पुराणे विश्वासटिप्पन्यः

विश्वास-प्रस्तुतिः - १

अथ द्वादशः सर्गः ।
अथासने रत्नमये निषण्णमाद्यं युवानं मुनयः पुराणाः ।
आशीर्वचोभिर्विविधैरपुष्णन्ननाहतातोद्यनिनादमिश्रैः ॥ १॥

मूलम् - १

विश्वास-प्रस्तुतिः - २

प्रकीर्य पुष्पाणि मणीमयानि पत्नीं नमन्तीं मलयध्वजस्य ।
श्रिया च वाण्या च निवेद्यमानां श्वश्रूं हरः प्रैक्षत गौरवेण ॥ २॥

मूलम् - २

विश्वास-प्रस्तुतिः - ३

अगस्त्यमामन्त्र्य ततो विधातुरादेशतः श्रीश्च सरस्वती च ।
निवेशयामासतुरासनार्धे वधूं ह्रिया नम्रमुखीं वरस्य ॥ ३॥

मूलम् - ३

विश्वास-प्रस्तुतिः - ४

दाने स्वसुर्दानवमर्दनोऽपि नियुज्यमानः कमलासनेन ।
श्रिया समं काञ्चनमालिकायाः समक्षमारान्निषसाद वध्वाः ॥ ४॥

मूलम् - ४

विश्वास-प्रस्तुतिः - ५

प्रस्थापितः प्राग् गिरिजाविवाहे यत् कुम्भजन्मा तदृणं विनेतुम् ।
ब्रह्माणमीशस्तु विवाहहोमे वत्रे तमध्वर्युमथाब्जयोनिम् ॥ ५॥

मूलम् - ५

विश्वास-प्रस्तुतिः - ६

यत्नादपि प्रागनवेक्षितं यत् तच्छाम्भवं पादतलं मुकुन्दः ।
पद्माकरावर्जितपाद्यधौतमानर्च पश्यन्निभृतं प्रसूनैः ॥ ६॥

मूलम् - ६

विश्वास-प्रस्तुतिः - ७

आरोपयन्नङ्कतलं हरिस्तामाचक्षते स्वं परमं पदं याम् ।
राज्यश्रिया दक्षिणया सहैव ददौ त्रिवेदीकवये वराय ॥ ७॥

मूलम् - ७

विश्वास-प्रस्तुतिः - ८

दातुर्ग्रहीतुश्च किमस्ति गोत्रं को वा पिता कश्च पितामहो वा ।
अतोऽद्भुतस्तुभ्यमिमां ददामीत्यासीदियानेव तु दानमन्त्रः ॥ ८॥

मूलम् - ८

विश्वास-प्रस्तुतिः - ९

तत्पूर्वमुत्तानदशागृहीतसङ्केतके पाणितले पुरारेः ।
न्यस्तः करः पाण्ड्यकुमारिकायाः सर्वोत्तरत्वं प्रकटीचकार ॥ ९॥

मूलम् - ९

विश्वास-प्रस्तुतिः - १०

करो गृहीतः पृथिवीपतिभ्यो दिक्पालकेभ्यश्च यया जयन्त्या ।
तस्यास्त्वयाग्राहि करोऽधुनेति देवी गिरां सस्मितमाह देवम् ॥ १०॥

मूलम् - १०

विश्वास-प्रस्तुतिः - ११

परस्परस्योपरि मन्मथेन प्रयुक्तमस्त्रं समयं प्रतीक्ष्य ।
सन्दर्शयन्ताविव चक्रतुस्तौ माल्यार्पणव्यत्ययमङ्गलानि ॥ ११॥

मूलम् - ११

विश्वास-प्रस्तुतिः - १२

गृहन् वरः स्वाञ्जलिना मृगाक्ष्या लाजाञ्जलिं होमविधौ चकाशे ।
माल्यापवेधग्लपनापराधनिर्मार्जनायानुनयन्निवेमाम् ॥ १२॥

मूलम् - १२

विश्वास-प्रस्तुतिः - १३

अश्मानम् आरोपयितुं पदाब्जम्
आलम्बमाने दयिते मृगाक्ष्याः ।
“पादग्रहः प्राथमिको ऽयम् अस्याः
प्रचीयताम्” इत्य् अवदन् मुकुन्दः ॥ १३॥

मूलम् - १३

अश्मानमारोपयितुं पदाब्जमालम्बमाने दयिते मृगाक्ष्याः ।
पादग्रहः प्राथमिकोऽयमस्याः प्रचीयतामित्यवदन्मुकुन्दः ॥ १३॥

English - शङ्करः

As the groom, Shiva, caught hold of the bride’s (Minakshi’s) foot to place it on the ritual stone slab, Vishnu (the bride’s brother) remarked jokingly “May you have many more occasions to catch hold of her foot” (i.e., for pacifying her after love quarrels)

विश्वास-प्रस्तुतिः - १४

कान्तः शरण्यो जगतां त्रयाणां तस्याः करस्थे चरणारविन्दे ।
ऐश्वर्यमुर्व्यादि सदाशिवान्तमव्याहतं तद् बुबुधे करस्थम् ॥ १४॥

मूलम् - १४

विश्वास-प्रस्तुतिः - १५

आमुक्तमञ्जीरमलक्तकाङ्कमाकुञ्चितं किञ्चिदिव ह्रियान्तः ।
स्विन्नं करे स्विद्यति लग्नमैशे धन्याः पदं तद् ददृशुर्जनन्याः ॥ १५॥

मूलम् - १५

विश्वास-प्रस्तुतिः - १६

आसीत् तदाविष्कृतहर्षबाष्पमक्षिद्वयं काञ्चनमालिकायाः ।
आ मानुषादा च महेश्वरीयादानन्द साम्राज्य इवाभिषिक्तम् ॥ १६॥

मूलम् - १६

विश्वास-प्रस्तुतिः - १७

आधीयमानेऽश्मनि तत्पदाब्जे मञ्जीरघोषो मधुरो जजृम्भे ।
सद्यः समास्फालितदोर्द्वयेन मुक्तः स्मरेणेव जयाट्टहासः ॥ १७॥

मूलम् - १७

विश्वास-प्रस्तुतिः - १८

प्रदक्षिणीकुर्वति हव्यवाहं द्वन्द्वे जगन्मङ्गलधाम्नि तस्मिन् ।
प्रदक्षिणीचक्रुरिव प्रजानां दृशस्तदीयोत्पलदामदम्भात् ॥ १८॥

मूलम् - १८

विश्वास-प्रस्तुतिः - १९

निवर्त्य वैवाहिकहोमशेषमम्भोजभूः कुम्भभुवोपदिष्टः ।
न्यवेशयद्रत्नमयेऽथ पीठे वामे वधूं दक्षिणतो वरञ्च ॥ १९॥

मूलम् - १९

विश्वास-प्रस्तुतिः - २०

आसन्नमप्यन्तरलेशशून्यं मिथो न तृप्तिं मिथुनं तदूहे ।
अतृप्तयोरेकशरीरभावेऽप्यासत्तिरेषा कतमा तयोः स्यात् ॥ २०॥

मूलम् - २०

विश्वास-प्रस्तुतिः - २१

आशीर्भिरानुश्रविकीभिराद्यामाचारपद्यामनुपालयन्तः ।
संवर्धयामासुरिमौ समेता ब्रह्मर्षयो ब्रह्ममुखा हसन्तः ॥ २१॥

मूलम् - २१

विश्वास-प्रस्तुतिः - २२

स दक्षिणाभिः परितोष्य विप्रान् सम्मान्य देवानुचितोपचारैः ।
विश्रान्तिहेतोरवरोधगेहं विवेश देवोऽथ तटातकायाः ॥ २२॥

मूलम् - २२

विश्वास-प्रस्तुतिः - २३

धैर्योपदेशादसकृत् सखीभ्यां वाणीरमाभ्यां प्रतिबोधितायाः ।
आलम्बमानः करमम्बिकाया मञ्चे परार्ध्ये निषसाद देवः ॥ २३॥

मूलम् - २३

विश्वास-प्रस्तुतिः - २४

ताम्राधरोष्ठं तरलायताक्षमास्विन्नमषित्रपयावनम्रम् ।
वक्त्रं शनैरुन्नमयाम्बभूव मार्जन्निव स्वेदलवान् स तस्याः ॥ २४॥

मूलम् - २४

विश्वास-प्रस्तुतिः - २५

ताम्बूलमासन्नसखीवितीर्णमादाय पर्याकुलितां ह्रिया ताम् ।
आलक्षयन्ती कमला सलीलमाह स्म पत्ये प्रतिपादयति ॥ २५॥

मूलम् - २५

विश्वास-प्रस्तुतिः - २६

कुतो गृहीता वलयास्त्वयेमे केनोपहारीकृत एष हारः ।
इत्यङ्गमङ्गं पतिराममर्श जिज्ञासयेवाभरणेषु तस्याः ॥ २६॥

मूलम् - २६

विश्वास-प्रस्तुतिः - २७

आपृच्छ्यमाना दयितेन तत् तदवाङ्मुखी नोत्तरमाचचक्षे ।
निर्बन्धपृष्टा तु कथञ्चिदेषा मन्दस्मितेनोत्तरयाम्बभूव ॥ २७॥

मूलम् - २७

विश्वास-प्रस्तुतिः - २८

माता तवेयं मलयध्वजस्य किं भोगिनी किं गृहिणीषु काचित् ।
इत्युक्तिभिः कोपयतापि पत्या प्रत्युत्तरं भ्रूकुटिरेव लेभे ॥ २८॥

मूलम् - २८

विश्वास-प्रस्तुतिः - २९

तदिङ्गितानामयथावबोधात् समाचरन्तीभिरिवान्यदन्यत् ।
सल्लाँपयामास रुषा सखीभिः सङ्केतिताभिः स हसन् नवोढाम् ॥ २९॥

मूलम् - २९

विश्वास-प्रस्तुतिः - ३०

यदाह यत् प्रैक्षत यज्जहास यदास्त जोषं यदपि न्यषेधत् ।
सा तेन तेनैव शरीरलाभसाफल्यमापादयति स्म यूनः ॥ ३०॥

मूलम् - ३०

विश्वास-प्रस्तुतिः - ३१

स यावदित्थं समयाचकार नवोढया नर्मपरो महेशः ।
तावज्जना भक्तकराः समेत्य निर्वर्तितं पाकविधि शशंसुः ॥ ३१॥

मूलम् - ३१

विश्वास-प्रस्तुतिः - ३२

ते शासनात् तत्र महेश्वरस्य प्राक् ब्राह्मणान् भोजयितुं समेतान् ।
सम्मेलयन्ति स्म समन्ततोऽपि स्वयं तु भक्त्या सुमतिर्महर्षीन् ॥ ३२॥

मूलम् - ३२

विश्वास-प्रस्तुतिः - ३३

असेवमानौ नटनं पुरारेरपोऽपि यो जात्वपि नाददाते ।
तौ व्याघ्रपादश्च पतञ्जलिश्च सन्नेहतुर्हेमसभां प्रयातुम् ॥ ३३॥

मूलम् - ३३

विश्वास-प्रस्तुतिः - ३४

आकर्ण्य तन्निश्चयमानिनाय तौ योगिनौ सुन्दरपाण्ड्यदेवः ।
आचष्ट चैनावभिगम्य भक्त्या पादे स्पृशन् प्रश्रयपूर्वमित्थम् ॥ ३४॥

मूलम् - ३४

विश्वास-प्रस्तुतिः - ३५

सभानटः काञ्चनसंसदीव संसेव्यमानः सुरसिद्धसङ्घैः ।
हालास्यनाथोऽपि करोति नृत्तमस्मिन् सदा रूप्यसभान्तराले ॥ ३५॥

मूलम् - ३५

विश्वास-प्रस्तुतिः - ३६

अत्रैव नृतं तरुणेन्दुमौलेरासेव्य माध्याह्निकमद्भुतं तत् ।
आगच्छतं क्षिप्रमनुग्रहीतुं प्राणाग्निहोत्राचरणादिहास्मान् ॥ ३६॥

मूलम् - ३६

विश्वास-प्रस्तुतिः - ३७

इतीरितौ पाशुपतौ मुनी तौ तथेति गत्वा कनकाम्बुजिन्याम् ।
निर्वर्त्तयन्तौ नियमाभिषेकमासेदतुर्नृत्तसभां पुरारेः ॥ ३७॥

मूलम् - ३७

विश्वास-प्रस्तुतिः - ३८

अन्तर्हितब्रह्मकपालजालमाबद्ध्य दृश्येन्दुकलं कपर्दम् ।
आमुक्तवैयाकरणाङ्गदाङ्घ्रिरवातरत् तत्र तदा नटेशः ॥ ३८॥

मूलम् - ३८

विश्वास-प्रस्तुतिः - ३९

मुरं पुरा यः स्वयमाजघान स एव देवो मुरजं तदानीम् ।
ससर्ज यस्तालमसेवनीयं स एव तालं जगृहे तु वेधाः ॥ ३९॥

मूलम् - ३९

विश्वास-प्रस्तुतिः - ४०

प्रागेव यः पाण्ड्यसुतोपलम्भान्नाथः स्थितो नर्त्तितुकाम एव ।
भक्तानुकम्पामपदिश्य तस्य नृत्तं तदावर्त्तत निर्विशङ्कम् ॥ ४०॥

मूलम् - ४०

विश्वास-प्रस्तुतिः - ४१

आतोद्यगीतानुगपादतालमाविर्भवद्भावरसोत्तरङ्गम् ।
आवर्त्तवेगत्रुटिताङ्गहारमनृत्यदीशो ललिताङ्गहारम् ॥ ४१॥

मूलम् - ४१

विश्वास-प्रस्तुतिः - ४२

उदाञ्चितोऽङ्घ्रिश्चिरमुल्ललास नृत्ते स्थितावर्त्तकनाम्नि शम्भोः ।
चित्ते विलीने जतुवन्मुनीनां न्यासादिव स्पन्दयितुं न शक्यः ॥ ४२॥

मूलम् - ४२

विश्वास-प्रस्तुतिः - ४३

वृत्तौ चकारेव विलम्बितायां मञ्जीरनादैः प्रणवोपदेशम् ।
तस्यां द्रुतायां स तदूर्ध्वलग्नां तुर्यामुपादिक्षदिवार्धमात्राम् ॥ ४३॥

मूलम् - ४३

विश्वास-प्रस्तुतिः - ४४

स्वभावरम्याणि यथा यथासन् स्वाच्छन्द्यतस्तस्य विचेष्टितानि ।
तथा तथा पप्रथिरे जगत्यां शैलूषतन्त्रोपनिषद्प्रभेदाः ॥ ४४॥

मूलम् - ४४

विश्वास-प्रस्तुतिः - ४५

तालान्तनृत्तारभटीषु तस्य निर्गच्छतां निश्वसितागमानाम् ।
आदौ महाव्याहृतितामवापुर्भूषाभुजङ्गेश्वरफूत्कृतानि ॥ ४५॥

मूलम् - ४५

विश्वास-प्रस्तुतिः - ४६

उद्भिन्नरोमाञ्चमुदश्रुपूरमाश्चर्यसम्मूढमनन्यवृत्ति ।
आलेख्यविन्यस्तमिवास्त विश्वमानन्दनृत्तावसरे पुरारेः ॥ ४६॥

मूलम् - ४६

विश्वास-प्रस्तुतिः - ४७

संव्यानसम्मृष्टमुखं भवान्या विनस्तचन्द्रार्धविलोभनीयम् ।
नृत्तान्तरम्यं वपुरिन्दुमौलेर्निध्याय तौ तुष्टुवुतुर्मुनीन्द्रौ ॥ ४७॥

मूलम् - ४७

विश्वास-प्रस्तुतिः - ४८

नम्रेषु चित्तान्नवनीतवृत्तेर्नाथ! त्वदीयादपि कोमलौ यौ ।
अस्मत्कृते तौ चरणौ यदित्थमायासितौ तत् प्रथमं क्षमेथाः ॥ ४८॥

मूलम् - ४८

विश्वास-प्रस्तुतिः - ४९

त्वयीश ! नृत्ताद्विरतेऽपि चित्तं त्वदास्पदं नौ परमाद्भुतेन ।
नाद्यापि नृत्ताद्विरतिं प्रयाति ततो नं किञ्चित् प्रतिभा भजावः ॥ ४९॥

मूलम् - ४९

विश्वास-प्रस्तुतिः - ५०

आवां प्रसादेन कृतार्थितौ ते याचावहे लोकहिताय किञ्चित् ।
नृत्तोत्सवः काञ्चनसंसदीव नित्योऽस्त्वमुष्यामपि संसदीति ॥ ५०॥

मूलम् - ५०

विश्वास-प्रस्तुतिः - ५१

तथेति दत्वाभिमतं तयोस्तत् प्रसेदिवान् लोकहितार्थनेन ।
देवोऽनुजग्राह पुनः स्वयं तो दत्वा शिवज्ञानमनन्यलभ्यम् ॥ ५१॥

मूलम् - ५१

विश्वास-प्रस्तुतिः - ५२

सेवावसाने पुरशासनम्य समागतान् भृमिसुरान् सुरांश्च ।
हैमेषु पीठेषु वितर्णिपाद्यानम्थापयत् कुम्भभवोऽथ भोक्तुम् ॥ ५२॥

मूलम् - ५२

विश्वास-प्रस्तुतिः - ५३

ते भाविताश्चन्दनचर्चिकाभिः कर्पूरकाश्मीरकरम्विताभिः ।
अभ्यर्चिता दक्षिणया च माल्यैरभुञ्जतान्नानि रसोत्तराणि ॥ ५३॥

मूलम् - ५३

विश्वास-प्रस्तुतिः - ५४

शाकौदनव्यञ्जनसूपयू षैरसायनक्वाथरसप्रभेदैः ।
भक्ष्यैरसङ्ख्यैर्घृतशर्कराढ्यैः फलैर्विचित्रैरपि तृप्तिमापुः ॥ ५४॥

मूलम् - ५४

विश्वास-प्रस्तुतिः - ५५

ते भक्ष्यभोज्यैः खलचूर्णलेह्यानिर्यूहपानीयगणैश्च चित्रैः ।
विस्मापिताः स्वां विधिवञ्चितेति जातिं निनिन्दुः शतशः सुधाशाः ॥ ५५॥

मूलम् - ५५

विश्वास-प्रस्तुतिः - ५६

आपृच्छमाना विबुधा मनुष्यानाम्वादभङ्गीमभिधां रसं च ।
अत्यादरादभ्यवजह्रुरिस्थमाश्चर्यमग्ना इव तान् पदार्थान् ॥ ५६॥

मूलम् - ५६

विश्वास-प्रस्तुतिः - ५७

आकर्ण्य गर्हाममृताशनत्वे तपःफले तत्र सुरैः प्रयुक्ताम् ।
वाताम्बुपर्णाशनवृत्तयोऽपि वाचंयमाः स्वानि जहुर्व्रतानि ॥ ५७॥

मूलम् - ५७

विश्वास-प्रस्तुतिः - ५८

अनेकवक्रोदरपाणिचिह्नानालक्ष्य भृतेशगणानसङ्ख्यान् ।
तद्विक्रियायै स्पृहयाम्बभूवुस्तत्र प्रजाः प्रत्यवसानसक्ताः ॥ ५८॥

मूलम् - ५८

विश्वास-प्रस्तुतिः - ५९

इत्यं जगत् तर्पितमिन्दुमौलिर्निशम्य निर्वर्तितनित्यकर्मा ।
वध्वा समं भोजनवेदिकायामुपाविशन्मङ्गलतूर्यधोषैः ॥ ५९॥

मूलम् - ५९

विश्वास-प्रस्तुतिः - ६०

वाणीविरिञ्चौ कमलामुकुन्दौ शचीमहेन्द्रौ च निषेदुरग्रे ।
हेरम्बषाण्मातुरनन्दिनस्तु पार्थे निदेशेन शशाङ्कमौलेः ॥ ६०॥

मूलम् - ६०

विश्वास-प्रस्तुतिः - ६१

अथान्नपूर्णापरिविष्यमाणमन्नं शुचि स्वादु बहुप्रकारम् ।
आमोदयन् नर्मभिरन्तिकस्थानभुङ्क्त वध्वा सह चन्द्रचूडः ॥ ६१॥

मूलम् - ६१

विश्वास-प्रस्तुतिः - ६२

स भुक्तशेषं कवलं प्रियायै समन्त्रमेकं प्रथमं ददौ यत् ।
हेतुस्तदासीदिव भाविनीनां तद्भुक्तशेषग्रहसन्ततीनाम् ॥ ६२॥

मूलम् - ६२

विश्वास-प्रस्तुतिः - ६३

पक्वं फलं मान्मथमेतदद्य जामातुरेवार्हमिति ब्रुवाणम् ।
सत्यं प्रसादेन तु माधवस्य तल्लब्धमित्याह हसन् स शौरिम् ॥ ६३॥

मूलम् - ६३

विश्वास-प्रस्तुतिः - ६४

पत्युः प्रियं बिम्बफलं विनैव फलान्यसङ्ख्यानि मुधाहृतानि ।
अतः पिपासा विरतास्य नेति वाणी वधूमाक्षिपति स्म राज्ञीम् ॥ ६४॥

मूलम् - ६४

विश्वास-प्रस्तुतिः - ६५

भोज्यानि यानि त्रिदिवेऽद्भुतानि तान्याददानः स्वयमीषदीषत् ।
सासूययोरात्मजयोमहेशः शैलादये तत्र दैयाम्बभूव ॥ ६५॥

मूलम् - ६५

विश्वास-प्रस्तुतिः - ६६

भुक्तोत्थितो नमकथाभिरित्थं विसृज्य विश्रान्तिकृते वयस्यान् ।
सज्जीकृतं प्राप तटातकायाः शय्यागृहं सुन्दरपाण्ड्यदेवः ॥ ६६॥

मूलम् - ६६

विश्वास-प्रस्तुतिः - ६७

ततो जनाः पाकगृहे नियुक्तास्तत्रान्नराशीन् शतशोऽवशिष्टान् ।
आवेदयामासुरनुक्रमेण देव्याः पुरः काञ्चनमालिकायाः ॥ ६७॥

मूलम् - ६७

विश्वास-प्रस्तुतिः - ६८

कोट्यस्त्रयस्त्रिंशदिति प्रतीता सङ्ख्या त्वियं काचन देवतानाम् ।
सङ्ख्या गणानामपि मानवानां सङ्ख्यायते भुक्तवतां न कैश्चित् ॥ ६८॥

मूलम् - ६८

विश्वास-प्रस्तुतिः - ६९

शाकेषु सूपेषु फलेष्वपूपेष्वन्नेषु माध्वीगुडशर्करासु ।
शिष्टानि शक्ता प्रवक्तुं शाधि त्वमेषामुपयोगयोगम् ॥ ६९॥

मूलम् - ६९

विश्वास-प्रस्तुतिः - ७०

इतीरितं काञ्चनमालिका तच्चेटीभिरासूचयदात्मजायाः ।
सा च प्रियं किं क्रियतामिहेति मन्दाक्षमन्दाक्षरमन्वयुङ्क्त ॥ ७०॥

मूलम् - ७०

विश्वास-प्रस्तुतिः - ७१

तामाह देवस्त्वमसीह राज्ञी दवी त्रयाणामपि विष्टपानाम् ।
तत्तावकीमन्नसमृद्धिमेतां भोक्तुं जनाः के मम सम्भवेयुः ॥ ७१॥

मूलम् - ७१

विश्वास-प्रस्तुतिः - ७२

कुण्डोदरो नाम गणोऽयमेकस्तथापि शिष्टः परिचर्यया मे ।
भोक्तुं न यस्यावसरः पुराभूत् तं भोजय स्वोदरपूरमेनम् ॥ ७२॥

मूलम् - ७२

विश्वास-प्रस्तुतिः - ७३

इत्यादिशन्नन्नसमृद्धिगर्वमपाचिकीर्षुः स नृपालपन्त्याः ।
देवो गणस्य त्रिजगच्छरीरवैश्वानरात्मा जठरं विवेश ॥ ७३॥

मूलम् - ७३

विश्वास-प्रस्तुतिः - ७४

पौरोगवास्तत्र तया नियुक्ताः प्रवेश्य तं भोजनमण्डपान्तः ।
विस्तार्य पत्राणि विशङ्कटानि भक्ष्याणि भोज्यानि ततोऽभ्यवर्षन् ॥ ७४॥

मूलम् - ७४

विश्वास-प्रस्तुतिः - ७९

प्राणाहुतेः पर्युपयुक्तमन्नमप्यत्र दृष्ट्योपलभे न यावत् ।
तावत् कथं भोक्तुमुपक्रमेयेत्यूचे स भुङ्क्ष्वेति वदत्सु रोषात् ॥ ७९॥

मूलम् - ७९

विश्वास-प्रस्तुतिः - ७६

सा पाण्ड्यदेवी सुमतिश्च तत्र समेत्य विस्मेरविलोचनान्तौ ।
आपूपिकैरान्धसिकैश्च भूयोऽप्यदापयेतां मुहुरन्नराशीन् ॥ ७६॥

मूलम् - ७६

विश्वास-प्रस्तुतिः - ७७

पात्राधिकं प्रेक्ष्य स भक्तराशिं व्यामिश्रितं व्यञ्जनशाकभेदैः ।
प्राणाहुतिं प्राथमिकीं कथञ्चिन्निर्वर्त्त्य तस्थौ निभृतं क्षुधार्त्तः ॥ ७७॥

मूलम् - ७७

विश्वास-प्रस्तुतिः - ७८

सम्भ्रम्य दास्योऽथ नृपालपत्न्याः सम्भूय सम्भूय यथोपलब्धम् ।
भक्ष्याणि भोज्यान्यदुरक्रमेण पक्वान्यपक्वान्यपि धावमानाः ॥ ७८॥

मूलम् - ७८

विश्वास-प्रस्तुतिः - ७९

प्राणाहुतीः पञ्च ततः कथञ्चित् प्रसाध्य खिन्नः क्षुधया महत्या ।
स तावतीनां परिवेषिणीनां न चक्षमे तत्र गणो विलम्बम् ॥ ७९॥

मूलम् - ७९

विश्वास-प्रस्तुतिः - ८०

अथान्नकूटैरभितोऽप्यसङ्ख्यैरपूपशैलैश्च निरन्तरालम् ।
महानसं स स्वयमाविवेश महाह्रदं मत्त इव द्विपेन्द्रः ॥ ८०॥

मूलम् - ८०

विश्वास-प्रस्तुतिः - ८१

तत्रान्नकूटान् सह भक्ष्यवर्गैरालोडयन् दृष्टिपथं प्रविष्टान् ।
षष्ट्या नवत्या च शतेन चैषां स एकमेकं कबलं चकार ॥ ८१॥

मूलम् - ८१

विश्वास-प्रस्तुतिः - ८२

अन्नोच्चयानास्तरणैः सहैव दुग्धानि भाण्डैर्दृतिभिर्घृतानि ।
स्वीकुर्वतोऽस्माच्चकिताः समन्तात् प्रदुद्रुवुः पाकगृहे नियुक्ताः ॥ ८२॥

मूलम् - ८२

विश्वास-प्रस्तुतिः - ८३

सुरद्रुमाः स्वर्गगवी च तत्र सम्प्रार्थ्यमाना नरपालपत्न्या ।
यान् यानसङ्ख्यानसृजन पदार्थास्ते तेऽभवन्नस्य किलोपदंशाः ॥ ८३॥

मूलम् - ८३

विश्वास-प्रस्तुतिः - ८४

गोधूममाषाढकमुद्गशालिश्यामाकनीवारतिलादिमानि ।
धान्यानि चान्यानि स चर्वति स्म कुड्यैः कुसूलैमणिकैश्च कुम्भैः ॥ ८४॥

मूलम् - ८४

विश्वास-प्रस्तुतिः - ८५

सम्भ्रान्तचेटीशतघुष्यमाणतच्चेष्टिताकर्णनजातलज्जाम् ।
अभिद्रवन्तीं स्वयमेव देवीमपाङ्गयन् सस्मितमास्त देवः ॥ ८५॥

मूलम् - ८५

विश्वास-प्रस्तुतिः - ८६

अथ क्षणादक्षयमन्नगर्तं ससर्ज तस्मै शफरेक्षणा यम् ।
तमप्यसौ स्थण्डिलमात्रशेषं चक्रे महद्भिः कवलैश्चतुर्भिः ॥ ८६॥

मूलम् - ८६

विश्वास-प्रस्तुतिः - ८७

अपूर्णमन्नैरुदरं ममेदमापूरयिष्ये सलिलेन वेति ।
कुण्डोदरे याचति पाण्ड्यकन्या सस्मार गङ्गां तरलोर्मिसङ्घाम् ॥ ८७॥

मूलम् - ८७

विश्वास-प्रस्तुतिः - ८८

अथासिन्धुर्मलयाद्रिश‍ृङ्गादाविर्भवन्ती विपुलैस्तरङ्गैः ।
आप्लावयन्तीव भुवं समस्तामभ्यर्णमागान्मधुरानगर्याः ॥ ८८॥

मूलम् - ८८

विश्वास-प्रस्तुतिः - ८९

स पाणिना वक्रनिवेशितेन तथा पपौ तामपि दिव्यसिन्धुम् ।
कौतूहलात् प्रेरयतस्तमासीद् गङ्गाधरस्यापि यथानुतापः ॥ ८९॥

मूलम् - ८९

विश्वास-प्रस्तुतिः - ९०

स्वीकुर्वतस्तां सिकतावशेषां सृक्कद्वयीमालिहतश्च भूयः ।
सा तस्य तां ग्लानिमवेक्षमाणा गौरी सलज्जा गिरिशं बभाषे ॥ ९०॥

मूलम् - ९०

विश्वास-प्रस्तुतिः - ९१

अजानती यद् भवतः प्रभावमन्नोच्चयोच्छेषमवादिषं प्राक् ।
तन्मर्षयन् मानद! तर्पमेनं कुण्डोदरस्यास्य निवारयेति ॥ ९१॥

मूलम् - ९१

विश्वास-प्रस्तुतिः - ९२

व्याजेन केनापि गिरं त्वदीयां शुश्रूषमाणो यदकार्षमित्थम् ।
तत् संहृतं देवि! तव प्रभावादश्रान्तपूरास्तु वियन्नदीयम् ॥ ९२॥

मूलम् - ९२

विश्वास-प्रस्तुतिः - ९३

वेगागता वेगवतीति नाम्ना ख्याता नदीयं भविता भुवीति ।
प्रसादयन् पाण्ड्यसुतां मृदूक्त्या रेमे तया सुन्दरपाण्ड्यदेवः ॥ ९३॥

मूलम् - ९३

विश्वास-प्रस्तुतिः - ९४

अथापरेद्युस्त्रिदशैः समस्तैरगस्त्यमुख्यैः परमर्षिभिश्च ।
पाण्ड्याधिराज्ये कलिताभिषेकः शशास पृथ्वीं स तया महिष्या ॥ ९४॥

मूलम् - ९४

विश्वास-प्रस्तुतिः - ९५

इत्थं स पाण्ड्यतनयाचरणावलम्बसौभाग्यसम्पदुपपन्नसमस्तराज्यः ।
देवान् विसृज्य निखिलानुचितोपचारैर्देवः ससागरवनां बुभुजे धरित्रीम् ॥ ९५॥

मूलम् - ९५

इति महाकविश्रीनीलकण्ठदीक्षितप्रणीते शिवलालार्णव द्वादशः सर्गः ।