१९२ चतुर्दशीव्रतानि

{अथ द्विनवत्यधिकशततमो ऽध्यायः}

विश्वास-प्रस्तुतिः

चतुर्दशीव्रतानि

अग्निर् उवाच
व्रतं वक्ष्ये चतुर्दश्यां भुक्तिमुक्तिप्रदायकं¹ ।
कार्त्तिके तु चतुर्दश्यां निराहारो यजेच्छिवम् ॥००१॥

मूलम्

चतुर्दशीव्रतानि

विश्वास-प्रस्तुतिः

वर्षभोगधनायुष्मान्² कुर्वन् शिवचतुर्दशीम् ।
मार्गशीर्षे सिते ऽष्टाभ्यां तृतीयायां मुनिव्रतः ॥००२॥

मूलम्

:न्

[[२२३]]

विश्वास-प्रस्तुतिः

द्वादश्यां वा चतुर्दश्यां फलाहारो यजेत् सुरं¹ ।
त्यक्त्वा फलानि दद्यात्तु कुर्वन् फलचतुर्दशीं ॥००३॥

मूलम्

विश्वास-प्रस्तुतिः

चतुर्दश्यां मथाष्टम्यां पक्षयोः
शुक्लकृष्णयोः ।
अनश्नन् पूजयेच्छम्भुं स्वर्ग्युभयचतुर्दशीं ॥००४॥

मूलम्

विश्वास-प्रस्तुतिः

कृष्णाष्टम्यान्तु नक्तेन तथा कृष्णचतुर्दशीं ।
इह भोगानवाप्नोति परत्र च शुभाङ्गतिं ॥००५॥

मूलम्

विश्वास-प्रस्तुतिः

कार्तिके च चतुर्दश्यां कृष्णायां स्नानकृत् सुखी ।
आराधिते महेन्द्रे तु ध्वजाकारासु यष्टिषु² ॥००६॥

मूलम्

विश्वास-प्रस्तुतिः

ततः शुक्लचतुर्दश्यामनन्तं पूजयेद्धरिं ।
कृत्वादर्भमयं चैव वारिधानी समन्वितं ॥००७॥

मूलम्

विश्वास-प्रस्तुतिः

शालिप्रस्थस्य पिष्टस्य पूपनाम्नः कृतस्य च ।
अर्धं विप्राय दातव्यमर्धमात्मनि योजयेत्³ ॥००८॥

मूलम्

विश्वास-प्रस्तुतिः

कर्तव्यं सरितां चान्ते कथां कृत्वा⁴ हरेरिति ।
अनन्तसंसारमहासमुद्रे मग्नान् समभ्युद्धर वासुदेव ॥००९॥

मूलम्

विश्वास-प्रस्तुतिः

अनन्तरूपे विनियोजयस्व अनन्तरूपाय नमो नमस्ते ।
अनेन पूजयित्वाथ सूत्रं बद्धा तु मन्त्रितं ॥०१०॥

मूलम्

विश्वास-प्रस्तुतिः

स्वके करे वा कण्ठे वा त्वनन्तव्रतकृत् सुखी ॥११॥

मूलम्

स्वके करे वा कण्ठे वा त्वनन्तव्रतकृत् सुखी ॥११॥

{इत्य् आग्नेये महापुराणे नानाचतुर्दशीव्रतानि नाम द्विनवत्यधिकशततमो ऽध्यायः ॥ }

:न्

[[२२४]]

भुक्तिमुक्तिप्रदं शृणु इति ख॥ , घ॥ , ज॥ , झ॥ , ञ॥ , ट॥ च ।
भुक्तिमुक्तिसुखप्रदमिति ङ॥ ↩︎ ↩︎ ↩︎ ↩︎
भोगबलायुष्मानिति ङ॥ ↩︎ ↩︎ ↩︎ ↩︎
भोजनमिति घ॥ , ङ॥ , ज॥ , झ॥ , ञ॥ , ट॥ च ↩︎ ↩︎
कथां श्रुत्वेति झ॥ ↩︎ ↩︎