वेज्जाचरिय कण्ड
२८६.
आयुबेदकताभ्यासो , सब्बेसं पियदस्सनो।
अरियसीलगुणोपेतो, एस वेज्जो विधीयते॥
२८७.
नानागन्थजाननञ्च, सुदिट्ठकम्मसम्पदा।
दक्खता हत्थसीघता, पसादसूरसत्तिता॥
२८८.
साभाविकतङ्खणिक-ञाणसुभासितापि च।
उस्साहो दब्बो सब्बता, वेज्जाचेरस्स लक्खणं।
२८९.
किलिट्ठवत्थं कोधो च, अतिमानञ्च गम्मता।
अनिमन्तितगमनं, एते पञ्च विवज्जिया॥
२९०.
दिट्ठकम्मता सोचञ्च, दक्खता विदितागमो।
चत्तारो सुभिसक्कस्स, सुगुणा विञ्ञुना मता॥
२९१.
रुजाय जयलक्खणं, रसो च भेसज्जम्पि च।
तिलक्खणभेदो चेव, विञ्ञेय्यो भिसक्केन वे॥