१३९ युद्धजयार्णवीयषष्टिसंवत्सराणि

{अथोनचत्वारिंशदधिकशततमो ऽध्यायः}

विश्वास-प्रस्तुतिः

षष्टिसंवत्सराः

ईश्वर उवाच
षष्ट्यब्दानां प्रवक्ष्यामि शुभाशुभमतः शृणु ।
प्रभवे यज्ञकर्माणि विभवे सुखिनो जनाः ॥००१॥

मूलम्

षष्टिसंवत्सराः

विश्वास-प्रस्तुतिः

शुक्ले च सर्वशस्यानि प्रमोदेन प्रमोदिताः ।
प्रजापतौ प्रवृद्धिः स्यादङ्गिरा भोगवर्धनः ॥००२॥

मूलम्

विश्वास-प्रस्तुतिः

श्रीमुखे वर्धते लोको भावे भावः प्रवर्धते ।
पूरणो पूरते शक्रो धाता सर्वौषधीकरः ॥००३॥

मूलम्

विश्वास-प्रस्तुतिः

ईश्वरः क्षेम आरोग्यबहुधान्यसुभिक्षदः ।
प्रमाथी मध्यवर्षस्तु विक्रमे शस्यसम्पदः ॥००४॥

मूलम्

वृषो वृष्यति सर्वांश् च चित्रभानुश् च चित्रतां ।

[[८७]]

विश्वास-प्रस्तुतिः

स्वर्भानुः क्षेममारोग्यं तारणे जलदाः शुभाः ॥००५॥

मूलम्

स्वर्भानुः क्षेममारोग्यं तारणे जलदाः शुभाः ॥००५॥

विश्वास-प्रस्तुतिः

पार्थिवे शस्यसम्पत्तिरतिवृष्टिस् तथा जयः ।
सर्वजित्युत्तमा वृष्टिः सर्वधारी सुभिक्षदः ॥००६॥

मूलम्

विश्वास-प्रस्तुतिः

विरोधी जलदान् हन्ति विकृतश् च भयङ्करः ।
खरे भवेत् पुमान् वीरो नन्दने नन्दते प्रजा ॥००७॥

मूलम्

विश्वास-प्रस्तुतिः

विषयः शत्रुहन्ता च शत्रुरोगादि मर्दयेत् ।
ज्वरार्तो मन्मथे लोको दुष्करे दुष्करा प्रजाः ॥००८॥

मूलम्

विश्वास-प्रस्तुतिः

दुर्मुखे दुर्मुखो लोको¹ हेमलम्बे न सम्पदः ।
संवत्सरो महादेवि विलम्बस्तु सुभिक्षदः ॥००९॥

मूलम्

विश्वास-प्रस्तुतिः

विकारी शत्रुकोपाय विजये सर्वदा क्वचित् ।
प्लवे प्लवन्ति तोयानि शोभने शुभकृत्प्रजा ॥०१०॥

मूलम्

विश्वास-प्रस्तुतिः

राक्षसे निष्ठुरो लोको विविधन्धान्यमानने ।
सुवृष्टिः पिङ्गले क्वापि काले ह्य् उक्तो धनक्षयः ॥०११॥

मूलम्

विश्वास-प्रस्तुतिः

सिद्धार्थे सिद्ध्यते सर्वं रौद्रे रौद्रं प्रवर्तते ।
दुर्मतौ मध्यमा वृष्टिर्दुन्दुभिः क्षेमधान्यकृत् ॥०१२॥

मूलम्

विश्वास-प्रस्तुतिः

स्रवन्ते रुधिरोद्गारी रक्ताक्षः क्रोधने जयः ।
क्षये क्षीणधनो लोकः² षष्टिसंवत्सराणि तु ॥०१३॥

मूलम्

{इत्य् आग्नेये महापुराणे युद्धजयार्णवे षष्टिसंवत्सराणि नाम ऊनचत्वारिंशदधिकशततमो ऽध्यायः ॥ }

:न्

[[८८]]

दुर्मुखे मुख्रो लोक इति ख॥ , घ॥ , ङ॥ , ञ॥ च ↩︎ ↩︎
क्षीणधवो लोक इति क॥ । क्षीणजनो लोक इति ज॥ ↩︎ ↩︎