३५८ कृत्सिद्धरूपं

{अथाषटपञ्चाशदधिकत्रिशततमो ऽध्यायः}

विश्वास-प्रस्तुतिः

कृत्सिद्धरूपम्

कुमार उवाच
कृतस्त्रिष्वपि विज्ञेया भावे कर्मणि कर्तरि ।
अज्ल्युट् क्तिन् घञो भावे युजकारत एव च ॥००१॥

मूलम्

कृत्सिद्धरूपम्

विश्वास-प्रस्तुतिः

अचि धर्मस्य विनय उत्करः प्रकरस् तथा ।
देवो भद्रः श्रीकरश् च ल्पुटि रूपन्तु शोभनम् ॥००२॥

मूलम्

विश्वास-प्रस्तुतिः

क्तिनि वृद्धिस्तुतिमती घञि भावो ऽथ युच्यपि ।
कारणा भावनेत्यादि अकारे च चिकित्सया ॥००३॥

मूलम्

विश्वास-प्रस्तुतिः

तथा तव्यो ह्य् अनीयश् च कर्तव्यं कर्णीयकम् ।
देयं ध्येयञ्चैव यति ण्यति कार्यञ्च कृत्यकाः ॥००४॥

मूलम्

विश्वास-प्रस्तुतिः

कर्तरि क्तादयो ज्ञेया भावे कर्मणि च क्वचित् ।
गतो ग्रामं गतो ग्राम आश्लिष्टश् च गुरुस्त्वया ॥००५॥

मूलम्

विश्वास-प्रस्तुतिः

शतृङ् शानचौ भवन् एधमानो भवन्त्यपि ।
वुण् तृचौ सर्वधातुभ्यो भावको भविता पथा ॥००६॥

मूलम्

विश्वास-प्रस्तुतिः

क्विबन्तश् च स्वयम्भूश् च भूते लिटः क्वन्सु कान च ।
बभूविवान् पेचिवांश् च पेचानः श्रद्दधानकः ॥००७॥

मूलम्

विश्वास-प्रस्तुतिः

अणि स्युः कुम्भकाराद्या भूतेप्युणादयः स्मृताः ।
वायुः पायुश् च कारुः स्याद्वहुलं छन्दसीरितं ॥००८॥

मूलम्

{इत्य् आग्नेये महापुराणे व्याकरणे कृत्सिद्धरूपं नामाष्टपञ्चाशदधिकत्रिशततमो ऽध्यायः }

[[२६३]]