३३१. ‘‘किं नु खो, आवुसो सारिपुत्त, इमस्मिं धम्मविनये दुक्कर’’न्ति ? ‘‘पब्बज्जा खो, आवुसो, इमस्मिं धम्मविनये दुक्करा’’ति। ‘‘पब्बजितेन पनावुसो, किं दुक्कर’’न्ति? ‘‘पब्बजितेन खो, आवुसो, अभिरति दुक्करा’’ति। ‘‘अभिरतेन पनावुसो, किं दुक्कर’’न्ति? ‘‘अभिरतेन खो, आवुसो, धम्मानुधम्मप्पटिपत्ति दुक्करा’’ति। ‘‘कीवचिरं पनावुसो, धम्मानुधम्मप्पटिपन्नो भिक्खु अरहं अस्सा’’ति? ‘‘नचिरं, आवुसो’’ति। सोळसमम्।
(पुरिमकसदिसं उद्दानम्।)
सामण्डकसंयुत्तं समत्तम्।