४. रागपेय्यालम्
२३१. रागस्स , भिक्खवे, अभिञ्ञायाति पञ्चकामगुणिकरागस्स अभिजाननत्थं पच्चक्खकरणत्थम्। परिञ्ञायाति परिजाननत्थम्। परिक्खयायाति परिक्खयगमनत्थम्। पहानायाति पजहनत्थम्। खयाय वयायाति खयवयगमनत्थम्। विरागायाति विरज्जनत्थम्। निरोधायाति निरुज्झनत्थम्। चागायाति चजनत्थम्। पटिनिस्सग्गायाति पटिनिस्सज्जनत्थम्।
२३२-२४६. थम्भस्साति कोधमानवसेन थद्धभावस्स। सारब्भस्साति कारणुत्तरियलक्खणस्स सारब्भस्स। मानस्साति नवविधमानस्स। अतिमानस्साति अतिक्कमित्वा मञ्ञनमानस्स। मदस्साति मज्जनाकारमदस्स। पमादस्साति सतिविप्पवासस्स, पञ्चसु कामगुणेसु चित्तवोस्सग्गस्स। सेसं सब्बत्थ उत्तानत्थमेवाति।
रागपेय्यालं निट्ठितम्।
मनोरथपूरणिया अङ्गुत्तरनिकाय-अट्ठकथाय
दुकनिपातस्स संवण्णना निट्ठिता।
॥ नमो तस्स भगवतो अरहतो सम्मासम्बुद्धस्स॥
अङ्गुत्तरनिकाये
तिकनिपात-अट्ठकथा
१. पठमपण्णासकं