१७ १७ सट्ठिपेय्यालवग्गो

१. अज्झत्तअनिच्चछन्दसुत्तम्

१६८. ‘‘यं , भिक्खवे, अनिच्चं, तत्र वो छन्दो पहातब्बो। किञ्च, भिक्खवे, अनिच्चं? चक्खु , भिक्खवे, अनिच्चं; तत्र वो छन्दो पहातब्बो…पे॰… जिव्हा अनिच्चा; तत्र वो छन्दो पहातब्बो…पे॰… मनो अनिच्चो; तत्र वो छन्दो पहातब्बो। यं, भिक्खवे, अनिच्चं, तत्र वो छन्दो पहातब्बो’’ति।

२. अज्झत्तअनिच्चरागसुत्तम्

१६९. ‘‘यं , भिक्खवे, अनिच्चं, तत्र वो रागो पहातब्बो। किञ्च, भिक्खवे, अनिच्चं? चक्खु, भिक्खवे, अनिच्चं; तत्र वो रागो पहातब्बो…पे॰… जिव्हा अनिच्चा; तत्र वो रागो पहातब्बो…पे॰… मनो अनिच्चो; तत्र वो रागो पहातब्बो। यं, भिक्खवे, अनिच्चं, तत्र वो रागो पहातब्बो’’ति।

३. अज्झत्तअनिच्चछन्दरागसुत्तम्

१७०. ‘‘यं, भिक्खवे, अनिच्चं, तत्र वो छन्दरागो पहातब्बो। किञ्च, भिक्खवे, अनिच्चं? चक्खु, भिक्खवे, अनिच्चं; तत्र वो छन्दरागो पहातब्बो…पे॰… जिव्हा अनिच्चा; तत्र वो छन्दरागो पहातब्बो…पे॰… मनो अनिच्चो; तत्र वो छन्दरागो पहातब्बो। यं, भिक्खवे, अनिच्चं, तत्र वो छन्दरागो पहातब्बो’’ति।

४-६. दुक्खछन्दादिसुत्तम्

१७१-१७३. ‘‘यं, भिक्खवे, दुक्खं, तत्र वो छन्दो पहातब्बो, रागो पहातब्बो, छन्दरागो पहातब्बो। किञ्च, भिक्खवे, दुक्खं? चक्खु, भिक्खवे, दुक्खं; तत्र वो छन्दो पहातब्बो, रागो पहातब्बो, छन्दरागो पहातब्बो…पे॰… जिव्हा दुक्खा…पे॰… मनो दुक्खो; तत्र वो छन्दो पहातब्बो, रागो पहातब्बो, छन्दरागो पहातब्बो। यं , भिक्खवे, दुक्खं तत्र वो छन्दो पहातब्बो, रागो पहातब्बो, छन्दरागो पहातब्बो’’ति।

७-९. अनत्तछन्दादिसुत्तम्

१७४-१७६. ‘‘यो , भिक्खवे, अनत्ता, तत्र वो छन्दो पहातब्बो, रागो पहातब्बो, छन्दरागो पहातब्बो। को च, भिक्खवे, अनत्ता? चक्खु, भिक्खवे, अनत्ता; तत्र वो छन्दो पहातब्बो, रागो पहातब्बो, छन्दरागो पहातब्बो…पे॰… जिव्हा अनत्ता; तत्र वो छन्दो पहातब्बो, रागो पहातब्बो, छन्दरागो पहातब्बो…पे॰… मनो अनत्ता; तत्र वो छन्दो पहातब्बो, रागो पहातब्बो, छन्दरागो पहातब्बो। यो, भिक्खवे, अनत्ता तत्र वो छन्दो पहातब्बो, रागो पहातब्बो, छन्दरागो पहातब्बो’’ति।

१०-१२. बाहिरानिच्चछन्दादिसुत्तम्

१७७-१७९. ‘‘यं, भिक्खवे, अनिच्चं, तत्र वो छन्दो पहातब्बो, रागो पहातब्बो, छन्दरागो पहातब्बो। किञ्च, भिक्खवे, अनिच्चं? रूपा, भिक्खवे, अनिच्चा; तत्र वो छन्दो पहातब्बो, रागो पहातब्बो, छन्दरागो पहातब्बो। सद्दा अनिच्चा; तत्र वो छन्दो पहातब्बो, रागो पहातब्बो, छन्दरागो पहातब्बो। गन्धा अनिच्चा; तत्र वो छन्दो पहातब्बो, रागो पहातब्बो, छन्दरागो पहातब्बो। रसा अनिच्चा; तत्र वो छन्दो पहातब्बो, रागो पहातब्बो, छन्दरागो पहातब्बो। फोट्ठब्बा अनिच्चा; तत्र वो छन्दो पहातब्बो, रागो पहातब्बो, छन्दरागो पहातब्बो। धम्मा अनिच्चा; तत्र वो छन्दो पहातब्बो, रागो पहातब्बो, छन्दरागो पहातब्बो। यं, भिक्खवे, अनिच्चं तत्र वो छन्दो पहातब्बो, रागो पहातब्बो, छन्दरागो पहातब्बो’’ति।

१३-१५. बाहिरदुक्खछन्दादिसुत्तम्

१८०-१८२. ‘‘यं, भिक्खवे, दुक्खं, तत्र वो छन्दो पहातब्बो, रागो पहातब्बो, छन्दरागो पहातब्बो। किञ्च, भिक्खवे, दुक्खं? रूपा, भिक्खवे, दुक्खा; तत्र वो छन्दो पहातब्बो, रागो पहातब्बो, छन्दरागो पहातब्बो। सद्दा… गन्धा… रसा… फोट्ठब्बा… धम्मा दुक्खा; तत्र वो छन्दो पहातब्बो, रागो पहातब्बो, छन्दरागो पहातब्बो। यं, भिक्खवे, दुक्खं, तत्र वो छन्दो पहातब्बो, रागो पहातब्बो, छन्दरागो पहातब्बो’’ति।

१६-१८. बाहिरानत्तछन्दादिसुत्तम्

१८३-१८५. ‘‘यो , भिक्खवे, अनत्ता, तत्र वो छन्दो पहातब्बो, रागो पहातब्बो, छन्दरागो पहातब्बो। को च, भिक्खवे, अनत्ता? रूपा, भिक्खवे, अनत्ता; तत्र वो छन्दो पहातब्बो, रागो पहातब्बो, छन्दरागो पहातब्बो। सद्दा… गन्धा… रसा… फोट्ठब्बा… धम्मा अनत्ता; तत्र वो छन्दो पहातब्बो, रागो पहातब्बो, छन्दरागो पहातब्बो। यो, भिक्खवे, अनत्ता तत्र वो छन्दो पहातब्बो, रागो पहातब्बो, छन्दरागो पहातब्बो’’ति।

१९. अज्झत्तातीतानिच्चसुत्तम्

१८६. ‘‘चक्खु , भिक्खवे, अनिच्चं अतीतं…पे॰… जिव्हा अनिच्चा अतीता…पे॰… मनो अनिच्चो अतीतो। एवं पस्सं, भिक्खवे, सुतवा अरियसावको चक्खुस्मिम्पि निब्बिन्दति…पे॰… जिव्हायपि निब्बिन्दति…पे॰… मनस्मिम्पि निब्बिन्दति। निब्बिन्दं विरज्जति; विरागा विमुच्चति; विमुत्तस्मिं विमुत्तमिति ञाणं होति। ‘खीणा जाति, वुसितं ब्रह्मचरियं, कतं करणीयं, नापरं इत्थत्ताया’ति पजानाती’’ति।

२०. अज्झत्तानागतानिच्चसुत्तम्

१८७. ‘‘चक्खु, भिक्खवे, अनिच्चं अनागतं…पे॰… जिव्हा अनिच्चा अनागता…पे॰… मनो अनिच्चो अनागतो। एवं पस्सं…पे॰… नापरं इत्थत्तायाति पजानाती’’ति।

२१. अज्झत्तपच्चुप्पन्नानिच्चसुत्तम्

१८८. ‘‘चक्खु, भिक्खवे, अनिच्चं पच्चुप्पन्नं…पे॰… जिव्हा अनिच्चा पच्चुप्पन्ना…पे॰… मनो अनिच्चो पच्चुप्पन्नो। एवं पस्सं…पे॰… नापरं इत्थत्तायाति पजानाती’’ति।

२२-२४. अज्झत्तातीतादिदुक्खसुत्तम्

१८९-१९१. ‘‘चक्खु , भिक्खवे, दुक्खं अतीतं अनागतं पच्चुप्पन्नं…पे॰… जिव्हा दुक्खा अतीता अनागता पच्चुप्पन्ना…पे॰… मनो दुक्खो अतीतो अनागतो पच्चुप्पन्नो। एवं पस्सं , भिक्खवे…पे॰… नापरं इत्थत्तायाति पजानाती’’ति।

२५-२७. अज्झत्तातीतादिअनत्तसुत्तम्

१९२-१९४. ‘‘चक्खु , भिक्खवे, अनत्ता अतीतं अनागतं पच्चुप्पन्नं…पे॰… जिव्हा अनत्ता…पे॰… मनो अनत्ता अतीतो अनागतो पच्चुप्पन्नो । एवं पस्सं…पे॰… नापरं इत्थत्तायाति पजानाती’’ति।

२८-३०. बाहिरातीतादिअनिच्चसुत्तम्

१९५-१९७. ‘‘रूपा, भिक्खवे, अनिच्चा अतीता अनागता पच्चुप्पन्ना। सद्दा… गन्धा… रसा… फोट्ठब्बा… धम्मा अनिच्चा अतीता अनागता पच्चुप्पन्ना। एवं पस्सं…पे॰… नापरं इत्थत्तायाति पजानाती’’ति।

३१-३३. बाहिरातीतादिदुक्खसुत्तम्

१९८-२००. ‘‘रूपा, भिक्खवे, दुक्खा अतीता अनागता पच्चुप्पन्ना। सद्दा… गन्धा… रसा… फोट्ठब्बा… धम्मा दुक्खा अतीता अनागता पच्चुप्पन्ना। एवं पस्सं…पे॰… नापरं इत्थत्तायाति पजानाती’’ति।

३४-३६. बाहिरातीतादिअनत्तसुत्तम्

२०१-२०३. ‘‘रूपा , भिक्खवे, अनत्ता अतीता अनागता पच्चुप्पन्ना। सद्दा… गन्धा… रसा… फोट्ठब्बा… धम्मा अनत्ता अतीता अनागता पच्चुप्पन्ना। एवं पस्सं…पे॰… नापरं इत्थत्तायाति पजानाती’’ति।

३७. अज्झत्तातीतयदनिच्चसुत्तम्

२०४. ‘‘चक्खु, भिक्खवे, अनिच्चं अतीतम्। यदनिच्चं, तं दुक्खम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… जिव्हा अनिच्चा अतीता। यदनिच्चं, तं दुक्खम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… मनो अनिच्चो अतीतो। यदनिच्चं, तं दुक्खम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि , न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

३८. अज्झत्तानागतयदनिच्चसुत्तम्

२०५. ‘‘चक्खु , भिक्खवे, अनिच्चं अनागतम्। यदनिच्चं, तं दुक्खम्। यं दुक्खं, तदनत्ता। यदनत्ता तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… जिव्हा अनिच्चा अनागता। यदनिच्चं, तं दुक्खम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… मनो अनिच्चो अनागतो। यदनिच्चं, तं दुक्खम्। यं दुक्खं, तदनत्ता । यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं, भिक्खवे…पे॰… नापरं इत्थत्तायाति पजानाती’’ति।

३९. अज्झत्तपच्चुप्पन्नयदनिच्चसुत्तम्

२०६. ‘‘चक्खु, भिक्खवे, अनिच्चं पच्चुप्पन्नम्। यदनिच्चं, तं दुक्खम्। यं दुक्खं, तदनत्ता। यदनत्ता तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… जिव्हा अनिच्चा पच्चुप्पन्ना। यदनिच्चं, तं दुक्खम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… मनो अनिच्चो पच्चुप्पन्नो। यदनिच्चं तं दुक्खम्। यं दुक्खं तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

४०-४२. अज्झत्तातीतादियंदुक्खसुत्तम्

२०७-२०९. ‘‘चक्खु , भिक्खवे, दुक्खं अतीतं अनागतं पच्चुप्पन्नम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… जिव्हा दुक्खा…पे॰… मनो दुक्खो अतीतो अनागतो पच्चुप्पन्नो। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

४३-४५. अज्झत्तातीतादियदनत्तसुत्तम्

२१०-२१२. ‘‘चक्खु, भिक्खवे, अनत्ता अतीतं अनागतं पच्चुप्पन्नम्। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बं…पे॰… जिव्हा अनत्ता…पे॰… मनो अनत्ता अतीतो अनागतो पच्चुप्पन्नो। यदनत्ता तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

४६-४८. बाहिरातीतादियदनिच्चसुत्तम्

२१३-२१५. ‘‘रूपा, भिक्खवे, अनिच्चा अतीता अनागता पच्चुप्पन्ना। यदनिच्चं, तं दुक्खम्। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। सद्दा… गन्धा… रसा… फोट्ठब्बा… धम्मा अनिच्चा अतीता अनागता पच्चुप्पन्ना। यदनिच्चं तं दुक्खम्। यं दुक्खं तदनत्ता। यदनत्ता तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

४९-५१. बाहिरातीतादियंदुक्खसुत्तम्

२१६-२१८. ‘‘रूपा , भिक्खवे, दुक्खा अतीता अनागता पच्चुप्पन्ना। यं दुक्खं, तदनत्ता । यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। सद्दा… गन्धा… रसा… फोट्ठब्बा… धम्मा दुक्खा अतीता अनागता पच्चुप्पन्ना। यं दुक्खं, तदनत्ता। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

५२-५४. बाहिरातीतादियदनत्तसुत्तम्

२१९-२२१. ‘‘रूपा, भिक्खवे, अनत्ता अतीता अनागता पच्चुप्पन्ना। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। सद्दा… गन्धा… रसा… फोट्ठब्बा… धम्मा अनत्ता अतीता अनागता पच्चुप्पन्ना। यदनत्ता, तं ‘नेतं मम, नेसोहमस्मि, न मेसो अत्ता’ति एवमेतं यथाभूतं सम्मप्पञ्ञाय दट्ठब्बम्। एवं पस्सं…पे॰… नापरं इत्थत्तायाति पजानाती’’ति।

५५. अज्झत्तायतनअनिच्चसुत्तम्

२२२. ‘‘चक्खु , भिक्खवे, अनिच्चं…पे॰… जिव्हा अनिच्चा…पे॰… मनो अनिच्चो। एवं पस्सं…पे॰… नापरं इत्थत्तायाति पजानाती’’ति।

५६. अज्झत्तायतनदुक्खसुत्तम्

२२३. ‘‘चक्खु, भिक्खवे, दुक्खं…पे॰… जिव्हा दुक्खा…पे॰… मनो दुक्खो। एवं पस्सं…पे॰… नापरं इत्थत्तायाति पजानाती’’ति।

५७. अज्झत्तायतनअनत्तसुत्तम्

२२४. ‘‘चक्खु , भिक्खवे, अनत्ता…पे॰… जिव्हा अनत्ता…पे॰… मनो अनत्ता। एवं पस्सं…पे॰… नापरं इत्थत्तायाति पजानाती’’ति।

५८. बाहिरायतनअनिच्चसुत्तम्

२२५. ‘‘रूपा, भिक्खवे, अनिच्चा। सद्दा… गन्धा… रसा… फोट्ठब्बा… धम्मा अनिच्चा। एवं पस्सं…पे॰… नापरं इत्थत्तायाति पजानाती’’ति।

५९. बाहिरायतनदुक्खसुत्तम्

२२६. ‘‘रूपा, भिक्खवे, दुक्खा। सद्दा… गन्धा… रसा… फोट्ठब्बा… धम्मा दुक्खा। एवं पस्सं…पे॰… नापरं इत्थत्तायाति पजानाती’’ति।

६०. बाहिरायतनअनत्तसुत्तम्

२२७. ‘‘रूपा , भिक्खवे, अनत्ता। सद्दा… गन्धा… रसा… फोट्ठब्बा… धम्मा अनत्ता। एवं पस्सं…पे॰… नापरं इत्थत्तायाति पजानाती’’ति।
सट्ठिपेय्यालवग्गो सत्तरसमो।
तस्सुद्दानं –
छन्देनट्ठारस होन्ति, अतीतेन च द्वे नव।
यदनिच्चाट्ठारस वुत्ता, तयो अज्झत्तबाहिरा।
पेय्यालो सट्ठिको वुत्तो, बुद्धेनादिच्चबन्धुनाति॥
सुत्तन्तानि सट्ठि।