पुराणे विश्वासटिप्पन्यः

{अथ एकादशो ऽध्यायः}

विश्वास-प्रस्तुतिः

श्रीरामावतारवर्णनं

नारद उवाच
राज्यस्थं राघवं जग्मुर् अगस्त्याद्याः सुपूजिताः ।
धन्यस्त्वं विजयी यस्माद् इन्द्रजिद्विनिपातितः ॥००१॥

मूलम्

श्रीरामावतारवर्णनं

विश्वास-प्रस्तुतिः

ब्रह्मात्मजः पुलस्त्योभूत् विश्रवास्तस्य नैकषी ।
पुष्पोत्कटाभूत् प्रथमा तत्पुत्रोभूद्धनेश्वरः ॥००२॥

मूलम्

नैकष्यां रावणो जज्ञे विंशद्बाहुर्दशाननः ।

:न्

[[२६]]

विश्वास-प्रस्तुतिः

तपसा ब्रह्मदत्तेन वरेण जितदैवतः ॥००३॥

मूलम्

तपसा ब्रह्मदत्तेन वरेण जितदैवतः ॥००३॥

विश्वास-प्रस्तुतिः

कुम्भकर्णः सनिद्रो ऽभूद् धर्मिष्ठो ऽभूद्विभीषणः ।
स्वसा शूर्पणखा तेषां रावणान्मेघनादकः ॥००४॥

मूलम्

विश्वास-प्रस्तुतिः

इन्द्रं जित्वेन्द्रजिच्चाभूद् रावणादधिको बली ।
हतस्त्वया लक्ष्मणेन देवादेः क्षेममिच्छता ॥००५॥

मूलम्

विश्वास-प्रस्तुतिः

इत्युक्त्वा ते गता विप्रा अगस्त्याद्या नमस्कृताः ।
देवप्रार्थितरामोक्तः शत्रुघ्नो लवणार्दनः ॥००६॥

मूलम्

विश्वास-प्रस्तुतिः

अभूत् पूर्मथुरा काचित् रामोक्तो भरतो ऽवधीत् ।
कोटित्रयञ्च शैलूष- पुत्राणां निशितैः शरैः ॥००७॥

मूलम्

विश्वास-प्रस्तुतिः

शैलूषं दुष्टगन्धर्वं सिन्धुतीरनिवासिनम् ।
तक्षञ्च पुष्करं पुत्रं स्थापयित्वाथ देशयोः ॥००८॥

मूलम्

विश्वास-प्रस्तुतिः

भरतोगात्सशत्रुघ्नो राघवं पूजयन् स्थितः ।
रामो दुष्टान्निहत्याजौ शिष्टान् सम्पाल्य मानवः ॥००९॥

मूलम्

विश्वास-प्रस्तुतिः

पुत्रौ कुशलवौ जातौ वाल्मीकेराश्रमे वरौ ।
लोकापवादात्त्यक्तायां ज्ञातौ सुचरितश्रवात् ॥०१०॥

मूलम्

विश्वास-प्रस्तुतिः

राज्येभिषिच्य ब्रह्माहम् अस्मीति ध्यानतत्परः ।
दशवर्षसहस्राणि दशवर्षशतानि च ॥०११॥

मूलम्

विश्वास-प्रस्तुतिः

राज्यं कृत्वा क्रतून् कृत्वा स्वर्गं देवार्चितो ययौ ।
सपौरः सानुजः सीता- पुत्रो जनपदान्वितः ॥०१२॥

मूलम्

विश्वास-प्रस्तुतिः

अग्निर् उवाच
वाल्मीकिर् नारदाच्छ्रुत्वा रामायणमकारयत् ।
सविस्तरं यदेतच्च शृणुयात्स दिवं व्रजेत् ॥०१३॥

मूलम्

{इत्य् आदिमहापुराणे आग्नेये रामायणे उत्तरकाण्डवर्णनं नाम एकादशो ऽध्यायः }

[[२७]]