वायुरुवाच
यदा पुनः प्रजाः सृष्टा न व्यवर्धन्त वेधसः ॥ ॥१,१५।१अब्।
तदा मैथुनजां सृष्टिं ब्रह्मा कर्तुममन्यत ॥ ॥१,१५।१च्द्।
न निर्गतं पुरा यस्मान्नारीणां कुलमीश्वरात् ॥ ॥१,१५।२अब्।
तेन मैथुनजां सृष्टिं न शशाक पितामहः ॥ ॥१,१५।२च्द्।
ततस्स विदधे बुद्धिमर्थनिश्चयगामिनीम् ॥ ॥१,१५।३अब्।
प्रजानमेव वृद्ध्यर्थं प्रष्टव्यः परमेश्वर ॥ ॥१,१५।३च्द्।
प्रसादेन विना तस्य न वर्धेरन्निमाः प्रजाः ॥ ॥१,१५।४अब्।
एवं सञ्चिन्त्य विश्वात्मा तपः कर्तुं प्रचक्रमे ॥ ॥१,१५।४च्द्।
तदाद्या परमा शक्तिरनन्ता लोकभाविनी ॥ ॥१,१५।५अब्।
आद्या सूक्ष्मतरा शुद्धा भावगम्या मनोहरा ॥ ॥१,१५।५च्द्।
निर्गुणा निष्प्रपञ्चा च निष्कला निरुपप्लवा ॥ ॥१,१५।६अब्।
निरन्तरतरा नित्या नित्यमीश्वरपार्श्वगा ॥ ॥१,१५।६च्द्।
तया परमया शक्त्या भगवन्तं त्रियम्बकम् ॥ ॥१,१५।७अब्।
सञ्चिन्त्य हृदये ब्रह्मा तताप परमं तपः ॥ ॥१,१५।७च्द्।
तीव्रेण तपसा तस्य युक्तस्य परमेष्ठिनः ॥ ॥१,१५।८अब्।
अचिरेणैव कालेन पिता सम्प्रतुतोष ह ॥ ॥१,१५।८च्द्।
ततः केनचिदंशेन मूर्तिमाविश्य कामपि ॥ ॥१,१५।९अब्।
अर्धनारीश्वरो भूत्वा ययौ देवस्स्वयं हरः ॥ ॥१,१५।९च्द्।
तं दृष्ट्वा परमं देवं तमसः परमव्ययम् ॥ ॥१,१५।१०अब्।
अद्वितीयमनिर्देश्यमदृश्यमकृतात्मभिः ॥ ॥१,१५।१०च्द्।
सर्वलोकविधातारं सर्वलोकेश्वरेश्वरम् ॥ ॥१,१५।११अब्।
सर्वलोकविधायिन्या शक्त्या परमया युतम् ॥ ॥१,१५।११च्द्।
अप्रतर्क्यमनाभासममेयमजरं ध्रुवम् ॥ ॥१,१५।१२अब्।
अचलं निर्गुणं शान्तमनन्तमहिमास्पदम् ॥ ॥१,१५।१२च्द्।
सर्वगं सर्वदं सर्वसदसद्व्यक्तिवर्जितम् ॥ ॥१,१५।१३अब्।
सर्वोपमाननिर्मुक्तं शरण्यं शाश्वतं शिवम् ॥ ॥१,१५।१३च्द्।
प्रणम्य दण्डवद्ब्रह्मा समुत्थाय कृताञ्जलिः ॥ ॥१,१५।१४अब्।
श्रद्धाविनयसम्पन्नैः श्राव्यैः संस्करसंयुतैः ॥ ॥१,१५।१४च्द्।
यथार्थयुक्तसर्वार्थैर्वेदार्थपरिबृंहितैः ॥ ॥१,१५।१५अब्।
तुष्टाव देवं देवीं च सूक्तैः सूक्ष्मार्थगोचरैः ॥ ॥१,१५।१५च्द्।
ब्रह्मोवाच
जय देव महादेव जयेश्वर महेश्वर ॥ ॥१,१५।१६अब्।
जय सर्वगुण श्रेष्ठ जय सर्वसुराधिप ॥ ॥१,१५।१६च्द्।
जय प्रकृति कल्याणि जय प्रकृतिनायिके ॥ ॥१,१५।१७अब्।
जय प्रकृतिदूरे त्वं जय प्रकृतिसुन्दरि ॥ ॥१,१५।१७च्द्।
जयामोघमहामाय जयामोघ मनोरथ ॥ ॥१,१५।१८अब्।
जयामोघमहालील जयामोघमहाबल ॥ ॥१,१५।१८च्द्।
जय विश्वजगन्मातर्जय विश्वजगन्मये ॥ ॥१,१५।१९अब्।
जय विश्वजगद्धात्रि जय विश्वजगत्सखि ॥ ॥१,१५।१९च्द्।
जय शाश्वतिकैश्वर्ये जय शाश्वतिकालय ॥ ॥१,१५।२०अब्।
जय शाश्वतिकाकार जय शाश्वतिकानुग ॥ ॥१,१५।२०च्द्।
जयात्मत्रयनिर्मात्रि जयात्मत्रयपालिनि ॥ ॥१,१५।२१अब्।
५१७ब्
जयात्मत्रयसंहर्त्रि जयात्मत्रयनायिके ॥ ॥१,१५।२१च्द्।
जयावलोकनायत्तजगत्कारणबृंहण ॥ ॥१,१५।२२अब्।
जयोपेक्षाकटाक्षोत्थहुतभुग्भुक्तभौतिक ॥ ॥१,१५।२२च्द्।
जय देवाद्यविज्ञेये स्वात्मसूक्ष्मदृशोज्ज्वले ॥ ॥१,१५।२३अब्।
जय स्थूलात्मशक्त्येशेजय व्याप्तचराचरे ॥ ॥१,१५।२३च्द्।
जय नामैकविन्यस्तविश्वतत्त्वसमुच्चय ॥ ॥१,१५।२४अब्।
जयासुरशिरोनिष्ठश्रेष्ठानुगकदम्बक ॥ ॥१,१५।२४च्द्।
जयोपाश्रितसंरक्षासंविधानपटीयसि ॥ ॥१,१५।२५अब्।
जयोन्मूलितसंसारविषवृक्षाङ्कुरोद्गमे ॥ ॥१,१५।२५च्द्।
जय प्रादेशिकैश्वर्यवीर्यशौर्यविजृम्भण ॥ ॥१,१५।२६अब्।
जय विश्वबहिर्भूत निरस्तपरवैभव ॥ ॥१,१५।२६च्द्।
जय प्रणीतपञ्चार्थप्रयोगपरमामृत ॥ ॥१,१५।२७अब्।
जय पञ्चार्थविज्ञानसुधास्तोत्रस्वरूपिणि ॥ ॥१,१५।२७च्द्।
जयति घोरसंसारमहारोगभिषग्वर ॥ ॥१,१५।२८अब्।
जयानादिमलाज्ञानतमःपटलचन्द्रिके ॥ ॥१,१५।२८च्द्।
जय त्रिपुरकालाग्ने जय त्रिपुरभैरवि ॥ ॥१,१५।२९अब्।
जय त्रिगुणनिर्मुक्ते जय त्रिगुणमर्दिनि ॥ ॥१,१५।२९च्द्।
जय प्रथमसर्वज्ञ जय सर्वप्रबोधिक ॥ ॥१,१५।३०अब्।
जय प्रचुरदिव्याङ्ग जय प्रार्थितदायिनि ॥ ॥१,१५।३०च्द्।
क्व देव ते परं धाम क्व च तुच्छं च नो वचः ॥ ॥१,१५।३१अब्।
तथापि भगवन् भक्त्या प्रलपन्तं क्षमस्व माम् ॥ ॥१,१५।३१च्द्।
विज्ञाप्यैवंविधैः सूक्तैर्विश्वकर्मा चतुर्मुखः ॥ ॥१,१५।३२अब्।
नमश्चकार रुद्राय रद्राण्यै च मुहुर्मुहुः ॥ ॥१,१५।३२च्द्।
इदं स्तोत्रवरं पुण्यं ब्रह्मणा समुदीरितम् ॥ ॥१,१५।३३अब्।
अर्धनारीश्वरं नाम शिवयोर्हर्षवर्धनम् ॥ ॥१,१५।३३च्द्।
य इदं कीर्तयेद्भक्त्या यस्य कस्यापि शिक्षया ॥ ॥१,१५।३४अब्।
स तत्फलमवाप्नोति शिवयोः प्रीतिकारणात् ॥ ॥१,१५।३४च्द्।
सकलभुवनभूतभावनाभ्यां जननविनाशविहीनविग्रहाभ्याम् ॥ ॥१,१५।३५अब्।
नरवरयुवतीवपुर्धराभ्यां सततमहं प्रणतोस्मि शङ्कराभ्याम् ॥ ॥१,१५।३५च्द्।
इति श्रीशिवमहापुराणे सप्तम्यां वायवीयसंहितायां पू– शिवशिवास्तुतिवर्णनं नाम पञ्चदशो ऽध्यायः