काशीपुराधीशाश्वधाटी-स्तोत्रम्
GGLGLLL–GGLGLLL–GGLGLLLG
काशीकृताखिल-मह+ईशी-सुवास-गृह–नैशी-शिलावनि-निभं
काशी-समाभ-सुर–देशीय-वन्द्य-पद–कोशीकृतं हृतभवम्।
लेशीकृताघनग–नाशीकृतांत-भय–काशी-निवासि-हृदयं
काशी-पुराधिपतिर् आशीर्भिर् आर्द्रयतु राशीकृतात्मविभवम्।।1।।
शीतांशुशेखरित! हौताशनाक्षयुत! वाताशिभूषिततनो!
भूताधिनाथ! हर! पातालवासि-मत! शीताद्रिजादयित! हे ।
कान्तार्थ-देहधर! शान्ताश्रमैर् विनुत! चिन्तापनोदन! विभो!
स्फीताजनुन्नरथ! गीतार्चनासुमुख! चेतास्मि ते पदयुगम्।।2।।
मुक्ताधिनाथ! भवसक्तामनादिभव! भक्ताळिबुद्धिमनिशं
युक्तामथोद्धरसुरक्तामिहाव मृड! सिक्तामहोऽम्बरजले।
भुक्ता समस्तजनिरिक्ता तदा भवति शक्ता हि तारणविधौ
मुक्ता भवन्ति किल वक्तार एव तव सूक्तार्थभावकथनात् ।।3।।
-4-
फालानलाक्षियुत! कालानलासिकर! शूलायुधप्रणयवान्!
लीलाविभो! विधिकपालायुताढ्यसितमालाविभूषिततनो!
चेलायमानगज! हालाहलाद! सुरकीलालशोभितजटिन्!
मेलायमानगळ! शालाविहारनट! लोलामतिस्तव पदे।।4।।
-5-
पञ्चाननं सुजलपञ्चामृतैस्सपदि सिञ्चाम शम्भुमतुलं
पञ्चास्यधीररथसञ्चारिणीशयनमञ्चाग्ररम्यफलकम्।
सञ्चारदेववरमञ्चाम नित्यमथ मुञ्चाम भीतिमनिशं
किञ्चारुकाम्यमु विरिञ्चादिपूज्यपदमञ्चाम तोषणविधेः।।5।।
-6-
गङ्गामभङ्गगतिमङ्गाङ्गभङ्गरुचिसङ्गामहो धरसि हे
रङ्गाग्रनाट्यचण! तुङ्गाद्रिजादयित! भृङ्गादिसेविततनो!
पिङ्गाभजाटिल पिशङ्गाग्निमत्तिलक! पिङ्गादिजापितमनो!
लिङ्गाकृतिं वहसि शृङ्गादिवादक! कृशाङ्गाव मां पशुपते।।6।।
-7-
अण्डादिजत्रिदश! मण्डायमानकृप! दण्डायमानमहिमन्!
चण्डातिविक्रमग! शुण्डालवक्त्रनुत! गण्डार्द्रहासपुलकिन्!
मुण्डादिदैत्यमुखपिण्डासुहारमण! शौण्डा शिवा तव रतौ
भाण्डारिते जगति पिण्डालयो त्वमसि पण्डां प्रदेहि भगवन्।।7।।
-8-
वन्दारुभक्तजन मन्दारदेवतरुवृन्दावनी तवकृपा
स्कन्दावतारगुरुनन्दाननेस्फुटितकुन्दाच्छभानगरिमन्!
स्पन्दात्मके वपुषि कन्दाकरे जगति वन्दामहे तव कथाः
छन्दाध्वगार्च्यपद! चन्द्रावतंसमुख! विन्दामहै तव पदम्।।8।।
फलश्रुतिः
काशीपुराधिपबहुदिव्यकथाभिरामं
वृत्तेऽतिकोमलपदान्वितमश्वधाट्याम्।
स्तोत्रं कृतं त्विह सदाशिवसाधकेन
ध्यात्वा शिवां हृदयपद्मदळांतरस्थाम्।।9।।
भक्त्याऽमलेन हि शिवाशिवपादपद्मे
ष्वासक्तचित्तमधुपा रसिका महान्तः।
स्तुत्वा त्वनेन भवमुक्तिदकाशिकेशं
भुञ्जन्ति भाग्यमतुलं मुक्तास्युरन्ते ।।1