पुराणे विश्वासटिप्पन्यः

{अथ सप्तदशाधिकत्रिशततमो ऽध्यायः}

विश्वास-प्रस्तुतिः

गणपूजा

इश्वर उवाच
विश्वरूपं समुद्धृत्य तेजस्युपरि संस्थितम् ।
नरसिंहं ततो ऽधस्तात् कृतान्तं तदधो न्यसेत् ॥००१॥

मूलम्

गणपूजा

विश्वास-प्रस्तुतिः

प्रणवं तदधःकृत्वा ऊहकं तदधः पुनः ।
अंशुमान् विश्वमूर्तिस्थं कण्ठोष्ठप्रणवादिकम् ॥००२॥

मूलम्

विश्वास-प्रस्तुतिः

नमो ऽन्तः स्याच्चतुर्वर्णो विश्वरूपञ्च कारणम् ।
सूर्यमात्राहतं ब्रह्मण्यङ्गानीह तु पूर्ववत्¹ ॥००३॥

मूलम्

विश्वास-प्रस्तुतिः

उद्धरेत् प्रणवं पूर्वं प्रस्फुरद्वयमुच्चरेत् ।
घोरघोरतरं पश्चात् तत्र रूपमतः स्मरेत् ॥००४॥

मूलम्

विश्वास-प्रस्तुतिः

चटशब्दं द्विधा कृत्वा ततः प्रवरमुच्चरेत् ।
दहेति च द्विधा कार्यं वमेति च द्विधा गतम्² ॥००५॥

मूलम्

विश्वास-प्रस्तुतिः

घातयेति द्विधाकृत्य हूम्फडन्तं समुच्चरेत् ।
अघोरास्त्रन्तु नेत्रं स्याद् गायत्री चोच्यते ऽधुना ॥००६॥

मूलम्

विश्वास-प्रस्तुतिः

तन्महेशाय विद्महे महादेवाय धीमहि ।००६*
तत्रः शिवः प्रचोदयात् गायत्री सर्वसाधनी ॥००६*१।
यात्रायां विजयादौ च यजेत् पूर्वङ्गणं श्रिये ।
तुर्यांशे तु पुरा क्षेत्रे समन्तादर्कभाजिते ॥००७॥

मूलम्

चतुष्पदं त्रिकोणे तु त्रिदलं कमलं लिखेत् ।

:न्

[[१५९]]

विश्वास-प्रस्तुतिः

तत्पृष्ठे पदिकाविथीभागि त्रिदलमश्वयुक् ॥००८॥

मूलम्

तत्पृष्ठे पदिकाविथीभागि त्रिदलमश्वयुक् ॥००८॥

विश्वास-प्रस्तुतिः

वसुदेवसुतैः साब्जैस्तिदलैः पादपट्टिका ।
तदूर्ध्वे वेदिका देया भगमात्रप्रमाणतः ॥००९॥

मूलम्

विश्वास-प्रस्तुतिः

द्वारं पद्ममितं कोष्ठादुपद्वारं विवर्णितम् ।
द्वारोपद्वाररचितं मण्डलं विघ्नसूदनम् ॥०१०॥

मूलम्

विश्वास-प्रस्तुतिः

आरक्तं कमलं मध्ये वाह्यपद्मानि तद्वहिः ।
सिता तु वीथिका कार्या द्वाराणि तु यथेच्छया ॥०११॥

मूलम्

विश्वास-प्रस्तुतिः

कर्णिका पीतवर्णा स्यात् केशराणि तथा पुनः ।
मण्डलं विघ्नमर्दाख्यं मध्ये गणपतिं यजेत् ॥०१२॥

मूलम्

विश्वास-प्रस्तुतिः

नामाद्यं सवराकं स्याद्देवाच्छक्रसमन्वितम् ।
शिरो हतं तत्पुरुषेण ओमाद्यञ्च नमो ऽन्तकम् ॥०१३॥

मूलम्

विश्वास-प्रस्तुतिः

गजाख्यं गजशीर्षञ्च गाङ्गेयं गणनायकम् ।
त्रिरावर्तङ्गगनगङ्गोपतिं पूर्वपङ्क्तिगम् ॥०१४॥

मूलम्

विश्वास-प्रस्तुतिः

विचित्रांशं महाकायं लम्बोष्ठं लम्बकर्णकम् ।
लम्बोदरं महाभागं विकृतं पार्वतीप्रियम् ॥०१५॥

मूलम्

विश्वास-प्रस्तुतिः

भयावहञ्च भद्रञ्च भगणं भयसूदनम् ।
द्वादशैते दशपङ्क्तौ देवत्रासञ्च पश्चिमे ॥०१६॥

मूलम्

विश्वास-प्रस्तुतिः

महानादम्भास्वरञ्च विघ्नराजं गणाधिपम् ।
उद्भटस्वानभश् चण्डौ महाशुण्डञ्च भीमकम् ॥०१७॥

मूलम्

विश्वास-प्रस्तुतिः

मन्मथं मधुसूदञ्च सुन्दरं भावपुष्टकम् ।
सौम्ये ब्रह्मेश्वरं ब्राह्मं मनोवृत्तिञ्च संलयम् ॥०१८॥

मूलम्

विश्वास-प्रस्तुतिः

लयं दूत्यप्रियं लौल्यं विकर्णं वत्सलं तथा ।
कृतान्तं कालदडण्च यजेत् कुम्भञ्च पूर्ववत् ॥०१९॥

मूलम्

[[१६०]]

विश्वास-प्रस्तुतिः

श्रयुतञ्च जपेन्मन्त्रं होमयेत्तु दशांशतः ।
शेषाणान्तु दशाहुत्या जपाद्धोमन्तु कारयेत् ॥०२०॥

मूलम्

विश्वास-प्रस्तुतिः

पूर्णां दत्वाभिषेकन्तु कुर्यात्सर्वन्तु सिध्यति ।
भूगो ऽश्वगजवस्त्राद्यैर् गुरुपूजाञ्चरेन्नरः ॥०२१॥

मूलम्

{इत्य् आग्नेये महापुराणे गणपूजा नाम सप्तदशाधिकत्रिशततमो ऽध्यायः }

सर्वत इति ख॥ ↩︎ ↩︎
द्विधाकृतमिति ख॥ ↩︎ ↩︎