०२. वेदनात्तिकम्

२. वेदनात्तिकम्
१. पटिच्चवारो
१. पच्चयानुलोमम्

१. विभङ्गवारो

हेतुपच्चयो

१. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति हेतुपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति हेतुपच्चया – दुक्खाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति हेतुपच्चया – अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।

आरम्मणपच्चयादि

२. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति आरम्मणपच्चया… अधिपतिपच्चया (अधिपतिया पटिसन्धि नत्थि)… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं पुरेजातपच्चया (संखित्तं)।

आसेवनपच्चयादि

३. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति आसेवनपच्चया… कम्मपच्चया… विपाकपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो ; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति विपाकपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति विपाकपच्चया – अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।

आहारपच्चयादि

४. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया – सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; वत्थुं विप्पयुत्तपच्चया; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं विप्पयुत्तपच्चया।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति विप्पयुत्तपच्चया – दुक्खाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं विप्पयुत्तपच्चया।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति विप्पयुत्तपच्चया – अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; वत्थुं विप्पयुत्तपच्चया; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो। वत्थुं विप्पयुत्तपच्चया (संखित्तं)।

अत्थिपच्चयादि

५. अत्थिपच्चया… नत्थिपच्चया… विगतपच्चया… अविगतपच्चया…।
१. पच्चयानुलोमम्
२. सङ्ख्यावारो

सुद्धम्

६. हेतुया तीणि, आरम्मणे तीणि…पे॰… अविगते तीणि।

हेतुआदिदुकानि

७. हेतुपच्चया आरम्मणे तीणि…पे॰… विपाके द्वे…पे॰… अविगते तीणि…पे॰…।
आरम्मणपच्चया अधिपतिपच्चया हेतुया तीणि…पे॰… विपाके द्वे…पे॰… अविगते तीणि…पे॰…।
आसेवनपच्चया हेतुया तीणि…पे॰… कम्मे तीणि, आहारे तीणि…पे॰… अविगते तीणि…पे॰…।
विपाकपच्चया हेतुया द्वे, आरम्मणे तीणि, अधिपतिया द्वे…पे॰… पुरेजाते तीणि, कम्मे तीणि…पे॰… झाने द्वे, मग्गे द्वे…पे॰… अविगते तीणि…पे॰…।
झानपच्चया हेतुया तीणि…पे॰… विपाके द्वे…पे॰… अविगते तीणि…पे॰…।
मग्गपच्चया हेतुया तीणि…पे॰… विपाके द्वे…पे॰… अविगते तीणि…पे॰…।
अविगतपच्चया हेतुया तीणि…पे॰… नत्थिया तीणि, विगते तीणि…पे॰…।
(यथा कुसलत्तिकस्स पच्चयगणना, एवं वित्थारेतब्बा)।
२. पच्चयपच्चनीयम्
१. विभङ्गवारो

नहेतुपच्चयो

८. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नहेतुपच्चया – अहेतुकं सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नहेतुपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नहेतुपच्चया – अहेतुकं अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; अहेतुकपटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो।

नअधिपतिपच्चयो

९. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नअधिपतिपच्चया (नाधिपति परिपुण्णं पटिसन्धिकं)।

नपुरेजातपच्चयो

१०. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नपुरेजातपच्चया – अरूपे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नपुरेजातपच्चया – अरूपे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो; पटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।

नपच्छाजात-नआसेवनपच्चया

११. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नपच्छाजातपच्चया… नआसेवनपच्चया (नपच्छाजातम्पि नआसेवनम्पि परिपुण्णं पटिसन्धिकं)।

नकम्मपच्चयो

१२. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नकम्मपच्चया – सुखाय वेदनाय सम्पयुत्ते खन्धे पटिच्च सुखाय वेदनाय सम्पयुत्ता चेतना।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नकम्मपच्चया – दुक्खाय वेदनाय सम्पयुत्ते खन्धे पटिच्च दुक्खाय वेदनाय सम्पयुत्ता चेतना।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नकम्मपच्चया – अदुक्खमसुखाय वेदनाय सम्पयुत्ते खन्धे पटिच्च अदुक्खमसुखाय वेदनाय सम्पयुत्ता चेतना।

नविपाक-नझानपच्चया

१३. सुखाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नविपाकपच्चया… नझानपच्चया – सुखसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नझानपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नझानपच्चया – चतुविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।

नमग्गपच्चयो

१४. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नमग्गपच्चया – अहेतुकं सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
दुक्खाय वेदनाय सम्पयुत्तं धम्मं पटिच्च दुक्खाय वेदनाय सम्पयुत्तो धम्मो उप्पज्जति नमग्गपच्चया – दुक्खसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नमग्गपच्चया – अहेतुकं अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा , द्वे खन्धे पटिच्च एको खन्धो ; अहेतुकपटिसन्धिक्खणे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।

नविप्पयुत्तपच्चयो

१५. सुखाय वेदनाय सम्पयुत्तं धम्मं पटिच्च सुखाय वेदनाय सम्पयुत्तो धम्मो उप्पज्जति नविप्पयुत्तपच्चया – अरूपे सुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
अदुक्खमसुखाय वेदनाय सम्पयुत्तं धम्मं पटिच्च अदुक्खमसुखाय वेदनाय सम्पयुत्तो धम्मो उप्पज्जति नविप्पयुत्तपच्चया – अरूपे अदुक्खमसुखाय वेदनाय सम्पयुत्तं एकं खन्धं पटिच्च द्वे खन्धा, द्वे खन्धे पटिच्च एको खन्धो।
२. पच्चयपच्चनीयम्
२. सङ्ख्यावारो

सुद्धम्

१६. नहेतुया तीणि, नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने तीणि, नमग्गे तीणि, नविप्पयुत्ते द्वे।

नहेतुदुकम्

१७. नहेतुपच्चया नअधिपतिया तीणि, नपुरेजाते एकं, नपच्छाजाते तीणि, नआसेवने तीणि, नकम्मे द्वे, नविपाके द्वे, नझाने तीणि, नमग्गे तीणि, नविप्पयुत्ते एकं…पे॰…।

चतुक्कम्

नहेतुपच्चया नअधिपतिपच्चया नपुरेजातपच्चया नपच्छाजाते एकं, नआसेवने एकं, नकम्मे एकं, नविपाके एकं, नमग्गे एकं, नविप्पयुत्ते एकं…पे॰…।

नवकम्

नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया नविपाकपच्चया नमग्गपच्चया नविप्पयुत्ते एकं (संखित्तं)।

नअधिपतिदुकम्

१८. नअधिपतिपच्चया नहेतुया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने तीणि, नमग्गे तीणि, नविप्पयुत्ते द्वे (संखित्तं)।

नपुरेजातदुकम्

१९. नपुरेजातपच्चया नहेतुया एकं, नअधिपतिया द्वे, नपच्छाजाते द्वे, नआसेवने द्वे, नकम्मे द्वे, नविपाके द्वे, नमग्गे एकं, नविप्पयुत्ते द्वे।

तिकम्

नपुरेजातपच्चया नहेतुपच्चया नअधिपतिया एकं, नपच्छाजाते एकं, नआसेवने एकं, नकम्मे एकं, नविपाके एकं, नमग्गे एकं, नविप्पयुत्ते एकं (संखित्तं)।

नपच्छाजातादिदुकानि

२०. नपच्छाजातपच्चया… नआसेवनपच्चया… नकम्मपच्चया नहेतुया द्वे, नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नविपाके तीणि, नमग्गे द्वे, नविप्पयुत्ते द्वे।

तिकम्

नकम्मपच्चया नहेतुपच्चया नअधिपतिया द्वे, नपुरेजाते एकं, नपच्छाजाते द्वे, नआसेवने द्वे, नविपाके द्वे, नमग्गे द्वे, नविप्पयुत्ते एकं…पे॰…।

पञ्चकम्

नकम्मपच्चया नहेतुपच्चया नअधिपतिपच्चया नपुरेजातपच्चया नपच्छाजाते एकं, नआसेवने एकं, नविपाके एकं, नमग्गे एकं, नविप्पयुत्ते एकं (संखित्तं)।

नविपाकदुकम्

२१. नविपाकपच्चया नहेतुया द्वे, नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नमग्गे द्वे, नविप्पयुत्ते द्वे।
नविपाकपच्चया (नकम्मपच्चयसदिसं)।

नझानदुकम्

२२. नझानपच्चया नहेतुया तीणि, नअधिपतिया तीणि, नपच्छाजाते तीणि, नआसेवने तीणि, नमग्गे तीणि…पे॰…।

छक्कम्

नझानपच्चया नहेतुपच्चया नअधिपतिपच्चया नपच्छाजातपच्चया नआसेवनपच्चया नमग्गे तीणि (संखित्तं)।

नमग्गदुकम्

२३. नमग्गपच्चया नहेतुया तीणि, नअधिपतिया तीणि, नपुरेजाते एकं, नपच्छाजाते तीणि, नआसेवने तीणि, नकम्मे द्वे, नविपाके द्वे, नझाने तीणि, नविप्पयुत्ते एकम्।

तिकम्

नमग्गपच्चया नहेतुपच्चया नअधिपतिया तीणि, नपुरेजाते एकं, नपच्छाजाते तीणि, नआसेवने तीणि, नकम्मे द्वे, नविपाके द्वे, नझाने तीणि, नविप्पयुत्ते एकं…पे॰…।

पञ्चकम्

नमग्गपच्चया नहेतुपच्चया नअधिपतिपच्चया नपुरेजातपच्चया नपच्छाजाते एकं, नआसेवने एकं, नकम्मे एकं, नविपाके एकं, नविप्पयुत्ते एकं (संखित्तं)।

नविप्पयुत्तदुकम्

२४. नविप्पयुत्तपच्चया नहेतुया एकं, नअधिपतिया द्वे, नपुरेजाते द्वे, नपच्छाजाते द्वे, नआसेवने द्वे, नकम्मे द्वे, नविपाके द्वे, नमग्गे एकम्।

तिकम्

नविप्पयुत्तपच्चया नहेतुपच्चया नअधिपतिया एकं, नपुरेजाते एकं, नपच्छाजाते एकं, नआसेवने एकं, नकम्मे एकं, नविपाके एकं, नमग्गे एकं…पे॰…।

नवकम्

नविप्पयुत्तपच्चया नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया नविपाकपच्चया नमग्गे एकं (संखित्तं)।
पच्चनीयगणना।
३. पच्चयानुलोमपच्चनीयम्

हेतुदुकम्

२५. हेतुपच्चया नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते द्वे।

तिकम्

हेतुपच्चया आरम्मणपच्चया नअधिपतिया तीणि, नपुरेजाते द्वे, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते द्वे।
(यथा कुसलत्तिकं, एवं गणेतब्बम्।)
अनुलोमपच्चनीयम्।
४. पच्चयपच्चनीयानुलोमम्

नहेतुदुकम्

२६. नहेतुपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने द्वे, कम्मे तीणि, विपाके तीणि, आहारे तीणि, इन्द्रिये तीणि, झाने द्वे, मग्गे एकं, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि , विगते तीणि, अविगते तीणि।

तिकम्

नहेतुपच्चया नअधिपतिपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने द्वे, कम्मे तीणि, विपाके तीणि, आहारे तीणि, इन्द्रिये तीणि, झाने द्वे, मग्गे एकं, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि।

चतुक्कम्

नहेतुपच्चया नअधिपतिपच्चया नपुरेजातपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आसेवने एकं, कम्मे एकं, विपाके एकं, आहारे एकं, इन्द्रिये एकं, झाने एकं, मग्गे एकं, सम्पयुत्ते एकं, विप्पयुत्ते एकं, अत्थिया एकं, नत्थिया एकं, विगते एकं, अविगते एकं…पे॰…।

सत्तकम्

नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आहारे एकं, इन्द्रिये एकं, झाने एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं…पे॰…।

दसकम्

नहेतुपच्चया नअधिपतिपच्चया…पे॰… नकम्मपच्चया नविपाकपच्चया नमग्गपच्चया नविप्पयुत्तपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आहारे एकं, इन्द्रिये एकं, झाने एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं (संखित्तं)।
नहेतुमूलकम्।

नअधिपतिदुकम्

२७. नअधिपतिपच्चया हेतुया तीणि…पे॰… अविगते तीणि (संखित्तं)।

नपुरेजातदुकम्

२८. नपुरेजातपच्चया हेतुया द्वे…पे॰… अविगते द्वे (संखित्तं)।

नपच्छाजातादिदुकानि

२९. नपच्छाजातपच्चया… नआसेवनपच्चया… नकम्मपच्चया… नविपाकपच्चया हेतुया तीणि…पे॰… अविगते तीणि (संखित्तं)।

नझानदुकम्

३०. नझानपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, कम्मे तीणि, विपाके तीणि, आहारे तीणि, इन्द्रिये तीणि, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि (संखित्तं)।

नमग्गदुकम्

३१. नमग्गपच्चया आरम्मणे तीणि, अनन्तरे तीणि, समनन्तरे तीणि…पे॰… आसेवने एकं, कम्मे तीणि…पे॰… झाने द्वे…पे॰… अविगते तीणि (संखित्तं)।

नविप्पयुत्तदुकम्

३२. नविप्पयुत्तपच्चया हेतुया द्वे, आरम्मणे द्वे, अधिपतिया द्वे, अनन्तरे द्वे, समनन्तरे द्वे, सहजाते द्वे, अञ्ञमञ्ञे द्वे, निस्सये द्वे, उपनिस्सये द्वे, आसेवने द्वे, कम्मे द्वे, विपाके द्वे, आहारे द्वे, इन्द्रिये द्वे, झाने द्वे, मग्गे द्वे, सम्पयुत्ते द्वे, अत्थिया द्वे, नत्थिया द्वे, विगते द्वे, अविगते द्वे।

तिकम्

नविप्पयुत्तपच्चया नहेतुपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आसेवने एकं, कम्मे एकं, आहारे एकं, इन्द्रिये एकं, झाने एकं, मग्गे एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकं…पे॰…।

दसकम्

नविप्पयुत्तपच्चया नहेतुपच्चया नअधिपतिपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया नविपाकपच्चया नमग्गपच्चया आरम्मणे एकं, अनन्तरे एकं, समनन्तरे एकं, सहजाते एकं, अञ्ञमञ्ञे एकं, निस्सये एकं, उपनिस्सये एकं, आहारे एकं, इन्द्रिये एकं, झाने एकं, सम्पयुत्ते एकं, अत्थिया एकं, नत्थिया एकं, विगते एकं, अविगते एकम्।
पच्चनीयानुलोमम्।
पटिच्चवारो।

२. सहजातवारो

३३. सुखाय वेदनाय सम्पयुत्तं धम्मं सहजातो…पे॰…।

३. पच्चयवारो

३४. सुखाय वेदनाय सम्पयुत्तं धम्मं पच्चया…पे॰…।

४. निस्सयवारो

३५. सुखाय वेदनाय सम्पयुत्तं धम्मं निस्साय…पे॰…।

५. संसट्ठवारो

३६. सुखाय वेदनाय सम्पयुत्तं धम्मं संसट्ठो…पे॰…।

६. सम्पयुत्तवारो

३७. सुखाय वेदनाय सम्पयुत्तं धम्मं सम्पयुत्तो सुखाय वेदनाय सम्पयुत्तो धम्मो उप्पज्जति हेतुपच्चया – सुखाय वेदनाय सम्पयुत्तं एकं खन्धं सम्पयुत्ता द्वे खन्धा, द्वे खन्धे सम्पयुत्तो एको खन्धो (संखित्तं)।
सम्पयुत्तवारो।
७. पञ्हावारो
१. पच्चयानुलोमम्
१. विभङ्गवारो

हेतुपच्चयो

३८. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स हेतुपच्चयेन पच्चयो – सुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो; पटिसन्धिक्खणे सुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स हेतुपच्चयेन पच्चयो – दुक्खाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स हेतुपच्चयेन पच्चयो – अदुक्खमसुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो; पटिसन्धिक्खणे अदुक्खमसुखाय वेदनाय सम्पयुत्ता हेतू सम्पयुत्तकानं खन्धानं हेतुपच्चयेन पच्चयो। (१)

आरम्मणपच्चयो

३९. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन पच्चवेक्खति। अरिया सुखाय वेदनाय सम्पयुत्तेन चित्तेन सुखाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति , पुब्बे समुदाचिण्णे किलेसे जानन्ति। सुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ सुखाय वेदनाय सम्पयुत्तो रागो उप्पज्जति, दिट्ठि उप्पज्जति; सुखाय वेदनाय सम्पयुत्ते खन्धे आरब्भ सुखाय वेदनाय सम्पयुत्ता खन्धा उप्पज्जन्ति। (१)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा विप्पटिसारिस्स दोमनस्सं उप्पज्जति। सुखाय वेदनाय सम्पयुत्ते झाने परिहीने विप्पटिसारिस्स दोमनस्सं उप्पज्जति। सुखाय वेदनाय सम्पयुत्ते खन्धे आरब्भ दुक्खाय वेदनाय सम्पयुत्ता खन्धा उप्पज्जन्ति। (२)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन पच्चवेक्खति। अरिया अदुक्खमसुखाय वेदनाय सम्पयुत्तेन चित्तेन सुखाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। सुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति, चेतोपरियञाणेन सुखाय वेदनाय सम्पयुत्तचित्तसमङ्गिस्स चित्तं जानाति। सुखाय वेदनाय सम्पयुत्ता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो । सुखाय वेदनाय सम्पयुत्ते खन्धे आरब्भ अदुक्खमसुखाय वेदनाय सम्पयुत्ता खन्धा उप्पज्जन्ति। (३)
४०. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो – दोसं आरब्भ दोसो उप्पज्जति, मोहो उप्पज्जति; दुक्खाय वेदनाय सम्पयुत्तं मोहं आरब्भ मोहो उप्पज्जति, दोसो उप्पज्जति; दुक्खसहगतं कायविञ्ञाणं आरब्भ दोसो उप्पज्जति, मोहो उप्पज्जति; दुक्खाय वेदनाय सम्पयुत्ते खन्धे आरब्भ दुक्खाय वेदनाय सम्पयुत्ता खन्धा उप्पज्जन्ति। (१)
दुक्खाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अरिया सुखाय वेदनाय सम्पयुत्तेन चित्तेन दुक्खाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। दुक्खाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति; दुक्खाय वेदनाय सम्पयुत्ते खन्धे आरब्भ सुखाय वेदनाय सम्पयुत्ता खन्धा उप्पज्जन्ति। (२)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अरिया अदुक्खमसुखाय वेदनाय सम्पयुत्तेन चित्तेन दुक्खाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। दुक्खाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति; चेतोपरियञाणेन दुक्खाय वेदनाय सम्पयुत्तचित्तसमङ्गिस्स चित्तं जानन्ति। दुक्खाय वेदनाय सम्पयुत्ता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो – दुक्खाय वेदनाय सम्पयुत्ते खन्धे आरब्भ अदुक्खमसुखाय वेदनाय सम्पयुत्ता खन्धा उप्पज्जन्ति। (३)
४१. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन पच्चवेक्खति; अरिया अदुक्खमसुखाय वेदनाय सम्पयुत्तेन चित्तेन अदुक्खमसुखाय वेदनाय सम्पयुत्ते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। अदुक्खमसुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति; चेतोपरियञाणेन अदुक्खमसुखाय वेदनाय सम्पयुत्तचित्तसमङ्गिस्स चित्तं जानन्ति। आकासानञ्चायतनं विञ्ञाणञ्चायतनस्स आरम्मणपच्चयेन पच्चयो। आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो। अदुक्खमसुखाय वेदनाय सम्पयुत्ता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आवज्जनाय आरम्मणपच्चयेन पच्चयो। अदुक्खमसुखाय वेदनाय सम्पयुत्ते खन्धे आरब्भ अदुक्खमसुखाय वेदनाय सम्पयुत्ता खन्धा उप्पज्जन्ति। (१)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन पच्चवेक्खति। अरिया सुखाय वेदनाय सम्पयुत्तेन चित्तेन अदुक्खमसुखाय वेदनाय सम्पयुत्ते पहीने किलेसे पच्चवेक्खन्ति , विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। अदुक्खमसुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन अनिच्चतो दुक्खतो अनत्ततो विपस्सति, अस्सादेति अभिनन्दति; तं आरब्भ सुखाय वेदनाय सम्पयुत्तो रागो उप्पज्जति, दिट्ठि उप्पज्जति; अदुक्खमसुखाय वेदनाय सम्पयुत्ते खन्धे आरब्भ सुखाय वेदनाय सम्पयुत्ता खन्धा उप्पज्जन्ति। (२)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा विप्पटिसारिस्स दोमनस्सं उप्पज्जति, अदुक्खमसुखाय वेदनाय सम्पयुत्ते झाने परिहीने विप्पटिसारिस्स दोमनस्सं उप्पज्जति, अदुक्खमसुखाय वेदनाय सम्पयुत्ते खन्धे आरब्भ दुक्खाय वेदनाय सम्पयुत्ता खन्धा उप्पज्जन्ति। (३)

अधिपतिपच्चयो

४२. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति।
आरम्मणाधिपति – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा सुखाय वेदनाय सम्पयुत्तो रागो उप्पज्जति, दिट्ठि उप्पज्जति।
सहजाताधिपति – सुखाय वेदनाय सम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अधिपतिपच्चयेन पच्चयो।
आरम्मणाधिपति – सुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। सुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति। (२)
४३. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स अधिपतिपच्चयेन पच्चयो।
सहजाताधिपति – दुक्खाय वेदनाय सम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
४४. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति।
आरम्मणाधिपति – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा अदुक्खमसुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ते खन्धे अदुक्खमसुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा अदुक्खमसुखाय वेदनाय सम्पयुत्तो रागो उप्पज्जति, दिट्ठि उप्पज्जति।
सहजाताधिपति – अदुक्खमसुखाय वेदनाय सम्पयुत्ताधिपति सम्पयुत्तकानं खन्धानं अधिपतिपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अधिपतिपच्चयेन पच्चयो।
आरम्मणाधिपति – अदुक्खमसुखाय वेदनाय सम्पयुत्तेन चित्तेन दानं दत्वा, सीलं समादियित्वा, उपोसथकम्मं कत्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ता झाना वुट्ठहित्वा, मग्गा वुट्ठहित्वा, फला वुट्ठहित्वा सुखाय वेदनाय सम्पयुत्तेन चित्तेन तं गरुं कत्वा पच्चवेक्खति। अदुक्खमसुखाय वेदनाय सम्पयुत्ते खन्धे सुखाय वेदनाय सम्पयुत्तेन चित्तेन गरुं कत्वा अस्सादेति अभिनन्दति; तं गरुं कत्वा सुखाय वेदनाय सम्पयुत्तो रागो उप्पज्जति, दिट्ठि उप्पज्जति। (२)

अनन्तरपच्चयो

४५. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा सुखाय वेदनाय सम्पयुत्ता खन्धा पच्छिमानं पच्छिमानं सुखाय वेदनाय सम्पयुत्तकानं खन्धानं अनन्तरपच्चयेन पच्चयो। सुखाय वेदनाय सम्पयुत्तं अनुलोमं सुखाय वेदनाय सम्पयुत्तस्स गोत्रभुस्स अनन्तरपच्चयेन पच्चयो, अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं सुखाय वेदनाय सम्पयुत्ताय फलसमापत्तिया अनन्तरपच्चयेन पच्चयो। सुखाय वेदनाय सम्पयुत्ता खन्धा सुखाय वेदनाय सम्पयुत्तस्स वुट्ठानस्स अनन्तरपच्चयेन पच्चयो। (१)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अनन्तरपच्चयेन पच्चयो – सुखाय वेदनाय सम्पयुत्तं चुतिचित्तं अदुक्खमसुखाय वेदनाय सम्पयुत्तस्स उपपत्तिचित्तस्स अनन्तरपच्चयेन पच्चयो। सुखाय वेदनाय सम्पयुत्तं भवङ्गं आवज्जनाय अनन्तरपच्चयेन पच्चयो। सुखसहगतं कायविञ्ञाणं विपाकमनोधातुया अनन्तरपच्चयेन पच्चयो। सुखाय वेदनाय सम्पयुत्ता विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो। सुखाय वेदनाय सम्पयुत्तं भवङ्गं अदुक्खमसुखाय वेदनाय सम्पयुत्तस्स भवङ्गस्स अनन्तरपच्चयेन पच्चयो। सुखाय वेदनाय सम्पयुत्तं कुसलाकुसलं अदुक्खमसुखाय वेदनाय सम्पयुत्तस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो। (२)
४६. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा दुक्खाय वेदनाय सम्पयुत्ता खन्धा पच्छिमानं पच्छिमानं दुक्खाय वेदनाय सम्पयुत्तकानं खन्धानं अनन्तरपच्चयेन पच्चयो। (१)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अनन्तरपच्चयेन पच्चयो – दुक्खसहगतं कायविञ्ञाणं विपाकमनोधातुया अनन्तरपच्चयेन पच्चयो। दुक्खाय वेदनाय सम्पयुत्ता खन्धा अदुक्खमसुखाय वेदनाय सम्पयुत्तस्स वुट्ठानस्स अनन्तरपच्चयेन पच्चयो। (२)
४७. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स अनन्तरपच्चयेन पच्चयो – पुरिमा पुरिमा अदुक्खमसुखाय वेदनाय सम्पयुत्ता खन्धा पच्छिमानं पच्छिमानं अदुक्खमसुखाय वेदनाय सम्पयुत्तकानं खन्धानं अनन्तरपच्चयेन पच्चयो । अदुक्खमसुखाय वेदनाय सम्पयुत्तं अनुलोमं अदुक्खमसुखाय वेदनाय सम्पयुत्तस्स गोत्रभुस्स अनन्तरपच्चयेन पच्चयो। अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं फलसमापत्तिया… निरोधा वुट्ठहन्तस्स नेवसञ्ञानासञ्ञायतनं अदुक्खमसुखाय वेदनाय सम्पयुत्ताय फलसमापत्तिया अनन्तरपच्चयेन पच्चयो। अदुक्खमसुखाय वेदनाय सम्पयुत्ता खन्धा अदुक्खमसुखाय वेदनाय सम्पयुत्तस्स वुट्ठानस्स अनन्तरपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अनन्तरपच्चयेन पच्चयो – अदुक्खमसुखाय वेदनाय सम्पयुत्तं चुतिचित्तं सुखाय वेदनाय सम्पयुत्तस्स उपपत्तिचित्तस्स अनन्तरपच्चयेन पच्चयो। आवज्जना सुखाय वेदनाय सम्पयुत्तकानं खन्धानं अनन्तरपच्चयेन पच्चयो। विपाकमनोधातु सुखाय वेदनाय सम्पयुत्ताय विपाकमनोविञ्ञाणधातुया अनन्तरपच्चयेन पच्चयो। अदुक्खमसुखाय वेदनाय सम्पयुत्तं भवङ्गं सुखाय वेदनाय सम्पयुत्तस्स भवङ्गस्स अनन्तरपच्चयेन पच्चयो। अदुक्खमसुखाय वेदनाय सम्पयुत्तं कुसलाकुसलं सुखाय वेदनाय सम्पयुत्तस्स वुट्ठानस्स… किरियं वुट्ठानस्स… फलं वुट्ठानस्स… निरोधा वुट्ठहन्तस्स नेवसञ्ञानासञ्ञायतनं सुखाय वेदनाय सम्पयुत्ताय फलसमापत्तिया अनन्तरपच्चयेन पच्चयो। (२)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स अनन्तरपच्चयेन पच्चयो – आवज्जना दुक्खाय वेदनाय सम्पयुत्तकानं खन्धानं अनन्तरपच्चयेन पच्चयो। (३)

समनन्तरपच्चयो

४८. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स समनन्तरपच्चयेन पच्चयो (अनन्तरपच्चयसदिसं)।

सहजातपच्चयो

४९. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स सहजातपच्चयेन पच्चयो – सुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। पटिसन्धिक्खणे सुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। (१)
५०. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स सहजातपच्चयेन पच्चयो – दुक्खाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। (दुक्खाय वेदनाय सम्पयुत्तपटिसन्धि न लब्भति।) (१)
५१. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स सहजातपच्चयेन पच्चयो – अदुक्खमसुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। पटिसन्धिक्खणे अदुक्खमसुखाय वेदनाय सम्पयुत्तो एको खन्धो द्विन्नं खन्धानं सहजातपच्चयेन पच्चयो। द्वे खन्धा एकस्स खन्धस्स सहजातपच्चयेन पच्चयो। (१)

अञ्ञमञ्ञ-निस्सयपच्चया

५२. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स अञ्ञमञ्ञपच्चयेन पच्चयो… निस्सयपच्चयेन पच्चयो (अञ्ञमञ्ञम्पि निस्सयम्पि सहजातपच्चयसदिसं)।

उपनिस्सयपच्चयो

५३. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…।
पकतूपनिस्सयो – सुखाय वेदनाय सम्पयुत्तं सद्धं उपनिस्साय सुखाय वेदनाय सम्पयुत्तेन चित्तेन दानं देति, सीलं समादियति, उपोसथकम्मं करोति, सुखाय वेदनाय सम्पयुत्तं झानं उप्पादेति, विपस्सनं उप्पादेति, मग्गं उप्पादेति, समापत्तिं उप्पादेति, मानं जप्पेति, दिट्ठिं गण्हाति। सुखाय वेदनाय सम्पयुत्तं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं… सुखसहगतं कायविञ्ञाणं उपनिस्साय सुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति (सद्धापञ्चमकेसु ‘‘मानं जप्पेति, दिट्ठिं गण्हाती’’ति कातब्बं, अवसेसेसु न कातब्बं)। सुखाय वेदनाय सम्पयुत्तेन चित्तेन अदिन्नं आदियति, मुसा भणति, पिसुणं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति। सुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… सुखसहगतं कायविञ्ञाणं सुखाय वेदनाय सम्पयुत्ताय सद्धाय… सीलस्स… सुतस्स… चागस्स… पञ्ञाय… रागस्स… मोहस्स… मानस्स… दिट्ठिया… पत्थनाय… सुखसहगतस्स कायविञ्ञाणस्स… सुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (१)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स उपनिस्सयपच्चयेन पच्चयो।
पकतूपनिस्सयो – सुखाय वेदनाय सम्पयुत्तं सद्धं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। सुखाय वेदनाय सम्पयुत्तं सीलं… सुतं… चागं… पञ्ञं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। सुखाय वेदनाय सम्पयुत्तं रागं… मोहं… मानं… दिट्ठिं… पत्थनं… सुखसहगतं कायविञ्ञाणं उपनिस्साय पाणं हनति। दुक्खाय वेदनाय सम्पयुत्तेन चित्तेन अदिन्नं आदियति, मुसा भणति , पिसुणं भणति, फरुसं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति, मातरं जीविता वोरोपेति, पितरं जीविता वोरोपेति, अरहन्तं जीविता वोरोपेति, दुट्ठेन चित्तेन तथागतस्स लोहितं उप्पादेति, सङ्घं भिन्दति। सुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… सुखसहगतं कायविञ्ञाणं दोसस्स… मोहस्स… दुक्खसहगतस्स कायविञ्ञाणस्स… दुक्खाय वेदनाय सम्पयुत्तकानं खन्धानं उपनिस्सयपच्चयेन पच्चयो। (२)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…।
पकतूपनिस्सयो – सुखाय वेदनाय सम्पयुत्तं सद्धं उपनिस्साय अदुक्खमसुखाय वेदनाय सम्पयुत्तेन चित्तेन दानं देति, सीलं समादियति, उपोसथकम्मं करोति, अदुक्खमसुखाय वेदनाय सम्पयुत्तं झानं उप्पादेति, विपस्सनं उप्पादेति, मग्गं उप्पादेति, अभिञ्ञं उप्पादेति, समापत्तिं उप्पादेति, मानं जप्पेति, दिट्ठिं गण्हाति। सुखाय वेदनाय सम्पयुत्तं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं… सुखसहगतं कायविञ्ञाणं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। अदुक्खमसुखाय वेदनाय सम्पयुत्तेन चित्तेन अदिन्नं आदियति , मुसा भणति, पिसुणं भणति, सम्फं पलपति [फरुसं भणति, सम्फं पलपति (सी॰ स्या॰)], सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति। सुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… सुखसहगतं कायविञ्ञाणं अदुक्खमसुखाय वेदनाय सम्पयुत्ताय सद्धाय… सीलस्स… सुतस्स… चागस्स… पञ्ञाय… रागस्स… मोहस्स… मानस्स… दिट्ठिया… पत्थनाय… अदुक्खमसुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (३)
५४. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…।
पकतूपनिस्सयो – दोसं उपनिस्साय पाणं हनति, दुक्खाय वेदनाय सम्पयुत्तेन चित्तेन अदिन्नं आदियति…पे॰… सङ्घं भिन्दति। मोहं, दुक्खसहगतं कायविञ्ञाणं उपनिस्साय पाणं हनति, दुक्खाय वेदनाय सम्पयुत्तेन चित्तेन अदिन्नं आदियति…पे॰… सङ्घं भिन्दति। दोसो… मोहो… दुक्खसहगतं कायविञ्ञाणं दोसस्स… मोहस्स… दुक्खसहगतस्स कायविञ्ञाणस्स… दुक्खाय वेदनाय सम्पयुत्तकानं खन्धानं उपनिस्सयपच्चयेन पच्चयो। (१)
दुक्खाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो।
पकतूपनिस्सयो – दोसं उपनिस्साय सुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। सुखाय वेदनाय सम्पयुत्तेन चित्तेन अदिन्नं आदियति…पे॰… निगमघातं करोति। मोहं, दुक्खसहगतं कायविञ्ञाणं उपनिस्साय सुखाय वेदनाय सम्पयुत्तेन चित्तेन दानं देति…पे॰… निगमघातं करोति। दोसो… मोहो… दुक्खसहगतं कायविञ्ञाणं सुखाय वेदनाय सम्पयुत्ताय सद्धाय…पे॰… सुखसहगतस्स कायविञ्ञाणस्स सुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (२)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…।
पकतूपनिस्सयो – दोसं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… निगमघातं करोति। मोहं, दुक्खसहगतं कायविञ्ञाणं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… निगमघातं करोति। दोसो… मोहो… दुक्खसहगतं कायविञ्ञाणं अदुक्खमसुखाय वेदनाय सम्पयुत्ताय सद्धाय…पे॰… पत्थनाय… अदुक्खमसुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (३)
५५. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो , अनन्तरूपनिस्सयो, पकतूपनिस्सयो…पे॰…।
पकतूपनिस्सयो – अदुक्खमसुखाय वेदनाय सम्पयुत्तं सद्धं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… दिट्ठिं गण्हाति। अदुक्खमसुखाय वेदनाय सम्पयुत्तं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं उपनिस्साय अदुक्खमसुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। अदुक्खमसुखाय वेदनाय सम्पयुत्तेन चित्तेन अदिन्नं आदियति…पे॰… निगमघातं करोति। अदुक्खमसुखाय वेदनाय सम्पयुत्ता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना… अदुक्खमसुखाय वेदनाय सम्पयुत्ताय सद्धाय…पे॰… पत्थनाय अदुक्खमसुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…।
पकतूपनिस्सयो – अदुक्खमसुखाय वेदनाय सम्पयुत्तं सद्धं उपनिस्साय सुखाय वेदनाय सम्पयुत्तेन चित्तेन दानं देति…पे॰… दिट्ठिं गण्हाति। अदुक्खमसुखाय वेदनाय सम्पयुत्तं सीलं…पे॰… पत्थनं उपनिस्साय सुखाय वेदनाय सम्पयुत्तेन चित्तेन दानं देति…पे॰… समापत्तिं उप्पादेति। सुखाय वेदनाय सम्पयुत्तेन चित्तेन अदिन्नं आदियति…पे॰… निगमघातं करोति। अदुक्खमसुखाय वेदनाय सम्पयुत्ता सद्धा…पे॰… पत्थना सुखाय वेदनाय सम्पयुत्ताय सद्धाय…पे॰… पत्थनाय… सुखसहगतस्स कायविञ्ञाणस्स सुखाय वेदनाय सम्पयुत्तकानं खन्धानं उपनिस्सयपच्चयेन पच्चयो। (२)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…।
पकतूपनिस्सयो – अदुक्खमसुखाय वेदनाय सम्पयुत्तं सद्धं उपनिस्साय अत्तानं आतापेति परितापेति, परियिट्ठिमूलकं दुक्खं पच्चनुभोति। अदुक्खमसुखाय वेदनाय सम्पयुत्तं सीलं…पे॰… पत्थनं उपनिस्साय पाणं हनति। दुक्खाय वेदनाय सम्पयुत्तेन चित्तेन अदिन्नं आदियति…पे॰… सङ्घं भिन्दति। अदुक्खमसुखाय वेदनाय सम्पयुत्ता सद्धा…पे॰… पत्थना… दोसस्स… मोहस्स… दुक्खसहगतस्स कायविञ्ञाणस्स… दुक्खाय वेदनाय सम्पयुत्तकानं खन्धानं उपनिस्सयपच्चयेन पच्चयो। (३)

आसेवनपच्चयो

५६. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आसेवनपच्चयेन पच्चयो – पुरिमा पुरिमा सुखाय वेदनाय सम्पयुत्ता खन्धा पच्छिमानं पच्छिमानं सुखाय वेदनाय सम्पयुत्तकानं खन्धानं आसेवनपच्चयेन पच्चयो। सुखाय वेदनाय सम्पयुत्तं अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)
दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आसेवनपच्चयेन पच्चयो – पुरिमा पुरिमा दुक्खाय वेदनाय सम्पयुत्ता खन्धा पच्छिमानं पच्छिमानं दुक्खाय वेदनाय सम्पयुत्तकानं खन्धानं आसेवनपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आसेवनपच्चयेन पच्चयो – पुरिमा पुरिमा अदुक्खमसुखाय वेदनाय सम्पयुत्ता खन्धा पच्छिमानं पच्छिमानं अदुक्खमसुखाय वेदनाय सम्पयुत्तकानं खन्धानं आसेवनपच्चयेन पच्चयो। अदुक्खमसुखाय वेदनाय सम्पयुत्तं अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो। (१)

कम्मपच्चयो

५७. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका [नानाखणिका (क॰)]। सहजाता – सुखाय वेदनाय सम्पयुत्ता चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – सुखाय वेदनाय सम्पयुत्ता चेतना विपाकानं सुखाय वेदनाय सम्पयुत्तकानं खन्धानं कम्मपच्चयेन पच्चयो। (१)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – सुखाय वेदनाय सम्पयुत्ता चेतना विपाकानं दुक्खाय वेदनाय सम्पयुत्तकानं खन्धानं कम्मपच्चयेन पच्चयो। (२)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – सुखाय वेदनाय सम्पयुत्ता चेतना विपाकानं अदुक्खमसुखाय वेदनाय सम्पयुत्तकानं खन्धानं कम्मपच्चयेन पच्चयो। (३)
५८. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – दुक्खाय वेदनाय सम्पयुत्ता चेतना सम्पयुत्तकानं खन्धानं कम्मपच्चयेन पच्चयो। नानाक्खणिका – दुक्खाय वेदनाय सम्पयुत्ता चेतना विपाकानं दुक्खाय वेदनाय सम्पयुत्तकानं खन्धानं कम्मपच्चयेन पच्चयो। (१)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – दुक्खाय वेदनाय सम्पयुत्ता चेतना विपाकानं अदुक्खमसुखाय वेदनाय सम्पयुत्तकानं खन्धानं कम्मपच्चयेन पच्चयो। (२)
५९. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अदुक्खमसुखाय वेदनाय सम्पयुत्ता चेतना सम्पयुत्तकानं खन्धानं कम्मपच्चयेन पच्चयो। पटिसन्धिक्खणे…पे॰…। नानाक्खणिका – अदुक्खमसुखाय वेदनाय सम्पयुत्ता चेतना विपाकानं अदुक्खमसुखाय वेदनाय सम्पयुत्तकानं खन्धानं कम्मपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – अदुक्खमसुखाय वेदनाय सम्पयुत्ता चेतना विपाकानं सुखाय वेदनाय सम्पयुत्तकानं खन्धानं कम्मपच्चयेन पच्चयो। (२)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स कम्मपच्चयेन पच्चयो। नानाक्खणिका – अदुक्खमसुखाय वेदनाय सम्पयुत्ता चेतना विपाकानं दुक्खाय वेदनाय सम्पयुत्तकानं खन्धानं कम्मपच्चयेन पच्चयो। (३)

विपाकपच्चयो

६०. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स विपाकपच्चयेन पच्चयो – विपाको सुखाय वेदनाय सम्पयुत्तो एको खन्धो द्विन्नं खन्धानं विपाकपच्चयेन पच्चयो। द्वे खन्धा एकस्स खन्धस्स विपाकपच्चयेन पच्चयो। पटिसन्धिक्खणे सुखाय वेदनाय सम्पयुत्तो एको खन्धो द्विन्नं खन्धानं विपाकपच्चयेन पच्चयो। द्वे खन्धा एकस्स खन्धस्स…पे॰…। (१)
दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स विपाकपच्चयेन पच्चयो – विपाको दुक्खाय वेदनाय सम्पयुत्तो एको खन्धो द्विन्नं खन्धानं विपाकपच्चयेन पच्चयो …पे॰…। (१)
अदुक्खमसुखाय वेदनाय…पे॰… विपाको अदुक्खमसुखाय वेदनाय सम्पयुत्तो एको खन्धो द्विन्नं खन्धानं…पे॰… पटिसन्धिक्खणे…पे॰…। (१)

आहारपच्चयादि

६१. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आहारपच्चयेन पच्चयो…पे॰… इन्द्रियपच्चयेन पच्चयो…पे॰… झानपच्चयेन पच्चयो…पे॰… मग्गपच्चयेन पच्चयो…पे॰… सम्पयुत्तपच्चयेन पच्चयो…पे॰… अत्थिपच्चयेन पच्चयो…पे॰… नत्थिपच्चयेन पच्चयो…पे॰… विगतपच्चयेन पच्चयो…पे॰… अविगतपच्चयेन पच्चयो…पे॰…।
१. पच्चयानुलोमम्
२. सङ्ख्यावारो

सुद्धम्

६२. हेतुया तीणि, आरम्मणे नव, अधिपतिया पञ्च, अनन्तरे सत्त, समनन्तरे सत्त, सहजाते तीणि, अञ्ञमञ्ञे तीणि, निस्सये तीणि , उपनिस्सये नव, आसेवने तीणि, कम्मे अट्ठ, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, अत्थिया तीणि, नत्थिया सत्त, विगते सत्त, अविगते तीणि।

हेतुसभागम्

६३. हेतुपच्चया अधिपतिया द्वे, सहजाते तीणि, अञ्ञमञ्ञे तीणि, निस्सये तीणि, विपाके द्वे, इन्द्रिये द्वे, मग्गे द्वे, सम्पयुत्ते तीणि, अत्थिया तीणि, अविगते तीणि। (१०)

सामञ्ञघटना (२)

हेतु-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। हेतु-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।

सइन्द्रिय-मग्गघटना (२)

६४. हेतु-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति द्वे। हेतु-सहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।

साधिपति-इन्द्रिय-मग्गघटना (२)

६५. हेतु-अधिपति-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति द्वे हेतु-अधिपति-सहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।

आरम्मणसभागम्

६६. आरम्मणपच्चया अधिपतिया चत्तारि, उपनिस्सये चत्तारि। (२)

आरम्मणघटना (१)

६७. आरम्मणाधिपति-उपनिस्सयन्ति चत्तारि।

अधिपतिसभागम्

६८. अधिपतिपच्चया हेतुया द्वे, आरम्मणे चत्तारि, सहजाते तीणि, अञ्ञमञ्ञे तीणि, निस्सये तीणि, उपनिस्सये चत्तारि, विपाके द्वे, आहारे तीणि, इन्द्रिये तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (१३)

पकिण्णकघटना (१)

६९. अधिपति-आरम्मण-उपनिस्सयन्ति चत्तारि।

सहजातघटना (८)

अधिपति-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। अधिपति-सहजात-अञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
अधिपति-सहजात-अञ्ञमञ्ञ-निस्सय-आहार-इन्द्रिय-सम्पयुत्त-अत्थि-अविगतन्ति तीणि। अधिपति-सहजात-अञ्ञमञ्ञ-निस्सय-विपाक-आहार-इन्द्रियसम्पयुत्त-अत्थि-अविगतन्ति द्वे।
अधिपति-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति तीणि। अधिपति-सहजातं-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।
अधिपति-हेतु-सहजात-अञ्ञमञ्ञ-निस्सय-इन्द्रिय-मग्ग -सम्पयुत्त-अत्थि-अविगतन्ति द्वे। अधिपति-हेतु-सहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।

अनन्तरसभागम्

७०. अनन्तरपच्चया समनन्तरे सत्त, उपनिस्सये सत्त, आसेवने तीणि, कम्मे द्वे, नत्थिया सत्त, विगते सत्त। (६)

घटना (३)

७१. अनन्तर-समनन्तर-उपनिस्सय-नत्थि-विगतन्ति सत्त। अनन्तर-समनन्तर-उपनिस्सय-आसेवन-नत्थि-विगतन्ति तीणि। अनन्तर-समनन्तरउपनिस्सय-कम्म-नत्थि-विगतन्ति द्वे।
समनन्तरपच्चया (अनन्तरसदिसं)।

सहजातादिसभागम्

७२. सहजातपच्चया … अञ्ञमञ्ञपच्चया… निस्सयपच्चया हेतुया तीणि, अधिपतिया तीणि, सहजाते तीणि, अञ्ञमञ्ञे तीणि, कम्मे तीणि, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (१३)

घटना (२)

निस्सय-सहजात-अञ्ञमञ्ञ-सम्पयुत्त-अत्थि-अविगतन्ति तीणि। निस्सय-सहजातअञ्ञमञ्ञ-विपाक-सम्पयुत्त-अत्थि-अविगतन्ति तीणि।

उपनिस्सयसभागम्

७३. उपनिस्सयपच्चया आरम्मणे चत्तारि, अधिपतिया चत्तारि, अनन्तरे सत्त, समनन्तरे सत्त, आसेवने तीणि, कम्मे अट्ठ, नत्थिया सत्त, विगते सत्त। (८)

घटना (५)

७४. उपनिस्सय-आरम्मण-अधिपतीति चत्तारि। उपनिस्सय-अनन्तरसमनन्तर-नत्थि-विगतन्ति सत्त। उपनिस्सय-अनन्तर-समनन्तर-आसेवन-नत्थि-विगतन्ति तीणि। उपनिस्सय-कम्मन्ति अट्ठ। उपनिस्सय-अनन्तर-समनन्तर-कम्म-नत्थि-विगतन्ति द्वे।

आसेवनसभागम्

७५. आसेवनपच्चया अनन्तरे तीणि, समनन्तरे तीणि, उपनिस्सये तीणि, नत्थिया तीणि, विगते तीणि। (५)

घटना (१)

आसेवन-अनन्तर-समनन्तर-उपनिस्सय-नत्थि-विगतन्ति तीणि।

कम्मसभागम्

७६. कम्मपच्चया अनन्तरे द्वे, समनन्तरे द्वे, सहजाते तीणि, अञ्ञमञ्ञे तीणि, निस्सये तीणि, उपनिस्सये अट्ठ, विपाके तीणि, आहारे तीणि, सम्पयुत्ते तीणि, अत्थिया तीणि, नत्थिया द्वे, विगते द्वे, अविगते तीणि। (१३)

पकिण्णकघटना (२)

कम्म-उपनिस्सयन्ति अट्ठ। कम्म-अनन्तर-समनन्तर-उपनिस्सय-नत्थि-विगतन्ति द्वे।

सहजातघटना (२)

कम्म-सहजात-अञ्ञमञ्ञ-निस्सय-आहार-सम्पयुत्त-अत्थि-अविगतन्ति तीणि। कम्मसहजात-अञ्ञमञ्ञ-निस्सय -विपाक-आहार-सम्पयुत्त-अत्थि-अविगतन्ति तीणि।

विपाकसभागम्

७७. विपाकपच्चया हेतुया द्वे, अधिपतिया द्वे, सहजाते तीणि…पे॰… झाने द्वे, मग्गे द्वे, सम्पयुत्ते तीणि, अत्थिया तीणि, अविगते तीणि। (१३)

घटना (१)

विपाक-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि।

आहारसभागम्

७८. आहारपच्चया अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, कम्मे तीणि, विपाके तीणि, इन्द्रिये तीणि, सम्पयुत्ते तीणि, अत्थिया तीणि, अविगते तीणि। (१०)

घटना (८)

आहार-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। आहार-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति तीणि।
आहार-सहजात-अञ्ञमञ्ञ-निस्सय-कम्म-सम्पयुत्त-अविगतन्ति तीणि। आहार-सहजातअञ्ञमञ्ञ-निस्सय-कम्म-विपाक-सम्पयुत्त-अत्थि-अविगतन्ति तीणि।
आहार-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। आहारसहजात-अञ्ञमञ्ञ-निस्सय-विपाक-इन्द्रिय-सम्पयुत्तअत्थि-अविगतन्ति तीणि।
आहार-अधिपति-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। आहार-अधिपति-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।

इन्द्रियसभागम्

७९. इन्द्रियपच्चया हेतुया द्वे, अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, विपाके तीणि, आहारे तीणि, झाने तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (१२)

घटना (१६)

इन्द्रिय-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। इन्द्रिय-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति तीणि।
इन्द्रिय-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति तीणि। इन्द्रियसहजात-अञ्ञमञ्ञ-निस्सय-विपाक-मग्ग-सम्पयुत्त-अत्थि-अविगतन्ति द्वे।
इन्द्रिय-सहजात-अञ्ञमञ्ञ-निस्सय-झान-मग्ग-सम्पयुत्त-अत्थि-अविगतन्ति तीणि। इन्द्रिय-सहजात-अञ्ञमञ्ञ-निस्सय-विपाक-झान-मग्ग-सम्पयुत्त-अत्थि-अविगतन्ति द्वे।
इन्द्रिय-सहजात-अञ्ञमञ्ञ-निस्सय-आहार-सम्पयुत्त-अत्थि-अविगतन्ति तीणि। इन्द्रियसहजात-अञ्ञमञ्ञ-निस्सय-विपाक-आहार-सम्पयुत्त-अत्थि-अविगतन्ति तीणि।
इन्द्रिय-अधिपति-सहजात-अञ्ञमञ्ञ-निस्सय-आहार-सम्पयुत्त-अत्थि-अविगतन्ति तीणि। इन्द्रिय-अधिपति-सहजात-अञ्ञमञ्ञ-निस्सय-विपाक-आहार-सम्पयुत्त-अत्थि-अविगतन्ति द्वे।
इन्द्रिय-अधिपति-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति तीणि। इन्द्रिय-अधिपति-सहजात-अञ्ञमञ्ञ-निस्सय -विपाक-मग्ग-सम्पयुत्त-अत्थि-अविगतन्ति द्वे।
इन्द्रिय-हेतु-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति द्वे। इन्द्रियहेतु-सहजात-अञ्ञमञ्ञ-निस्सय-विपाक-मग्ग-सम्पयुत्तअत्थि-अविगतन्ति द्वे।
इन्द्रिय-हेतु-अधिपति-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति द्वे। इन्द्रिय-हेतु-अधिपति-सहजात-अञ्ञमञ्ञ-निस्सय-विपाक-मग्ग-सम्पयुत्त-अत्थि-अविगतन्ति द्वे।

झानसभागम्

८०. झानपच्चया सहजाते तीणि, अञ्ञमञ्ञे तीणि, निस्सये तीणि, विपाके द्वे, इन्द्रिये तीणि, मग्गे तीणि, सम्पयुत्ते तीणि, अत्थिया तीणि, अविगते तीणि। (९)

घटना (६)

झान-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। झान-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
झान-सहजात-अञ्ञमञ्ञ-निस्सय-मग्ग-सम्पयुत्त-अत्थि-अविगतन्ति तीणि। झानसहजात-अञ्ञमञ्ञ-निस्सय-विपाक-मग्ग-सम्पयुत्त-अत्थि-अविगतन्ति द्वे।
झान-सहजात-अञ्ञमञ्ञ-निस्सय-इन्द्रिय-मग्ग-सम्पयुत्त-अत्थि-अविगतन्ति तीणि। झानसहजात-अञ्ञमञ्ञ-निस्सय-विपाक-इन्द्रिय-मग्ग-सम्पयुत्त-अत्थि-अविगतन्ति द्वे।

मग्गसभागम्

८१. मग्गपच्चया हेतुया द्वे, अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, विपाके तीणि, इन्द्रिये तीणि, झाने तीणि, सम्पयुत्ते तीणि, अत्थिया तीणि, अविगते तीणि। (११)

घटना (१४)

मग्ग-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति तीणि। मग्ग-सहजातअञ्ञमञ्ञ-निस्सय-विपाक-सम्पयुत्त-अत्थि-अविगतन्ति द्वे।
मग्ग-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। मग्गसहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
मग्ग-सहजात-अञ्ञमञ्ञ-निस्सय-झान-सम्पयुत्त-अत्थि-अविगतन्ति तीणि। मग्गसहजात-अञ्ञमञ्ञ-निस्सय-विपाक-झान-सम्पयुत्त-अत्थि-अविगतन्ति द्वे।
मग्ग-सहजात-अञ्ञमञ्ञ-निस्सय-इन्द्रिय-झान-सम्पयुत्त-अत्थि-अविगतन्ति तीणि। मग्गसहजात-अञ्ञमञ्ञ-निस्सय-विपाक-इन्द्रिय-झान-सम्पयुत्त-अत्थि-अविगतन्ति द्वे।
मग्ग-अधिपति-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति तीणि। मग्ग-अधिपति-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
मग्ग-हेतु-सहजात-अञ्ञमञ्ञ-निस्सय-इन्द्रिय-सम्पयुत्त-अत्थि-अविगतन्ति द्वे। मग्गहेतु-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।
मग्ग-हेतु-अधिपति-सहजात-अञ्ञमञ्ञ -निस्सय-इन्द्रिय-सम्पयुत्त-अत्थि-अविगतन्ति द्वे। मग्ग-हेतु-अधिपति-सहजात-अञ्ञमञ्ञ-निस्सय-विपाक-इन्द्रिय-सम्पयुत्त-अत्थि-अविगतन्ति द्वे।

सम्पयुत्तसभागम्

८२. सम्पयुत्तपच्चया हेतुया तीणि, अधिपतिया तीणि, सहजाते तीणि, अञ्ञमञ्ञे तीणि, निस्सये तीणि, कम्मे तीणि, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, अत्थिया तीणि, अविगते तीणि। (१३)

घटना (२)

सम्पयुत्त-सहजात-अञ्ञमञ्ञ-निस्सय-अत्थि-अविगतन्ति तीणि। सम्पयुत्त-सहजातअञ्ञमञ्ञ-निस्सय-विपाक-अत्थि-अविगतन्ति तीणि।
(अत्थिपच्चया… नत्थिपच्चया… विगतपच्चया… अविगतपच्चया…पे॰…।)
पञ्हावारस्स अनुलोमम्।

पच्चनीयुद्धारो

८३. सुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
सुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
सुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो,… कम्मपच्चयेन पच्चयो। (३)
८४. दुक्खाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
दुक्खाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो। (२)
दुक्खाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
८५. अदुक्खमसुखाय वेदनाय सम्पयुत्तो धम्मो अदुक्खमसुखाय वेदनाय सम्पयुत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (१)
अदुक्खमसुखाय वेदनाय सम्पयुत्तो धम्मो सुखाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (२)
अदुक्खमसुखाय वेदनाय सम्पयुत्तो धम्मो दुक्खाय वेदनाय सम्पयुत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो। (३)
२. पच्चयपच्चनीयम्
२. सङ्ख्यावारो

सुद्धम्

८६. नहेतुया नव, नआरम्मणे नव, नअधिपतिया नव, नअनन्तरे नव, नसमनन्तरे नव, नसहजाते नव, नअञ्ञमञ्ञे नव, ननिस्सये नव, नउपनिस्सये नव, नपुरेजाते नव, नपच्छाजाते नव, नआसेवने नव, नकम्मे नव, नविपाके नव, नआहारे नव, नइन्द्रिये नव, नझाने नव, नमग्गे नव, नसम्पयुत्ते नव, नविप्पयुत्ते नव, नोअत्थिया नव, नोनत्थिया नव, नोविगते नव, नोअविगते नव।

नहेतुदुकम्

८७. नहेतुपच्चया नआरम्मणे नव…पे॰… नोअविगते नव।

तिकम्

नहेतुपच्चया नआरम्मणपच्चया नअधिपतिया नव…पे॰… नउपनिस्सये अट्ठ…पे॰… नोअविगते नव…पे॰…।

तेवीसकम्

नहेतुपच्चया नआरम्मणपच्चया…पे॰… नउपनिस्सयपच्चया नपुरेजातपच्चया नपच्छाजातपच्चया नआसेवनपच्चया नविपाकपच्चया नआहारपच्चया…पे॰… नोअविगते अट्ठ।

नहेतुमूलकम्।

(यथा कुसलत्तिकस्स पच्चनीयगणना गणिता, एवं इदम्पि असम्मुय्हन्तेन सब्बं मूलकं गणेतब्बं [गहेतब्बं (स्या॰)]।)
पच्चनीयम्।
३. पच्चयानुलोमपच्चनीयम्

हेतुसभागम्

८८. हेतुपच्चया नआरम्मणे तीणि, नअधिपतिया तीणि, नअनन्तरे तीणि, नसमनन्तरे तीणि, नउपनिस्सये तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नआहारे तीणि, नइन्द्रिये तीणि, नझाने तीणि, नमग्गे तीणि, नविप्पयुत्ते तीणि, नोनत्थिया तीणि, नोविगते तीणि।

सामञ्ञघटना

८९. हेतु-सहजात-अञ्ञमञ्ञ-निस्सय-सम्पयुत्त-अत्थि-अविगतन्ति नआरम्मणे तीणि…पे॰… नोविगते तीणि।
(यथा कुसलत्तिकस्स अनुलोमपच्चनीयगणना सज्झायमग्गेन गणिता, एवं इदम्पि गणेतब्बम्।)
कम्मपच्चया नहेतुया अट्ठ, नआरम्मणे अट्ठ…पे॰… नोअविगते अट्ठ (संखित्तं)।
अनुलोमपच्चनीयगणना।
४. पच्चयपच्चनीयानुलोमम्

नहेतुदुकम्

९०. नहेतुपच्चया आरम्मणे नव, अधिपतिया पञ्च, अनन्तरे सत्त, समनन्तरे सत्त, सहजाते तीणि, अञ्ञमञ्ञे तीणि, निस्सये तीणि, उपनिस्सये नव, आसेवने तीणि , कम्मे अट्ठ, विपाके तीणि, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, अत्थिया तीणि, नत्थिया सत्त, विगते सत्त, अविगते तीणि।

तिकम्

नहेतुपच्चया नआरम्मणपच्चया अधिपतिया तीणि, अनन्तरे सत्त…पे॰… अविगते तीणि…पे॰…।

छक्कम्

नहेतुपच्चया नआरम्मणपच्चया नअधिपतिपच्चया नअनन्तरपच्चया नसमनन्तरपच्चया सहजाते तीणि, अञ्ञमञ्ञे तीणि, निस्सये तीणि, उपनिस्सये नव, कम्मे अट्ठ, विपाके तीणि…पे॰… अविगते तीणि…पे॰…।

नवकम्

नहेतुपच्चया नआरम्मणपच्चया (मूलकं संखित्तं) ननिस्सयपच्चया उपनिस्सये नव, कम्मे अट्ठ…पे॰…।

चतुवीसकं (सउपनिस्सयं)

नहेतुपच्चया नआरम्मणपच्चया…पे॰… नउपनिस्सयपच्चया नपुरेजातपच्चया नपच्छाजातपच्चया नआसेवनपच्चया नविपाकपच्चया नआहारपच्चया नइन्द्रियपच्चया नझानपच्चया नमग्गपच्चया नसम्पयुत्तपच्चया नविप्पयुत्तपच्चया नोअत्थिपच्चया नोनत्थिपच्चया नोविगतपच्चया नोअविगतपच्चया कम्मे अट्ठ।

चतुवीसकं (सकम्मं)

नहेतुपच्चया नआरम्मणपच्चया…पे॰… ननिस्सयपच्चया नपुरेजातपच्चया नपच्छाजातपच्चया नआसेवनपच्चया नकम्मपच्चया…पे॰… नोविगतपच्चया नोअविगतपच्चया उपनिस्सये नव।
नहेतुमूलकम्।

नआरम्मणदुकम्

९१. नआरम्मणपच्चया हेतुया तीणि…पे॰… कम्मे अट्ठ…पे॰… अविगते तीणि…पे॰…।

नोअविगतदुकम्

९२. नोअविगतपच्चया आरम्मणे नव, अधिपतिया चत्तारि, अनन्तरे सत्त, समनन्तरे सत्त, उपनिस्सये नव, आसेवने तीणि, कम्मे अट्ठ, नत्थिया सत्त, विगते सत्त…पे॰…।

चतुक्कम्

नोअविगतपच्चया नहेतुपच्चया नआरम्मणपच्चया अनन्तरे सत्त, समनन्तरे सत्त, उपनिस्सये नव, आसेवने तीणि, कम्मे अट्ठ, नत्थिया सत्त, विगते सत्त…पे॰…।

चतुवीसकं (सउपनिस्सयं)

नोअविगतपच्चया नहेतुपच्चया नआरम्मण-नअधिपति-नअनन्तर-नसमनन्तरनसहजात-नअञ्ञमञ्ञ-ननिस्सय-नउपनिस्सय-नपुरेजात-नपच्छाजात-नआसेवन-नविपाकनआहार-नइन्द्रिय-नझान-नमग्ग-नसम्पयुत्त-नविप्पयुत्त-नोअत्थिपच्चया नोनत्थिपच्चया नोविगतपच्चया कम्मे अट्ठ।

चतुवीसकं (सकम्मं)

नोअविगतपच्चया नहेतुपच्चया…पे॰… ननिस्सयपच्चया नपुरेजातपच्चया…पे॰… नकम्मपच्चया…पे॰… नोविगतपच्चया उपनिस्सये नव।
(यथा कुसलत्तिकस्स पच्चनीयानुलोमगणना सज्झायमग्गेन गणिता, एवं गणेतब्बम्।)
पच्चनीयानुलोमम्।
वेदनात्तिकं निट्ठितम्।