२८३ मन्त्ररूपौषधानि

{अथ त्र्यशीत्यधिकद्विशततमो ऽध्यायः}

विश्वास-प्रस्तुतिः

मन्त्ररूपौषधकथनं

धन्वन्तरिर् उवाच
आयुरारोग्यकर्तर ओङ्कारद्याश् च नाकदाः ।
ओङ्कारः परमो मन्त्रस्तं जप्त्वा चामरो भवेत् ॥००१॥

मूलम्

मन्त्ररूपौषधकथनं

विश्वास-प्रस्तुतिः

गायत्री परमो मन्त्रस्तं जप्त्वा भुक्तिमुक्तिभाक् ।
ॐ नमो नारायणाय मन्त्रः सर्वार्थसाधकः ॥००२॥

मूलम्

विश्वास-प्रस्तुतिः

ॐ नमो भगवते वासुदेवाय सर्वदः ।
ॐ हूं नमो विष्णवे मन्त्रोयञ्चौषधं परं ॥००३॥

मूलम्

ॐ नमो भगवते वासुदेवाय सर्वदः ।
ॐ हूं नमो विष्णवे मन्त्रोयञ्चौषधं परं ॥००३॥

विश्वास-प्रस्तुतिः

अनेन देवा ह्य् असुराः सश्रियो निरुजो ऽभवत् ।
भूतानामुपकारश् च तथा धर्मो महौषधम् ॥००४॥

मूलम्

विश्वास-प्रस्तुतिः

धर्मः सद्धर्मकृद्धर्मी एतैर् धर्मैश् च निर्मलः ।
श्रीदः श्रीषः श्रीनिवासः श्रीधरः
श्रीनिकेतनः ॥००५॥

मूलम्

विश्वास-प्रस्तुतिः

श्रियः पतिः श्रीपरम एतैः श्रियमवाप्नुयात् ।
कामी कामप्रदः कामः कामपालस् तथा हरिः ॥००६॥

मूलम्

विश्वास-प्रस्तुतिः

आनन्दो माधवश् चैव नाम कामाय वै हरेः ।
रामः परशुरामश् च नृसिंहो विष्णुरेव च ॥००७॥

मूलम्

विश्वास-प्रस्तुतिः

त्रिविक्रमश् च नामानि जप्तव्यानि जिगीषुभिः ।
विद्यामभ्यस्यतां नित्यं जप्तव्यः पुरुषोत्तमः ॥००८॥

मूलम्

विश्वास-प्रस्तुतिः

दामोदरो बन्धहरः पुष्कराक्षो ऽक्षिरोगनुत् ।
हृषीकेशो भयहरो जपेदौषधकर्मणि ॥००९॥

मूलम्

[[४९]]

विश्वास-प्रस्तुतिः

अच्युतञ्चामृतं मन्त्रं सङ्ग्रामे चापराजितः ।
जलतारे नारसिंहं पूर्वादौ क्षेमकामवान् ॥०१०॥

मूलम्

विश्वास-प्रस्तुतिः

चक्रिणङ्गदिनञ्चैव शार्ङ्गिणं खड्गिनं स्मरेत् ।
नारायणं सर्वकाले नृसिंहो ऽखिलभीतिनुत् ॥०११॥

मूलम्

विश्वास-प्रस्तुतिः

गरुडध्वजश् च विषहृत् वासुदेवं सदाजपेत् ।
धान्यादिस्थापने स्वप्ने अनन्ताच्युतमीरयेत् ॥०१२॥

मूलम्

विश्वास-प्रस्तुतिः

नारायणञ्च दुःस्वप्ने दाहादौ जलशायिनं ।
हयग्रीवञ्च विद्यार्थी जगत्सूतिं सुताप्तये ।०१३।
बलभद्रं शौरकार्ये[^१] एकं नामार्थसाधकम्[^२] ॥०१३॥

मूलम्

{इत्य् आग्नेये महापुराणे मन्त्ररूपौषधकथनं नाम त्र्यशीत्यधिकद्विशततमो ऽध्यायः }