१९३ शिवरात्रिव्रतं

{अथ त्रिनवत्यधिकशततमो ऽध्यायः}

विश्वास-प्रस्तुतिः

शिवरात्रिव्रतम्

अग्निर् उवाच
शिवरात्रिव्रतं वक्ष्ये भुक्तिमुक्तिप्रदं शृणु¹ ।
माघफाल्गुनयोर्मध्ये कृष्णा या तु चतुर्दशी ॥००१॥

मूलम्

शिवरात्रिव्रतम्

विश्वास-प्रस्तुतिः

कामयुक्ता तु सोपोष्या कुर्वन् जागरणं व्रती ।
शिवरात्रिव्रतं कुर्वे चतुर्दश्यामभोजनं ॥००२॥

मूलम्

विश्वास-प्रस्तुतिः

रात्रिजागरणेनैव पूजयामि शिवं व्रती ।
आवाहयाम्यहं शम्भुं भुक्तिमुक्तिप्रदायकं ॥००३॥

मूलम्

विश्वास-प्रस्तुतिः

नरकार्णवकोत्तारनावं शिव नमो ऽस्तु ते ।
नमः शिवाय शान्ताय प्रजाराज्यादिदायिने ॥००४॥

मूलम्

विश्वास-प्रस्तुतिः

सौभाग्यारोग्यविद्यार्थस्वर्गमार्गप्रदायिने² ।
धर्मन्देहि धनन्देहि कामभोगादि देहि मे ॥००५॥

मूलम्

विश्वास-प्रस्तुतिः

गुणकीर्तिसुखं देहि स्वर्गं मोक्षं च देहि मे ।
लुब्धकः प्राप्तवान् पुण्यं पापी सुन्दरसेनकः ॥००६॥

मूलम्

{इत्य् आग्नेये महापुराणे शिवरात्रिव्रतं नाम त्रिनवत्यधिकशततमो ऽध्यायः ॥ }

:न्

[[२२५]]