२३३. सावत्थियं विहरति…पे॰… ‘‘अस्सुत्थ नो तुम्हे, भिक्खवे, रत्तिया पच्चूससमयं जरसिङ्गालस्स वस्समानस्सा’’ति? ‘‘एवं, भन्ते’’। ‘‘एसो खो, भिक्खवे, जरसिङ्गालो उक्कण्डकेन नाम रोगजातेन फुट्ठो। सो येन येन इच्छति तेन तेन गच्छति; यत्थ यत्थ इच्छति तत्थ तत्थ तिट्ठति; यत्थ यत्थ इच्छति तत्थ तत्थ निसीदति; यत्थ यत्थ इच्छति तत्थ तत्थ निपज्जति; सीतकोपि नं वातो उपवायति। साधु ख्वस्स, भिक्खवे, यं इधेकच्चो सक्यपुत्तियपटिञ्ञो एवरूपम्पि अत्तभावपटिलाभं पटिसंवेदियेथ। तस्मातिह, भिक्खवे , एवं सिक्खितब्बं – ‘अप्पमत्ता विहरिस्सामा’ति। एवञ्हि वो, भिक्खवे, सिक्खितब्ब’’न्ति। एकादसमम्।