६१२-६१६. सावत्थिनिदानम्। एकमन्तं निसिन्नो खो वच्छगोत्तो परिब्बाजको भगवन्तं एतदवोच – ‘‘को नु खो, भो गोतम, हेतु, को पच्चयो, यानिमानि अनेकविहितानि दिट्ठिगतानि लोके उप्पज्जन्ति – सस्सतो लोकोति वा, असस्सतो लोकोति वा…पे॰… नेव होति न न होति तथागतो परं मरणाति वा’’ति? रूपे खो, वच्छ, अदस्सना…पे॰… रूपनिरोधगामिनिया पटिपदाय अदस्सना…पे॰… वेदनाय … सञ्ञाय … सङ्खारेसु खो, वच्छ, अदस्सना…पे॰… विञ्ञाणे खो, वच्छ, अदस्सना…पे॰… विञ्ञाणनिरोधगामिनिया पटिपदाय अदस्सना…पे॰…। दसमम्।