१६ पृथ्वीधर्मसंवादः

परीक्षित् की दिग्विजय तथा धर्म और पृथ्वीका संवाद

सूत उवाच

ततः परीक्षिद् द्विजवर्यशिक्षया
महीं महाभागवतः शशास ह।
यथा हि सूत्यामभिजातकोविदाः
समादिशन् विप्र महद‍्गुणस्तथा॥

ततः परीक्षिद् द्विजवर्यशिक्षया महीं महाभागवतः शशास ह¹।
यथा हि सूत्यामभिजातकोविदाः समादिशन् विप्र! म²हद‍्गु³णस्तथा॥ १ ॥

सूतजी कहते हैं—शौनकजी! पाण्डवोंके महाप्रयाणके पश्चात् भगवान‍्के परम भक्त राजा परीक्षित् श्रेष्ठ ब्राह्मणोंकी शिक्षाके अनुसार पृथ्वीका शासन करने लगे। उनके जन्मके समय ज्योतिषियोंने उनके सम्बन्धमें जो कुछ कहा था, वास्तवमें वे सभी महान् गुण उनमें विद्यमान थे॥ १॥

तदेव⁴ सम्प्रस्थानं पाण्डुपुत्राणां ‘वक्ष्ये कृष्णकथोदय’मिति प्रतिज्ञातं पाण्डुपुत्रसंस्थानं परीक्षिज्जन्मोपेतमुपपाद्य ⁵“परीक्षितोऽथ राजर्षेर्जन्मकर्मविलापनम्” (भाग 1-7-12) इति प्रतिज्ञा⁶तं निर्वर्णयति । तत्र तज्जन्म पाण्डवपुत्रवृत्तान्ते एवान्तर्भाव्याभिहितं विलापनं द्वादशे स्कन्धे वक्ष्यति । इतः परं चतुरध्या⁷यैः कर्माणि वर्ण्यन्ते इति विवेकः । तत इति । ततः पितृनिर्गमनानन्तरं महान्तो गुणा यस्य स परीक्षित् । हे द्विज! जन्मसूत्यां जन्मदिने जातककोविदाः विप्राः यथा समादिशन् तथैव द्विजवर्यशिक्षया महाभागवतस्सन् महीं शशास पालयामास ॥ १ ॥

स उत्तरस्य तनयामुपयेम इरावतीम्।
जनमेजयादींश्चतुरस्तस्यामुत्पादयत् सुतान्॥

स उत्तमस्य तनयामुपयेम इरावतीम्।
जनमेजयादींश्चतुरस्तस्यामुत्पादयत् सुतान्॥ २ ॥

उन्होंने उत्तरकी पुत्री इरावतीसे विवाह किया। उससे उन्होंने जनमेजय आदि चार पुत्र उत्पन्न किये॥ २॥

स परीक्षिदुत्तरस्य मातुलस्य तनयामिरावतीमुपयेमे उदवाह । ⁸तस्यामिरावत्यां जनमेजयादींश्चतुरः सुतानुदपादयत् । अडभाव आर्षः, आगमशास्त्रस्यानित्यत्वाद्वा ॥ २ ॥

आजहाराश्वमेधांस्त्रीन् गङ्गायां भूरिदक्षिणान्।
शारद्वतं गुरुं कृत्वा देवा यत्राक्षिगोचराः॥

आजहाराश्वमेधांस्त्रीन् गङ्गायां भूरिदक्षिणान्।
शारद्वतं गुरुं कृत्वा देवा यत्राक्षि⁹गोचराः॥ ३ ॥

तथा कृपाचार्यको आचार्य बनाकर उन्होंने गंगाके तटपर तीन अश्वमेधयज्ञ किये, जिनमें ब्राह्मणोंको पुष्कल दक्षिणा दी गयी। उन यज्ञोंमें देवताओंने प्रत्यक्षरूपमें प्रकट होकर अपना भाग ग्रहण किया था॥ ३॥

शारद्वतं कृपं गुरुं कृत्वा वृत्वा गङ्गायां गङ्गातीरे त्रीनश्वमेधानाजहार, यत्र येष्वश्वमेघेषु देवा इन्द्रादयोऽक्षिगोचरा बभूवुः, तथाविधा नाजहारेत्यर्थः ॥ ३ ॥

निजग्राहौजसा वीरः कलिं दिग्विजये क्वचित्।
नृपलिङ्गधरं शूद्रं घ्नन्तं गोमिथुनं पदा॥

निजग्राहौजसा वी¹⁰रः कलिं दिग्विजये क्वचित्।
नृपलिङ्गधरं शूद्रं घ्नन्तं गोमिथुनं पदा॥ ४ ॥

एक बार दिग्विजय करते समय उन्होंने देखा कि शूद्रके रूपमें कलियुग राजाका वेष धारण करके एक गाय और बैलके जोड़ेको ठोकरोंसे मार रहा है। तब उन्होंने उसे बलपूर्वक पकड़कर दण्ड दिया॥ ४॥

कदाचित् दिग्विजये निमित्ते चरन् वीरः परीक्षित् क्वचिदेशे यदा पादेन गोमिथुनं स्त्रीपुंसयोर्गवोर्युग्मं घ्नन्तं ¹¹शूद्रमपि नृपचिह्नधरं कलिभोजसा पराभिभवसामर्थ्यात्मकेन निजग्राह निगृहीतवान् ॥ ४ ॥

शौनक उवाच

कस्य हेतोर्निजग्राह कलिं दिग्विजये नृपः।
नृदेवचिह्नधृक् शूद्रकोऽसौ गां यः पदाहनत्।
तत्कथ्यतां महाभाग यदि कृष्णकथाश्रयम्॥

कस्य हेतोर्निजग्राह कलिं दिग्विजये नृपः।
नृदेवचि¹²ह्नधृक् शू¹³द्रकोऽसौ गां यः पदाऽहनत्।
तत्कथ्यतां महाभाग! यदि कृ¹⁴ष्णकथाश्रयम्॥ ५ ॥

तत्र लब्धप्रश्नावसरः पृच्छति शौनकः - कस्य हेतोरिति । नृपः परीक्षिद्दिग्विजये कस्माद्धेतोः कलिं निजग्राहेत्येकः प्रश्नः । यो गां पदाऽहनत् तताड, असौ नृपचिह्नधा¹⁵री शूद्रः कः ? इत्यपरः । यद्यपि नृपलिङ्गधरं शूद्रं कलिमिति सामानाधिकरण्यनिर्देशेनैव कलिरेव नृ¹⁶पदेवचिह्नधृक् शूद्र इति ज्ञात एवेति प्रश्नानुपपत्तिः तथाऽपि क इत्यस्य किंगुणक इत्यभिप्रायः । अतः प्रश्नोपपत्तिः ॥ ५ ॥

अथवास्य पदाम्भोजमकरन्दलिहां सताम्।
किमन्यैरसदालापैरायुषो यदसद्‍व्ययः॥

अथवाऽस्य पदाम्भोजमकरन्दलिहां सताम्।
किमन्यैरसदालापैरायुषो यदसद्‍व्ययः॥ ६ ॥

शौनकजीने पूछा—महाभाग्यवान् सूतजी! दिग्विजयके समय महाराज परीक्षित् ने कलियुगको दण्ड देकर ही क्यों छोड़ दिया—मार क्यों नहीं डाला? क्योंकि राजाका वेष धारण करनेपर भी था तो वह अधम शूद्र ही, जिसने गायको लातसे मारा था? यदि यह प्रसंग भगवान् श्रीकृष्णकी लीलासे अथवा उनके चरणकमलोंके मकरन्द-रसका पान करनेवाले रसिक महानुभावोंसे सम्बन्ध रखता हो तो अवश्य कहिये। दूसरी व्यर्थकी बातोंसे क्या लाभ। उनमें तो आयु व्यर्थ नष्ट होती है॥ ५-६॥

त¹⁷त्कलिविनिग्रहादिकं केवलमस्माभिः पृष्टमित्येव न¹⁸ वर्णय; कि¹⁹न्तु हे महात्मन्! यदि विष्णुकथाश्रयं भगवत्कथोपेतम् । अथवा अस्य विष्णोः पदाम्बुजमकरन्दास्वादिनां साधूनां कथाश्रयं स्यात्तर्हि कथ्यताम् ॥ ६ ॥

क्षुद्रायुषां नृणामङ्ग मर्त्यानामृतमिच्छताम्।
इहोपहूतो भगवान् मृत्युः शामित्रकर्मणि॥

क्षुद्रायुषां नृणामङ्ग! मर्त्याना²⁰मृतमिच्छताम्।
इहोपहूतो भगवान् मृत्युश्शामित्रकर्मणि॥ ७ ॥

प्यारे सूतजी! जो लोग चाहते तो हैं मोक्ष परन्तु अल्पायु होनेके कारण मृत्युसे ग्रस्त हो रहे हैं, उनके कल्याणके लिये भगवान् यमका आवाहन करके उन्हें यहाँ शामित्रकर्ममें नियुक्त कर दिया गया है॥ ७॥

तत्र हेतुं वदन् विष्णुतद्भक्तकथानाश्रयाणामश्रोतव्यत्वमवर्णनीयत्वञ्चाह - किमन्यैः इति । अङ्ग! हे सूत! यत् येभ्य आयुषोऽसद्व्ययो निरर्थकः क्षयो भवति तैः क्षुद्रायुषामल्पायुषामृतं कर्मफलमिच्छतां मर्त्यानां मरणशीलानां नृणां सम्बन्धिभिरन्यैर्विष्णुतद्भक्तज²¹नकथानाश्रयैरतोऽत एवासद्भिरालापैः किं वर्णितैः ²²वा न किञ्चित्प्रयोजनं, किन्तु केवलमायुर्व्यय एवेति भावः । यद्वा, ऋतं सत्यं परं ब्रह्म इच्छतां तत्प्राप्तिं कामयमानानां मरणशीलानामल्यायुषां नृणामस्माकमन्यै रसदालापैः किम् ? न किञ्चित्प्रयोजनमस्ति, यतो येभ्यः केवलमायुषोऽसद्व्ययो भवतीत्यन्वयः ॥ ७ ॥

न कश्चिन्म्रियते तावद् यावदास्त इहान्तकः।
एतदर्थं हि भगवानाहूतः परमर्षिभिः।
अहो नृलोके पीयेत हरिलीलामृतं वचः॥

न कश्चिन्म्रियते तावत् यावदास्त इहान्तकः।
एतदर्थं हि भगवाना²³हूतः परमर्षिभिः।
अहो नृलोके पीयेत हरिलीलामृतं वचः॥ ८ ॥

जबतक यमराज यहाँ इस कर्ममें नियुक्त हैं, तबतक किसीकी मृत्यु नहीं होगी। मृत्युसे ग्रस्त मनुष्यलोकके जीव भी भगवान‍्की सुधातुल्य लीला-कथाका पान कर सकें, इसीलिये महर्षियोंने भगवान् यमको यहाँ बुलाया है॥ ८॥

ननु क्षुद्रायुषां मर्त्यानामस्माकं यावत् त्वत्प्र²⁴श्नवर्णनश्रवणं जीवनम²⁵प्यवसातुं शक्यमित्यत्राह - इहेति । इह नैमिषक्षेत्रे शामित्रकर्मणि सत्रकर्मणि । शमितृशब्दः पशुसंज्ञपयितृवाची “शमयिता च भगवानस्तु" इति श्रुतेः । सचेह पापापनोदकभगवद्गुणानुभवितृपरः । तत्सम्बन्धे कर्मणि सत्रकर्मणि भ²⁶गवदुणवर्णनश्रवणात्मकब्रह्मसत्र इत्यर्थः । भगवान् मृत्यु राहूतः । स चान्तको यावदिहास्ति तावदत्र न कश्चिन्प्रियते न मरणमेति । किमर्थमाहूत इत्यत्राह - एतदर्थमत्रावस्थितानामस्माकम् अमरणार्थमेव हि परमर्षिभिर्भगवान् मृत्युराहूत इत्यर्थः । मृ²⁷त्यर्थः मृत्युरपि स्वव्यापारं विहाय भगवद्गुणश्रवणायेह न किञ्चिदपि हन्यादित्यभिप्रायेणाऽहूत इति भावः । “तत्कथ्यतां महाभाग!” इत्यादि श्लोकद्वयेन तद्भक्तकथाश्रवणस्यैव वर्णनीयत्वं श्रोतव्यत्वञ्चोक्तं, तदेव सहेतुकमुपपादयति अहो इति सार्धेन । नृलोके हरेर्लीला यस्मिन् प्रतिपाद्याः तद्धरिलीलं तदमृततुल्यं वचः पीयते पा²⁸वकं श्रोतव्यमिति यावत् । ये पिबन्ति तानभिनन्दति अहो इति । तेषां भाग्यमेतावदिति वक्तुमशक्यमिति भावः ॥ ८ ॥

मन्दस्य मन्दप्रज्ञस्य वयो मन्दायुषश्च वै।
निद्रया ह्रियते नक्तं दिवा च व्यर्थकर्मभिः॥

मन्दस्य मन्दप्रज्ञस्य व²⁹योमन्दायुषश्च वै³⁰।
निद्रया ह्रियते नक्तं दिवा च³¹ व्यर्थकर्मभिः॥ ९ ॥

एक तो थोड़ी आयु और दूसरे कम समझ। ऐसी अवस्थामें संसारके मन्दभाग्य विषयी पुरुषोंकी आयु व्यर्थ ही बीती जा रही है—नींदमें रात और व्यर्थके कामोंमें दिन॥ ९॥

कुतः ? यत् यस्मात् मन्दस्य मन्दचेष्टस्य मन्दा प्रज्ञा बुद्धिर्यस्य, मन्दमल्पमायुर्यस्य तस्य हरिलीलामृतं वचोऽशृण्वतः, वयः कौमारादि । केवलं नक्तं रात्रौ निद्रया ह्रियते ह्रस्यते । दिवाऽहनि तु व्यर्थैः पुरुषार्थशून्यैः कर्मभिः सांसारिककर्मभिः ह्रियते । हरिलीलामृतं वचः पिबतस्तु वयः सफलमिति भावः ॥ ९ ॥

सूत उवाच

यदा परीक्षित् कुरुजाङ्गलेऽवसत्
कलिं प्रविष्टं निजचक्रवर्तिते।
निशम्य वार्तामनतिप्रियां ततः
शरासनं संयुगशौण्डिराददे॥

यदा परीक्षित् कुरुजाङ्गलेऽ³²शृणोत् कलिं प्रविष्टं निजचक्रवर्तिते।
निशम्य वार्तामनतिप्रियां ततः शरासनं संयुगशौ³³ण्डिराददे³⁴॥ १० ॥

सूतजीने कहा—जिस समय राजा परीक्षित् कुरुजांगल देशमें सम्राट्के रूपमें निवास कर रहे थे, उस समय उन्होंने सुना कि मेरी सेनाद्वारा सुरक्षित साम्राज्यमें कलियुगका प्रवेश हो गया है। इस समाचारसे उन्हें दुःख तो अवश्य हुआ; परन्तु यह सोचकर कि युद्ध करनेका अवसर हाथ लगा, वे उतने दुःखी नहीं हुए। इसके बाद युद्धवीर परीक्षित् ने धनुष हाथमें ले लिया॥ १०॥

इत्थमापृष्टः सहेतुकं कलिनिग्रहादिकं वर्णयति सूतः - यदा इत्यादिना यावत्सप्तदशाध्यायसमाप्ति । यदा परीक्षित् विजयार्थं गतः कु³⁵रुजाङ्गलेषु च जनपदेषु वसन् निजचक्रेण स्वाज्ञाचक्रेण वर्तितेऽनुशिष्टे देशे स्वसेनाधिष्ठिते देशे वा प्रविष्टं कलिं तत्प्रवेशरूपामत्यन्तमप्रियां वार्तां निशम्याकर्ण्य ततः संयुगे युद्धे शौण्डिः³⁶ प्रवीणो राजा शरासनं धनुराददे जग्राह । निजचक्रवर्तिते कुरुजाङ्गले वसन्निति वान्वयः ॥ १० ॥

स्वलंकृतं श्यामतुरङ्गयोजितं
रथं मृगेन्द्रध्वजमाश्रितः पुरात्।
वृतो रथाश्वद्विपपत्तियुक्तया
स्वसेनया दिग्विजयाय निर्गतः॥

स्वलङ्कृतं श्यामतुरङ्गयोजितं रथं मृगेन्द्रध्वजमाश्रि³⁷तः पुरात्।
वृतो रथाश्वद्विपपत्तियुक्तया स्वसेनया दिग्विजयाय निर्गतः॥ ११ ॥

वे श्यामवर्णके घोड़ोंसे जुते हुए , सिंहकी ध्वजावाले, सुसज्जित रथपर सवार होकर दिग्विजय करनेके लिये नगरसे बाहर निकल पड़े। उस समय रथ, हाथी, घोड़े और पैदल सेना उनके साथ-साथ चल रही थी॥ ११॥

ततः सुष्ठुलङ्कृतं श्यामैस्तुरङ्गैः संयोजित, मृगेन्द्रः सिंहाङ्कितो ध्वजो यस्मिंस्तं रथमाश्रितोऽधिष्ठितः र³⁶थादिचतुरङ्गयुक्तया सेनया परिवृतो दिग्विजयाय निर्गतः । कुरुजाङ्गलादिष्विति शेषः ॥ ११ ॥

भद्राश्वं केतुमालं च भारतं चोत्तरान् कुरून्।
किम्पुरुषादीनि वर्षाणि विजित्य जगृहे बलिम्॥

भद्राश्वं केतुमालञ्च भारतञ्चोत्तरान् कुरून्।
किम्पुरुषादीनि व³⁸र्षाणि विजित्य जगृहे बलिम्॥ १२ ॥

उन्होंने भद्राश्व, केतुमाल, भारत, उत्तरकुरु और किम्पुरुष आदि सभी वर्षोंको जीतकर वहाँके राजाओंसे भेंट ली॥ १२॥

भद्राश्चादिवर्षाणि निर्जित्य बलिं करं जगृहे ॥ १२ ॥

तत्र तत्रोपशृण्वानः स्वपूर्वेषां महात्मनाम्।
प्रगीयमाणं च यशः कृष्णमाहात्म्यसूचकम्॥

तत्र तत्रोपशृण्वानः स्वपूर्वेषां महात्मनाम्।
प्र³⁹गीयमाणं च⁴⁰ यशः कृष्णमाहात्म्यसूचक⁴¹म्॥ १३ ॥

उन्हें उन देशोंमें सर्वत्र अपने पूर्वज महात्माओंका सुयश सुननेको मिला। उस यशोगानसे पद-पदपर भगवान् श्रीकृष्णकी महिमा प्रकट होती थी॥ १३॥

तत्र तत्र देशेषु स्वपूर्वेषां युधिष्ठिरादीनां महात्मनां कृष्णस्य भगवतो माहात्म्यस्य सूचकं प्रगीयमाणं यशः ॥ १३ ॥

आत्मानं च परित्रातमश्वत्थाम्नोऽस्त्रतेजसः।
स्नेहं च वृष्णिपार्थानां तेषां भक्तिं च केशवे॥

आत्मानं च परित्रातमश्वत्थाम्नोऽस्त्रतेजसः⁴²।
स्नेहश्च वृष्णिपार्थानां तेषां भक्तिञ्च केशवे॥ १४ ॥

इसके साथ ही उन्हें यह भी सुननेको मिलता था कि भगवान् श्रीकृष्णने अश्वत्थामाके ब्रह्मास्त्रकी ज्वालासे किस प्रकार उनकी रक्षा की थी, यदुवंशी और पाण्डवोंमें परस्पर कितना प्रेम था तथा पाण्डवोंकी भगवान् श्रीकृष्णमें कितनी भक्ति थी॥ १४॥

अश्वत्थाम्नो ब्रह्मास्त्रतेजसा परित्रातमात्मानं च वृष्णीनां पार्थानाञ्च केशवे कृष्णे स्नेहमनुरागञ्च तथा तेषां तस्मिन् भक्तिञ्चोपशृण्वानः ॥ १४ ॥

तेभ्यः परमसंतुष्टः प्रीत्युज्जृम्भितलोचनः।
महाधनानि वासांसि ददौ हारान् महामनाः॥

तेभ्यः परमसंतुष्टः प्रीत्यु⁴³ज्जृम्भितलोचनः।
महाधनानि वासांसि ददौ हारान् मह्यमनाः॥ १५ ॥

जो लोग उन्हें ये चरित्र सुनाते, उनपर महामना राजा परीक्षित् बहुत प्रसन्न होते; उनके नेत्र प्रेमसे खिल उठते। वे बड़ी उदारतासे उन्हें बहुमूल्य वस्त्र और मणियोंके हार उपहाररूपमें देते॥ १५॥

नितरां हृष्टः प्रीत्या उज्जृम्भिते लोचने यस्य सः महामना उदारबुद्धिर्वदान्यो राजा तेभ्यः श्रावयितृभ्यः महाधनानि बहुमूल्यद्रव्याणि वासांसि, हारान् मुक्ताहारांश्च ददौ ॥ १५ ॥

सारथ्यपारषदसेवनसख्यदौत्य-
वीरासनानुगमनस्तवनप्रणामान्।
स्निग्धेषु पाण्डुषु जगत्प्रणतिं च विष्णो-
र्भक्तिं करोति नृपतिश्चरणारविन्दे॥

सारथ्यपा⁴⁴रषदसेवनसख्यदौत्यवीरासनानुगमनस्तवन⁴⁵प्रणामान्।
स्निग्धेषु पाण्डुषु जगत्प्र⁴⁶णतिञ्च विष्णोर्भक्तिं करोति नृपतिश्चरणारविन्दे॥ १६ ॥

वे सुनते कि भगवान् श्रीकृष्णने प्रेमपरवश होकर पाण्डवोंके सारथिका काम किया, उनके सभासद् बने—यहाँतक कि उनके मनके अनुसार काम करके उनकी सेवा भी की। उनके सखा तो थे ही, दूत भी बने। वे रातको शस्त्र ग्रहण करके वीरासनसे बैठ जाते और शिविरका पहरा देते, उनके पीछे-पीछे चलते, स्तुति करते तथा प्रणाम करते; इतना ही नहीं, अपने प्रेमी पाण्डवोंके चरणोंमें उन्होंने सारे जगत‍‍‍‍्को झुका दिया। तब परीक्षित् की भक्ति भगवान् श्रीकृष्णके चरणकमलोंमें और भी बढ़ जाती॥ १६॥

स्रिग्धेष्वनुरक्तेषु पाण्डुषु युधिष्ठिरादिषु विष्णोः श्रीकृष्णस्य सारथ्यादिकं जगत्कृतं प्रणामञ्च स्मृत्वेति शेषः, नृपतिः परीक्षित् विष्णोः चरणारविन्दे भक्तिं करोति स्म चकारेत्यर्थः । तत्र सारथ्यं प्रसिद्धम् । पार⁴⁷षदं सभ्यत्वं, सेवनं भृत्यकर्म, दौत्यं दूतकर्म, वीरासनानुगमनं नृपासनाधिष्ठितं प्रत्यनुवर्तनम्, स्तवनं स्तुतिकर्म, प्रणामो नमस्कारः विष्णुक⁴⁸र्तृकान्यविषयानेतान् स्मृत्वेत्यर्थः ॥ १६ ॥

तस्यैवं वर्तमानस्य पूर्वेषां वृत्तिमन्वहम्।
नातिदूरे किलाश्चर्यं यदासीत् तन्निबोध मे॥

त⁴⁹स्यैवं वर्तमानस्य पूर्वेषां वृत्ति⁵⁰मन्वहम्।
नातिदूरे किलाश्चर्यं यदासीत्तन्निबोध मे॥ १७ ॥

इस प्रकार वे दिन-दिन पाण्डवोंके आचरणका अनुसरण करते हुए दिग्विजय कर रहे थे। उन्हीं दिनों उनके शिविरसे थोड़ी ही दूरपर एक आश्चर्यजनक घटना घटी। वह मैं आपको सुनाता हूँ॥ १७॥

तस्य परीक्षितः पूर्वेषां युधिष्ठिरादीनां वृत्तिमन्वहं वर्तमानस्य ⁵¹सतः तस्य नातिदूरे सन्निकृष्टदेशे यन्महदाश्चर्यमासीत् तत्कथयिष्यतो मे मत्तो निबोध शृणु ॥ १७ ॥

धर्मः पदैकेन चरन् विच्छायामुपलभ्य गाम्।
पृच्छति स्माश्रुवदनां विवत्सामिव मातरम्॥

धर्मः पदैकेन चरन् विच्छायामुपलभ्य गाम्।
पृच्छति स्माश्रुवदनां विवत्सामिव मातरम्॥ १८ ॥

धर्म बैलका रूप धारण करके एक पैरसे घूम रहा था। एक स्थानपर उसे गायके रूपमें पृथ्वी मिली। पुत्रकी मृत्युसे दुःखिनी माताके समान उसके नेत्रोंसे आँसुओंके झरने झर रहे थे। उसका शरीर श्रीहीन हो गया था। धर्म पृथ्वीसे पूछने लगा॥ १८॥

धर्म इति । धर्मः धर्माधिदेवो वृषरूपधरः एकेन पदेन ⁵²चरन् विच्छायां निस्तेजस्कां गां गोरूपधरां वत्सरहितां मातरमिव अश्रूणि वदने यस्यास्तां पृच्छति समापृच्छत् ॥ १८ ॥

धर्म उवाच

कच्चिद‍्भद्रेऽनामयमात्मनस्ते
विच्छायासि म्लायतेषन्मुखेन।
आलक्षये भवतीमन्तराधिं
दूरे बन्धुं शोचसि कञ्चनाम्ब॥

कच्चिद‍्भद्रेऽनामय⁵³मात्मनस्ते विच्छायासि म्लायते⁵⁴षन्मुखेन।
आलक्षये भवतीमन्तराधिं दूरे बन्धुं शोचसि कञ्चनाम्ब!॥ १९ ॥

धर्मने कहा—कल्याणि! कुशलसे तो हो न? तुम्हारा मुख कुछ-कुछ मलिन हो रहा है। तुम श्रीहीन हो रही हो, मालूम होता है तुम्हारे हृदयमें कुछ-न-कुछ दुःख अवश्य है। क्या तुम्हारा कोई सम्बन्धी दूर देशमें चला गया है, जिसके लिये तुम इतनी चिन्ता कर रही हो?॥ १९॥

प्रश्नमेवाह - कच्चित् इत्यादिभिः षङ्भिः । हे भद्रे! तवात्मनो देहस्यानामयमारोग्यमस्ति कच्चित् ? ईषन्म्लायता हर्षक्षयमुपगतेन मुखेन विच्छाया निस्तेजस्का भवसि । अहन्तु भवतीं त्वामन्तरा हृदयमध्ये आधिः क्लेशो यस्यास्तथाभूतामालक्षये । म्ला⁵⁵नविच्छायामुत्पश्यामि । हे अम्ब! कञ्चन दूरस्थं बन्धुं शोचसि ॥ १९ ॥

पादैर्न्यूनं शोचसि मैकपाद-
मात्मानं वा वृषलैर्भोक्ष्यमाणम्।
आहो सुरादीन् हृतयज्ञभागान्
प्रजा उतस्विन्मघवत्यवर्षति॥

पा⁵⁶दैर्न्यूनं शोचसि मैकपादमा⁵⁷त्मानं वा वृषलैर्भोक्ष्यमाणम्।
आ⁵⁸हो सुरादीन् हृतयज्ञभागान् प्रजा उतस्विन्मघवत्यवर्षति॥ २० ॥

कहीं तुम मेरी तो चिन्ता नहीं कर रही हो कि अब इसके तीन पैर टूट गये, एक ही पैर रह गया है? सम्भव है, तुम अपने लिये शोक कर रही हो कि अब शूद्र तुम्हारे ऊपर शासन करेंगे। तुम्हें इन देवताओंके लिये भी खेद हो सकता है, जिन्हें अब यज्ञोंमें आहुति नहीं दी जाती, अथवा उस प्रजाके लिये भी, जो वर्षा न होनेके कारण अकाल एवं दुर्भिक्षसे पीड़ित हो रही है॥ २०॥

किं⁵⁹ वा पादैस्त्रिभिर्न्यनं एकः पादो यस्य तं माम्प्रति शोचसि ? उत वृषलैः शूद्रप्रायैः राजभिर्भोक्ष्यमाणं स्वात्मानं प्रत्येव शोचसि ? आहोस्वित् हृतः शून्यो य⁶⁰ज्ञीयहविर्भागो येषां तान् देवान् प्रति ? उतस्वित् मघवतीन्द्रेऽवर्षति सति दु⁶¹र्भिक्षपीडिताः प्रजाः प्रति ? ॥ २० ॥

अरक्ष्यमाणाः स्त्रिय उर्वि बालान्
शोचस्यथो पुरुषादैरिवार्तान्।
वाचं देवीं ब्रह्मकुले कुकर्म-
ण्यब्रह्मण्ये राजकुले कुलाग्र्यान्॥

अरक्ष्यमाणाः स्त्रिय उर्वि बालान् शोचस्यथो⁶² पुरुषादैरिवार्तान्।
वाचं देवीं ब्रह्मलोके कुकर्मण्यब्रह्मण्ये राजकुले कुलाग्र्यान्॥ २१ ॥

देवि! क्या तुम राक्षस-सरीखे मनुष्योंके द्वारा सतायी हुई अरक्षित स्त्रियों एवं आर्तबालकोंके लिये शोक कर रही हो? सम्भव है, विद्या अब कुकर्मी-ब्राह्मणोंके चंगुलमें पड़ गयी है और ब्राह्मण विप्रद्रोही राजाओंकी सेवा करने लगे हैं, और इसीका तुम्हें दुःख हो॥ २१॥

यद्वा हे उर्वि! पुरुषादैराक्षसैरिव नृशंसैरार्तान् पीडितान् बालकान्, अरक्ष्यमाणाः स्त्रियः स्त्री: प्रति शोचसि किम् ? ब्रह्मकुले ⁶³कुकर्मणि दुर्वृत्ते सति देवस्य विष्णोस्सम्बन्धिनीं वाचं त्रयीं प्रति ? उत राजकुलेऽब्रह्मण्ये ब्राह्मणेष्वसाधुनि सति कुलाग्य्रान् ब्राह्मणान् प्रति ? ॥ २१ ॥

किं क्षत्रबन्धून् कलिनोपसृष्टान्
राष्ट्राणि वा तैरवरोपितानि।
इतस्ततो वाशनपानवासः-
स्नानव्यवायोन्मुखजीवलोकम्॥

किं क्षत्रबन्धून् कलिनोपसृष्टान् राष्ट्राणि वा तैरवरोपितानि।
इतस्ततो वा⁶⁴ऽशनपानवा⁶⁵सः स्नानव्यवायोन्मु⁶⁶खजीवलोकम्॥ २२ ॥

आजके नाममात्रके राजा तो सोलहों आने कलियुगी हो गये हैं, उन्होंने बड़े-बड़े देशोंको भी उजाड़ डाला है। क्या तुम उन राजाओं या देशोंके लिये शोक कर रही हो? आजकी जनता खान-पान, वस्त्र, स्नान और स्त्री-सहवास आदिमें शास्त्रीय नियमोंका पालन न करके स्वेच्छाचार कर रही है; क्या इसके लिये तुम दुःखी हो?॥ २२॥

किं वा कालेन उपसृष्टान् क्षत्रियाधमान् प्रति ? यद्वा तैः क्षत्रबन्धुभिरवरोपितान्युपद्रुतानि राष्ट्राणि प्रति ? उत इतस्ततः निषिद्धदे⁶⁷शे जनेष्वशनाद्युन्मुखमशनाद्यभिलाषिणं जीवलोकं प्रति ? ॥ २२ ॥

यद्वाम्ब ते भूरिभरावतार-
कृतावतारस्य हरेर्धरित्रि।
अन्तर्हितस्य स्मरती विसृष्टा
कर्माणि निर्वाणविलम्बितानि॥

यद्वाऽम्ब⁶⁸! ते भूरिभरावतारकृतावतारस्य हरेर्धरित्रि!
अन्तर्हितस्य स्मरती विसृष्टा कर्माणि निर्वाणविलम्बितानि॥ २३ ॥

मा पृथ्वी! अब समझमें आया, हो-न-हो तुम्हें भगवान् श्रीकृष्णकी याद आ रही होगी; क्योंकि उन्होंने तुम्हारा भार उतारनेके लिये ही अवतार लिया था और ऐसी लीलाएँ की थीं, जो मोक्षका भी अवलम्बन हैं। अब उनके लीला-संवरण कर लेनेपर उनके परित्यागसे तुम दुःखी हो रही हो॥ २३॥

यद्वा हे अम्ब! हे धरित्रि! तव भूरिभरस्यावताराय ह⁶⁹रणाय कृतोऽवतारो येन तस्य हरेरधुना अन्तर्हितस्य श्रीकृष्णस्य । हरेरिति कर्तरि षष्ठी । तेन विसृष्टा त्यक्ता सती तस्य कर्माणि चेष्टितानि निर्वाणविलम्बितानि स्मरती त्वं शोचसि ? निर्वाणे मोक्षे विशेषेण लम्बितानि सन्निहितानि, साक्षात्कृतानीति यावत् । यद्वा निर्वाणं सुखं, विलम्बितं अधुनान्तरितं येभ्यस्तानि ॥ २४ ॥

इदं ममाचक्ष्व तवाधिमूलं
वसुन्धरे येन विकर्शितासि।
कालेन वा ते बलिनां बलीयसा
सुरार्चितं किं हृतमम्ब सौभगम्॥

इदं ममाऽऽचक्ष्व तवाधिमूलं वसुन्धरे! येन विकर्शितासि।
कालेन वा ते ब⁷⁰लिनां बलीयसा सुरार्चितं किं हृ⁷¹तमम्ब! सौभगम्॥ २४ ॥

देवि! तुम तो धन-रत्नोंकी खान हो। तुम अपने क्लेशका कारण, जिससे तुम इतनी दुर्बल हो गयी हो, मुझे बतलाओ। मालूम होता है, बड़े-बड़े बलवानोंको भी हरा देनेवाले कालने देवताओंके द्वारा वन्दनीय तुम्हारे सौभाग्यको छीन लिया है॥ २४॥

हे वसुन्धरे! तवाऽऽधेर्मूलमिदमुपस्थितं मह्यमाचक्ष्व आख्याहि, येन त्वं विकर्शिता कृशत्वं प्राप्तासि, तस्याऽऽधेर्मूलमित्यर्थः । हे अम्ब! सुरैरपि बहुमन्तव्यं तव सौभगं स्पृहणीयं सौन्दर्यं बलिनामपि बलीयसा कालेन किं वाऽपहृतम् ? ॥ २४ ॥

धरण्युवाच

भवान् हि वेद तत्सर्वं यन्मां धर्मानुपृच्छसि।
चतुर्भिर्वर्तसे येन पादैर्लोकसुखावहैः॥

भ⁷²वान् हि वेद तत्सर्वं यन्मां ध⁷³र्मानुपृच्छसि।
चतुर्भिर्वर्तसे येन पादैर्लोकसुखावहैः॥ २५ ॥

एवमुक्ता धरण्याह - भवान् इत्यादि दशभिः । तन्ममाधिमूलं सर्व ⁷⁴नूनं भवान् वेद जानास्येव । कुतो यद् यस्मात् धर्मान् पृच्छसि अजानतो धर्मप्रश्नः नो⁷⁵पपन्न इति भावः । अथाऽपि किं तदिति चेद्येन ⁷⁶त्वं लोकांनां सुखावहैश्चतुर्भिः पादैर्वर्तसे अवर्तथाः । अधुना येन कारणेन विनैकपादेन वर्तसे तदेव ममापि आधिमूलमित्यर्थः ॥ २५ ॥

सत्यं शौचं दया क्षान्तिस्त्यागः सन्तोष आर्जवम्।
शमो दमस्तपः साम्यं तितिक्षोपरतिः श्रुतम्॥

सत्यं शौचं दया क्षा⁷⁷न्तिस्त्यागस्सन्तोष आर्जवम्।
शमो दमस्तपस्साम्यं तितिक्षोपरतिः श्रुतम्॥ २६ ॥

कारणविशेषजिज्ञासायां तदुपपादयति - सत्यम् इत्यादि पञ्चभिः । सत्यादन्योऽन्ये च बहवो महत्त्वमिच्छद्भिर्जनैः प्रार्थनीया गुणाः नित्याः कदाचिदपि यस्मिन्न वियन्ति न व्य⁷⁸यन्ति तेन गुणानां पात्रेण मुख्याश्रयेण श्रीनिवासेन श्रीकृष्णेन साम्प्रतमधुना रहितमतएव पाप्मना पापेन कलिना ईक्षितं लोकं प्रत्यहं शोचामीत्यन्वयः । तत्र सत्यं भूतहितस्वं वाचिकं वा । शौचं हेयप्रतिभटत्वम् । दया परदुःखासहिष्णुत्वम् । क्षान्तिः प⁷⁹रापराधसहिष्णुता । त्यागः अनादरः पूर्णकामत्वप्रयुक्तः । तथा च श्रूयते “सर्वमिदमभ्याप्तो वा⁸⁰क्यानादरः” (छान्दो. उ. 3-14-2) इति आत्मपर्यन्तवदान्यत्वम् वा त्यागः । सन्तोषः कर्हिचिदपि क्लेशराहित्यम् । आर्जवं मनोवाक्कायानामै⁸¹क्यरूपम्। शमो मनोनिग्रहः । दमो बाह्येन्द्रियनिग्रहः । तप आलोचनम्, जगद्व्यापारोपयुक्तम् । साम्यमरिमित्रादिराहित्यम् । तितिक्षा द्वन्द्वाप्रतिहतत्वम् । उपरतिर्वृथाव्यापारोपरतिः श्रुतं सर्वशास्त्रार्थयाथात्म्यवित्त्वम् ॥ २६ ॥

ज्ञानं विरक्तिरैश्वर्यं शौर्यं तेजो बलं स्मृतिः।
स्वातन्त्र्यं कौशलं कान्तिर्धैर्यं मार्दवमेव च॥

ज्ञानं विरक्तिरैश्वर्यं शौर्यं तेजो ब⁸²लं स्मृतिः।
स्वातन्त्र्यं कौशलं का⁸³न्तिर्धैर्यं मार्दवमेव च॥ २७ ॥

ज्ञानमाश्रितानिष्टपरिहारेष्टप्रापणोपयुक्तम् । विरक्तिर्विषयेषु निस्पृहत्वम्, विषयानाकृष्टचित्तत्वं वा । ऐश्वर्यं स्वा⁸⁴तिरिक्तसर्वनियन्तृत्वम् । शौर्यं युद्धेष्ववैमुख्यम् । तेजः अ⁸⁵प्रधृष्यता । बलं प्रसिद्धम् । स्मृतिः सत्स्वपि विपुलेषु अ⁸⁶पराधेषु उपकारस्मरणम् । स्वातन्त्र्यमन्यानपेक्षत्वम् । कौशलं नैपुण्यम् । कान्तिः “न तत्र सूर्यो भाति” (कठ. उ. 5-15) इति श्रुत्युक्तविधा दीप्तिः । धैर्यं वीर्यं, तच्च युद्धे स्वगृहे इव प्रवेशसामर्थ्यम् । मार्दवमक्रूरत्वम् । “स्वातन्त्र्यं सौभगं कान्तिः” इति पाठे सौभगं ⁸⁷स्पृहणीयम् ॥ २७ ॥

प्रागल्भ्यं प्रश्रयः शीलं सह ओजो बलं भगः।
गाम्भीर्यं स्थैर्यमास्तिक्यं कीर्तिर्मानोऽनहंकृतिः॥

प्रागल्भ्यं प्रश्रयश्शीलं सह ओजो बलं भगः।
गाम्भीर्यं स्थैर्यमास्तिक्यं कीर्तिर्मानोऽनहङ्कृतिः॥ २८ ॥

एते चान्ये च भगवन‍‍्नित्या यत्र महागुणाः।
प्रार्थ्या महत्त्वमिच्छद‍्भिर्न वियन्ति स्म कर्हिचित्॥

ए⁸⁸ते चान्ये च भ⁸⁹गवन‍‍्नित्या यत्र महागुणाः।
प्रार्थ्या महत्त्वमिच्छद‍्भिर्न वि⁹⁰यन्ति स्म कर्हिचित्॥ २९ ॥

प्रागल्भ्यम् सभासु धार्ष्ट्यम् । प्रश्रयो महत्सु विनयः । शीलं सद्वृत्तिः । सहः प्राणस्य स्वाभाविकसामर्थ्यम् । ओजः अ⁹¹न्नादिजनितम्, बलं धारणासामर्थ्यम् । भगो ज्ञानाद्युत्कर्षः । गाम्भीर्यं ⁹²दु:खग्राह्याभिप्रायत्वम् । स्थैर्यं क्रोधनिमित्तैरविकारः । आस्तिक्यं शास्त्रार्थविश्वासः । कीर्तिर्यशः । मानः पूजार्हता । अनहङ्कृतिर्देहात्माभिमानराहित्यम् ॥ २८, २९ ॥

तेनाहं गुणपात्रेण श्रीनिवासेन साम्प्रतम्।
शोचामि रहितं लोकं पाप्मना कलिनेक्षितम्॥

तेनाऽहं गुणपात्रेण श्रीनिवासेन साम्प्रतम्।
शोचामि रहितं लोकं पाप्मना कलिनेक्षितम्॥ ३० ॥

पृथ्वीने कहा—धर्म! तुम मुझसे जो कुछ पूछ रहे हो, वह सब स्वयं जानते हो। जिन भगवान‍्के सहारे तुम सारे संसारको सुख पहुँचानेवाले अपने चारों चरणोंसे युक्त थे, जिनमें सत्य, पवित्रता, दया, क्षमा, त्याग, सन्तोष, सरलता, शम, दम, तप, समता, तितिक्षा, उपरति, शास्त्रविचार, ज्ञान, वैराग्य, ऐश्वर्य, वीरता, तेज, बल, स्मृति, स्वतन्त्रता, कौशल, कान्ति, धैर्य, कोमलता, निर्भीकता, विनय, शील, साहस, उत्साह, बल, सौभाग्य, गम्भीरता, स्थिरता, आस्तिकता, कीर्ति, गौरव और निरहंकारता—ये उनतालीस अप्राकृत गुण तथा महत्त्वाकांक्षी पुरुषोंके द्वारा वाञ्छनीय (शरणागतवत्सलता आदि) और भी बहुत-से महान् गुण उनकी सेवा करनेके लिये नित्य-निरन्तर निवास करते हैं, एक क्षणके लिये भी उनसे अलग नहीं होते—उन्हीं समस्त गुणोंके आश्रय, सौन्दर्यधाम भगवान् श्रीकृष्णने इस समय इस लोकसे अपनी लीला संवरण कर ली और यह संसार पापमय कलियुगकी कुदृष्टिका शिकार हो गया। यही देखकर मुझे बड़ा शोक हो रहा है॥ २५—३०॥

श्रीयते ब्रह्मादिभिरिति श्रीः लक्ष्मीः, तस्याः निवासः श्रीनिवासः तेन इत्यभिप्रेतम् ॥ ३० ॥

आत्मानं चानुशोचामि भवन्तं चामरोत्तमम्।
देवान् पितॄनृषीन् सर्वान् साधून् वर्णांस्तथाऽऽश्रमान्॥

आत्मानञ्चानुशोचामि भवन्तञ्चामरोत्तम⁹³म्।
देवान् पितॄनृषीन् साधून् सर्वान्वर्णांस्तथाऽऽश्रमान्॥ ३१ ॥

अपने लिये, देवताओंमें श्रेष्ठ तुम्हारे लिये, देवता, पितर, ऋषि, साधु और समस्त वर्णों तथा आश्रमोंके मनुष्योंके लिये मैं शोकग्रस्त हो रही हूँ॥ ३१॥

आत्मानं मां भवन्तञ्च अनुशोचामि इत्यर्थः ॥ ३१ ॥

ब्रह्मादयो बहुतिथं यदपाङ्गमोक्ष-
कामास्तपः समचरन् भगवत्प्रपन्नाः।
सा श्रीः स्ववासमरविन्दवनं विहाय
यत्पादसौभगमलं भजतेऽनुरक्ता॥

ब्रह्मादयो ब⁹⁴हुतिथं यदपाङ्गमोक्षका⁹⁵मास्तपस्समचरन् भगवत्प्रपन्नाः⁹⁶।
सा श्रीः स्ववासमरविन्दवनं विहाय यत्पादसौभगमलं भजतेऽनुरक्ता॥ ३२ ॥

तदेव विशदयति ब्रह्मादय इति । चतुर्मुखप्रभृतयो यस्याः अपाङ्गमोक्षः ईषत् तिर्यक् प्रसारः तद्विषयत्वमात्मानं कामयमानाः बहुतिथं बहुकालं तपः समचरन् चक्रुः सा श्रीरपि कमलवनं स्वनिवासं विहाय भगवन्तमेव प्रपन्ना च सती यस्य पादयोः सौभगं सौन्दर्यमेवालं नितरां भजते सेवते ॥ ३२ ॥

तस्याहमब्जकुलिशाङ्‍कुशकेतुकेतैः
श्रीमत्पदैर्भगवतः समलंकृताङ्गी।
त्रीनत्यरोच उपलभ्य ततो विभूतिं
लोकान् स मां व्यसृजदुत्स्मयतीं तदन्ते॥

तस्याऽहमब्जकुलिशाङ्‍कुशकेतुकेतैः श्रीमत्पदैर्भगवतस्समलङ्कृताङ्गी।
त्रीनत्यरोच उ⁹⁷पलभ्य त⁹⁸तो विभूतिं लोकान् स मां व्यसृजदुत्स्मयतीं तदन्ते॥ ३३ ॥

जिनका कृपाकटाक्ष प्राप्त करनेके लिये ब्रह्मा आदि देवता भगवान‍्के शरणागत होकर बहुत दिनोंतक तपस्या करते रहे, वही लक्ष्मीजी अपने निवासस्थान कमलवनका परित्याग करके बड़े प्रेमसे जिनके चरणकमलोंकी सुभग छत्रछायाका सेवन करती हैं, उन्हीं भगवान‍्के कमल, वज्र, अंकुश, ध्वजा आदि चिह्नोंसे युक्त श्रीचरणोंसे विभूषित होनेके कारण मुझे महान् वैभव प्राप्त हुआ था और मेरी तीनों लोकोंसे बढ़कर शोभा हुई थी; परन्तु मेरे सौभाग्यका अब अन्त हो गया! भगवान‍्ने मुझ अभागिनीको छोड़ दिया! मालूम होता है मुझे अपने सौभाग्यपर गर्व हो गया था, इसीलिये उन्होंने मुझे यह दण्ड दिया है॥ ३२-३३॥

तस्य भगवतः अब्जादीनां केतूनां चिह्नानां केतैराश्रयभूतैः पदैः पादविन्यासैरलङ्कृतमङ्गं यस्यास्सा, अहं ततः अत एव विभूतिं लक्ष्मीमप्युपलभ्य त्वयाप्येवं भाग्यं न लब्धमित्या⁹⁹क्षिप्य विभूतिं सर्वसमृद्धिं प्राप्येति वा । त्रीनपि लोकानत्यरोचे त्रिलोकीमतिक्रम्य ततोऽप्यधिकं दीप्तिमत्यस्मि । एवमुत्स्मयन्तीं गर्वितां मां स भगवान् तदन्ते अवतारप्रयोजनान्ते व्यसृजत् तत्याज ॥ ३३ ॥

यो वै ममातिभरमासुरवंशराज्ञा-
मक्षौहिणीशतमपानुददात्मतन्त्रः।
त्वां दुःस्थमूनपदमात्मनि पौरुषेण
सम्पादयन् यदुषु रम्यमबिभ्रदङ्गम्॥

यो वै ममातिभरमासुरवंशराज्ञामक्षौहिणीशतमपानुददात्मतन्त्रः।
त्वां दुःस्थमूनपदमात्मनि पौरुषेण सम्पादयन् यदुषु रम्यमबिभ्रदङ्गम्॥ ३४ ॥

तुम अपने तीन चरणोंके कम हो जानेसे मन-ही-मन कुढ़ रहे थे; अतः अपने पुरुषार्थसे तुम्हें अपने ही अन्दर पुनः सब अंगोंसे पूर्ण एवं स्वस्थ कर देनेके लिये वे अत्यन्त रमणीय श्यामसुन्दर विग्रहसे यदुवंशमें प्रकट हुए और मेरे बड़े भारी भारको, जो असुरवंशी राजाओंकी सैकड़ों अक्षौहिणियोंके रूपमें था, नष्ट कर डाला। क्योंकि वे परम स्वतन्त्र थे॥ ३४॥

यो वा इति ममातीव भाररूपमासुरवंशेऽ¹⁰⁰सुरसम्पद्युक्तवंशे जातानां राज्ञामक्षौहिणीनां शतमपानुदत् अपनीतवान् । तथा यश्चाऽऽत्मतन्त्रः स्वतन्त्रः ऊनपदमूनं पदं पादद्वयं यस्य तमतएव दुःस्थं दुःखितं त्वामात्मनि स्वस्मिन्यत्पौरुषं सामर्थ्यं तेन सम्पादयन् पादचतुष्टयसम्पन्नं कर्तुमिच्छुर्यदुषु रमणीयमङ्ग शरीरमबिभ्रद्धृतवान् ॥ ३४ ॥

का वा सहेत विरहं पुरुषोत्तमस्य
प्रेमावलोकरुचिरस्मितवल्गुजल्पैः।
स्थैर्यं समानमहरन्मधुमानिनीनां
रोमोत्सवो मम यदङ्घ्रिविटङ्कितायाः॥

का वा सहेत विरहं पुरुषोत्तमस्य प्रेमावलोकरुचिरस्मितवल्गुजल्पैः।
स्थैर्यं समानमहरन्मधुमानिनीनां रो¹⁰¹मोत्सवो मम यदङ्घ्रिविटङ्कितायाः॥ ३५ ॥

जिन्होंने अपनी प्रेमभरी चितवन, मनोहर मुसकान और मीठी-मीठी बातोंसे सत्यभामा आदि मधुमयी मानिनियोंके मानके साथ धीरजको भी छीन लिया था और जिनके चरणकमलोंके स्पर्शसे मैं निरन्तर आनन्दसे पुलकित रहती थी, उन पुरुषोत्तम भगवान् श्रीकृष्णका विरह भला कौन सह सकती है॥ ३५॥

यश्च प्रेमपूर्वकावलोकनेन रुचिरेण सुन्दरेण स्मितेन सुन्दरैर्भाषिणैश्च मधुमानिनीनां यादवस्त्रीणां स्थैर्यमितरावश्यत्वं सम्यक् हृतवान् यस्य चाङ्घ्रिभ्यां विटङ्किताया अलङ्कृताया मम रोमोत्सवो रोमोद्गमो बभूव । तस्य पुरुषोत्तमस्य श्रीकृष्णस्य विरहं का वा मादृशी सहेत ? न का¹⁰²पीत्यर्थः ॥ ३५ ॥

तयोरेवं कथयतोः पृथिवीधर्मयोस्तदा।
परीक्षिन्नाम राजर्षिः प्राप्तः प्राचीं सरस्वतीम्॥

तयोरेवं कथयतोः पृथिवीधर्मयोस्तदा।
परीक्षिन्नाम राजर्षिः प्राप्तः प्राचीं सरस्वतीम्॥ ३६ ॥

धर्म और पृथ्वी इस प्रकार आपसमें बातचीत कर ही रहे थे कि उसी समय राजर्षि परीक्षित् पूर्ववाहिनी सरस्वतीके तटपर आ पहुँचे॥ ३६॥

इति श्रीमद‍्भागवते महापुराणे पारमहंस्यां संहितायां प्रथमस्कन्धे पृथ्वीधर्मसंवादो नाम षोडशोऽध्यायः॥ १६॥

इत्थं तयोः पृथिवीधर्मयोः कथयतोर्मिथः सम्भाषमाणयोस्सतोः तदा परीक्षिन्नाम राजर्षिः प्राचीं सरस्वतीं प्रभासतीर्थं प्राप्तो गतः ॥ ३६ ॥

इति श्रीमद्भागवते प्रथमस्कन्धे श्रीवीरराघववदुषा लिखितायां भागवतचन्द्रचन्द्रिकायां व्याख्यायां षोडशोऽध्यायः ॥ १६ ॥