१-१०. जातिधम्मादिसुत्तदसकम्
३३. सावत्थिनिदानम्। तत्र खो…पे॰… ‘‘सब्बं, भिक्खवे, जातिधम्मम्। किञ्च, भिक्खवे, सब्बं जातिधम्मं? चक्खु, भिक्खवे, जातिधम्मम्। रूपा… चक्खुविञ्ञाणं… चक्खुसम्फस्सो जातिधम्मो। यम्पिदं चक्खुसम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि जातिधम्मं…पे॰… जिव्हा… रसा… जिव्हाविञ्ञाणं… जिव्हासम्फस्सो… यम्पिदं जिव्हासम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि जातिधम्मम्। कायो…पे॰.. मनो जातिधम्मो, धम्मा जातिधम्मा, मनोविञ्ञाणं जातिधम्मं, मनोसम्फस्सो जातिधम्मो। यम्पिदं मनोसम्फस्सपच्चया उप्पज्जति वेदयितं सुखं वा दुक्खं वा अदुक्खमसुखं वा तम्पि जातिधम्मम्। एवं पस्सं, भिक्खवे, सुतवा अरियसावको चक्खुस्मिम्पि निब्बिन्दति, रूपेसुपि… चक्खुविञ्ञाणेपि… चक्खुसम्फस्सेपि…पे॰… नापरं इत्थत्तायाति पजानाती’’ति। पठमम्।
३४. ‘‘सब्बं , भिक्खवे, जराधम्मं…पे॰… संखित्तम्। दुतियम्।
३५. ‘‘सब्बं, भिक्खवे, ब्याधिधम्मं…पे॰…। ततियम्।
३६. ‘‘सब्बं, भिक्खवे, मरणधम्मं…पे॰…। चतुत्थम्।
३७. ‘‘सब्बं, भिक्खवे, सोकधम्मं…पे॰…। पञ्चमम्।
३८. ‘‘सब्बं, भिक्खवे, संकिलेसिकधम्मं…पे॰…। छट्ठम्।
३९. ‘‘सब्बं , भिक्खवे, खयधम्मं…पे॰…। सत्तमम्।
४०. ‘‘सब्बं, भिक्खवे, वयधम्मं…पे॰…। अट्ठमम्।
४१. ‘‘सब्बं, भिक्खवे, समुदयधम्मं…पे॰…। नवमम्।
४२. ‘‘सब्बं, भिक्खवे, निरोधधम्मं…पे॰…। दसमम्।
जातिधम्मवग्गो चतुत्थो।
तस्सुद्दानं –
जातिजराब्याधिमरणं, सोको च संकिलेसिकम्।
खयवयसमुदयं, निरोधधम्मेन ते दसाति॥