपलभ्य हृषीकेशं मृतं पुनरिवागतम्।
सह पत्न्या मणिग्रीवं सर्वे जातमहोत्सवाः॥

सभी द्वारकावासी भगवान् श्रीकृष्णको पत्नीके साथ और गलेमें मणि धारण किये हुए देखकर परमानन्दमें मग्न हो गये, मानो कोई मरकर लौट आया हो॥ ३७॥

सत्राजितं समाहूय
सभायां राज-सन्निधौ।
प्राप्तिं चाख्याय भगवान्
मणिं तस्मै न्यवेदयत् ३८

सत्राजितं समाहूय सभायां राजसन्निधौ।
प्राप्तिं चाख्याय भगवान् मणिं तस्मै न्यवेदयत्॥

तदनन्तर भगवान‍्ने सत्राजित् को राजसभामें महाराज उग्रसेनके पास बुलवाया और जिस प्रकार मणि प्राप्त हुई थी, वह सब कथा सुनाकर उन्होंने वह मणि सत्राजित् को सौंप दी॥ ३८॥

स चाति-व्रीडितो रत्नं
गृहीत्वावाङ्-मुखस् ततः।
अनुतप्यमानो भवनम्
अगमत् स्वेन पाप्मना ३९+++(5)+++

स चातिव्रीडितो रत्नं गृहीत्वावाङ्मुखस्ततः।
अनुतप्यमानो भवनमगमत् स्वेन पाप्मना॥

सत्राजित् अत्यन्त लज्जित हो गया। मणि तो उसने ले ली, परन्तु उसका मुँह नीचेकी ओर लटक गया। अपने अपराधपर उसे बड़ा पश्चात्ताप हो रहा था, किसी प्रकार वह अपने घर पहुँचा॥ ३९॥

सोऽनुध्यायंस् तद् एवाघं
बलवद्-विग्रहाकुलः।
कथं मृजाम्य् आत्मरजः
प्रसीदेद् वा ऽच्युतः कथम् ४०

सोऽनुध्यायंस्तदेवाघं बलवद्विग्रहाकुलः।
कथं मृजाम्यात्मरजः प्रसीदेद् वाच्युतः कथम्॥

उसके मनकी आँखोंके सामने निरन्तर अपना अपराध नाचता रहता। बलवान् के साथ विरोध करनेके कारण वह भयभीत भी हो गया था। अब वह यही सोचता रहता कि ‘मैं अपने अपराधका मार्जन कैसे करूँ? मुझपर भगवान् श्रीकृष्ण कैसे प्रसन्न हों॥ ४०॥

किं कृत्वा साधु मह्यं स्यान्,
न शपेद् वा जनो यथा।
अदीर्घ-दर्शनं क्षुद्रं
मूढं द्रविण-लोलुपम् ४१

किं कृत्वा साधु मह्यं स्यान्न शपेद् वा जनो यथा।
अदीर्घदर्शनं क्षुद्रं मूढं द्रविणलोलुपम्॥

मैं ऐसा कौन-सा काम करूँ, जिससे मेरा कल्याण हो और लोग मुझे कोसें नहीं। सचमुच मैं अदूरदर्शी, क्षुद्र हूँ। धनके लोभसे मैं बड़ी मूढ़ताका काम कर बैठा॥ ४१॥

दास्ये दुहितरं तस्मै
स्त्री-रत्नं रत्नम् एव च।
उपायोऽयं समीचीनस्
तस्य शान्तिर् न चान्यथा ४२

दास्ये दुहितरं तस्मै स्त्रीरत्नं रत्नमेव च।
उपायोऽयं समीचीनस्तस्य शान्तिर्न चान्यथा॥

अब मैं रमणियोंमें रत्नके समान अपनी कन्या सत्यभामा और वह स्यमन्तकमणि दोनों ही श्रीकृष्णको दे दूँ। यह उपाय बहुत अच्छा है। इसीसे मेरे अपराधका मार्जन हो सकता है, और कोई उपाय नहीं है’॥ ४२॥

एवं व्यवसितो बुद्ध्या
सत्राजित् स्व-सुतां शुभाम्।
मणिं च स्वयम् उद्यम्य
कृष्णायोपजहार ह ४३

एवं व्यवसितो बुद्ध्या सत्राजित् स्वसुतां शुभाम्।
मणिं च स्वयमुद्यम्य कृष्णायोपजहार ह॥

सत्राजित् ने अपनी विवेक-बुद्धिसे ऐसा निश्चय करके स्वयं ही इसके लिये उद्योग किया और अपनी कन्या तथा स्यमन्तकमणि दोनों ही ले जाकर श्रीकृष्णको अर्पण कर दीं॥ ४३॥

तां सत्यभामां भगवान्
उपयेमे यथा-विधि।
बहुभिर् याचितां शील-
रूपौदार्य-गुणान्विताम् ४४

तां सत्यभामां भगवानुपयेमे यथाविधि।
बहुभिर्याचितां शीलरूपौदार्यगुणान्विताम्॥

सत्यभामा शील-स्वभाव, सुन्दरता, उदारता आदि सद‍्गुणोंसे सम्पन्न थीं। बहुत-से लोग चाहते थे कि सत्यभामा हमें मिलें और उन लोगोंने उन्हें माँगा भी था। परन्तु अब भगवान् श्रीकृष्णने विधिपूर्वक उनका पाणिग्रहण किया॥ ४४॥

भगवान् आह - न मणिं
प्रतीच्छामो वयं नृप।
तवास्तां देव-भक्तस्य
वयं च +++(तदुद्भव-सुवर्ण-)+++फल-भागिनः ४५

भगवानाह न मणिं प्रतीच्छामो वयं नृप।
तवास्तां देवभक्तस्य वयं च फलभागिनः॥

परीक्षित्! भगवान् श्रीकृष्णने सत्राजित् से कहा—‘हम स्यमन्तकमणि न लेंगे। आप सूर्य भगवान‍्के भक्त हैं, इसलिये वह आपके ही पास रहे। हम तो केवल उसके फलके, अर्थात् उससे निकले हुए सोनेके अधिकारी हैं। वही आप हमें दे दिया करें’॥ ४५॥

( अवधिः अन्तः आशिषाम् आज्ञाष्टसिद्धीनाम् ) फलभागिनः दुर्भिक्षादिशन्तिफलभागिनः ॥ २७-४५ ॥

इति श्रीमद्भागवतव्याख्याने दशमस्कन्धे श्रीसुदर्शनसूरिकृतशुकपक्षीये पञ्चषष्टाशत्तमोऽध्यायः ॥ ५६ ॥

इति श्रीमद‍्भागवते महापुराणे पारमहंस्यां संहितायां दशमस्कन्धे उत्तरार्धे स्यमन्तकोपाख्याने षट्पञ्चाशत्तमोऽध्यायः॥ ५६॥