०० धम्मानुलोमे तिकतिकपट्ठानम्

॥ नमो तस्स भगवतो अरहतो सम्मासम्बुद्धस्स॥
अभिधम्मपिटके
पट्ठानपाळि

(पञ्चमो भागो)

धम्मानुलोमे तिकतिकपट्ठानम्
१-१. कुसलत्तिक-वेदनात्तिकम्
१. सुखायवेदनायसम्पयुत्तपदम्
१-७. पटिच्चवारादि

पच्चयचतुक्कम्

हेतुपच्चयो

१. कुसलं सुखाय वेदनाय सम्पयुत्तं धम्मं पटिच्च कुसलो सुखाय वेदनाय सम्पयुत्तो धम्मो उप्पज्जति हेतुपच्चया। (१)
अकुसलं सुखाय वेदनाय सम्पयुत्तं धम्मं पटिच्च अकुसलो सुखाय वेदनाय सम्पयुत्तो धम्मो उप्पज्जति हेतुपच्चया। (१)
अब्याकतं सुखाय वेदनाय सम्पयुत्तं धम्मं पटिच्च अब्याकतो सुखाय वेदनाय सम्पयुत्तो धम्मो उप्पज्जति हेतुपच्चया। (१) (संखित्तम्।)
२. हेतुया तीणि, आरम्मणे तीणि…पे॰… अविगते तीणि। (संखित्तं…पे॰… सहजातवारम्पि…पे॰… सम्पयुत्तवारम्पि पटिच्चवारसदिसम्।)
३. कुसलो सुखाय वेदनाय सम्पयुत्तो धम्मो कुसलस्स सुखाय वेदनाय सम्पयुत्तस्स धम्मस्स हेतुपच्चयेन पच्चयो। (१)
अकुसलो सुखाय वेदनाय सम्पयुत्तो धम्मो अकुसलस्स सुखाय वेदनाय सम्पयुत्तस्स धम्मस्स हेतुपच्चयेन पच्चयो। (१)
अब्याकतो सुखाय वेदनाय सम्पयुत्तो धम्मो अब्याकतस्स सुखाय वेदनाय सम्पयुत्तस्स धम्मस्स हेतुपच्चयेन पच्चयो। (१)
कुसलो सुखाय वेदनाय सम्पयुत्तो धम्मो कुसलस्स सुखाय वेदनाय सम्पयुत्तस्स धम्मस्स आरम्मणपच्चयेन पच्चयो। (संखित्तम्।)
४. हेतुया तीणि, आरम्मणे नव। (संखित्तम्।)
(यथा कुसलत्तिके पञ्हावारं एवं वित्थारेतब्बम्।)
२. दुक्खायवेदनायसम्पयुत्तपदम्
१-७. पटिच्चवारादि

पच्चयचतुक्कम्

हेतु-आरम्मणपच्चया

५. अकुसलं दुक्खाय वेदनाय सम्पयुत्तं धम्मं पटिच्च अकुसलो दुक्खाय वेदनाय सम्पयुत्तो धम्मो उप्पज्जति हेतुपच्चया। (१)
अकुसलं दुक्खाय वेदनाय सम्पयुत्तं धम्मं पटिच्च अकुसलो दुक्खाय वेदनाय सम्पयुत्तो धम्मो उप्पज्जति आरम्मणपच्चया। (१)
अब्याकतं दुक्खाय वेदनाय सम्पयुत्तं धम्मं पटिच्च अब्याकतो दुक्खाय वेदनाय सम्पयुत्तो धम्मो उप्पज्जति आरम्मणपच्चया। (१) (संखित्तम्।)
६. हेतुया एकं, आरम्मणे द्वे…पे॰… अविगते द्वे। (संखित्तम्।) (सहजातवारम्पि…पे॰… सम्पयुत्तवारम्पि पटिच्चवारसदिसम्।)
७. अकुसलो दुक्खाय वेदनाय सम्पयुत्तो धम्मो अकुसलस्स दुक्खाय वेदनाय सम्पयुत्तस्स धम्मस्स हेतुपच्चयेन पच्चयो। (१)
अकुसलो दुक्खाय वेदनाय सम्पयुत्तो धम्मो अकुसलस्स दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो। (१)
अब्याकतो दुक्खाय वेदनाय सम्पयुत्तो धम्मो अकुसलस्स दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो। (१) (संखित्तम्।)
८. हेतुया एकं, आरम्मणे द्वे। (संखित्तम्। यथा कुसलत्तिके पञ्हावारं एवं वित्थारेतब्बम्।)
३. अदुक्खमसुखवेदनायसम्पयुत्तपदम्
१-७. पटिच्चवारादि

पच्चयचतुक्कम्

हेतुपच्चयो

९. कुसलं अदुक्खमसुखाय वेदनाय सम्पयुत्तं धम्मं पटिच्च कुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। (१)
अकुसलं अदुक्खमसुखाय वेदनाय सम्पयुत्तं धम्मं पटिच्च अकुसलो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। (१)
अब्याकतं अदुक्खमसुखाय वेदनाय सम्पयुत्तं धम्मं पटिच्च अब्याकतो अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया। (१)
१०. हेतुया तीणि, आरम्मणे तीणि…पे॰… अविगते तीणि। (संखित्तम्। सहजातवारम्पि…पे॰… सम्पयुत्तवारम्पि पटिच्चवारसदिसं)।
११. कुसलो अदुक्खमसुखाय वेदनाय सम्पयुत्तो धम्मो कुसलस्स अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो। (१)
अकुसलो अदुक्खमसुखाय वेदनाय सम्पयुत्तो धम्मो अकुसलस्स अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो। (१)
अब्याकतो अदुक्खमसुखाय वेदनाय सम्पयुत्तो धम्मो अब्याकतस्स अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो। (१) (संखित्तम्।)
१२. हेतुया तीणि, आरम्मणे नव, अधिपतिया सत्त, अनन्तरे सत्त…पे॰… उपनिस्सये नव, अविगते तीणि। (संखित्तम्। यथा कुसलत्तिके पञ्हावारं एवं वित्थारेतब्बम्।)
१-२. कुसलत्तिक-विपाकत्तिकम्
१-७. पटिच्चवारादि

पच्चयचतुक्कम्

१३. अब्याकतं विपाकं धम्मं पटिच्च अब्याकतो विपाको धम्मो उप्पज्जति हेतुपच्चया। (संखित्तम्।)
हेतुया एकं, आरम्मणे एकं…पे॰… अविगते एकम्। (संखित्तम्।)
(सहजातवारेपि…पे॰… पञ्हावारेपि सब्बत्थ एकम्।)
१४. कुसलं विपाकधम्मधम्मं पटिच्च कुसलो विपाकधम्मधम्मो उप्पज्जति हेतुपच्चया। (१)
अकुसलं विपाकधम्मधम्मं पटिच्च अकुसलो विपाकधम्मधम्मो उप्पज्जति हेतुपच्चया। (१) (संखित्तम्।)
हेतुया द्वे, आरम्मणे द्वे…पे॰… अविगते द्वे। (संखित्तम्।)
(सहजातवारम्पि…पे॰… सम्पयुत्तवारम्पि पटिच्चवारसदिसम्।)
१५. कुसलो विपाकधम्मधम्मो कुसलस्स विपाकधम्मधम्मस्स हेतुपच्चयेन पच्चयो। (१)
अकुसलो विपाकधम्मधम्मो अकुसलस्स विपाकधम्मधम्मस्स हेतुपच्चयेन पच्चयो। (१)
कुसलो विपाकधम्मधम्मो कुसलस्स विपाकधम्मधम्मस्स आरम्मणपच्चयेन पच्चयो। कुसलो विपाकधम्मधम्मो अकुसलस्स विपाकधम्मधम्मस्स आरम्मणपच्चयेन पच्चयो। (२)
अकुसलो विपाकधम्मधम्मो अकुसलस्स विपाकधम्मधम्मस्स आरम्मणपच्चयेन पच्चयो। अकुसलो विपाकधम्मधम्मो कुसलस्स विपाकधम्मधम्मस्स आरम्मणपच्चयेन पच्चयो। (२) (संखित्तम्।)
१६. हेतुया द्वे, आरम्मणे चत्तारि, अधिपतिया तीणि, अनन्तरे द्वे…पे॰… सहजाते द्वे, उपनिस्सये चत्तारि…पे॰… अविगते द्वे। (संखित्तम्। यथा कुसलत्तिके पञ्हावारं एवं वित्थारेतब्बम्।)
१७. अब्याकतं नेवविपाकनविपाकधम्मधम्मं पटिच्च अब्याकतो नेवविपाकनविपाकधम्मधम्मो उप्पज्जति हेतुपच्चया। (संखित्तम्।)
हेतुया एकं, आरम्मणे एकं…पे॰… अविगते एकम्। (संखित्तम्।)
(सहजातवारेपि…पे॰… पञ्हावारेपि सब्बत्थ एकम्।)
१-३. कुसलत्तिक-उपादिन्नत्तिकम्
१-७. पटिच्चवारादि

पच्चयचतुक्कम्

१८. अब्याकतं उपादिन्नुपादानियं धम्मं पटिच्च अब्याकतो उपादिन्नुपादानियो धम्मो उप्पज्जति हेतुपच्चया। (संखित्तम्।)
हेतुया एकं…पे॰… अविगते एकम्। (संखित्तम्।)
(सहजातवारेपि…पे॰… पञ्हावारेपि सब्बत्थ एकम्।)
१९. कुसलं अनुपादिन्नुपादानियं धम्मं पटिच्च कुसलो अनुपादिन्नुपादानियो धम्मो उप्पज्जति हेतुपच्चया… तीणि।
अकुसलं अनुपादिन्नुपादानियं धम्मं पटिच्च अकुसलो अनुपादिन्नुपादानियो धम्मो उप्पज्जति हेतुपच्चया… तीणि।
अब्याकतं अनुपादिन्नुपादानियं धम्मं पटिच्च अब्याकतो अनुपादिन्नुपादानियो धम्मो उप्पज्जति हेतुपच्चया। (१)
कुसलं अनुपादिन्नुपादानियञ्च अब्याकतं अनुपादिन्नुपादानियञ्च धम्मं पटिच्च अब्याकतो अनुपादिन्नुपादानियो धम्मो उप्पज्जति हेतुपच्चया। (१)
अकुसलं अनुपादिन्नुपादानियञ्च अब्याकतं अनुपादिन्नुपादानियञ्च धम्मं पटिच्च अब्याकतो अनुपादिन्नुपादानियो धम्मो उप्पज्जति हेतुपच्चया। (१) (संखित्तम्।)
२०. हेतुया नव, अविगते नव। (संखित्तम्। सहजातवारम्पि…पे॰… सम्पयुत्तवारम्पि पटिच्चवारसदिसम्।)
२१. कुसलो अनुपादिन्नुपादानियो धम्मो कुसलस्स अनुपादिन्नुपादानियस्स धम्मस्स हेतुपच्चयेन पच्चयो… तीणि।
अकुसलो अनुपादिन्नुपादानियो धम्मो अकुसलस्स अनुपादिन्नुपादानियस्स धम्मस्स हेतुपच्चयेन पच्चयो… तीणि।
अब्याकतो अनुपादिन्नुपादानियो धम्मो अब्याकतस्स अनुपादिन्नुपादानियस्स धम्मस्स हेतुपच्चयेन पच्चयो। (१)
२२. कुसलो अनुपादिन्नुपादानियो धम्मो कुसलस्स अनुपादिन्नुपादानियस्स धम्मस्स आरम्मणपच्चयेन पच्चयो… तीणि।
अकुसलो अनुपादिन्नुपादानियो धम्मो अकुसलस्स अनुपादिन्नुपादानियस्स धम्मस्स आरम्मणपच्चयेन पच्चयो… तीणि।
अब्याकतो अनुपादिन्नुपादानियो धम्मो अब्याकतस्स अनुपादिन्नुपादानियस्स धम्मस्स आरम्मणपच्चयेन पच्चयो… तीणि। (संखित्तम्।)
२३. हेतुया सत्त, आरम्मणे नव, अविगते एकादस। (संखित्तम्।)
(यथा कुसलत्तिके पञ्हावारं एवं वित्थारेतब्बम्।)
२४. कुसलं अनुपादिन्नअनुपादानियं धम्मं पटिच्च कुसलो अनुपादिन्नुपादानियो धम्मो उप्पज्जति हेतुपच्चया। (१)
अब्याकतं अनुपादिन्नअनुपादानियं धम्मं पटिच्च अब्याकतो अनुपादिन्नअनुपादानियो धम्मो उप्पज्जति हेतुपच्चया। (१) (संखित्तम्।)
हेतुया द्वे, अविगते द्वे। (संखित्तं, सहजातवारम्पि…पे॰… पञ्हावारम्पि सब्बत्थ वित्थारो।)
१-४. कुसलत्तिक-संकिलिट्ठत्तिकम्
१-७. पटिच्चवारादि

पच्चयचतुक्कम्

२५. अकुसलं संकिलिट्ठसंकिलेसिकं धम्मं पटिच्च अकुसलो संकिलिट्ठसंकिलेसिको धम्मो उप्पज्जति हेतुपच्चया। (संखित्तम्।)
हेतुया एकं…पे॰… अविगते एकम्। (संखित्तम्।)
(सहजातवारेपि…पे॰… पञ्हावारेपि सब्बत्थ एकम्।)
२६. कुसलं असंकिलिट्ठसंकिलेसिकं धम्मं पटिच्च कुसलो असंकिलिट्ठसंकिलेसिको धम्मो उप्पज्जति हेतुपच्चया… तीणि।
अब्याकतं असंकिलिट्ठसंकिलेसिकं धम्मं पटिच्च अब्याकतो असंकिलिट्ठसंकिलेसिको धम्मो उप्पज्जति हेतुपच्चया। (१)
कुसलं असंकिलिट्ठसंकिलेसिकञ्च अब्याकतं असंकिलिट्ठसंकिलेसिकञ्च धम्मं पटिच्च अब्याकतो असंकिलिट्ठसंकिलेसिको धम्मो उप्पज्जति हेतुपच्चया। (१)
२७. हेतुया पञ्च, अविगते पञ्च। (संखित्तम्। सहजातवारेपि…पे॰… पञ्हावारेपि सब्बत्थ वित्थारो।)
२८. कुसलं असंकिलिट्ठअसंकिलेसिकं धम्मं पटिच्च कुसलो असंकिलिट्ठअसंकिलेसिको धम्मो उप्पज्जति हेतुपच्चया। (१)
अब्याकतं असंकिलिट्ठअसंकिलेसिकं धम्मं पटिच्च अब्याकतो असंकिलिट्ठअसंकिलेसिको धम्मो उप्पज्जति हेतुपच्चया। (१) (संखित्तम्।)
हेतुया द्वे…पे॰… अविगते द्वे। (संखित्तम्। सहजातवारेपि…पे॰… पञ्हावारेपि सब्बत्थ वित्थारेतब्बम्।)
१-५. कुसलत्तिक-वितक्कत्तिकम्
१-७. पटिच्चवारादि

पच्चयचतुक्कम्

हेतुपच्चयो

२९. कुसलं सवितक्कसविचारं धम्मं पटिच्च कुसलो सवितक्कसविचारो धम्मो उप्पज्जति हेतुपच्चया। (१)
अकुसलं सवितक्कसविचारं धम्मं पटिच्च अकुसलो सवितक्कसविचारो धम्मो उप्पज्जति हेतुपच्चया। (१)
अब्याकतं सवितक्कसविचारं धम्मं पटिच्च अब्याकतो सवितक्कसविचारो धम्मो उप्पज्जति हेतुपच्चया। (१) (संखित्तम्।)
हेतुया तीणि, आरम्मणे तीणि, अविगते तीणि। (संखित्तम्। सहजातवारम्पि…पे॰… सम्पयुत्तवारम्पि पटिच्चवारसदिसम्।)
३०. कुसलो सवितक्कसविचारो धम्मो कुसलस्स सवितक्कसविचारस्स धम्मस्स हेतुपच्चयेन पच्चयो। (१)
अकुसलो सवितक्कसविचारो धम्मो अकुसलस्स सवितक्कसविचारस्स धम्मस्स हेतुपच्चयेन पच्चयो। (१)
अब्याकतो सवितक्कसविचारो धम्मो अब्याकतस्स सवितक्कसविचारस्स धम्मस्स हेतुपच्चयेन पच्चयो। (१) (संखित्तम्।)
३१. हेतुया तीणि, आरम्मणे नव, अविगते तीणि। (संखित्तम्।) (यथा कुसलत्तिके पञ्हावारं एवं वित्थारेतब्बं)।
३२. कुसलं अवितक्कविचारमत्तं धम्मं पटिच्च कुसलो अवितक्कविचारमत्तो धम्मो उप्पज्जति हेतुपच्चया। (१)
अब्याकतं अवितक्कविचारमत्तं धम्मं पटिच्च अब्याकतो अवितक्कविचारमत्तो धम्मो उप्पज्जति हेतुपच्चया। (१) (संखित्तम्।)
हेतुया द्वे, अविगते द्वे। (संखित्तम्।)
(सहजातवारेपि…पे॰… सम्पयुत्तवारेपि पञ्हावारेपि सब्बत्थ वित्थारो।)
३३. कुसलं अवितक्कअविचारं धम्मं पटिच्च कुसलो अवितक्कअविचारो धम्मो उप्पज्जति हेतुपच्चया… तीणि।
अब्याकतं अवितक्कअविचारं धम्मं पटिच्च अब्याकतो अवितक्कअविचारो धम्मो उप्पज्जति हेतुपच्चया। (१)
कुसलं अवितक्कअविचारञ्च अब्याकतं अवितक्कअविचारञ्च धम्मं पटिच्च अब्याकतो अवितक्कअविचारो धम्मो उप्पज्जति हेतुपच्चया। (१) (संखित्तम्।)
हेतुया पञ्च, आरम्मणे द्वे, अविगते पञ्च। (संखित्तम्। सहजातवारम्पि…पे॰… पञ्हावारम्पि वित्थारेतब्बम्।)
१-६. कुसलत्तिक-पीतित्तिकम्
१-७. पटिच्चवारादि

पच्चयचतुक्कम्

१३०. अज्झत्तारम्मणं कुसलं धम्मं पटिच्च अज्झत्तारम्मणो कुसलो धम्मो उप्पज्जति हेतुपच्चया। (सब्बत्थ द्वे, सब्बत्थ वित्थारो।)
अज्झत्तारम्मणं अकुसलं धम्मं पटिच्च अज्झत्तारम्मणो अकुसलो धम्मो उप्पज्जति हेतुपच्चया। (सब्बत्थ द्वे, सब्बत्थ वित्थारो।)
अज्झत्तारम्मणं अब्याकतं धम्मं पटिच्च अज्झत्तारम्मणो अब्याकतो धम्मो उप्पज्जति हेतुपच्चया। (सब्बत्थ द्वे, सब्बत्थ वित्थारो।)
२२-१. सनिदस्सनत्तिक-कुसलत्तिकम्
१-७. पटिच्चवारादि

हेतुपच्चयो

१३१. अनिदस्सनअप्पटिघं कुसलं धम्मं पटिच्च अनिदस्सनअप्पटिघो कुसलो धम्मो उप्पज्जति हेतुपच्चया। (सब्बत्थ एकम्।)
अनिदस्सनअप्पटिघं अकुसलं धम्मं पटिच्च अनिदस्सनअप्पटिघो अकुसलो धम्मो उप्पज्जति हेतुपच्चया। (सब्बत्थ एकम्।)
१३२. अनिदस्सनसप्पटिघं अब्याकतं धम्मं पटिच्च अनिदस्सनसप्पटिघो अब्याकतो धम्मो उप्पज्जति हेतुपच्चया (एकं)। अनिदस्सनसप्पटिघं अब्याकतं धम्मं पटिच्च सनिदस्सनसप्पटिघो अब्याकतो धम्मो उप्पज्जति हेतुपच्चया (द्वे)। अनिदस्सनसप्पटिघं अब्याकतं धम्मं पटिच्च अनिदस्सनअप्पटिघो अब्याकतो धम्मो उप्पज्जति हेतुपच्चया (तीणि)। अनिदस्सनसप्पटिघं अब्याकतं धम्मं पटिच्च सनिदस्सनसप्पटिघो अब्याकतो च अनिदस्सनअप्पटिघो अब्याकतो च धम्मा उप्पज्जन्ति हेतुपच्चया (चत्तारि)। अनिदस्सनसप्पटिघं अब्याकतं धम्मं पटिच्च अनिदस्सनसप्पटिघो अब्याकतो च अनिदस्सनअप्पटिघो अब्याकतो च धम्मा उप्पज्जन्ति हेतुपच्चया (पञ्च)। अनिदस्सनसप्पटिघं अब्याकतं धम्मं पटिच्च सनिदस्सनसप्पटिघो अब्याकतो च अनिदस्सनसप्पटिघो अब्याकतो च धम्मा उप्पज्जन्ति हेतुपच्चया (छ)। अनिदस्सनसप्पटिघं अब्याकतं धम्मं पटिच्च सनिदस्सनसप्पटिघो अब्याकतो च अनिदस्सनसप्पटिघो अब्याकतो च अनिदस्सनअप्पटिघो अब्याकतो च धम्मा उप्पज्जन्ति हेतुपच्चया (सत्त)।
१३३. अनिदस्सनअप्पटिघं अब्याकतं धम्मं पटिच्च अनिदस्सनअप्पटिघो अब्याकतो धम्मो उप्पज्जति हेतुपच्चया (सत्त)। अनिदस्सनअप्पटिघं अब्याकतञ्च अनिदस्सनसप्पटिघं अब्याकतञ्च धम्मं पटिच्च सनिदस्सनसप्पटिघो अब्याकतो धम्मो उप्पज्जति हेतुपच्चया (सत्त, संखित्तं)।
१३४. हेतुया एकवीस, अविगते एकवीस। (संखित्तम्।)
(सहजातवारम्पि…पे॰… पञ्हावारम्पि वित्थारेतब्बम्।)
धम्मानुलोमे तिकतिकपट्ठानं निट्ठितम्।