४. ओक्कन्तसंयुत्तम्
१-१०. चक्खुसुत्तादिवण्णना
३०२-३११. सद्धाधिमोक्खन्ति सद्दहनवसेन पवत्तं अधिमोक्खं, न सन्निट्ठानमत्तवसेन पवत्तं अधिमोक्खम्। दस्सनम्पि सम्मत्तं, तंसिज्झानवसेन पवत्तनियामो सम्मत्तनियामो, अरियमग्गो। अनन्तरायतं दीपेति कप्पविनासपटिभागेन पवत्तत्ता। तथा चाह ‘‘तेनेवाहा’’तिआदि। कप्पसीसेन भाजनलोकं वदति। सो हि उड्डय्हति, न कप्पो, उड्डय्हनवेलाति झायनवेला। ठितो कप्पो ठितकप्पो, सो अस्स अत्थीति ठितकप्पी, कप्पं ठपेतुं समत्थोति अत्थो। ओलोकनन्ति सच्चाभिसमयसङ्खातं दस्सनम्। खमन्ति सहन्ति, ञायन्तीति अत्थो।
चक्खुसुत्तादिवण्णना निट्ठिता।
ओक्कन्तसंयुत्तवण्णना निट्ठिता।