०५ ५ सम्फस्सजसुत्तम्

३१६. सावत्थिनिदानम्। ‘‘यो खो, भिक्खवे, चक्खुसम्फस्सजाय वेदनाय उप्पादो ठिति…पे॰… जरामरणस्स पातुभावो…पे॰…।
यो मनोसम्फस्सजाय वेदनाय उप्पादो ठिति…पे॰… जरामरणस्स पातुभावो। यो च खो, भिक्खवे, चक्खुसम्फस्सजाय वेदनाय निरोधो वूपसमो…पे॰… जरामरणस्स अत्थङ्गमो…पे॰… यो मनोसम्फस्सजाय वेदनाय निरोधो वूपसमो अत्थङ्गमो, दुक्खस्सेसो निरोधो, रोगानं वूपसमो, जरामरणस्स अत्थङ्गमो’’ति। पञ्चमम्।