०४. उपादिन्नत्तिकम्

४. उपादिन्नत्तिकम्
१. पटिच्चवारो
१. पच्चयानुलोमम्
१. विभङ्गवारो

हेतुपच्चयो

१. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति हेतुपच्चया – उपादिन्नुपादानियं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा; पटिसन्धिक्खणे उपादिन्नुपादानियं एकं खन्धं पटिच्च तयो खन्धा कटत्ता च रूपं…पे॰… द्वे खन्धे पटिच्च द्वे खन्धा कटत्ता च रूपं; खन्धे पटिच्च वत्थु, वत्थुं खन्धा; उपादिन्नुपादानियं एकं महाभूतं पटिच्च तयो महाभूता…पे॰… द्वे महाभूते पटिच्च द्वे महाभूता, महाभूते पटिच्च कटत्तारूपं उपादारूपम्। (१)
उपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति हेतुपच्चया – उपादिन्नुपादानिये खन्धे पटिच्च चित्तसमुट्ठानं रूपम्। (२)
उपादिन्नुपादानियं धम्मं पटिच्च उपादिन्नुपादानियो च अनुपादिन्नुपादानियो च धम्मा उप्पज्जन्ति हेतुपच्चया – उपादिन्नुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपम्। (३)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति हेतुपच्चया – अनुपादिन्नुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपं; अनुपादिन्नुपादानियं एकं महाभूतं पटिच्च तयो महाभूता…पे॰… महाभूते पटिच्च चित्तसमुट्ठानं रूपं उपादारूपम्। (१)
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति हेतुपच्चया – अनुपादिन्नअनुपादानियं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। (१)
अनुपादिन्नअनुपादानियं धम्मं पटिच्च अनुपादिन्नुपादानियो धम्मो उप्पज्जति हेतुपच्चया – अनुपादिन्नअनुपादानिये खन्धे पटिच्च चित्तसमुट्ठानं रूपम्। (२)
अनुपादिन्नअनुपादानियं धम्मं पटिच्च अनुपादिन्नुपादानियो च अनुपादिन्नअनुपादानियो च धम्मा उप्पज्जन्ति हेतुपच्चया – अनुपादिन्नअनुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपम्। (३)
अनुपादिन्नुपादानियञ्च अनुपादिन्नअनुपादानियञ्च धम्मं पटिच्च अनुपादिन्नुपादानियो धम्मो उप्पज्जति हेतुपच्चया – अनुपादिन्नअनुपादानिये खन्धे च महाभूते च पटिच्च चित्तसमुट्ठानं रूपम्। (१)
उपादिन्नुपादानियञ्च अनुपादिन्नुपादानियञ्च धम्मं पटिच्च अनुपादिन्नुपादानियो धम्मो उप्पज्जति हेतुपच्चया – उपादिन्नुपादानिये खन्धे च महाभूते च पटिच्च चित्तसमुट्ठानं रूपम्। (१)

आरम्मणपच्चयो

२. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति आरम्मणपच्चया – उपादिन्नुपादानियं एकं खन्धं पटिच्च…पे॰… पटिसन्धिक्खणे…पे॰…।
अनुपादिन्नुपादानियं धम्मं पटिच्च…पे॰…।
अनुपादिन्नअनुपादानियं धम्मं पटिच्च…पे॰… आरम्मणपच्चया… तीणि।

अधिपतिपच्चयो

३. अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति अधिपतिपच्चया – अनुपादिन्नुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… एकं महाभूतं पटिच्च…पे॰… महाभूते पटिच्च चित्तसमुट्ठानं रूपं उपादारूपम्। (१)
अनुपादिन्नअनुपादानियं धम्मं पटिच्च… तीणि।
अनुपादिन्नुपादानियञ्च अनुपादिन्नअनुपादानियञ्च धम्मं पटिच्च अनुपादिन्नुपादानियो धम्मो उप्पज्जति अधिपतिपच्चया – अनुपादिन्नअनुपादानिये खन्धे च महाभूते च पटिच्च चित्तसमुट्ठानं रूपम्। (१)

अनन्तरपच्चयादि

४. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति अनन्तरपच्चया… समनन्तरपच्चया… सहजातपच्चया – उपादिन्नुपादानियं एकं खन्धं पटिच्च…पे॰… पटिसन्धिक्खणे…पे॰… एकं महाभूतं पटिच्च…पे॰… महाभूते पटिच्च कटत्तारूपं उपादारूपं; असञ्ञसत्तानं एकं महाभूतं पटिच्च…पे॰… महाभूते पटिच्च कटत्तारूपं उपादारूपम्।
उपादिन्नुपादानियं धम्मं पटिच्च… तीणि।
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति सहजातपच्चया – अनुपादिन्नुपादानियं एकं खन्धं पटिच्च तयो खन्धा चित्तसमुट्ठानञ्च रूपं …पे॰… एकं महाभूतं पटिच्च…पे॰… महाभूते पटिच्च चित्तसमुट्ठानं रूपं उपादारूपम्। बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰…।
अनुपादिन्नअनुपादानियं धम्मं पटिच्च… तीणि।
अनुपादिन्नुपादानियञ्च अनुपादिन्नअनुपादानियञ्च धम्मं पटिच्च…पे॰… अनुपादिन्नुपादानियो…पे॰…। (१)
उपादिन्नुपादानियञ्च अनुपादिन्नुपादानियञ्च धम्मं पटिच्च अनुपादिन्नुपादानियो…पे॰…। (१)

अञ्ञमञ्ञपच्चयो

५. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति अञ्ञमञ्ञपच्चया – उपादिन्नुपादानियं एकं खन्धं पटिच्च…पे॰… पटिसन्धिक्खणे उपादिन्नुपादानियं एकं खन्धं पटिच्च तयो खन्धा वत्थु च…पे॰… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च…पे॰… द्वे महाभूते पटिच्च द्वे महाभूता; असञ्ञसत्तानं एकं महाभूतं…पे॰…। (१)
अनुपादिन्नुपादानियं धम्मं पटिच्च…पे॰… बाहिरं… आहारसमुट्ठानं… उतुसमुट्ठानं…पे॰…। (१)
अनुपादिन्नअनुपादानियं धम्मं पटिच्च…पे॰…। (१)

निस्सय-उपनिस्सयपच्चया

६. उपादिन्नुपादानियं धम्मं पटिच्च निस्सयपच्चया… नव। उपनिस्सयपच्चया… तीणि।

पुरेजातपच्चयो

७. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति पुरेजातपच्चया… तीणि।

आसेवनपच्चयो

८. अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति आसेवनपच्चया – अनुपादिन्नुपादानियं एकं खन्धं पटिच्च…पे॰…। (१)
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति आसेवनपच्चया – अनुपादिन्नअनुपादानियं एकं खन्धं पटिच्च…पे॰…। (१)

कम्मपच्चयो

९. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति कम्मपच्चया (हेतुपच्चयसदिसा नव)।

विपाकपच्चयो

१०. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति विपाकपच्चया… तीणि।
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति विपाकपच्चया – एकं महाभूतं पटिच्च…पे॰… महाभूते पटिच्च चित्तसमुट्ठानं रूपं उपादारूपम्।
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति विपाकपच्चया – विपाकं अनुपादिन्नअनुपादानियं एकं खन्धं पटिच्च तयो खन्धा…पे॰… नव।

आहारपच्चयादि

११. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति आहारपच्चया…पे॰… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया।
(यथा कुसलत्तिकस्स पटिच्चवारो सज्झायमग्गेन वित्थारितो, एवं वित्थारेतब्बम्।)
१. पच्चयानुलोमम्
२. सङ्ख्यावारो

सुद्धम्

१२. हेतुया नव, आरम्मणे तीणि, अधिपतिया पञ्च, अनन्तरे तीणि, समनन्तरे तीणि, सहजाते नव, अञ्ञमञ्ञे तीणि, निस्सये नव, उपनिस्सये तीणि, पुरेजाते तीणि, आसेवने द्वे, कम्मे नव, विपाके नव, आहारे नव, इन्द्रिये नव, झाने नव, मग्गे नव, सम्पयुत्ते तीणि, विप्पयुत्ते नव, अत्थिया नव, नत्थिया तीणि, विगते तीणि, अविगते नव।

हेतुदुकम्

हेतुपच्चया आरम्मणे तीणि…पे॰… अविगते नव।
(यथा कुसलत्तिके पटिच्चगणना सज्झायमग्गेन गणिता, एवं गणेतब्बम्।)
अनुलोमम्।
२. पच्चयपच्चनीयम्
१. विभङ्गवारो

नहेतुपच्चयो

१३. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नहेतुपच्चया – अहेतुकं उपादिन्नुपादानियं एकं खन्धं पटिच्च तयो खन्धा, द्वे खन्धे पटिच्च द्वे खन्धा, अहेतुकपटिसन्धिक्खणे उपादिन्नुपादानियं एकं खन्धं पटिच्च तयो खन्धा कटत्ता च रूपं…पे॰… द्वे खन्धे पटिच्च द्वे खन्धा कटत्ता च रूपं; खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे॰… महाभूते पटिच्च कटत्तारूपं उपादारूपं; असञ्ञसत्तानं एकं महाभूतं पटिच्च…पे॰… महाभूते पटिच्च कटत्तारूपं उपादारूपम्। (१)
उपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नहेतुपच्चया – अहेतुके उपादिन्नुपादानिये खन्धे पटिच्च चित्तसमुट्ठानं रूपम्। (२)
उपादिन्नुपादानियं धम्मं पटिच्च उपादिन्नुपादानियो च अनुपादिन्नुपादानियो च धम्मा उप्पज्जन्ति नहेतुपच्चया – अहेतुकं उपादिन्नुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपम्। (३)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नहेतुपच्चया – अहेतुकं अनुपादिन्नुपादानियं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपम्। अनुपादिन्नुपादानियं एकं महाभूतं…पे॰… महाभूते पटिच्च चित्तसमुट्ठानं रूपं उपादारूपम्। बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰… महाभूते पटिच्च उपादारूपम्। विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
उपादिन्नुपादानियञ्च अनुपादिन्नुपादानियञ्च धम्मं पटिच्च अनुपादिन्नुपादानियो धम्मो उप्पज्जति नहेतुपच्चया – अहेतुके उपादिन्नुपादानिये खन्धे च महाभूते च पटिच्च चित्तसमुट्ठानं रूपम्। (१)

नआरम्मणपच्चयो

१४. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नआरम्मणपच्चया – पटिसन्धिक्खणे उपादिन्नुपादानिये खन्धे पटिच्च कटत्तारूपं, खन्धे पटिच्च वत्थु, एकं महाभूतं पटिच्च…पे॰… असञ्ञसत्तानं एकं महाभूतं पटिच्च…पे॰…। (१)
उपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नआरम्मणपच्चया – उपादिन्नुपादानिये खन्धे पटिच्च चित्तसमुट्ठानं रूपम्। (२)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नआरम्मणपच्चया – अनुपादिन्नुपादानिये खन्धे पटिच्च चित्तसमुट्ठानं रूपं, एकं महाभूतं पटिच्च …पे॰… बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰…। (१)
अनुपादिन्नअनुपादानियं धम्मं पटिच्च अनुपादिन्नुपादानियो धम्मो उप्पज्जति नआरम्मणपच्चया – अनुपादिन्नअनुपादानिये खन्धे पटिच्च चित्तसमुट्ठानं रूपम्। (१)
अनुपादिन्नुपादानियञ्च अनुपादिन्नअनुपादानियञ्च धम्मं पटिच्च अनुपादिन्नुपादानियो धम्मो उप्पज्जति नआरम्मणपच्चया – अनुपादिन्नअनुपादानिये खन्धे च महाभूते च पटिच्च चित्तसमुट्ठानं रूपम्। (१)
उपादिन्नुपादानियञ्च अनुपादिन्नुपादानियञ्च धम्मं पटिच्च अनुपादिन्नुपादानियो धम्मो उप्पज्जति नआरम्मणपच्चया – उपादिन्नुपादानिये खन्धे च महाभूते च पटिच्च चित्तसमुट्ठानं रूपम्। (१)

नअधिपतिपच्चयो

१५. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नअधिपतिपच्चया (पटिसन्धि परिपुण्णं)… तीणि।
अनुपादिन्नुपादानियं धम्मं पटिच्च… एका।
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति नअधिपतिपच्चया – अनुपादिन्नअनुपादानिये खन्धे पटिच्च अनुपादिन्नअनुपादानिया अधिपति। (१)
उपादिन्नुपादानियञ्च अनुपादिन्नुपादानियञ्च धम्मं पटिच्च अनुपादिन्नुपादानियो धम्मो उप्पज्जति नअधिपतिपच्चया – उपादिन्नुपादानिये खन्धे च महाभूते च पटिच्च चित्तसमुट्ठानं रूपम्।

नअनन्तरपच्चयादि

१६. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नअनन्तरपच्चया…पे॰… नसमनन्तरपच्चया…. नअञ्ञमञ्ञपच्चया… नउपनिस्सयपच्चया… नपुरेजातपच्चया… नपच्छाजातपच्चया… नआसेवनपच्चया…पे॰…।
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति नआसेवनपच्चया – विपाकं अनुपादिन्नअनुपादानियं एकं खन्धं पटिच्च तयो खन्धा (संखित्तं)।

नकम्मपच्चयो

१७. अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नकम्मपच्चया – अनुपादिन्नुपादानिये खन्धे पटिच्च अनुपादिन्नुपादानिया चेतना । बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰…। (१)
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति नकम्मपच्चया – कुसले अनुपादिन्नअनुपादानिये खन्धे पटिच्च अनुपादिन्नअनुपादानिया चेतना। (२)

नविपाकपच्चयो

१८. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नविपाकपच्चया – असञ्ञसत्तानं एकं महाभूतं पटिच्च…पे॰… महाभूते पटिच्च कटत्तारूपं उपादारूपम्। (१)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नविपाकपच्चया… एका ।
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति नविपाकपच्चया – कुसलं अनुपादिन्नअनुपादानियं एकं खन्धं पटिच्च तयो खन्धा… तीणि।
अनुपादिन्नुपादानियञ्च अनुपादिन्नअनुपादानियञ्च धम्मं पटिच्च अनुपादिन्नुपादानियो धम्मो उप्पज्जति नविपाकपच्चया – कुसले अनुपादिन्नअनुपादानिये खन्धे च महाभूते च पटिच्च चित्तसमुट्ठानं रूपम्। (१)

नआहारपच्चयो

१९. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नआहारपच्चया – असञ्ञसत्तानं एकं महाभूतं पटिच्च…पे॰…। (१)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नआहारपच्चया – बाहिरं… उतुसमुट्ठानं एकं महाभूतं पटिच्च…पे॰…। (१)

नइन्द्रियपच्चयो

२०. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नइन्द्रियपच्चया – असञ्ञसत्तानं महाभूते पटिच्च रूपजीवितिन्द्रियम्। (१)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नइन्द्रियपच्चया – बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰…। (१)

नझानपच्चयो

२१. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नझानपच्चया – पञ्चविञ्ञाणसहगतं एकं खन्धं पटिच्च तयो खन्धा…पे॰… असञ्ञसत्तानं एकं महाभूतं पटिच्च …पे॰…। (१)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नझानपच्चया – बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰…। (१)

नमग्गपच्चयो

२२. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नमग्गपच्चया – अहेतुकं उपादिन्नुपादानियं एकं खन्धं पटिच्च तयो खन्धा… पञ्च।

नसम्पयुत्तपच्चयो

२३. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नसम्पयुत्तपच्चया (नआरम्मणपच्चयसदिसं)।

नविप्पयुत्तपच्चयो

२४. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नविप्पयुत्तपच्चया – अरूपे उपादिन्नुपादानियं एकं खन्धं पटिच्च तयो खन्धा…पे॰… असञ्ञसत्तानं एकं महाभूतं पटिच्च…पे॰…। (१)
अनुपादिन्नुपादानियं धम्मं पटिच्च अनुपादिन्नुपादानियो धम्मो उप्पज्जति नविप्पयुत्तपच्चया – अरूपे अनुपादिन्नुपादानियं एकं खन्धं पटिच्च तयोखन्धा…पे॰… बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे॰…। (१)
अनुपादिन्नअनुपादानियं धम्मं पटिच्च अनुपादिन्नअनुपादानियो धम्मो उप्पज्जति नविप्पयुत्तपच्चया – अरूपे अनुपादिन्नअनुपादानियं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। (१)

नोनत्थि-नोविगतपच्चया

२५. उपादिन्नुपादानियं धम्मं पटिच्च उपादिन्नुपादानियो धम्मो उप्पज्जति नोनत्थिपच्चया… नोविगतपच्चया।
(यथा कुसलत्तिके पच्चनीयवारो वित्थारितो, एवं वित्थारेतब्बो।)
२. पच्चयपच्चनीयम्
२. सङ्ख्यावारो

सुद्धम्

२६. नहेतुया पञ्च, नआरम्मणे छ, नअधिपतिया छ, नअनन्तरे छ, नसमनन्तरे छ, नअञ्ञमञ्ञे छ, नउपनिस्सये छ, नपुरेजाते सत्त, नपच्छाजाते नव, नआसेवने नव, नकम्मे द्वे, नविपाके छ, नआहारे द्वे, नइन्द्रिये द्वे, नझाने द्वे, नमग्गे पञ्च, नसम्पयुत्ते छ, नविप्पयुत्ते तीणि, नोनत्थिया छ, नोविगते छ।

नहेतुदुकम्

नहेतुपच्चया नआरम्मणे चत्तारि, नअधिपतिया पञ्च, नअनन्तरे चत्तारि…पे॰… नआसेवने पञ्च, नकम्मे एकं, नविपाके द्वे…पे॰… नझाने द्वे, नमग्गे पञ्च, नसम्पयुत्ते चत्तारि, नविप्पयुत्ते द्वे…पे॰… नोविगते चत्तारि।
(यथा कुसलत्तिके गणना, एवं गणेतब्बम्।)

पच्चनीयम्।

३. पच्चयानुलोमपच्चनीयम्

हेतुदुकम्

२७. हेतुपच्चया नआरम्मणे छ…पे॰… नपुरेजाते सत्त, नपच्छाजाते नव, नआसेवने नव, नकम्मे द्वे, नविपाके छ, नसम्पयुत्ते छ, नविप्पयुत्ते तीणि…पे॰… नोविगते छ।
(यथा कुसलत्तिके अनुलोमपच्चनीयगणना, एवं गणेतब्बा।)
अनुलोमपच्चनीयम्।
४. पच्चयपच्चनीयानुलोमम्

नहेतुदुकम्

२८. नहेतुपच्चया आरम्मणे द्वे…पे॰… सहजाते पञ्च, अञ्ञमञ्ञे द्वे, निस्सये पञ्च, उपनिस्सये द्वे, पुरेजाते द्वे, आसेवने एकं, कम्मे पञ्च…पे॰… झाने पञ्च, मग्गे एकं, सम्पयुत्ते द्वे, विप्पयुत्ते पञ्च…पे॰… अविगते पञ्च।
(यथा कुसलत्तिके पच्चनीयानुलोमगणना, एवं गणेतब्बा।)
पच्चनीयानुलोमम्।
पटिच्चवारो।
२. सहजातवारो

१-४. पच्चयचतुक्कम्

२९. उपादिन्नुपादानियं धम्मं सहजातो उपादिन्नुपादानियो धम्मो उप्पज्जति हेतुपच्चया। (पटिच्चवारोपि सहजातवारोपि सदिसो।)
सहजातवारो।
३. पच्चयवारो
१. पच्चयानुलोमम्
१. विभङ्गवारो

हेतुपच्चयो

३०. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति हेतुपच्चया – उपादिन्नुपादानियं एकं खन्धं पच्चया तयो खन्धा…पे॰… पटिसन्धिक्खणे…पे॰… खन्धे पच्चया वत्थु, वत्थुं पच्चया खन्धा; एकं महाभूतं पच्चया तयो महाभूता…पे॰… महाभूते पच्चया कटत्तारूपं उपादारूपं; वत्थुं पच्चया उपादिन्नुपादानिया खन्धा। (१)
उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति हेतुपच्चया – उपादिन्नुपादानिये खन्धे पच्चया चित्तसमुट्ठानं रूपं; वत्थुं पच्चया अनुपादिन्नुपादानिया खन्धा। (२)
उपादिन्नुपादानियं धम्मं पच्चया अनुपादिन्नअनुपादानियो धम्मो उप्पज्जति हेतुपच्चया – वत्थुं पच्चया अनुपादिन्नअनुपादानिया खन्धा। (३)
उपादिन्नुपादानियं धम्मं पच्चया उपादिन्नुपादानियो च अनुपादिन्नुपादानियो च धम्मा उप्पज्जन्ति हेतुपच्चया – उपादिन्नुपादानियं एकं खन्धं पच्चया तयो खन्धा चित्तसमुट्ठानञ्च रूपं…पे॰…। (४)
३१. अनुपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति हेतुपच्चया… एका।
अनुपादिन्नअनुपादानियं धम्मं पच्चया अनुपादिन्नअनुपादानियो धम्मो उप्पज्जति हेतुपच्चया… तीणि।
उपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नअनुपादानियो धम्मो उप्पज्जति हेतुपच्चया – अनुपादिन्नअनुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा। (१)
अनुपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नुपादानियो धम्मो उप्पज्जति हेतुपच्चया – अनुपादिन्नअनुपादानिये खन्धे च महाभूते च पच्चया चित्तसमुट्ठानं रूपम्। (१)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति हेतुपच्चया – उपादिन्नुपादानिये खन्धे च महाभूते च पच्चया चित्तसमुट्ठानं रूपं; अनुपादिन्नुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा। (१)

आरम्मणपच्चयो

३२. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति आरम्मणपच्चया – उपादिन्नुपादानियं एकं खन्धं पच्चया तयो खन्धा…पे॰… द्वे खन्धे पच्चया द्वे खन्धा; पटिसन्धिक्खणे उपादिन्नुपादानियं एकं खन्धं पच्चया तयो खन्धा…पे॰… द्वे खन्धे पच्चया द्वे खन्धा; वत्थुं पच्चया खन्धा; चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं; वत्थुं पच्चया उपादिन्नुपादानिया खन्धा। (१)
उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति आरम्मणपच्चया – वत्थुं पच्चया अनुपादिन्नुपादानिया खन्धा। (२)
उपादिन्नुपादानियं धम्मं पच्चया अनुपादिन्नअनुपादानियो धम्मो उप्पज्जति आरम्मणपच्चया – वत्थुं पच्चया अनुपादिन्नअनुपादानिया खन्धा । (३)
अनुपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति आरम्मणपच्चया – अनुपादिन्नुपादानियं एकं खन्धं पच्चया तयो खन्धा…पे॰… द्वे खन्धे पच्चया द्वे खन्धा। (१)
अनुपादिन्नअनुपादानियं धम्मं पच्चया अनुपादिन्नअनुपादानियो धम्मो उप्पज्जति आरम्मणपच्चया – अनुपादिन्नअनुपादानियं एकं खन्धं पच्चया तयो खन्धा…पे॰… द्वे खन्धे पच्चया द्वे खन्धा। (१)
उपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नअनुपादानियो धम्मो उप्पज्जति आरम्मणपच्चया – अनुपादिन्नअनुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा। (१)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति आरम्मणपच्चया – अनुपादिन्नुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा। (१)

अधिपतिपच्चयो

३३. उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति अधिपतिपच्चया – वत्थुं पच्चया अनुपादिन्नुपादानिया खन्धा। (१)
उपादिन्नुपादानियं धम्मं पच्चया अनुपादिन्नअनुपादानियो धम्मो उप्पज्जति अधिपतिपच्चया – वत्थुं पच्चया अनुपादिन्नअनुपादानिया खन्धा। (२)
अनुपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति अधिपतिपच्चया… एका।
अनुपादिन्नअनुपादानियं धम्मं पच्चया… तिस्सो।
उपादिन्नुपादानियञ्च अनुपादिन्नअनुपादानियञ्च धम्मं पच्चया…पे॰… अधिपतिपच्चया…पे॰…। (१)
अनुपादिन्नुपादानियञ्च अनुपादिन्नअनुपादानियञ्च धम्मं पच्चया…पे॰… अधिपतिपच्चया। (१)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति अधिपतिपच्चया – अनुपादिन्नुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा। (१)

अनन्तरपच्चयो

३४. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति अनन्तरपच्चया।
(चतुवीसतिपच्चया वित्थारेतब्बा, अविगतपच्चया।)
१. पच्चयानुलोमम्
२. सङ्ख्यावारो

सुद्धम्

३५. हेतुया एकादस, आरम्मणे सत्त, अधिपतिया नव, अनन्तरे सत्त, समनन्तरे सत्त, सहजाते एकादस, अञ्ञमञ्ञे सत्त, निस्सये एकादस, उपनिस्सये सत्त, पुरेजाते सत्त, आसेवने छ, कम्मे एकादस, विपाके एकादस, आहारे एकादस, इन्द्रिये एकादस, झाने एकादस, मग्गे एकादस, सम्पयुत्ते सत्त, विप्पयुत्ते एकादस, अत्थिया एकादस, नत्थिया सत्त, विगते सत्त, अविगते एकादस।

हेतुदुकम्

हेतुपच्चया आरम्मणे सत्त…पे॰… अविगते एकादस।
(यथा कुसलत्तिके गणना एवं गणेतब्बा।)
अनुलोमम्।
२. पच्चयपच्चनीयम्
१. विभङ्गवारो

नहेतुपच्चयो

३६. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति नहेतुपच्चया – अहेतुकं उपादिन्नुपादानियं एकं खन्धं पच्चया…पे॰… अहेतुकपटिसन्धिक्खणे…पे॰… असञ्ञसत्तानं एकं महाभूतं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं; वत्थुं पच्चया अहेतुका उपादिन्नुपादानिया खन्धा। (१)
उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति नहेतुपच्चया – अहेतुके उपादिन्नुपादानिये खन्धे पच्चया चित्तसमुट्ठानं रूपं; वत्थुं पच्चया अहेतुका अनुपादिन्नुपादानिया खन्धा; वत्थुं पच्चया विचिकिच्छासहगतो उद्धच्चसहगतो मोहो। (२)
उपादिन्नुपादानियं धम्मं पच्चया उपादिन्नुपादानियो च अनुपादिन्नुपादानियो च धम्मा उप्पज्जन्ति नहेतुपच्चया – अहेतुकं उपादिन्नुपादानियं एकं खन्धं पच्चया तयो खन्धा चित्तसमुट्ठानञ्च रूपं…पे॰…। (३)
अनुपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति नहेतुपच्चया – अहेतुकं अनुपादिन्नुपादानियं एकं खन्धं पच्चया तयो खन्धा चित्तसमुट्ठानञ्च रूपं…पे॰… बाहिरं… आहारसमुट्ठानं… उतुसमुट्ठानं एकं महाभूतं…पे॰… रूपं; विचिकिच्छासहगते उद्धच्चसहगते खन्धे पच्चया विचिकिच्छासहगतो उद्धच्चसहगतो मोहो। (१)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति नहेतुपच्चया – अहेतुके उपादिन्नुपादानिये खन्धे च महाभूते च पच्चया चित्तसमुट्ठानं रूपं; अहेतुकं अनुपादिन्नुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा; विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो। (१)

नआरम्मणपच्चयो

३७. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति नआरम्मणपच्चया (संखित्तं)।

नअधिपतिपच्चयो

३८. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति नअधिपतिपच्चया – उपादिन्नुपादानियं एकं खन्धं पच्चया…पे॰…। (१)
उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति नअधिपतिपच्चया – उपादिन्नुपादानिये खन्धे पच्चया चित्तसमुट्ठानं रूपं; वत्थुं पच्चया अनुपादिन्नुपादानिया खन्धा। (२)
उपादिन्नुपादानियं धम्मं पच्चया अनुपादिन्नअनुपादानियो धम्मो उप्पज्जति नअधिपतिपच्चया – वत्थुं पच्चया अनुपादिन्नअनुपादानिया अधिपति। (३)
उपादिन्नुपादानियं धम्मं पच्चया उपादिन्नुपादानियो च अनुपादिन्नुपादानियो च धम्मा उप्पज्जन्ति नअधिपतिपच्चया – उपादिन्नुपादानियं एकं खन्धं पच्चया तयो खन्धा चित्तसमुट्ठानञ्च रूपं…पे॰…। (४)
अनुपादिन्नुपादानियं धम्मं पच्चया। (एका पञ्हा।)
अनुपादिन्नअनुपादानियं धम्मं पच्चया अनुपादिन्नअनुपादानियो धम्मो उप्पज्जति नअधिपतिपच्चया – अनुपादिन्नअनुपादानिये खन्धे पच्चया अनुपादिन्नअनुपादानिया अधिपति। (१)
उपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नअनुपादानियो धम्मो उप्पज्जति न अधिपतिपच्चया – अनुपादिन्नअनुपादानिये खन्धे च वत्थुञ्च पच्चया अनुपादिन्नअनुपादानिया अधिपति। (१)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति नअधिपतिपच्चया – उपादिन्नुपादानिये खन्धे च महाभूते च पच्चया चित्तसमुट्ठानं रूपं; अनुपादिन्नुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा। (१)

नअनन्तरपच्चयादि

३९. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया… नपुरेजातपच्चया… नपच्छाजातपच्चया… नआसेवनपच्चया…पे॰…।

नकम्मपच्चयो

४०. उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति नकम्मपच्चया – वत्थुं पच्चया अनुपादिन्नुपादानिया चेतना। (१)
उपादिन्नुपादानियं धम्मं पच्चया अनुपादिन्नअनुपादानियो धम्मो उप्पज्जति नकम्मपच्चया – वत्थुं पच्चया कुसला अनुपादिन्नअनुपादानिया चेतना। (२)
अनुपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति नकम्मपच्चया – अनुपादिन्नुपादानिये खन्धे पच्चया अनुपादिन्नुपादानिया चेतना। बाहिरं… आहारसमुट्ठानं… उतुसमुट्ठानं एकं महाभूतं पच्चया…पे॰…। (१)
अनुपादिन्नअनुपादानियं धम्मं पच्चया अनुपादिन्नअनुपादानियो धम्मो उप्पज्जति नकम्मपच्चया – कुसले अनुपादिन्नअनुपादानिये खन्धे पच्चया अनुपादिन्नअनुपादानिया चेतना। (१)
उपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नअनुपादानियो धम्मो उप्पज्जति नकम्मपच्चया – कुसले अनुपादिन्नअनुपादानिये खन्धे च वत्थुञ्च पच्चया अनुपादिन्नअनुपादानिया कुसला चेतना। (१)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति नकम्मपच्चया – अनुपादिन्नुपादानिये खन्धे च वत्थुञ्च पच्चया अनुपादिन्नुपादानिया चेतना। (१)

नविपाकपच्चयो

४१. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति नविपाकपच्चया – असञ्ञसत्तानं एकं महाभूतं पच्चया…पे॰… (१)।
उपादिन्नुपादानियं धम्मं पच्चया अनुपादिन्नुपादानियो धम्मो उप्पज्जति नविपाकपच्चया; वत्थुं पच्चया अनुपादिन्नुपादानिया खन्धा। (२)
उपादिन्नुपादानियं धम्मं पच्चया अनुपादिन्नअनुपादानियो धम्मो उप्पज्जति नविपाकपच्चया – वत्थुं पच्चया कुसला अनुपादिन्नअनुपादानिया खन्धा। (३)
अनुपादिन्नुपादानियं धम्मं पच्चया… एका।
अनुपादिन्नअनुपादानियं धम्मं पच्चया… तीणि।
उपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नअनुपादानियो धम्मो उप्पज्जति नविपाकपच्चया। (संखित्तम्।)
अनुपादिन्नुपादानियञ्च अनुपादिन्नअनुपादानियञ्च धम्मं पच्चया अनुपादिन्नुपादानियो धम्मो उप्पज्जति नविपाकपच्चया। (संखित्तम्।)
उपादिन्नुपादानियञ्च अनुपादिन्नुपादानियञ्च धम्मं पच्चया अनुपादिन्नुपादानियो धम्मो उप्पज्जति नविपाकपच्चया – अनुपादिन्नुपादानियं एकं खन्धञ्च वत्थुञ्च पच्चया तयो खन्धा…पे॰… द्वे खन्धे च वत्थुञ्च पच्चया द्वे खन्धा।

नआहारपच्चयादि

४२. उपादिन्नुपादानियं धम्मं पच्चया उपादिन्नुपादानियो धम्मो उप्पज्जति नआहारपच्चया… नइन्द्रियपच्चया… नझानपच्चया… नमग्गपच्चया… नसम्पयुत्तपच्चया… नविप्पयुत्तपच्चया… नोनत्थिपच्चया… नोविगतपच्चया (संखित्तं)।
२. पच्चयपच्चनीयम्

२. सङ्ख्यावारो

४३. नहेतुया पञ्च, नआरम्मणे छ, नअधिपतिया अट्ठ, नअनन्तरे छ, नसमनन्तरे छ, नअञ्ञमञ्ञे छ, नउपनिस्सये छ, नपुरेजाते सत्त, नपच्छाजाते एकादस, नआसेवने एकादस , नकम्मे छ, नविपाके दस, नआहारे द्वे, नइन्द्रिये द्वे, नझाने द्वे, नमग्गे पञ्च, न सम्पयुत्ते छ, नविप्पयुत्ते तीणि, नोनत्थिया छ, नोविगते छ (वित्थारेन गणेतब्बं)।

३. पच्चयानुलोमपच्चनीयम्

४४. हेतुपच्चया नआरम्मणे छ…पे॰… नोविगते छ। (वित्थारेन गणेतब्बम्।)

४. पच्चयपच्चनीयानुलोमम्

४५. नहेतुपच्चया आरम्मणे चत्तारि…पे॰… अविगते पञ्च।
पच्चयवारो।
४. निस्सयवारो
४६. उपादिन्नुपादानियं धम्मं निस्साय उपादिन्नुपादानियो धम्मो उप्पज्जति हेतुपच्चया – उपादिन्नुपादानियं एकं खन्धं निस्साय तयो खन्धा, तयो खन्धे निस्साय… (संखित्तं)। (पच्चयवारोपि निस्सयवारोपि सदिसो)।
निस्सयवारो।
५. संसट्ठवारो
१. पच्चयानुलोमम्

हेतुपच्चयो

४७. उपादिन्नुपादानियं धम्मं संसट्ठो उपादिन्नुपादानियो धम्मो उप्पज्जति हेतुपच्चया – उपादिन्नुपादानियं एकं खन्धं संसट्ठा तयो खन्धा, तयो खन्धे संसट्ठो एको खन्धो, द्वे खन्धे संसट्ठा द्वे खन्धा, पटिसन्धिक्खणे उपादिन्नुपादानियं एकं खन्धं संसट्ठा तयो खन्धा…पे॰… द्वे खन्धे संसट्ठा द्वे खन्धा। (१)
अनुपादिन्नुपादानियं धम्मं संसट्ठो अनुपादिन्नुपादानियो धम्मो उप्पज्जति हेतुपच्चया – अनुपादिन्नुपादानियं एकं खन्धं संसट्ठा तयो खन्धा…पे॰… द्वे खन्धे संसट्ठा द्वे खन्धा। (१)
अनुपादिन्नअनुपादानियं धम्मं संसट्ठो अनुपादिन्नअनुपादानियो धम्मो उप्पज्जति हेतुपच्चया – अनुपादिन्नअनुपादानियं एकं खन्धं संसट्ठा तयो खन्धा…पे॰… द्वे खन्धे संसट्ठा द्वे खन्धा। (१) (संखित्तम्।)

सङ्ख्यावारो

४८. हेतुया तीणि…पे॰… अधिपतिया द्वे…पे॰… आसेवने द्वे…पे॰… विपाके द्वे…पे॰… अविगते तीणि।
(यथा कुसलत्तिके गणना, एवं गणेतब्बा।)
अनुलोमम्।
२. पच्चयपच्चनीयम्

नहेतुपच्चयो

४९. उपादिन्नुपादानियं धम्मं संसट्ठो उपादिन्नुपादानियो धम्मो उप्पज्जति नहेतुपच्चया – अहेतुकं उपादिन्नुपादानियं एकं खन्धं संसट्ठा तयो खन्धा…पे॰… द्वे खन्धे संसट्ठा द्वे खन्धा; अहेतुकपटिसन्धिक्खणे…पे॰…। (१)
अनुपादिन्नुपादानियं धम्मं संसट्ठो अनुपादिन्नुपादानियो धम्मो उप्पज्जति नहेतुपच्चया – अहेतुकं अनुपादिन्नुपादानियं एकं खन्धं संसट्ठा तयो खन्धा…पे॰… द्वे खन्धे संसट्ठा द्वे खन्धा; विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो। (१) (संखित्तम्।)
नहेतुया द्वे, न अधिपतिया तीणि…पे॰… नविप्पयुत्ते तीणि। (संखित्तम्।)
पच्चनीयम्
३. पच्चयानुलोमपच्चनीयम्
हेतुपच्चया नअधिपतिया तीणि…पे॰… नविप्पयुत्ते तीणि।
४. पच्चयपच्चनीयानुलोमम्
नहेतुपच्चया आरम्मणे द्वे…पे॰… अविगते द्वे।
संसट्ठवारो।

६. सम्पयुत्तवारो

५०. उपादिन्नुपादानियं धम्मं सम्पयुत्तो उपादिन्नुपादानियो धम्मो उप्पज्जति हेतुपच्चया। (संखित्तम्।) हेतुया तीणि…पे॰… अविगते तीणि।
(संसट्ठवारोपि सम्पयुत्तवारोपि सदिसो ।)
सम्पयुत्तवारो।
७. पञ्हावारो
१. पच्चयानुलोमम्
१. विभङ्गवारो

हेतुपच्चयो

५१. उपादिन्नुपादानियो धम्मो उपादिन्नुपादानियस्स धम्मस्स हेतुपच्चयेन पच्चयो – उपादिन्नुपादानिया हेतू सम्पयुत्तकानं खन्धानं हेतुपच्चयेन पच्चयो; पटिसन्धिक्खणे उपादिन्नुपादानिया हेतू सम्पयुत्तकानं खन्धानं कटत्ता च रूपानं हेतुपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स हेतुपच्चयेन पच्चयो – उपादिन्नुपादानिया हेतू चित्तसमुट्ठानानं रूपानं हेतुपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स हेतुपच्चयेन पच्चयो – उपादिन्नुपादानिया हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स हेतुपच्चयेन पच्चयो – अनुपादिन्नुपादानिया हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स हेतुपच्चयेन पच्चयो – अनुपादिन्नअनुपादानिया हेतू सम्पयुत्तकानं खन्धानं हेतुपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स हेतुपच्चयेन पच्चयो – अनुपादिन्नअनुपादानिया हेतू चित्तसमुट्ठानानं रूपानं हेतुपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स हेतुपच्चयेन पच्चयो – अनुपादिन्नअनुपादानिया हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)

आरम्मणपच्चयो

५२. उपादिन्नुपादानियो धम्मो उपादिन्नुपादानियस्स धम्मस्स आरम्मणपच्चयेन पच्चयो – सेक्खा वा पुथुज्जना वा चक्खुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति; कुसलाकुसले निरुद्धे विपाको तदारम्मणता उप्पज्जति। सोतं… घानं… जिव्हं… कायं… उपादिन्नुपादानिये रूपे… गन्धे… रसे… फोट्ठब्बे… वत्थुं… उपादिन्नुपादानिये खन्धे अनिच्चतो दुक्खतो अनत्ततो विप्पस्सन्ति, अस्सादेन्ति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। उपादिन्नुपादानियं रूपायतनं चक्खुविञ्ञाणस्स…पे॰… उपादिन्नुपादानियं गन्धायतनं… रसायतनं… फोट्ठब्बायतनं कायविञ्ञाणस्स आरम्मणपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स आरम्मणपच्चयेन पच्चयो – चक्खुं अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। सोतं… घानं… जिव्हं… कायं… उपादिन्नुपादानिये रूपे… गन्धे… रसे… फोट्ठब्बे… वत्थुं… उपादिन्नुपादानिये खन्धे अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना उपादिन्नुपादानियं रूपं पस्सति, चेतोपरियञाणेन उपादिन्नुपादानियचित्तसमङ्गिस्स चित्तं जानाति। उपादिन्नुपादानिया खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स अनागतंसञाणस्स, आवज्जनाय आरम्मणपच्चयेन पच्चयो। (२)
५३. अनुपादिन्नुपादानियो धम्मो अनुपादिन्नुपादानियस्स धम्मस्स आरम्मणपच्चयेन पच्चयो – दानं दत्वा, सीलं समादियित्वा, उपोसथकम्मं कत्वा तं पच्चवेक्खति, पुब्बे सुचिण्णानि पच्चवेक्खति, झाना वुट्ठहित्वा झानं पच्चवेक्खति, अरिया गोत्रभुं पच्चवेक्खन्ति, वोदानं पच्चवेक्खन्ति, अरिया पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति; अनुपादिन्नुपादानिये रूपे… सद्दे… गन्धे… रसे… फोट्ठब्बे… अनुपादिन्नुपादानिये खन्धे अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना अनुपादिन्नुपादानियं रूपं पस्सन्ति, दिब्बाय सोतधातुया सद्दं सुणन्ति, चेतोपरियञाणेन अनुपादिन्नुपादानियचित्तसमङ्गिस्स चित्तं जानन्ति। आकासानञ्चायतनं विञ्ञाणञ्चायतनस्स आरम्मणपच्चयेन पच्चयो। आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो। अनुपादिन्नुपादानिया खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स आरम्मणपच्चयेन पच्चयो – सेक्खा वा पुथुज्जना वा अनुपादिन्नुपादानिये रूपे… सद्दे… गन्धे… रसे… फोट्ठब्बे… अनुपादिन्नुपादानिये खन्धे अनिच्चतो दुक्खतो अनत्ततो विपस्सन्ति, अस्सादेन्ति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। आकासानञ्चायतनकुसलं विञ्ञाणञ्चायतनविपाकस्स आरम्मणपच्चयेन पच्चयो। आकिञ्चञ्ञायतनकुसलं नेवसञ्ञानासञ्ञायतनविपाकस्स आरम्मणपच्चयेन पच्चयो। अनुपादिन्नुपादानियं रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स आरम्मणपच्चयेन पच्चयो। (२)
५४. अनुपादिन्नअनुपादानियो धम्मो अनुपादिन्नअनुपादानियस्स धम्मस्स आरम्मणपच्चयेन पच्चयो – निब्बानं मग्गस्स, फलस्स आरम्मणपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स आरम्मणपच्चयेन पच्चयो – अरिया मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति, निब्बानं पच्चवेक्खन्ति; निब्बानं गोत्रभुस्स, वोदानस्स, आवज्जनाय आरम्मणपच्चयेन पच्चयो। अरिया चेतोपरियञाणेन अनुपादिन्नअनुपादानियचित्तसमङ्गिस्स चित्तं जानन्ति; अनुपादिन्नअनुपादानिया खन्धा चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (२)

अधिपतिपच्चयो

५५. उपादिन्नुपादानियो धम्मो अनुपादिन्नुपादानियस्स धम्मस्स अधिपतिपच्चयेन पच्चयो। आरम्मणाधिपति – चक्खुं गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति। सोतं… घानं… जिव्हं… कायं… उपादिन्नुपादानिये रूपे… गन्धे… रसे… फोट्ठब्बे… वत्थुं… उपादिन्नुपादानिये खन्धे गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति। (१)
अनुपादिन्नुपादानियो धम्मो अनुपादिन्नुपादानियस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा, सीलं समादियित्वा, उपोसथकम्मं कत्वा तं गरुं कत्वा पच्चवेक्खति, पुब्बे सुचिण्णानि गरुं कत्वा पच्चवेक्खति; झाना वुट्ठहित्वा झानं गरुं कत्वा पच्चवेक्खति; सेक्खा गोत्रभुं गरुं कत्वा पच्चवेक्खन्ति, वोदानं गरुं कत्वा पच्चवेक्खन्ति। अनुपादिन्नुपादानिये रूपे… सद्दे… गन्धे… रसे… फोट्ठब्बे… अनुपादिन्नुपादानिये खन्धे गरुं कत्वा अस्सादेन्ति अभिनन्दन्ति; तं गरुं कत्वा रागो उप्पज्जति, दिट्ठि उप्पज्जति। सहजाताधिपति – अनुपादिन्नुपादानियाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – निब्बानं मग्गस्स फलस्स अधिपतिपच्चयेन पच्चयो। सहजाताधिपति – अनुपादिन्नअनुपादानियाधिपति सम्पयुत्तकानं खन्धानं अधिपतिपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – अरिया मग्गा वुट्ठहित्वा मग्गं गरुं कत्वा पच्चवेक्खन्ति, फलं गरुं कत्वा पच्चवेक्खन्ति, निब्बानं गरुं कत्वा पच्चवेक्खन्ति। निब्बानं गोत्रभुस्स, वोदानस्स अधिपतिपच्चयेन पच्चयो। सहजाताधिपति – अनुपादिन्नअनुपादानियाधिपति चित्तसमुट्ठानानं रूपानं अधिपतिपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स अधिपतिपच्चयेन पच्चयो । सहजाताधिपति – अनुपादिन्नअनुपादानियाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (३)

अनन्तरपच्चयो

५६. उपादिन्नुपादानियो धम्मो उपादिन्नुपादानियस्स धम्मस्स अनन्तरपच्चयेन पच्चयो – पुरिमा पुरिमा उपादिन्नुपादानिया खन्धा पच्छिमानं पच्छिमानं उपादिन्नुपादानियानं खन्धानं अनन्तरपच्चयेन पच्चयो; पञ्चविञ्ञाणं विपाकमनोधातुया अनन्तरपच्चयेन पच्चयो; विपाकमनोधातु विपाकमनोविञ्ञाणधातुया अनन्तरपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स अनन्तरपच्चयेन पच्चयो – भवङ्गं आवज्जनाय, विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो। (२)
अनुपादिन्नुपादानियो धम्मो अनुपादिन्नुपादानियस्स धम्मस्स अनन्तरपच्चयेन पच्चयो – पुरिमा पुरिमा अनुपादिन्नुपादानिया खन्धा पच्छिमानं पच्छिमानं अनुपादिन्नुपादानियानं खन्धानं अनन्तरपच्चयेन पच्चयो; अनुलोमं गोत्रभुस्स… अनुलोमं वोदानस्स… आवज्जना अनुपादिन्नुपादानियानं खन्धानं अनन्तरपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स अनन्तरपच्चयेन पच्चयो – आवज्जना पञ्चन्नं विञ्ञाणानं अनन्तरपच्चयेन पच्चयो; अनुपादिन्नुपादानिया खन्धा वुट्ठानस्स अनन्तरपच्चयेन पच्चयो। (२)
अनुपादिन्नुपादानियो धम्मो अनुपादिन्नअनुपादानियस्स धम्मस्स अनन्तरपच्चयेन पच्चयो – गोत्रभु मग्गस्स… वोदानं मग्गस्स… अनुलोमं फलसमापत्तिया… निरोधा वुट्ठहन्तस्स… नेवसञ्ञानासञ्ञायतनं फलसमापत्तिया अनन्तरपच्चयेन पच्चयो। (३)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स अनन्तरपच्चयेन पच्चयो – पुरिमा पुरिमा अनुपादिन्नअनुपादानिया खन्धा पच्छिमानं पच्छिमानं अनुपादिन्नअनुपादानियानं खन्धानं अनन्तरपच्चयेन पच्चयो। मग्गो फलस्स… फलं फलस्स अनन्तरपच्चयेन पच्चयो। (१)
अनुपादिन्नअनुपादानियो धम्मो उपादिन्नुपादानियस्स धम्मस्स अनन्तरपच्चयेन पच्चयो – फलं वुट्ठानस्स अनन्तरपच्चयेन पच्चयो। (२)

समनन्तरपच्चयो

५७. उपादिन्नुपादानियो धम्मो उपादिन्नुपादानियस्स धम्मस्स समनन्तरपच्चयेन पच्चयो (अनन्तरपच्चयसदिसं)।

सहजातपच्चयो

५८. उपादिन्नुपादानियो धम्मो उपादिन्नुपादानियस्स धम्मस्स सहजातपच्चयेन पच्चयो – उपादिन्नुपादानियो एको खन्धो तिण्णन्नं खन्धानं सहजातपच्चयेन पच्चयो…पे॰… द्वे खन्धा द्विन्नं खन्धानं…पे॰… पटिसन्धिक्खणे उपादिन्नुपादानियो एको खन्धो तिण्णन्नं खन्धानं कटत्ता च रूपानं सहजातपच्चयेन पच्चयो…पे॰… द्वे खन्धा द्विन्नं खन्धानं कटत्ता च रूपानं…पे॰… खन्धा वत्थुस्स…पे॰… वत्थु खन्धानं…पे॰… एकं महाभूतं तिण्णन्नं महाभूतानं…पे॰… तयो महाभूता एकस्स महाभूतस्स …पे॰… द्वे महाभूता द्विन्नं महाभूतानं…पे॰… महाभूता कटत्तारूपानं उपादारूपानं सहजातपच्चयेन पच्चयो। असञ्ञसत्तानं एकं महाभूतं…पे॰…। (१)
उपादिन्नुपादानियो धम्मो अनुपादिन्नुपादानियस्स धम्मस्स सहजातपच्चयेन पच्चयो – उपादिन्नुपादानिया खन्धा चित्तसमुट्ठानानं रूपानं सहजातपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स सहजातपच्चयेन पच्चयो – उपादिन्नुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स सहजातपच्चयेन पच्चयो – अनुपादिन्नुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो। अनुपादिन्नुपादानियं एकं महाभूतं…पे॰… महाभूता चित्तसमुट्ठानानं रूपानं …पे॰… बाहिरं… आहारसमुट्ठानं… उतुसमुट्ठानं एकं महाभूतं…पे॰… महाभूता उपादारूपानं सहजातपच्चयेन पच्चयो। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स सहजातपच्चयेन पच्चयो – अनुपादिन्नअनुपादानियो एको खन्धो तिण्णन्नं खन्धानं…पे॰… द्वे खन्धा द्विन्नं खन्धानं सहजातपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स सहजातपच्चयेन पच्चयो – अनुपादिन्नअनुपादानिया खन्धा चित्तसमुट्ठानानं रूपानं सहजातपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स सहजातपच्चयेन पच्चयो; अनुपादिन्नअनुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो। (३)
अनुपादिन्नुपादानियो च अनुपादिन्नअनुपादानियो च धम्मा अनुपादिन्नुपादानियस्स धम्मस्स सहजातपच्चयेन पच्चयो – अनुपादिन्नअनुपादानिया खन्धा च महाभूता च चित्तसमुट्ठानानं रूपानं सहजातपच्चयेन पच्चयो। (१)
उपादिन्नुपादानियो च अनुपादिन्नुपादानियो च धम्मा अनुपादिन्नुपादानियस्स धम्मस्स सहजातपच्चयेन पच्चयो – उपादिन्नुपादानिया खन्धा च महाभूता च चित्तसमुट्ठानानं रूपानं सहजातपच्चयेन पच्चयो। (१)

अञ्ञमञ्ञपच्चयो

५९. उपादिन्नुपादानियो धम्मो उपादिन्नुपादानियस्स धम्मस्स अञ्ञमञ्ञपच्चयेन पच्चयो – उपादिन्नुपादानियो एको खन्धो तिण्णन्नं खन्धानं अञ्ञमञ्ञपच्चयेन पच्चयो…पे॰… द्वे खन्धा द्विन्नं खन्धानं…पे॰… पटिसन्धिक्खणे उपादिन्नुपादानियो एको खन्धो तिण्णन्नं खन्धानं वत्थुस्स च…पे॰… खन्धा वत्थुस्स…पे॰… वत्थु खन्धानं…पे॰… एकं महाभूतं तिण्णन्नं महाभूतानं…पे॰… द्वे महाभूता द्विन्नं महाभूतानं…पे॰… असञ्ञसत्तानं एकं महाभूतं…पे॰…। (१)
अनुपादिन्नुपादानियो धम्मो अनुपादिन्नुपादानियस्स धम्मस्स अञ्ञमञ्ञपच्चयेन पच्चयो – अनुपादिन्नुपादानियो एको खन्धो तिण्णन्नं खन्धानं…पे॰… द्वे खन्धा द्विन्नं खन्धानं अञ्ञमञ्ञपच्चयेन पच्चयो। एकं महाभूतं…पे॰… बाहिरं… आहारसमुट्ठानं… उतुसमुट्ठानं एकं महाभूतं…पे॰…। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स अञ्ञमञ्ञपच्चयेन पच्चयो – अनुपादिन्नअनुपादानियो एको खन्धो तिण्णन्नं खन्धानं…पे॰… द्वे खन्धा द्विन्नं खन्धानं…पे॰…। (१)

निस्सयपच्चयो

६०. उपादिन्नुपादानियो धम्मो उपादिन्नुपादानियस्स धम्मस्स निस्सयपच्चयेन पच्चयो – उपादिन्नुपादानियो एको खन्धो तिण्णन्नं खन्धानं निस्सयपच्चयेन पच्चयो…पे॰… पटिसन्धिक्खणे…पे॰… एकं महाभूतं…पे॰… असञ्ञसत्तानं एकं महाभूतं…पे॰… चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु उपादिन्नुपादानियानं खन्धानं निस्सयपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स निस्सयपच्चयेन पच्चयो – उपादिन्नुपादानिया खन्धा चित्तसमुट्ठानानं रूपानं निस्सयपच्चयेन पच्चयो। वत्थु अनुपादिन्नुपादानियानं खन्धानं निस्सयपच्चयेन पच्चयो। (२)
उपादिन्नुपादानियो धम्मो अनुपादिन्नअनुपादानियस्स धम्मस्स निस्सयपच्चयेन पच्चयो – वत्थु अनुपादिन्नअनुपादानियानं खन्धानं निस्सयपच्चयेन पच्चयो। (३)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स निस्सयपच्चयेन पच्चयो – उपादिन्नुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं निस्सयपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं निस्सयपच्चयेन पच्चयो। (४)
अनुपादिन्नुपादानियो धम्मो अनुपादिन्नुपादानियस्स धम्मस्स… एका।
अनुपादिन्नअनुपादानियो धम्मो… तीणि।
उपादिन्नुपादानियो च अनुपादिन्नअनुपादानियो च धम्मा अनुपादिन्नअनुपादानियस्स धम्मस्स निस्सयपच्चयेन पच्चयो – अनुपादिन्नअनुपादानियो एको खन्धो च वत्थु च तिण्णन्नं खन्धानं निस्सयपच्चयेन पच्चयो…पे॰… द्वे खन्धा च वत्थु च द्विन्नं खन्धानं निस्सयपच्चयेन पच्चयो। (१)
अनुपादिन्नुपादानियो च अनुपादिन्नअनुपादानियो च धम्मा अनुपादिन्नुपादानियस्स धम्मस्स निस्सयपच्चयेन पच्चयो – अनुपादिन्नअनुपादानिया खन्धा च महाभूता च चित्तसमुट्ठानानं रूपानं निस्सयपच्चयेन पच्चयो। (१)
उपादिन्नुपादानियो च अनुपादिन्नुपादानियो च धम्मा अनुपादिन्नुपादानियस्स धम्मस्स निस्सयपच्चयेन पच्चयो – उपादिन्नुपादानिया खन्धा च महाभूता च चित्तसमुट्ठानानं रूपानं निस्सयपच्चयेन पच्चयो। अनुपादिन्नुपादानियो एको खन्धो च वत्थु च तिण्णन्नं खन्धानं निस्सयपच्चयेन पच्चयो…पे॰… द्वे खन्धा च वत्थु च द्विन्नं खन्धानं निस्सयपच्चयेन पच्चयो। (१)

उपनिस्सयपच्चयो

६१. उपादिन्नुपादानियो धम्मो उपादिन्नुपादानियस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – कायिकं सुखं कायिकस्स सुखस्स, कायिकस्स दुक्खस्स उपनिस्सयपच्चयेन पच्चयो। कायिकं दुक्खं कायिकस्स सुखस्स, कायिकस्स दुक्खस्स…पे॰… उतु कायिकस्स सुखस्स, कायिकस्स दुक्खस्स…पे॰… भोजनं कायिकस्स सुखस्स, कायिकस्स दुक्खस्स…पे॰… कायिकं सुखं… कायिकं दुक्खं… उतु… भोजनं कायिकस्स सुखस्स, कायिकस्स दुक्खस्स उपनिस्सयपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – कायिकं सुखं उपनिस्साय दानं देति, सीलं समादियति, उपोसथकम्मं करोति, झानं उप्पादेति, विपस्सनं उप्पादेति, अभिञ्ञं उप्पादेति, समापत्तिं उप्पादेति, पाणं हनति…पे॰… सङ्घं भिन्दति। कायिकं दुक्खं… उतुं… भोजनं उपनिस्साय दानं देति…पे॰… सङ्घं भिन्दति। कायिकं सुखं… कायिकं दुक्खं… उतु… भोजनं अनुपादिन्नुपादानियाय सद्धाय… सीलस्स… सुतस्स… चागस्स… पञ्ञाय… रागस्स… दोसस्स… मोहस्स… मानस्स… दिट्ठिया… पत्थनाय उपनिस्सयपच्चयेन पच्चयो। (२)
उपादिन्नुपादानियो धम्मो अनुपादिन्नअनुपादानियस्स धम्मस्स उपनिस्सयपच्चयेन पच्चयो। पकतूपनिस्सयो – कायिकं सुखं उपनिस्साय मग्गं उप्पादेति, फलसमापत्तिं समापज्जति। कायिकं दुक्खं… उतुं… भोजनं उपनिस्साय मग्गं उप्पादेति, फलसमापत्तिं समापज्जति। कायिकं सुखं… कायिकं दुक्खं… उतु… भोजनं मग्गस्स… फलसमापत्तिया उपनिस्सयपच्चयेन पच्चयो। (३)
६२. अनुपादिन्नुपादानियो धम्मो अनुपादिन्नुपादानियस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – अनुपादिन्नुपादानियं सद्धं उपनिस्साय दानं देति, सीलं समादियति, उपोसथकम्मं करोति, झानं उप्पादेति, विपस्सनं उप्पादेति, अभिञ्ञं उप्पादेति, समापत्तिं उप्पादेति, मानं जप्पेति, दिट्ठिं गण्हाति। अनुपादिन्नुपादानियं सीलं… सुतं… चागं… पञ्ञं… रागं… दोसं… मोहं… मानं … दिट्ठिं… पत्थनं… उतुं… भोजनं… सेनासनं उपनिस्साय दानं देति…पे॰… समापत्तिं उप्पादेति, मानं जप्पेति, दिट्ठिं गण्हाति, पाणं हनति…पे॰… सङ्घं भिन्दति। अनुपादिन्नुपादानिया सद्धा… सीलं… सुतं… चागो… पञ्ञा… रागो… दोसो… मोहो… मानो… दिट्ठि… पत्थना… उतु… भोजनं… सेनासनं… अनुपादिन्नुपादानियाय सद्धाय… सीलस्स… सुतस्स… चागस्स… पञ्ञाय… रागस्स… दोसस्स… मोहस्स… मानस्स… दिट्ठिया… पत्थनाय उपनिस्सयपच्चयेन पच्चयो। पठमस्स झानस्स परिकम्मं पठमस्स झानस्स…पे॰… नेवसञ्ञानासञ्ञायतनस्स परिकम्मं नेवसञ्ञानासञ्ञायतनस्स…पे॰… पठमं झानं दुतियस्स…पे॰… आकिञ्चञ्ञायतनं नेवसञ्ञानासञ्ञायतनस्स…पे॰… पाणातिपातो पाणातिपातस्स…पे॰… नियतमिच्छादिट्ठि नियतमिच्छादिट्ठिया…पे॰…। (१)
अनुपादिन्नुपादानियो धम्मो उपादिन्नुपादानियस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – अनुपादिन्नुपादानियं सद्धं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। अनुपादिन्नुपादानियं सीलं …पे॰… सेनासनं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। अनुपादिन्नुपादानिया सद्धा…पे॰… सेनासनं कायिकस्स सुखस्स , कायिकस्स दुक्खस्स उपनिस्सयपच्चयेन पच्चयो। कुसलाकुसलं कम्मं विपाकस्स उपनिस्सयपच्चयेन पच्चयो। (२)
अनुपादिन्नुपादानियो धम्मो अनुपादिन्नअनुपादानियस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – पठमस्स मग्गस्स परिकम्मं पठमस्स मग्गस्स उपनिस्सयपच्चयेन पच्चयो। दुतियस्स मग्गस्स…पे॰… ततियस्स मग्गस्स…पे॰… चतुत्थस्स मग्गस्स परिकम्मं चतुत्थस्स मग्गस्स उपनिस्सयपच्चयेन पच्चयो। (३)
६३. अनुपादिन्नअनुपादानियो धम्मो अनुपादिन्नअनुपादानियस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – पठमो मग्गो दुतियस्स मग्गस्स उपनिस्सयपच्चयेन पच्चयो। दुतियो मग्गो ततियस्स मग्गस्स…पे॰… ततियो मग्गो चतुत्थस्स मग्गस्स…पे॰… मग्गो फलसमापत्तिया उपनिस्सयपच्चयेन पच्चयो। (१)
अनुपादिन्नअनुपादानियो धम्मो उपादिन्नुपादानियस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – फलसमापत्ति कायिकस्स सुखस्स उपनिस्सयपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूनिस्सयो…पे॰…। पकतूपनिस्सयो – अरिया मग्गं उपनिस्साय अनुप्पन्नं समापत्तिं उप्पादेन्ति, उप्पन्नं समापत्तिं समापज्जन्ति, सङ्खारे अनिच्चतो दुक्खतो अनत्ततो विपस्सन्ति। मग्गो अरियानं अत्थप्पटिसम्भिदाय धम्मप्पटिसम्भिदाय निरुत्तिप्पटिसम्भिदाय पटिभानप्पटिसम्भिदाय ठानाठानकोसल्लस्स उपनिस्सयपच्चयेन पच्चयो। (३)

पुरेजातपच्चयो

६४. उपादिन्नुपादानियो धम्मो उपादिन्नुपादानियस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातम्। आरम्मणपुरेजातं – सेक्खा वा पुथुज्जना वा चक्खुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति; कुसलाकुसले निरुद्धे विपाको तदारम्मणता उप्पज्जति। सोतं… घानं… जिव्हं… कायं… उपादिन्नुपादानिये रूपे… गन्धे… रसे… फोट्ठब्बे… वत्थुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। उपादिन्नुपादानियं रूपायतनं चक्खुविञ्ञाणस्स…पे॰… उपादिन्नुपादानियं गन्धायतनं… रसायतनं… फोट्ठब्बायतनं कायविञ्ञाणस्स पुरेजातपच्चयेन पच्चयो। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु उपादिन्नुपादानियानं खन्धानं पुरेजातपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातम्। आरम्मणपुरेजातं – चक्खुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति। सोतं…पे॰… वत्थुं अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना उपादिन्नुपादानियं रूपं पस्सन्ति। वत्थुपुरेजातं – वत्थु अनुपादिन्नुपादानियानं खन्धानं पुरेजातपच्चयेन पच्चयो। (२)
उपादिन्नुपादानियो धम्मो अनुपादिन्नअनुपादानियस्स धम्मस्स पुरेजातपच्चयेन पच्चयो। वत्थुपुरेजातं – वत्थु अनुपादिन्नअनुपादानियानं खन्धानं पुरेजातपच्चयेन पच्चयो। (३)
६५. अनुपादिन्नुपादानियो धम्मो अनुपादिन्नुपादानियस्स धम्मस्स पुरेजातपच्चयेन पच्चयो। आरम्मणपुरेजातं – अनुपादिन्नुपादानिये रूपे… सद्दे… गन्धे… रसे… फोट्ठब्बे अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति …पे॰… दोमनस्सं उप्पज्जति। दिब्बेन चक्खुना अनुपादिन्नुपादानियं रूपं पस्सति, दिब्बाय सोतधातुया सद्दं सुणाति। (१)
अनुपादिन्नुपादानियो धम्मो उपादिन्नुपादानियस्स धम्मस्स पुरेजातपच्चयेन पच्चयो। आरम्मणपुरेजातं – अनुपादिन्नुपादानिये रूपे… सद्दे… गन्धे… रसे… फोट्ठब्बे अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। अनुपादिन्नुपादानियं रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स पुरेजातपच्चयेन पच्चयो। (२)
उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातम्। अनुपादिन्नुपादानियं रूपायतनञ्च चक्खायतनञ्च चक्खुविञ्ञाणस्स पुरेजातपच्चयेन पच्चयो…पे॰… अनुपादिन्नुपादानियं फोट्ठब्बायतनञ्च कायायतनञ्च कायविञ्ञाणस्स पुरेजातपच्चयेन पच्चयो। अनुपादिन्नुपादानियं रूपायतनञ्च वत्थु च उपादिन्नुपादानियानं खन्धानं पुरेजातपच्चयेन पच्चयो…पे॰… अनुपादिन्नुपादानियं फोट्ठब्बायतनञ्च वत्थु च उपादिन्नुपादानियानं खन्धानं पुरेजातपच्चयेन पच्चयो। (१)
उपादिन्नुपादानियो च अनुपादिन्नुपादानियो च धम्मा अनुपादिन्नुपादानियस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातम्। अनुपादिन्नुपादानियं रूपायतनञ्च वत्थु च अनुपादिन्नुपादानियानं खन्धानं पुरेजातपच्चयेन पच्चयो…पे॰… अनुपादिन्नुपादानियं फोट्ठब्बायतनञ्च वत्थु च अनुपादिन्नुपादानियानं खन्धानं पुरेजातपच्चयेन पच्चयो। (२)

पच्छाजातपच्चयो

६६. उपादिन्नुपादानियो धम्मो उपादिन्नुपादानियस्स धम्मस्स पच्छाजातपच्चयेन पच्चयो – पच्छाजाता उपादिन्नुपादानिया खन्धा पुरेजातस्स इमस्स उपादिन्नुपादानियस्स कायस्स पच्छाजातपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स पच्छाजातपच्चयेन पच्चयो – पच्छाजाता उपादिन्नुपादानिया खन्धा पुरेजातस्स इमस्स अनुपादिन्नुपादानियस्स कायस्स पच्छाजातपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स पच्छाजातपच्चयेन पच्चयो – पच्छाजाता उपादिन्नुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स पच्छाजातपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स पच्छाजातपच्चयेन पच्चयो – पच्छाजाता अनुपादिन्नुपादानिया खन्धा पुरेजातस्स इमस्स अनुपादिन्नुपादानियस्स कायस्स पच्छाजातपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स पच्छाजातपच्चयेन पच्चयो – पच्छाजाता अनुपादिन्नुपादानिया खन्धा पुरेजातस्स इमस्स उपादिन्नुपादानियस्स कायस्स पच्छाजातपच्चयेन पच्चयो। (२)
अनुपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स पच्छाजातपच्चयेन पच्चयो – पच्छाजाता अनुपादिन्नुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स पच्छाजातपच्चयेन पच्चयो। (३)
६७. अनुपादिन्नअनुपादानियो धम्मो उपादिन्नुपादानियस्स धम्मस्स पच्छाजातपच्चयेन पच्चयो – पच्छाजाता अनुपादिन्नअनुपादानिया खन्धा पुरेजातस्स इमस्स उपादिन्नुपादानियस्स कायस्स पच्छाजातपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स पच्छाजातपच्चयेन पच्चयो – पच्छाजाता अनुपादिन्नअनुपादानिया खन्धा पुरेजातस्स इमस्स अनुपादिन्नुपादानियस्स कायस्स पच्छाजातपच्चयेन पच्चयो। (२)
अनुपादिन्नअनुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स पच्छाजातपच्चयेन पच्चयो – पच्छाजाता अनुपादिन्नअनुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स पच्छाजातपच्चयेन पच्चयो। (३)

आसेवनपच्चयो

६८. अनुपादिन्नुपादानियो धम्मो अनुपादिन्नुपादानियस्स धम्मस्स आसेवनपच्चयेन पच्चयो – पुरिमा पुरिमा अनुपादिन्नुपादानिया खन्धा पच्छिमानं पच्छिमानं अनुपादिन्नुपादानियानं खन्धानं आसेवनपच्चयेन पच्चयो। अनुलोमं गोत्रभुस्स… अनुलोमं वोदानस्स आसेवनपच्चयेन पच्चयो। (१)
अनुपादिन्नुपादानियो धम्मो अनुपादिन्नअनुपादानियस्स धम्मस्स आसेवनपच्चयेन पच्चयो – गोत्रभु मग्गस्स… वोदानं मग्गस्स आसेवनपच्चयेन पच्चयो। (२)

कम्मपच्चयो

६९. उपादिन्नुपादानियो धम्मो उपादिन्नुपादानियस्स धम्मस्स कम्मपच्चयेन पच्चयो – उपादिन्नुपादानिया चेतना सम्पयुत्तकानं खन्धानं कम्मपच्चयेन पच्चयो; पटिसन्धिक्खणे उपादिन्नुपादानिया चेतना सम्पयुत्तकानं खन्धानं कटत्ता च रूपानं कम्मपच्चयेन पच्चयो। चेतना वत्थुस्स कम्मपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स कम्मपच्चयेन पच्चयो – उपादिन्नुपादानिया चेतना चित्तसमुट्ठानानं रूपानं कम्मपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स कम्मपच्चयेन पच्चयो – उपादिन्नुपादानिया चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स कम्मपच्चयेन पच्चयो – अनुपादिन्नुपादानिया चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स कम्मपच्चयेन पच्चयो – नानाक्खणिका अनुपादिन्नुपादानिया चेतना विपाकानं उपादिन्नुपादानियानं खन्धानं कटत्ता च रूपानं कम्मपच्चयेन पच्चयो। (२)
७०. अनुपादिन्नअनुपादानियो धम्मो अनुपादिन्नअनुपादानियस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अनुपादिन्नअनुपादानिया चेतना सम्पयुत्तकानं खन्धानं कम्मपच्चयेन पच्चयो। नानाक्खणिका – अनुपादिन्नअनुपादानिया कुसला चेतना विपाकानं अनुपादिन्नअनुपादानियानं खन्धानं कम्मपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स कम्मपच्चयेन पच्चयो – अनुपादिन्नअनुपादानिया चेतना चित्तसमुट्ठानानं रूपानं कम्मपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स कम्मपच्चयेन पच्चयो – अनुपादिन्नअनुपादानिया चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। (३)

विपाकपच्चयो

७१. उपादिन्नुपादानियो धम्मो उपादिन्नुपादानियस्स धम्मस्स विपाकपच्चयेन पच्चयो – विपाको उपादिन्नुपादानियो एको खन्धो तिण्णन्नं खन्धानं विपाकपच्चयेन पच्चयो…पे॰… द्वे खन्धा द्विन्नं खन्धानं विपाकपच्चयेन पच्चयो; पटिसन्धिक्खणे विपाको उपादिन्नुपादानियो एको खन्धो तिण्णन्नं खन्धानं कटत्ता च रूपानं विपाकपच्चयेन पच्चयो…पे॰… द्वे खन्धा द्विन्नं खन्धानं कटत्ता च रूपानं विपाकपच्चयेन पच्चयो। खन्धा वत्थुस्स विपाकपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स विपाकपच्चयेन पच्चयो – विपाका उपादिन्नुपादानिया खन्धा चित्तसमुट्ठानानं रूपानं विपाकपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स विपाकपच्चयेन पच्चयो – विपाको उपादिन्नुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं विपाकपच्चयेन पच्चयो …पे॰… द्वे खन्धा द्विन्नं खन्धानं चित्तसमुट्ठानानञ्च रूपानं विपाकपच्चयेन पच्चयो। (३)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स विपाकपच्चयेन पच्चयो – विपाको अनुपादिन्नअनुपादानियो एको खन्धो तिण्णन्नं खन्धानं विपाकपच्चयेन पच्चयो…पे॰… द्वे खन्धा द्विन्नं खन्धानं विपाकपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स विपाकपच्चयेन पच्चयो – विपाका अनुपादिन्नअनुपादानिया खन्धा चित्तसमुट्ठानानं रूपानं विपाकपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स विपाकपच्चयेन पच्चयो – विपाको अनुपादिन्नअनुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं विपाकपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं विपाकपच्चयेन पच्चयो। (३)

आहारपच्चयो

७२. उपादिन्नुपादानियो धम्मो उपादिन्नुपादानियस्स धम्मस्स आहारपच्चयेन पच्चयो – उपादिन्नुपादानिया आहारा सम्पयुत्तकानं खन्धानं आहारपच्चयेन पच्चयो; पटिसन्धिक्खणे उपादिन्नुपादानिया आहारा सम्पयुत्तकानं खन्धानं कटत्ता च रूपानं आहारपच्चयेन पच्चयो। उपादिन्नुपादानियो कबळीकारो आहारो उपादिन्नुपादानियस्स कायस्स आहारपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स आहारपच्चयेन पच्चयो – उपादिन्नुपादानिया आहारा चित्तसमुट्ठानानं रूपानं आहारपच्चयेन पच्चयो; उपादिन्नुपादानियो कबळीकारो आहारो अनुपादिन्नुपादानियस्स कायस्स आहारपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स आहारपच्चयेन पच्चयो – उपादिन्नुपादानिया आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो । उपादिन्नुपादानियो कबळीकारो आहारो उपादिन्नुपादानियस्स च अनुपादिन्नुपादानियस्स च कायस्स आहारपच्चयेन पच्चयो। (३)
७३. अनुपादिन्नुपादानियो धम्मो अनुपादिन्नुपादानियस्स धम्मस्स आहारपच्चयेन पच्चयो – अनुपादिन्नुपादानिया आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो। अनुपादिन्नुपादानियो कबळीकारो आहारो अनुपादिन्नुपादानियस्स कायस्स आहारपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स आहारपच्चयेन पच्चयो – अनुपादिन्नुपादानियो कबळीकारो आहारो उपादिन्नुपादानियस्स कायस्स आहारपच्चयेन पच्चयो। (२)
अनुपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स आहारपच्चयेन पच्चयो – अनुपादिन्नुपादानियो कबळीकारो आहारो उपादिन्नुपादानियस्स च अनुपादिन्नुपादानियस्स च कायस्स आहारपच्चयेन पच्चयो। (३)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स आहारपच्चयेन पच्चयो – अनुपादिन्नअनुपादानिया आहारा सम्पयुत्तकानं खन्धानं आहारपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स आहारपच्चयेन पच्चयो – अनुपादिन्नअनुपादानिया आहारा चित्तसमुट्ठानानं रूपानं आहारपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स आहारपच्चयेन पच्चयो – अनुपादिन्नअनुपादानिया आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो। (३)
७४. उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स धम्मस्स आहारपच्चयेन पच्चयो – उपादिन्नुपादानियो च अनुपादिन्नुपादानियो च कबळीकारो आहारो उपादिन्नुपादानियस्स कायस्स आहारपच्चयेन पच्चयो। (१)
उपादिन्नुपादानियो च अनुपादिन्नुपादानियो च धम्मा अनुपादिन्नुपादानियस्स धम्मस्स आहारपच्चयेन पच्चयो – उपादिन्नुपादानियो च अनुपादिन्नुपादानियो च कबळीकारो आहारो अनुपादिन्नुपादानियस्स कायस्स आहारपच्चयेन पच्चयो। (२)
उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स च अनुपादिन्नुपादानियस्स च धम्मस्स आहारपच्चयेन पच्चयो – उपादिन्नुपादानियो च अनुपादिन्नुपादानियो च कबळीकारो आहारो उपादिन्नुपादानियस्स च अनुपादिन्नुपादानियस्स च कायस्स आहारपच्चयेन पच्चयो। (३)

इन्द्रियपच्चयो

७५. उपादिन्नुपादानियो धम्मो उपादिन्नुपादानियस्स धम्मस्स इन्द्रियपच्चयेन पच्चयो – उपादिन्नुपादानिया इन्द्रिया सम्पयुत्तकानं खन्धानं इन्द्रियपच्चयेन पच्चयो; पटिसन्धिक्खणे उपादिन्नुपादानिया इन्द्रिया सम्पयुत्तकानं खन्धानं कटत्ता च रूपानं इन्द्रियपच्चयेन पच्चयो। चक्खुन्द्रियं चक्खुविञ्ञाणस्स…पे॰… कायिन्द्रियं कायविञ्ञाणस्स…पे॰… रूपजीवितिन्द्रियं कटत्तारूपानं इन्द्रियपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स इन्द्रियपच्चयेन पच्चयो – उपादिन्नुपादानिया इन्द्रिया चित्तसमुट्ठानानं रूपानं इन्द्रियपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स इन्द्रियपच्चयेन पच्चयो – उपादिन्नुपादानिया इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स इन्द्रियपच्चयेन पच्चयो – अनुपादिन्नुपादानिया इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स इन्द्रियपच्चयेन पच्चयो – अनुपादिन्नअनुपादानिया इन्द्रिया सम्पयुत्तकानं खन्धानं इन्द्रियपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स इन्द्रियपच्चयेन पच्चयो – अनुपादिन्नअनुपादानिया इन्द्रिया चित्तसमुट्ठानानं रूपानं इन्द्रियपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स इन्द्रियपच्चयेन पच्चयो – अनुपादिन्नअनुपादानिया इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो। (३)

झानपच्चयो

७६. उपादिन्नुपादानियो धम्मो उपादिन्नुपादानियस्स धम्मस्स झानपच्चयेन पच्चयो – उपादिन्नुपादानियानि झानङ्गानि सम्पयुत्तकानं खन्धानं झानपच्चयेन पच्चयो; पटिसन्धिक्खणे उपादिन्नुपादानियानि झानङ्गानि सम्पयुत्तकानं खन्धानं कटत्ता च रूपानं झानपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स झानपच्चयेन पच्चयो – उपादिन्नुपादानियानि झानङ्गानि चित्तसमुट्ठानानं रूपानं झानपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स झानपच्चयेन पच्चयो – उपादिन्नुपादानियानि झानङ्गानि सम्पयुत्तकानं खन्धानं चित्तसमुट्ठानानञ्च रूपानं झानपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स झानपच्चयेन पच्चयो – अनुपादिन्नुपादानियानि झानङ्गानि सम्पयुत्तकानं खन्धानं चित्तसमुट्ठानानञ्च रूपानं झानपच्चयेन पच्चयो। (१)
७७. अनुपादिन्नअनुपादानियो धम्मो अनुपादिन्नअनुपादानियस्स धम्मस्स झानपच्चयेन पच्चयो – अनुपादिन्नअनुपादानियानि झानङ्गानि सम्पयुत्तकानं खन्धानं झानपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स झानपच्चयेन पच्चयो – अनुपादिन्नअनुपादानियानि झानङ्गानि चित्तसमुट्ठानानं रूपानं झानपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स झानपच्चयेन पच्चयो – अनुपादिन्नअनुपादानियानि झानङ्गानि सम्पयुत्तकानं खन्धानं चित्तसमुट्ठानानञ्च रूपानं झानपच्चयेन पच्चयो। (३)

मग्गपच्चयो

७८. उपादिन्नुपादानियो धम्मो उपादिन्नुपादानियस्स धम्मस्स मग्गपच्चयेन पच्चयो – उपादिन्नुपादानियानि मग्गङ्गानि सम्पयुत्तकानं खन्धानं मग्गपच्चयेन पच्चयो। पटिसन्धिक्खणे…पे॰…। (१)
उपादिन्नुपादानियो धम्मो अनुपादिन्नुपादानियस्स धम्मस्स मग्गपच्चयेन पच्चयो – उपादिन्नुपादानियानि मग्गङ्गानि चित्तसमुट्ठानानं रूपानं मग्गपच्चयेन पच्चयो। (२)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स मग्गपच्चयेन पच्चयो – उपादिन्नुपादानियानि मग्गङ्गानि सम्पयुत्तकानं खन्धानं चित्तसमुट्ठानानञ्च रूपानं मग्गपच्चयेन पच्चयो। (३)
अनुपादिन्नुपादानियो धम्मो अनुपादिन्नुपादानियस्स धम्मस्स मग्गपच्चयेन पच्चयो – अनुपादिन्नुपादानियानि मग्गङ्गानि सम्पयुत्तकानं खन्धानं चित्तसमुट्ठानानञ्च रूपानं मग्गपच्चयेन पच्चयो। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स मग्गपच्चयेन पच्चयो – अनुपादिन्नअनुपादानियानि मग्गङ्गानि सम्पयुत्तकानं खन्धानं मग्गपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स मग्गपच्चयेन पच्चयो – अनुपादिन्नअनुपादानियानि मग्गङ्गानि चित्तसमुट्ठानानं रूपानं मग्गपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स मग्गपच्चयेन पच्चयो – अनुपादिन्नअनुपादानियानि मग्गङ्गानि सम्पयुत्तकानं खन्धानं चित्तसमुट्ठानानञ्च रूपानं मग्गपच्चयेन पच्चयो। (३)

सम्पयुत्तपच्चयो

७९. उपादिन्नुपादानियो धम्मो उपादिन्नुपादानियस्स धम्मस्स सम्पयुत्तपच्चयेन पच्चयो – उपादिन्नुपादानियो एको खन्धो तिण्णन्नं खन्धानं सम्पयुत्तपच्चयेन पच्चयो…पे॰… द्वे खन्धा द्विन्नं खन्धानं…पे॰… पटिसन्धिक्खणे…पे॰…। (१)
अनुपादिन्नुपादानियो धम्मो अनुपादिन्नुपादानियस्स धम्मस्स सम्पयुत्तपच्चयेन पच्चयो – अनुपादिन्नुपादानियो एको खन्धो तिण्णन्नं खन्धानं सम्पयुत्तपच्चयेन पच्चयो…पे॰… द्वे खन्धा द्विन्नं खन्धानं…पे॰…। (१)
अनुपादिन्नअनुपादानियो धम्मो अनुपादिन्नअनुपादानियस्स धम्मस्स सम्पयुत्तपच्चयेन पच्चयो – अनुपादिन्नअनुपादानियो एको खन्धो तिण्णन्नं खन्धानं सम्पयुत्तपच्चयेन पच्चयो…पे॰… द्वे खन्धा द्विन्नं खन्धानं…पे॰…। (१)

विप्पयुत्तपच्चयो

८०. उपादिन्नुपादानियो धम्मो उपादिन्नुपादानियस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातम्। सहजाता – पटिसन्धिक्खणे उपादिन्नुपादानिया खन्धा कटत्तारूपानं विप्पयुत्तपच्चयेन पच्चयो। खन्धा वत्थुस्स विप्पयुत्तपच्चयेन पच्चयो। वत्थु खन्धानं विप्पयुत्तपच्चयेन पच्चयो। पुरेजातं – चक्खायतनं चक्खुविञ्ञाणस्स विप्पयुत्तपच्चयेन पच्चयो…पे॰… कायायतनं कायविञ्ञाणस्स विप्पयुत्तपच्चयेन पच्चयो। वत्थु उपादिन्नुपादानियानं खन्धानं विप्पयुत्तपच्चयेन पच्चयो। पच्छाजाता – उपादिन्नुपादानिया खन्धा पुरेजातस्स इमस्स उपादिन्नुपादानियस्स कायस्स विप्पयुत्तपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातम्। सहजाता – उपादिन्नुपादानिया खन्धा चित्तसमुट्ठानानं रूपानं विप्पयुत्तपच्चयेन पच्चयो। पुरेजातं – वत्थु अनुपादिन्नुपादानियानं खन्धानं विप्पयुत्तपच्चयेन पच्चयो। पच्छाजाता – उपादिन्नुपादानिया खन्धा पुरेजातस्स इमस्स अनुपादिन्नुपादानियस्स कायस्स विप्पयुत्तपच्चयेन पच्चयो। (२)
उपादिन्नुपादानियो धम्मो अनुपादिन्नअनुपादानियस्स धम्मस्स विप्पयुत्तपच्चयेन पच्चयो। पुरेजातं – वत्थु अनुपादिन्नअनुपादानियानं खन्धानं विप्पयुत्तपच्चयेन पच्चयो। (३)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स विप्पयुत्तपच्चयेन पच्चयो। पच्छाजाता – उपादिन्नुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स विप्पयुत्तपच्चयेन पच्चयो। (४)
८१. अनुपादिन्नुपादानियो धम्मो अनुपादिन्नुपादानियस्स धम्मस्स विप्पयुत्तपच्चयेन पच्चयो – सहजातं, पच्छाजातम्। सहजाता – अनुपादिन्नुपादानिया खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – अनुपादिन्नुपादानिया खन्धा पुरेजातस्स इमस्स अनुपादिन्नुपादानियस्स कायस्स विप्पयुत्तपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स विप्पयुत्तपच्चयेन पच्चयो। पच्छाजाता – अनुपादिन्नुपादानिया खन्धा पुरेजातस्स इमस्स उपादिन्नुपादानियस्स कायस्स विप्पयुत्तपच्चयेन पच्चयो। (२)
अनुपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स विप्पयुत्तपच्चयेन पच्चयो। पच्छाजाता – अनुपादिन्नुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स विप्पयुत्तपच्चयेन पच्चयो। (३)
अनुपादिन्नअनुपादानियो धम्मो उपादिन्नुपादानियस्स धम्मस्स विप्पयुत्तपच्चयेन पच्चयो। पच्छाजाता – अनुपादिन्नअनुपादानिया खन्धा पुरेजातस्स इमस्स उपादिन्नुपादानियस्स कायस्स विप्पयुत्तपच्चयेन पच्चयो। (१)
अनुपादिन्नअनुपादानियो धम्मो अनुपादिन्नुपादानियस्स धम्मस्स विप्पयुत्तपच्चयेन पच्चयो – सहजातं, पच्छाजातम्। सहजाता – अनुपादिन्नअनुपादानिया खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – अनुपादिन्नअनुपादानिया खन्धा पुरेजातस्स इमस्स अनुपादिन्नुपादानियस्स कायस्स विप्पयुत्तपच्चयेन पच्चयो। (२)
अनुपादिन्नअनुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स विप्पयुत्तपच्चयेन पच्चयो। पच्छाजाता – अनुपादिन्नअनुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स विप्पयुत्तपच्चयेन पच्चयो। (३)

अत्थिपच्चयो

८२. उपादिन्नुपादानियो धम्मो उपादिन्नुपादानियस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियम्। सहजातो – उपादिन्नुपादानियो एको खन्धो तिण्णन्नं खन्धानं अत्थिपच्चयेन पच्चयो…पे॰… द्वे खन्धा द्विन्नं खन्धानं अत्थिपच्चयेन पच्चयो; पटिसन्धिक्खणे उपादिन्नुपादानियो एको खन्धो तिण्णन्नं खन्धानं कटत्ता च रूपानं अत्थिपच्चयेन पच्चयो…पे॰… द्वे खन्धा द्विन्नं खन्धानं कटत्ता च रूपानं अत्थिपच्चयेन पच्चयो। खन्धा वत्थुस्स…पे॰… वत्थु खन्धानं…पे॰… एकं महाभूतं…पे॰… महाभूता कटत्तारूपानं उपादारूपानं अत्थिपच्चयेन पच्चयो। असञ्ञसत्तानं एकं महाभूतं…पे॰… महाभूता कटत्तारूपानं उपादारूपानं अत्थिपच्चयेन पच्चयो।
पुरेजातं – सेक्खा वा पुथुज्जना वा चक्खुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। सोतं… घानं… जिव्हं… कायं… उपादिन्नुपादानिये रूपे… गन्धे… रसे… फोट्ठब्बे… वत्थुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। उपादिन्नुपादानियं रूपायतनं चक्खुविञ्ञाणस्स…पे॰… उपादिन्नुपादानियं गन्धायतनं… रसायतनं… फोट्ठब्बायतनं कायविञ्ञाणस्स…पे॰… चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु उपादिन्नुपादानियानं खन्धानं अत्थिपच्चयेन पच्चयो।
पच्छाजाता – उपादिन्नुपादानिया खन्धा पुरेजातस्स इमस्स उपादिन्नुपादानियस्स कायस्स अत्थिपच्चयेन पच्चयो। उपादिन्नुपादानियो कबळीकारो आहारो उपादिन्नुपादानियस्स कायस्स अत्थिपच्चयेन पच्चयो। रूपजीवितिन्द्रियं कटत्तारूपानं अत्थिपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारम्। सहजाता – उपादिन्नुपादानिया खन्धा चित्तसमुट्ठानानं रूपानं अत्थिपच्चयेन पच्चयो। पुरेजातं – चक्खुं अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। सोतं… घानं… जिव्हं… कायं… उपादिन्नुपादानिये रूपे… गन्धे… रसे… फोट्ठब्बे… वत्थुं अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना उपादिन्नुपादानियं रूपं पस्सति। वत्थु अनुपादिन्नुपादानियं खन्धानं अत्थिपच्चयेन पच्चयो। पच्छाजाता – उपादिन्नुपादानिया खन्धा पुरेजातस्स इमस्स अनुपादिन्नुपादानियस्स कायस्स अत्थिपच्चयेन पच्चयो। उपादिन्नुपादानियो कबळीकारो आहारो अनुपादिन्नुपादानियस्स कायस्स अत्थिपच्चयेन पच्चयो। (२)
उपादिन्नुपादानियो धम्मो अनुपादिन्नअनुपादानियस्स धम्मस्स अत्थिपच्चयेन पच्चयो। पुरेजातं – वत्थु अनुपादिन्नअनुपादानियानं खन्धानं अत्थिपच्चयेन पच्चयो। (३)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स अत्थिपच्चयेन पच्चयो – सहजातं, पच्छाजातं, आहारम्। सहजातो – उपादिन्नुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो। पच्छाजाता – उपादिन्नुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। उपादिन्नुपादानियो कबळीकारो आहारो उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। (४)
८३. अनुपादिन्नुपादानियो धम्मो अनुपादिन्नुपादानियस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारम्। सहजातो – अनुपादिन्नुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा द्विन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो। एकं महाभूतं तिण्णन्नं महाभूतानं …पे॰… महाभूता चित्तसमुट्ठानानं रूपानं उपादारूपानं अत्थिपच्चयेन पच्चयो। बाहिरं… आहारसमुट्ठानं … उतुसमुट्ठानं एकं महाभूतं…पे॰…। पुरेजातं – अनुपादिन्नुपादानिये रूपे… सद्दे… गन्धे… रसे… फोट्ठब्बे अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। दिब्बेन चक्खुना अनुपादिन्नुपादानियं रूपं पस्सति। दिब्बाय सोतधातुया सद्दं सुणाति। पच्छाजाता – अनुपादिन्नुपादानिया खन्धा पुरेजातस्स इमस्स अनुपादिन्नुपादानियस्स कायस्स अत्थिपच्चयेन पच्चयो। अनुपादिन्नुपादानियो कबळीकारो आहारो अनुपादिन्नुपादानियस्स कायस्स अत्थिपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स अत्थिपच्चयेन पच्चयो – पुरेजातं, पच्छाजातं, आहारम्। पुरेजातं – अनुपादिन्नुपादानिये रूपे… सद्दे… गन्धे… रसे… फोट्ठब्बे अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ रागो उप्पज्जति…पे॰… दोमनस्सं उप्पज्जति। कुसलाकुसले निरुद्धे विपाको तदारम्मणता उप्पज्जति। अनुपादिन्नुपादानियं रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स अत्थिपच्चयेन पच्चयो। पच्छाजाता – अनुपादिन्नुपादानिया खन्धा पुरेजातस्स इमस्स उपादिन्नुपादानियस्स कायस्स अत्थिपच्चयेन पच्चयो। अनुपादिन्नुपादानियो कबळीकारो आहारो उपादिन्नुपादानियस्स कायस्स अत्थिपच्चयेन पच्चयो। (२)
अनुपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स अत्थिपच्चयेन पच्चयो – पच्छाजातं, आहारम्। पच्छाजाता – अनुपादिन्नुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। अनुपादिन्नुपादानियो कबळीकारो आहारो उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। (३)
८४. अनुपादिन्नअनुपादानियो धम्मो अनुपादिन्नअनुपादानियस्स धम्मस्स अत्थिपच्चयेन पच्चयो – अनुपादिन्नअनुपादानियो एको खन्धो तिण्णन्नं खन्धानं अत्थिपच्चयेन पच्चयो…पे॰… द्वे खन्धा द्विन्नं खन्धानं अत्थिपच्चयेन पच्चयो। (१)
अनुपादिन्नअनुपादानियो धम्मो उपादिन्नुपादानियस्स धम्मस्स अत्थिपच्चयेन पच्चयो। पच्छाजाता – अनुपादिन्नअनुपादानिया खन्धा पुरेजातस्स इमस्स उपादिन्नुपादानियस्स कायस्स अत्थिपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स धम्मस्स अत्थिपच्चयेन पच्चयो – सहजातं, पच्छाजातम्। सहजाता – अनुपादिन्नअनुपादानिया खन्धा चित्तसमुट्ठानानं रूपानं अत्थिपच्चयेन पच्चयो। पच्छाजाता – अनुपादिन्नअनुपादानिया खन्धा पुरेजातस्स इमस्स अनुपादिन्नुपादानियस्स कायस्स अत्थिपच्चयेन पच्चयो। (३)
अनुपादिन्नअनुपादानियो धम्मो उपादिन्नुपादानियस्स च अनुपादिन्नअनुपादानियस्स च धम्मस्स अत्थिपच्चयेन पच्चयो – सहजातं, पच्छाजातम्। सहजातो – अनुपादिन्नअनुपादानियो एको खन्धो तिण्णन्नं खन्धानं पुरेजातस्स इमस्स उपादिन्नुपादानियस्स च कायस्स अत्थिपच्चयेन पच्चयो। तयो खन्धा एकस्स खन्धस्स पुरेजातस्स इमस्स उपादिन्नुपादानियस्स च कायस्स अत्थिपच्चयेन पच्चयो। द्वे खन्धा द्विन्नं खन्धानं पुरेजातस्स इमस्स उपादिन्नुपादानियस्स च कायस्स अत्थिपच्चयेन पच्चयो। (४)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स अत्थिपच्चयेन पच्चयो – सहजातं, पच्छाजातम्। सहजातो – अनुपादिन्नअनुपादानियो एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो। तयो खन्धा एकस्स खन्धस्स चित्तसमुट्ठानानञ्च रूपानं अत्थिपच्चयेन पच्चयो। द्वे खन्धा द्विन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो। सहजातो – अनुपादिन्नअनुपादानियो एको खन्धो तिण्णन्नं खन्धानं पुरेजातस्स इमस्स अनुपादिन्नुपादानियस्स च कायस्स अत्थिपच्चयेन पच्चयो। तयो खन्धा एकस्स खन्धस्स पुरेजातस्स इमस्स अनुपादिन्नुपादानियस्स च कायस्स अत्थिपच्चयेन पच्चयो। द्वे खन्धा द्विन्नं खन्धानं पुरेजातस्स इमस्स अनुपादिन्नुपादानियस्स च कायस्स अत्थिपच्चयेन पच्चयो। (५)
अनुपादिन्नअनुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स अत्थिपच्चयेन पच्चयो। पच्छाजाता – अनुपादिन्नअनुपादानिया खन्धा पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। (६)
अनुपादिन्नअनुपादानियो धम्मो उपादिन्नुपादानियस्स च अनुपादिन्नुपादानियस्स च अनुपादिन्नअनुपादानियस्स च धम्मस्स अत्थिपच्चयेन पच्चयो – सहजातं, पच्छाजातम्। सहजातो – अनुपादिन्नअनुपादानियो एको खन्धो तिण्णन्नं खन्धानं पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। तयो खन्धा एकस्स खन्धस्स पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। द्वे खन्धा द्विन्नं खन्धानं पुरेजातस्स इमस्स उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। (७)
८५. उपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स धम्मस्स अत्थिपच्चयेन पच्चयो – पच्छाजातं, इन्द्रियम्। पच्छाजाता – अनुपादिन्नअनुपादानिया खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो। (१)
उपादिन्नुपादानियो च अनुपादिन्नअनुपादानियो च धम्मा अनुपादिन्नअनुपादानियस्स धम्मस्स अत्थिपच्चयेन पच्चयो – सहजातं, पुरेजातम्। सहजातो – अनुपादिन्नअनुपादानियो एको खन्धो च वत्थु च तिण्णन्नं खन्धानं अत्थिपच्चयेन पच्चयो। तयो खन्धा च वत्थु च एकस्स खन्धस्स अत्थिपच्चयेन पच्चयो। द्वे खन्धा च वत्थु च द्विन्नं खन्धानं अत्थिपच्चयेन पच्चयो। (२)
अनुपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स धम्मस्स अत्थिपच्चयेन पच्चयो – पच्छाजातं, आहारम्। पच्छाजाता – अनुपादिन्नअनुपादानिया खन्धा च अनुपादिन्नुपादानियो कबळीकारो आहारो च उपादिन्नुपादानियस्स कायस्स अत्थिपच्चयेन पच्चयो। (१)
अनुपादिन्नुपादानियो च अनुपादिन्नअनुपादानियो च धम्मा अनुपादिन्नुपादानियस्स धम्मस्स अत्थिपच्चयेन पच्चयो – सहजातं, पच्छाजातं, आहारम्। सहजाता – अनुपादिन्नअनुपादानिया खन्धा च महाभूता च चित्तसमुट्ठानानं रूपानं अत्थिपच्चयेन पच्चयो। पच्छाजाता – अनुपादिन्नअनुपादानिया खन्धा च अनुपादिन्नुपादानियो कबळीकारो आहारो च अनुपादिन्नुपादानियस्स कायस्स अत्थिपच्चयेन पच्चयो। (२)
अनुपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स च अनुपादिन्नुपादानियस्स च धम्मस्स अत्थिपच्चयेन पच्चयो – पच्छाजातं, आहारम्। पच्छाजाता – अनुपादिन्नअनुपादानिया खन्धा च अनुपादिन्नुपादानियो कबळीकारो आहारो च उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। (३)
८६. उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स धम्मस्स अत्थिपच्चयेन पच्चयो – पुरेजातं, पच्छाजातं, आहारं, इन्द्रियम्। पुरेजातं – अनुपादिन्नुपादानियं रूपायतनञ्च चक्खायतनञ्च चक्खुविञ्ञाणस्स अत्थिपच्चयेन पच्चयो…पे॰… अनुपादिन्नुपादानियं फोट्ठब्बायतनञ्च कायायतनञ्च कायविञ्ञाणस्स अत्थिपच्चयेन पच्चयो। अनुपादिन्नुपादानियं रूपायतनञ्च वत्थु च उपादिन्नुपादानियानं खन्धानं…पे॰… अनुपादिन्नुपादानियं फोट्ठब्बायतनञ्च वत्थु च उपादिन्नुपादानियानं खन्धानं अत्थिपच्चयेन पच्चयो। पच्छाजाता – उपादिन्नुपादानिया खन्धा च अनुपादिन्नुपादानियो कबळीकारो आहारो च उपादिन्नुपादानियस्स कायस्स अत्थिपच्चयेन पच्चयो। उपादिन्नुपादानियो च अनुपादिन्नुपादानियो च कबळीकारो आहारो उपादिन्नुपादानियस्स कायस्स अत्थिपच्चयेन पच्चयो। पच्छाजाता – अनुपादिन्नुपादानिया खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो। (१)
उपादिन्नुपादानियो च अनुपादिन्नुपादानियो च धम्मा अनुपादिन्नुपादानियस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारम्। सहजाता – उपादिन्नुपादानिया खन्धा च महाभूता च चित्तसमुट्ठानानं रूपानं अत्थिपच्चयेन पच्चयो। पुरेजातं – अनुपादिन्नुपादानियं रूपायतनञ्च वत्थु च अनुपादिन्नुपादानियानं खन्धानं…पे॰… अनुपादिन्नुपादानियं फोट्ठब्बायतनञ्च वत्थु च अनुपादिन्नुपादानियानं खन्धानं अत्थिपच्चयेन पच्चयो। पच्छाजाता – उपादिन्नुपादानिया खन्धा च अनुपादिन्नुपादानियो कबळीकारो आहारो च अनुपादिन्नुपादानियस्स कायस्स अत्थिपच्चयेन पच्चयो। उपादिन्नुपादानियो च अनुपादिन्नुपादानियो च कबळीकारो आहारो अनुपादिन्नुपादानियस्स कायस्स अत्थिपच्चयेन पच्चयो। (२)
उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स च अनुपादिन्नुपादानियस्स च धम्मस्स अत्थिपच्चयेन पच्चयो… आहारं… उपादिन्नुपादानियो च अनुपादिन्नुपादानियो च कबळीकारो आहारो उपादिन्नुपादानियस्स च अनुपादिन्नुपादानियस्स च कायस्स अत्थिपच्चयेन पच्चयो। (३)
उपादिन्नुपादानियो च अनुपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स धम्मस्स अत्थिपच्चयेन पच्चयो – पच्छाजातं, आहारं, इन्द्रियम्। पच्छाजाता – अनुपादिन्नअनुपादानिया खन्धा च अनुपादिन्नअनुपादानियो कबळीकारो आहारो च रूपजीवितिन्द्रियञ्च कटत्तारूपानं अत्थिपच्चयेन पच्चयो। (१)

नत्थि-विगताविगतपच्चया

८७. उपादिन्नुपादानियो धम्मो उपादिन्नुपादानियस्स धम्मस्स नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो। (संखित्तम्।)
१. पच्चयानुलोमम्
२. सङ्ख्यावारो

सुद्धम्

८८. हेतुया सत्त, आरम्मणे छ, अधिपतिया पञ्च, अनन्तरे सत्त, समनन्तरे सत्त, सहजाते नव, अञ्ञमञ्ञे तीणि, निस्सये एकादस, उपनिस्सये नव, पुरेजाते सत्त, पच्छाजाते नव, आसेवने द्वे, कम्मे अट्ठ, विपाके छ, आहारे द्वादस, इन्द्रिये सत्त, झाने सत्त, मग्गे सत्त, सम्पयुत्ते तीणि, विप्पयुत्ते दस, अत्थिया तेवीस, नत्थिया सत्त, विगते सत्त, अविगते तेवीस।

सभागम्

हेतुपच्चया अधिपतिया चत्तारि, सहजाते सत्त, अञ्ञमञ्ञे तीणि, निस्सये सत्त, विपाके छ, इन्द्रिये सत्त, मग्गे सत्त, सम्पयुत्ते तीणि, विप्पयुत्ते चत्तारि, अत्थिया सत्त, अविगते सत्त (संखित्तं)।
(यथा कुसलत्तिकस्स गणना सज्झायमग्गेन गणिता, एवं गणेतब्बा। कुसलत्तिकस्स गणनतो उपादिन्नत्तिके गणना गम्भीरा सुखुमतरा च, एवं कातून असम्मोहन्तेन गणेतब्बम्।)
अनुलोमम्।

पच्चनीयुद्धारो

८९. उपादिन्नुपादानियो धम्मो उपादिन्नुपादानियस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो … पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
उपादिन्नुपादानियो धम्मो अनुपादिन्नुपादानियस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो। (२)
उपादिन्नुपादानियो धम्मो अनुपादिन्नअनुपादानियस्स धम्मस्स उपनिस्सयपच्चयेन पच्चयो… पुरेजातपच्चयेन पच्चयो। (३)
उपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स सहजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो। (४)
अनुपादिन्नुपादानियो धम्मो अनुपादिन्नुपादानियस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो। (१)
अनुपादिन्नुपादानियो धम्मो उपादिन्नुपादानियस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो। (२)
अनुपादिन्नुपादानियो धम्मो अनुपादिन्नअनुपादानियस्स धम्मस्स उपनिस्सयपच्चयेन पच्चयो। (३)
अनुपादिन्नुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स पच्छाजातपच्चयेन पच्चयो… आहारपच्चयेन पच्चयो। (४)
९०. अनुपादिन्नअनुपादानियो धम्मो अनुपादिन्नअनुपादानियस्स धम्मस्स सहजातपच्चयेन पच्चयो… उपनिस्सयपच्चयेन पच्चयो। (१)
अनुपादिन्नअनुपादानियो धम्मो उपादिन्नुपादानियस्स धम्मस्स उपनिस्सयपच्चयेन पच्चयो… पच्छाजातपच्चयेन पच्चयो। (२)
अनुपादिन्नअनुपादानियो धम्मो अनुपादिन्नुपादानियस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (३)
अनुपादिन्नअनुपादानियो धम्मो उपादिन्नुपादानियस्स च अनुपादिन्नअनुपादानियस्स च धम्मस्स सहजातं, पच्छाजातम्। (४)
अनुपादिन्नअनुपादानियो धम्मो अनुपादिन्नुपादानियस्स च अनुपादिन्नअनुपादानियस्स च धम्मस्स सहजातं, पच्छाजातम्। (५)
अनुपादिन्नअनुपादानियो धम्मो उपादिन्नुपादानियस्स च अनुपादिन्नुपादानियस्स च धम्मस्स पच्छाजातपच्चयेन पच्चयो। (६)
अनुपादिन्नअनुपादानियो धम्मो उपादिन्नुपादानियस्स च अनुपादिन्नुपादानियस्स च अनुपादिन्नअनुपादानियस्स च धम्मस्स सहजातं, पच्छाजातम्। (७)
उपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स धम्मस्स पच्छाजातं, इन्द्रियम्। (१)
उपादिन्नुपादानियो च अनुपादिन्नअनुपादानियो च धम्मा अनुपादिन्नअनुपादानियस्स धम्मस्स सहजातं, पुरेजातम्। (२)
अनुपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स धम्मस्स पच्छाजातं, आहारम्। (१)
अनुपादिन्नुपादानियो च अनुपादिन्नअनुपादानियो च धम्मा अनुपादिन्नुपादानियस्स धम्मस्स सहजातं, पच्छाजातं, आहारम्। (२)
अनुपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स च अनुपादिन्नुपादानियस्स च धम्मस्स पच्छाजातं, आहारम्। (३)
उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स धम्मस्स पुरेजातं, पच्छाजातं, आहारं, इन्द्रियम्। (१)
उपादिन्नुपादानियो च अनुपादिन्नुपादानियो च धम्मा अनुपादिन्नुपादानियस्स धम्मस्स सहजातं, पुरेजातं, पच्छाजातं, आहारम्। (२)
उपादिन्नुपादानियो च अनुपादिन्नुपादानियो च धम्मा उपादिन्नुपादानियस्स च अनुपादिन्नुपादानियस्स च धम्मस्स आहारम्। (३)
उपादिन्नुपादानियो च अनुपादिन्नुपादानियो च अनुपादिन्नअनुपादानियो च धम्मा उपादिन्नुपादानियस्स धम्मस्स पच्छाजातं, आहारं, इन्द्रियम्। (१)
२. पच्चयपच्चनीयम्
२. सङ्ख्यावारो

सुद्धम्

९१. नहेतुया चतुवीसति, नआरम्मणे चतुवीसति, नअधिपतिया चतुवीसति, नअनन्तरे चतुवीसति, नसमनन्तरे चतुवीसति, नसहजाते वीसति, नअञ्ञमञ्ञे वीसति, ननिस्सये वीसति, नउपनिस्सये तेवीसति, नपुरेजाते तेवीसति, नपच्छाजाते सत्तरस, नआसेवने चतुवीसति, नकम्मे चतुवीसति, नविपाके चतुवीसति, नआहारे वीसति, नइन्द्रिये बावीसति, नझाने चतुवीसति, नमग्गे चतुवीसति, नसम्पयुत्ते वीसति, नविप्पयुत्ते चुद्दस, नोअत्थिया नव, नोनत्थिया चतुवीसति, नोविगते चतुवीसति, नोअविगते नव।

दुकम्

९२. नहेतुपच्चया नआरम्मणे चतुवीसति (संखित्तं)।
(यथा कुसलत्तिके पच्चनीयगणना वित्थारिता, एवं वित्थारेतब्बम्।)
पच्चनीयम्।
३. पच्चयानुलोमपच्चनीयम्

हेतुदुकम्

९३. हेतुपच्चया नआरम्मणे सत्त, नअधिपतिया सत्त, नअनन्तरे सत्त, नसमनन्तरे सत्त, नअञ्ञमञ्ञे चत्तारि, नउपनिस्सये सत्त, नपुरेजाते सत्त, नपच्छाजाते सत्त, नआसेवने सत्त, नकम्मे सत्त, नविपाके चत्तारि, नआहारे सत्त, नइन्द्रिये सत्त, नझाने सत्त, नमग्गे सत्त, नसम्पयुत्ते चत्तारि, नविप्पयुत्ते तीणि, नोनत्थिया सत्त, नोविगते सत्त।

हेतुघटना

९४. हेतु-सहजात-निस्सय-अत्थि-अविगतन्ति नआरम्मणे सत्त, नअधिपतिया सत्त, नअनन्तरे सत्त…पे॰… नअञ्ञमञ्ञे चत्तारि…पे॰… नविपाके चत्तारि…पे॰… नसम्पयुत्ते चत्तारि, नविप्पयुत्ते तीणि, नोनत्थिया सत्त, नोविगते सत्त (संखित्तं)।
(यथा कुसलत्तिके अनुलोमपच्चनीयगणना विभत्ता, एवं गणेतब्बा।)
अनुलोमपच्चनीयम्।
४. पच्चयपच्चनीयानुलोमम्

नहेतुदुकम्

९५. नहेतुपच्चया आरम्मणे छ, अधिपतिया पञ्च, अनन्तरे सत्त, समनन्तरे सत्त, सहजाते नव, अञ्ञमञ्ञे तीणि, निस्सये एकादस, उपनिस्सये नव, पुरेजाते सत्त, पच्छाजाते नव, आसेवने द्वे, कम्मे अट्ठ, विपाके छ, आहारे द्वादस, इन्द्रिये सत्त, झाने सत्त, मग्गे सत्त, सम्पयुत्ते तीणि, विप्पयुत्ते दस, अत्थिया तेवीसति, नत्थिया सत्त, विगते सत्त, अविगते तेवीसति (संखित्तं)।
(यथा कुसलत्तिके पच्चनीयानुलोमगणना विभत्ता, एवं गणेतब्बा।)
पच्चनीयानुलोमम्।
उपादिन्नत्तिकं निट्ठितम्।