०५ ५ चङ्कीसुत्तम्

परिचयः

• अनुवादो ऽत्र ।
• अत्र भृग्वादीन् ऋषीन् निर्दिशतीति रुचिरम्।
• अयम् बुद्ध ऋषीन् तत्-परम्परां चान्धं कथयन् स्वीयाम् बालिशतां हि प्रदर्शयति। न ह्य् अवैति प्रवृत्ति-धर्म-बोधने तद्-अनुष्ठाने च कौशलं वेदादीनाम्। तथाकथितान्धनिष्ठा न वस्तुतो ऽन्धा - “Lindy test” (nntaleb) इत्यवगन्तव्यम्।
• बुद्धोक्त-सद्-गुरुलक्षणैस् तु चङ्की ब्राह्मणो हि राजतेतरां बुद्धापेक्षया। ऋषि-निन्दको बुद्धस् तावत् smarta-ass इव भाति। तेनास्य गुरुपरीक्षणक्रमस्यापर्याप्ततापि दर्शिता - गान्धिमोहनदासनिभा व्यक्तिगतस्तरे शुद्धाश् चेदपि पाषण्डा भवन्ति।
• श्रद्धा-सङ्गमन+उपासन-श्रवण-धारण-परीक्षा-छन्द-उत्साह-तुलना-उपधान-सत्यसाक्षात्कार-शृङ्खलायान् तूपदेशो ग्राह्यस् तस्य।
• ब्राह्मणवर्गादिसूत्ररचनैर् ब्राह्मणभ्रंशनाय विशिष्टः प्रयासस् सौगतैर् विहित इत्यवधेयम्।
• यथा खलु जयन्तभट्टो वक्ति - “अविच्छिन्ना येषां वहति सरणिः सर्वविदिता,
  न यत्रार्यो लोकः परिचय-कथालाप-विमुखः।
  यदिष्टानुष्ठानं न खलु जनभयं न सभयं,
  न रूपं येषां च स्फुरति नवम् अभ्युत्थितम् इव॥
  प्रमत्तगीतत्वम् अलौकिकत्वम्
  आभाति लोभादि न यत्र मूलम्।
  तथाविधानाम् अयम् आगमानाम्
  प्रामाण्यमार्गो न तु यत्र तत्र॥”

कथामुखम्

४२२. एवं मे सुतं – एकं समयं भगवा कोसलेसु चारिकं चरमानो महता भिक्खुसङ्घेन सद्धिं+++(=सार्धं)+++ येन ओपासादं नाम कोसलानं ब्राह्मणगामो तदवसरि। तत्र सुदं+++(=स्विद्)+++ भगवा ओपासादे विहरति उत्तरेन ओपासादं देववने सालवने।

तेन खो पन समयेन चङ्की ब्राह्मणो ओपासादं अज्झावसति सत्तुस्+++(=सत्त्व)+++सदं स-ति+++(तृ)+++ण-कट्ठोदकं+++(=काष्ठोदकम्)+++ सधञ्ञं राजभोग्गं रञ्ञा पसेनदिना कोसलेन दिन्नं+++(=दत्तं)+++ राजदायं ब्रह्मदेय्यम्।

ब्राह्मणोद्गमः

अस्सोसुं खो ओपासादका ब्राह्मण-गहपतिका – ‘‘समणो खलु, भो, गोतमो सक्यपुत्तो सक्यकुला पब्बजितो कोसलेसु चारिकं चरमानो महता भिक्खुसङ्घेन सद्धिं ओपासादं अनु-प्पत्तो+++(=प्राप्तो)+++, ओपासादे विहरति उत्तरेन ओपासादं देववने सालवने। तं खो पन भवन्तं गोतमं एवं कल्याणो कित्ति+++(=कीर्ति)+++-सद्दो+++(=शब्दो)+++ अब्भुग्गतो – ‘इतिपि सो भगवा अरहं सम्मासम्बुद्धो विज्जा-चरण-सम्पन्नो सुगतो लोकविदू अनुत्तरो पुरिस-दम्म+++(म्य)+++-सारथि सत्था+++(=शास्ता)+++ देवमनुस्सानं बुद्धो भगवा’ति। सो इमं लोकं सदेवकं समारकं सब्रह्मकं सस्समण-ब्राह्मणिं पजं सदेव-मनुस्सं सयं अभिञ्ञा+++(म्)+++ सच्छि+++(=साक्षी)+++-कत्वा पवेदेति। सो धम्मं देसेति - आदि-कल्याणं मज्झे-कल्याणं परियोसान-कल्याणं सात्थं+++(=सार्थं)+++ सब्यञ्जनं, केवल-परि-पुण्णं परि-सुद्धं ब्रह्मचरियं पकासेति। साधु खो पन तथारूपानं अरहतं दस्सनं होती’’ति।

४२३. अथ खो ओपासादका ब्राह्मण-गहपतिका ओपासादा+++(त्)+++ निक्खमित्वा सङ्घसङ्घी गणीभूता उत्तरेन-मुखा गच्छन्ति येन देववनं सालवनम्। तेन खो पन समयेन चङ्की ब्राह्मणो उपरि-पासादे दिवा-सेय्यं उपगतो। अद्दसा खो चङ्की ब्राह्मणो ओपासादके ब्राह्मण-गहपतिके ओपासादा+++(त्)+++ निक्खमित्वा सङ्घसङ्घी गणीभूते उत्तरेन मुखं येन देववनं सालवनं तेनुपसङ्कमन्ते। दिस्वा खत्तं+++(=क्षत्तारम्)+++ आमन्तेसि – ‘‘किं नु खो, भो खत्ते, ओपासादका ब्राह्मण-गहपतिका ओपासादा+++(त्)+++ निक्खमित्वा सङ्घसङ्घी गणी-भूता उत्तरेन-मुखा गच्छन्ति येन देववनं सालवन’’न्ति? ‘‘अत्थि, भो चङ्की, समणो गोतमो सक्यपुत्तो सक्य-कुला पब्बजितो कोसलेसु चारिकं चरमानो महता भिक्खुसङ्घेन सद्धिं ओपासादं अनुप्पत्तो, ओपासादे विहरति उत्तरेन ओपासादं देववने सालवने। तं खो पन भवन्तं गोतमं एवं कल्याणो कित्ति-सद्दो अब्भुग्गतो – ‘इतिपि सो भगवा अरहं सम्मासम्बुद्धो विज्जा-चरण-सम्पन्नो सुगतो लोकविदू अनुत्तरो पुरिस-दम्म-सारथि सत्था देवमनुस्सानं बुद्धो भगवा’ति। तम् एते भवन्तं गोतमं दस्सनाय गच्छन्ती’’ति। ‘‘तेन हि, भो खत्ते, येन ओपासादका ब्राह्मण-गहपतिका तेनुपसङ्कम; उपसङ्कमित्वा ओपासादके ब्राह्मणगहपतिके एवं वदेहि – ‘चङ्की, भो, ब्राह्मणो एवमाह – आगमेन्तु किर भोन्तो+++(=भवन्तो)+++, चङ्कीपि ब्राह्मणो समणं गोतमं दस्सनाय उपसङ्कमिस्सती’’’ति। ‘‘एवं, भो’’ति खो सो खत्तो चङ्किस्स ब्राह्मणस्स पटि+++(=प्रति)+++-स्सुत्वा+++(=श्रुत्वा)+++ येन ओपासादका ब्राह्मण-गहपतिका तेनुपसङ्कमि; उपसङ्कमित्वा ओपासादके ब्राह्मण-गहपतिके एतद् अवोच – ‘‘चङ्की, भो, ब्राह्मणो एवमाह – ‘आगमेन्तु किर भोन्तो, चङ्कीपि ब्राह्मणो समणं गोतमं दस्सनाय उपसङ्कमिस्सती’’’ति।

चङ्कि-सौशील्यम्

वारणयत्नः

४२४. तेन खो पन समयेन नाना-वेरज्जकानं+++(=वैराज्यकानां)+++ ब्राह्मणानं पञ्च-मत्तानि+++(=मात्राणि)+++ ब्राह्मण-सतानि ओपासादे पटि-वसन्ति केनचिद् एव करणीयेन। अस्सोसुं खो ते ब्राह्मणा – ‘‘चङ्की किर ब्राह्मणो समणं गोतमं दस्सनाय उपसङ्कमिस्सती’’ति। अथ खो ते ब्राह्मणा येन चङ्की ब्राह्मणो तेनुपसङ्कमिंसु; उपसङ्कमित्वा चङ्किं ब्राह्मणं एतदवोचुं – ‘‘सच्चं किर भवं चङ्की समणं गोतमं दस्सनाय उपसङ्कमिस्सती’’ति? ‘‘एवं खो मे, भो, होति – ‘अहं समणं गोतमं दस्सनाय उपसङ्कमिस्सामी’’’ति।

‘‘मा भवं चङ्की समणं गोतमं दस्सनाय उपसङ्कमि। न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की उभ+++(य)+++तो सुजातो - मातितो च पितितो च, संसुद्ध-ग+++(ग्र)+++हणिको, याव+++(त्)+++ सत्तमा पितामह-युगा अक्खित्तो+++(=अक्षितो)+++, अनुपक्कुट्ठो+++(=अनुपकृष्टो)+++ जाति-वादेन। यम्पि भवं चङ्की उभतो सुजातो - मातितो च पितितो च, संसुद्ध-गहणिको, याव सत्तमा पितामहयुगा अक्खित्तो अनुपक्कुट्ठो जातिवादेन, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की अड्ढो महद्धनो महाभोगो। यम्पि भवं अड्ढो महद्धनो महाभोगो, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की तिण्णं+++(=त्रिणां)+++ वेदानं पारगू सनिघण्डु-केटुभानं+++(=कल्पानां)+++ साक्खर-प्पभेदानं+++(=शिक्षाणां)+++ +++(अथर्ववेदसहित)+++इतिहास-पञ्चमानं, पदको+++(→पदपाठज्ञो)+++, वेय्याकरणो, लोकायत+++(तर्क)+++-महापुरिस-लक्खणेसु अनवयो+++(=अन्यूनः)+++। यम्पि भवं तिण्णं+++(=त्रिणां)+++ वेदानं पारगू सनिघण्डु-केटुभानं+++(=कल्पानां)+++ साक्खर-प्पभेदानं+++(=शिक्षाणां)+++ +++(अथर्ववेदसहित)+++इतिहास-पञ्चमानं, पदको+++(→पदपाठज्ञो)+++, वेय्याकरणो, लोकायत+++(तर्क)+++-महापुरिस-लक्खणेसु अनवयो+++(=अन्यूनः)+++, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की अभिरूपो दस्सनीयो पासादिको परमाय वण्ण-पोक्खरताय+++(=पुष्करतया)+++ समन्नागतो+++(=समन्वागतो)+++ ब्रह्मवण्णी ब्रह्मवच्छसी [ब्रह्मवच्चसी (सी॰ पी॰)] अखुद्दावकासो दस्सनाय। यम्पि भवं अभिरूपो दस्सनीयो पासादिको परमाय वण्ण-पोक्खरताय+++(=पुष्करतया)+++ समन्नागतो+++(=समन्वागतो)+++ ब्रह्मवण्णी ब्रह्मवच्छसी [ब्रह्मवच्चसी (सी॰ पी॰)] अखुद्दावकासो दस्सनाय, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की सीलवा वुद्धसीली वुद्धसीलेन समन्नागतो। यम्पि भवं सीलवा वुद्धसीली वुद्धसीलेन समन्नागतो, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की कल्याणवाचो कल्याण-वाक्करणो पोरिया+++(=पूर्णया)+++ वाचाय समन्नागतो, विस्सट्ठाय अनेल+++(ड=अबधिर)+++-गलाय अत्थस्स+++(=अर्थस्य)+++ विञ्ञापनिया +++(च)+++। यम्पि भवं कल्याणवाचो कल्याण-वाक्करणो पोरिया+++(=पूर्णया)+++ वाचाय समन्नागतो, विस्सट्ठाय अनेल+++(ड=अबधिर)+++-गलाय अत्थस्स+++(=अर्थस्य)+++ विञ्ञापनिया +++(च)+++, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की बहूनं आचरिय-पाचरियो, तीणि माणवक-सतानि मन्ते वाचेति। यम्पि भवं बहूनं आचरिय-पाचरियो, तीणि माणवक-सतानि मन्ते वाचेत, इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की रञ्ञो पसेनदिस्स कोसलस्स सक्कतो+++(=सत्कृतो)+++ ग+++(गु)+++रु-कतो मानितो पूजितो अपचितो। यम्पि भवं रञ्ञो पसेनदिस्स कोसलस्स सक्कतो+++(=सत्कृतो)+++ ग+++(गु)+++रु-कतो मानितो पूजितो अपचितो , इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की ब्राह्मणस्स पोक्खरसातिस्स सक्कतो+++(=सत्कृतो)+++ ग+++(गु)+++रु-कतो मानितो पूजितो अपचितो। यम्पि भवं ब्राह्मणस्स पोक्खरसातिस्स सक्कतो+++(=सत्कृतो)+++ ग+++(गु)+++रु-कतो मानितो पूजितो अपचितो , इमिनापङ्गेन+++(=इमिनापि अङ्गेन)+++ न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितुम्।

भवञ्हि चङ्की ओपासादं अज्झावसति सत्तुस्+++(=सत्त्व)+++सदं स-ति+++(तृ)+++ण-कट्ठोदकं+++(=काष्ठोदकम्)+++ सधञ्ञं राजभोग्गं रञ्ञा पसेनदिना कोसलेन दिन्नं+++(=दत्तं)+++ राजदायं ब्रह्मदेय्यम्। यम्पि भवं चङ्की ओपासादं अज्झावसति सत्तुस्+++(=सत्त्व)+++सदं स-ति+++(तृ)+++ण-कट्ठोदकं+++(=काष्ठोदकम्)+++ सधञ्ञं राजभोग्गं रञ्ञा पसेनदिना कोसलेन दिन्नं+++(=दत्तं)+++ राजदायं ब्रह्मदेय्यम्, इमिनापङ्गेन न अरहति भवं चङ्की समणं गोतमं दस्सनाय उपसङ्कमितुं; समणोत्वेव गोतमो अरहति भवन्तं चङ्किं दस्सनाय उपसङ्कमितु’’न्ति।

चङ्क्युत्तरम्

४२५. एवं वुत्ते, चङ्की ब्राह्मणो ते ब्राह्मणे एतद् अवोच – ‘‘तेन हि, भो, ममपि सुणाथ, यथा म+++(व)+++यमेव अरहाम तं समणं गोतमं दस्सनाय उपसङ्कमितुं; नत्वेव अरहति सो भवं+++(=भवान्)+++ गोतमो अम्हाकं दस्सनाय उपसङ्कमितुम्। +++(५)+++

समणो खलु, भो, गोतमो उभतो सुजातो मातितो च पितितो च संसुद्ध-ग+++(ग्र)+++हणिको याव+++(त्)+++ सत्तमा पितामहयुगा अक्खित्तो अनुपक्कुट्ठो जातिवादेन। यम्पि, भो, समणो गोतमो उभतो सुजातो मातितो च पितितो च संसुद्धगहणिको याव सत्तमा पितामहयुगा अक्खित्तो अनुपक्कुट्ठो जातिवादेन, इमिनापङ्गेन न अरहति सो भवं गोतमो अम्हाकं दस्सनाय उपसङ्कमितुं; अथ खो मयमेव अरहाम तं भवन्तं गोतमं दस्सनाय उपसङ्कमितुं [एत्थ दी॰ नि॰ १.३०४ अञ्ञम्पि गुणपदं दिस्सति]।

समणो खलु, भो, गोतमो पहूतं+++(=प्रभूतं)+++ हिरञ्ञ-सुवण्णं ओहाय पब्बजितो भूमिगतञ्च वेहासट्ठञ्+++(=वियत्-स्थं)+++ च। …पे॰…

समणो खलु, भो, गोतमो दहरोव+++(=अल्पवया एव)+++ समानो युवा सुसुकाळकेसो भद्रेन योब्बनेन समन्नागतो पठमेन वयसा अगारस्मा अनगारियं पब्बजितो। …पे॰…

समणो खलु, भो, गोतमो अकामकानं मातापितूनं अस्सु-मुखानं रुदन्तानं केस-मस्सुं ओहारेत्वा कासायानि वत्थानि अच्छादेत्वा अगारस्मा अनगारियं पब्बजितो। …पे॰…

समणो खलु, भो, गोतमो अभिरूपो दस्सनीयो पासादिको परमाय वण्ण-पोक्खरताय समन्नागतो ब्रह्म-वण्णी ब्रह्म-वच्छसी अखुद्दावकासो दस्सनाय। …पे॰…

समणो खलु, भो, गोतमो सीलवा अरियसीली कुसलसीली कुसलेन सीलेन समन्नागतो। …पे॰…

समणो खलु, भो, गोतमो कल्याणवाचो कल्याणवाक्करणो पोरिया वाचाय समन्नागतो - विस्सट्ठाय अनेलगलाय अत्थस्स विञ्ञापनिया। …पे॰…

समणो खलु, भो, गोतमो बहूनं आचरियपाचरियो। …पे॰…

समणो खलु, भो, गोतमो खीण-कामरागो विगत-चापल्लो। …पे॰…

समणो खलु, भो, गोतमो कम्मवादी किरियवादी अपाप-पुरेक्खारो+++(=पुरस्कारो)+++ ब्रह्मञ्ञाय पजाय। …पे॰…

समणो खलु, भो, गोतमो उच्चा+++(त्)+++ कुला+++(त्)+++ पब्बजितो असम्भिन्ना खत्तियकुला+++(त्)+++। …पे॰…

समणो खलु, भो, गोतमो अड्ढा कुला पब्बजितो महद्धना महाभोगा+++(त्)+++। …पे॰…

समणं खलु, भो, गोतमं तिरो-रट्ठा+++(त्)+++ तिरो-जनपदा संपुच्छितुं आगच्छन्ति। …पे॰…

समणं खलु, भो, गोतमं अनेकानि देवता-सहस्सानि पाणेहि+++(=प्राणैः)+++ सरणं गतानि। …पे॰…

समणं खलु, भो, गोतमं एवं कल्याणो कित्ति-सद्दो अब्भुग्गतो – ‘इतिपि सो भगवा अरहं सम्मासम्बुद्धो विज्जाचरणसम्पन्नो सुगतो लोकविदू अनुत्तरो पुरिस-दम्म-सारथि सत्था देवमनुस्सानं बुद्धो भगवा’ति। …पे॰…

समणो खलु, भो, गोतमो द्वत्तिंस-महापुरिस-लक्खणेहि समन्नागतो। …पे॰… [एत्थापि दी॰ नि॰ १.३०४ अञ्ञानिपि गुणपदानं दिस्सन्ति]

समणं खलु, भो, गोतमं राजा मागधो सेनियो बिम्बिसारो सपुत्तदारो पाणेहि+++(=प्राणैः)+++ सरणं गतो। …पे॰…

समणं खलु, भो, गोतमं राजा पसेनदि कोसलो सपुत्तदारो पाणेहि सरणं गतो। …पे॰…

समणं खलु, भो, गोतमं ब्राह्मणो पोक्खरसाति सपुत्तदारो पाणेहि सरणं गतो। …पे॰…

समणो खलु, भो, गोतमो ओपासादं अनुप्पत्तो ओपासादे विहरति उत्तरेन ओपासादं देववने सालवने। ये खो ते समणा वा ब्राह्मणा वा अम्हाकं गाम-क्खेत्तं आगच्छन्ति, अतिथी नो ते होन्ति।+++(५)+++ अतिथी खो पनम्हेहि सक्कातब्बा गरु-कातब्बा मानेतब्बा पूजेतब्बा। यम्पि समणो गोतमो ओपासादं अनुप्पत्तो+++(=अनुप्राप्तो)+++ ओपासादे विहरति उत्तरेन ओपासादं देववने सालवने, अतिथिम्हाकं समणो गोतमो। अतिथि खो पनम्हेहि सक्कातब्बो गरुकातब्बो मानेतब्बो पूजेतब्बो। इमिनापङ्गेन न अरहति सो भवं गोतमो अम्हाकं दस्सनाय उपसङ्कमितुं; अथ खो मयमेव अरहाम तं भवन्तं गोतमं दस्सनाय उपसङ्कमितुम्।

एत्तके+++(=एतावन्ति)+++ खो अहं, भो, तस्स भोतो गोतमस्स वण्णे+++(=वर्णनानि)+++ परियापुणामि, नो च खो सो भवं गोतमो एत्तक-वण्णो; अपरिमाण-वण्णो हि सो भवं गोतमो। एकम् एकेनपि तेन [एकमेकेनपि भो (सी॰ स्या॰ कं॰ पी॰)] अङ्गेन समन्नागतो न अरहति, सो, भवं गोतमो अम्हाकं दस्सनाय उपसङ्कमितुं; अथ खो मयमेव अरहाम तं भवन्तं गोतमं दस्सनाय उपसङ्कमितुन्ति। तेन हि, भो, सब्बेव मयं समणं गोतमं दस्सनाय उपसङ्कमिस्सामा’’ति।

भारद्वाज-संवादारम्भः

४२६. अथ खो चङ्की ब्राह्मणो महता ब्राह्मणगणेन सद्धिं येन भगवा तेनुपसङ्कमि; उपसङ्कमित्वा भगवता सद्धिं सम्मोदि। सम्मोदनीयं कथं सारणीयं वीतिसारेत्वा+++(=व्यतिसार्य)+++ एकमन्तं निसीदि। तेन खो पन समयेन भगवा वुद्धेहि वुद्धेहि ब्राह्मणेहि सद्धिं किञ्चि किञ्चि कथं सारणीयं वीतिसारेत्वा निसिन्नो होति। तेन खो पन समयेन कापटिको [कापठिको (सी॰ पी॰), कापदिको (स्या॰ कं॰)] नाम माणवो दहरो+++(=अल्पवया)+++ +++(मुण्डनेन)+++ वुत्त-सिरो सोळस-वस्सु-द्देसिको जातिया, तिण्णं वेदानं पारगू सनिघण्डु-केटुभानं साक्खर-प्पभेदानं इतिहास-पञ्चमानं, पदको, वेय्याकरणो, लोकायत-महापुरिस-लक्खणेसु अनवयो, तस्सं परिसायं+++(=परिषदं)+++ निसिन्नो होति। सो वुद्धानं वुद्धानं ब्राह्मणानं भगवता सद्धिं मन्तयमानानं अन्तरन्तरा कथं+++(कारं)+++ ओपातेति। अथ खो भगवा कापटिकं माणवं अपसादेति – ‘‘मा यस्मा+++(त्)+++ भारद्वाजो वुद्धानं वुद्धानं ब्राह्मणानं मन्तयमानानं अन्तरन्तरा कथं ओपातेतु। कथापरियोसानं आयस्मा भारद्वाजो आगमेतू’’ति। एवं वुत्ते, चङ्की ब्राह्मणो भगवन्तं एतद् अवोच – ‘‘मा भवं गोतमो कापटिकं माणवं अपसादेसि। कुल-पुत्तो च कापटिको माणवो, बहु-स्सुतो च कापटिको माणवो, पण्डितो च कापटिको माणवो, कल्याण-वाक्करणो च कापटिको माणवो, पहोति+++(=प्रभवति)+++ च कापटिको माणवो, भोता+++(=भवता)+++ गोतमेन सद्धिं अस्मिं वचने पटिमन्तेतु+++(=प्रतिमन्त्रयतु)+++’’न्ति।

अथ खो भगवतो +++(मनसि)+++ एतद् अहोसि+++(=बभूव)+++ – ‘‘अद्धा खो कापटिकस्स [एतदहोसि ‘‘कापटिकस्स (क॰)] माणवस्स तेविज्जके+++(=त्रयीविद्यके)+++ पावचने कथा [कथं (सी॰ क॰), कथं (स्या॰ कं॰ पी॰)] भविस्सति। तथा हि नं ब्राह्मणा संपुरेक्खरोन्ती’’ति। अथ खो कापटिकस्स माणवस्स एतद् अहोसि+++(=बभूव)+++– ‘‘यदा मे समणो गोतमो चक्खुं उपसंहरिस्सति, अथाहं समणं गोतमं पञ्हं पुच्छिस्सामी’’ति। अथ खो भगवा कापटिकस्स माणवस्स चेतसा चेतो-परिवितक्कम् अञ्ञाय+++(=अजानात्)+++, येन कापटिको माणवो तेन चक्खूनि उपसंहासि+++(=उपसंहृते बभूवथुः)+++।

अन्धनिष्ठावहेलनम्

४२७. अथ खो कापटिकस्स माणवस्स एतद् अहोसि+++(=बभूव)+++ – ‘‘समन्नाहरति+++(=समन्वाहरति)+++ खो मं समणो गोतमो। यंनूनाहं समणं गोतमं पञ्हं पुच्छेय्य’’न्ति। अथ खो कापटिको माणवो भगवन्तं एतद् अवोच – ‘‘यदिदं, भो गोतम, ब्राह्मणानं पोराणं मन्तपदं इतिहितिह-परम्पराय पिटक-सम्पदाय, तत्थ च ब्राह्मणा एकंसेन+++(=एकांशेन)+++ निट्ठं+++(=निष्ठां)+++ गच्छन्ति – ‘इदमेव सच्चं, मोघमञ्ञ’न्ति। इध भवं+++(=भवान्)+++ गोतमो किमाहा’’ति?
‘‘किं पन, भारद्वाज, अत्थि कोचि ब्राह्मणानं एकब्राह्मणोपि यो एवमाह – ‘अहम् एतं जानामि, अहम् एतं पस्सामि। इदमेव सच्चं, मोघमञ्ञ’’’न्ति? ‘‘नो हिदं, भो गोतम’’।
‘‘किं पन, भारद्वाज, अत्थि कोचि ब्राह्मणानं एकाचरियोपि , एकाचरिय-पाचरियोपि, याव सत्तमा आचरियमह-युगापि, यो एवमाह – ‘अहम् एतं जानामि, अहमेतं पस्सामि। इदमेव सच्चं, मोघमञ्ञ’’’न्ति? ‘‘नो हिदं, भो गोतम’’।
‘‘किं पन, भारद्वाज, येपि ते ब्राह्मणानं पुब्बका इसयो+++(=ऋषयो)+++, मन्तानं कत्तारो, मन्तानं पवत्तारो येसमिदं एतरहि ब्राह्मणा पोराणं मन्तपदं गीतं पवुत्तं समिहितं+++(=समीहितं)+++ तदनुगायन्ति तदनुभासन्ति, भासितम् अनुभासन्ति, वाचितम् अनुवाचेन्ति, सेय्यथिदं –अट्ठको+++(=अष्टकः)+++ वामको वामदेवो वेस्सामित्तो+++(=विश्वामित्रः)+++ यमतग्गि+++(=जमदग्निः)+++ अङ्गीरसो भारद्वाजो वासेट्ठो+++(=वासिष्ठः)+++ कस्सपो भगु+++(=भृगुः)+++, तेपि एवमाहंसु – ‘मयमेतं जानाम, मयमेतं पस्साम। इदमेव सच्चं, मोघमञ्ञ’’’न्ति? ‘‘नो हिदं, भो गोतम’’।

‘‘इति किर, भारद्वाज, नत्थि कोचि ब्राह्मणानं एकब्राह्मणोपि यो एवमाह – ‘अहमेतं जानामि, अहमेतं पस्सामि। इदमेव सच्चं, मोघमञ्ञ’न्ति; नत्थि कोचि ब्राह्मणानं एकाचरियोपि एकाचरिय-पाचरियोपि, याव सत्तमा आचरियमह-युगापि, यो एवमाह – ‘अहमेतं जानामि, अहमेतं पस्सामि। इदमेव सच्चं, मोघमञ्ञ’न्ति; येपि ते ब्राह्मणानं पुब्बका इसयो मन्तानं कत्तारो मन्तानं पवत्तारो येसमिदं एतरहि ब्राह्मणा पोराणं मन्तपदं गीतं पवुत्तं समिहितं तदनुगायन्ति तदनुभासन्ति भासितमनुभासन्ति वाचितमनुवाचेन्ति सेय्यथिदं – अट्ठको वामको वामदेवो वेस्सामित्तो यमतग्गि अङ्गीरसो भारद्वाजो वासेट्ठो कस्सपो भगु, तेपि न एवमाहंसु – ‘मयमेतं जानाम, मयमेतं पस्साम। इदमेव सच्चं, मोघमञ्ञ’न्ति।

४२८. ‘‘सेय्यथापि, भारद्वाज, अन्ध-वेणि परम्परा-संसत्ता - पुरिमोपि न पस्सति, मज्झिमोपि न पस्सति, पच्छिमोपि न पस्सति; एवमेव खो, भारद्वाज, अन्ध-वेणूपमं मञ्ञे ब्राह्मणानं भासितं सम्पज्जति – पुरिमोपि न पस्सति, मज्झिमोपि न पस्सति, पच्छिमोपि न पस्सति। तं किं मञ्ञसि, भारद्वाज , ननु एवं सन्ते ब्राह्मणानं अमूलिका सद्धा सम्पज्जती’’ति?

सत्यरक्षणम् अन्धश्रद्धादिवारणेन

‘‘न ख्व् एत्थ+++(=अत्र)+++, भो गोतम, ब्राह्मणा सद्धायेव पयिरुपासन्ति, अनुस्सवापेत्थ+++(=अनुश्रवाद् अप्यत्र)+++ ब्राह्मणा पयिरुपासन्ती’’ति।

‘‘पुब्बेव खो त्वं, भारद्वाज, सद्धं अगमासि+++(=अगमः)+++, अनुस्सवं इदानि वदेसि। पञ्च खो इमे, भारद्वाज, धम्मा दिट्ठेव+++(=दृष्घा इव)+++ धम्मे द्वेधा विपाका। कतमे पञ्च? सद्धा, रुचि, अनुस्सवो, आकार-परिवितक्को, दिट्ठि-निज्झान-क्खन्ति+++(=दृष्टि-निध्यान-क्षान्ति)+++ – इमे खो, भारद्वाज , पञ्च धम्मा दिट्ठेव धम्मे द्वेधा विपाका।
अपि च, भारद्वाज, सुसद्द-हितंयेव होति, तञ्च होति रित्तं तुच्छं मुसा; नो चेपि सुसद्द-हितं होति, तञ्च होति भूतं तच्छं+++(=तथ्यम्)+++ अनञ्ञथा।
अपि च, भारद्वाज , सुरुचितंयेव होति, तञ्च होति रित्तं तुच्छं मुसा; नो चेपि सुसद्द-हितं होति, तञ्च होति भूतं तच्छं+++(=तथ्यम्)+++ अनञ्ञथा।
अपि च, भारद्वाज , स्वानुस्सुतंयेव होति, तञ्च होति रित्तं तुच्छं मुसा; नो चेपि सुसद्द-हितं होति, तञ्च होति भूतं तच्छं+++(=तथ्यम्)+++ अनञ्ञथा।
अपि च, भारद्वाज , सुपरिवितक्कितंयेव होति, तञ्च होति रित्तं तुच्छं मुसा; नो चेपि सुसद्द-हितं होति, तञ्च होति भूतं तच्छं+++(=तथ्यम्)+++ अनञ्ञथा।
अपि च, भारद्वाज , सुनिज्झायितंयेव होति, तञ्च होति रित्तं तुच्छं मुसा; नो चेपि सुनिज्झायितं होति, तञ्च होति भूतं तच्छं अनञ्ञथा।
सच्चम् अनुरक्खता, भारद्वाज, विञ्ञुना+++(=विज्ञेन)+++ पुरिसेन नालम् एत्थ+++(=अत्र)+++ एकंसेन+++(=एकांशेन)+++ निट्ठं गन्तुं – ‘इदमेव सच्चं, मोघमञ्ञ’’’न्ति।

४२९. ‘‘कित् तावता पन, भो गोतम, सच्चानुरक्खणा होति, कित्तावता सच्चम् अनुरक्खति? सच्चानुरक्खणं मयं भवन्तं गोतमं पुच्छामा’’ति।

‘‘सद्धा चेपि, भारद्वाज, पुरिसस्स होति; ‘एवं मे सद्धा’ति – इति वदं सच्चम् अनुरक्खति [एवमेव सिज्झतीति इति वा, तं सच्चमनुरक्खति (क॰)], नत्व् एव ताव एकंसेन निट्ठं गच्छति – ‘इदमेव सच्चं, मोघमञ्ञ’न्ति [(एत्तावता +++(अनिष्ठया)+++ खो भारद्वाज सच्चानुरक्खणा होति, एत्तावता सच्चमनुरक्खति, एत्तावता च मयं सच्चानुरक्खणं पञ्ञापेम, न त्वेव ताव सच्चानुबोधो होति) (सी॰ स्या॰ कं॰ पी॰)]।
रुचि चेपि, भारद्वाज, पुरिसस्स होति…पे॰…
अनुस्सवो चेपि, भारद्वाज, पुरिसस्स होति…पे॰…
आकार-परिवितक्को चेपि, भारद्वाज, पुरिसस्स होति…पे॰…
दिट्ठि-निज्झान-क्खन्ति+++(=दृष्टि-निध्यान-क्षान्ति)+++ चेपि, भारद्वाज, पुरिसस्स होति; ‘एवं मे दिट्ठि-निज्झान-क्खन्ती’ति – इति वदं सच्चम् अनुरक्खति, नत्वेव ताव एकंसेन निट्ठं गच्छति – ‘इदमेव सच्चं, मोघमञ्ञ’न्ति। एत्तावता खो, भारद्वाज, सच्चानुरक्खणा होति, एत्तावता सच्चमनुरक्खति, एत्तावता च मयं सच्चानुरक्खणं पञ्ञपेम; न त्वेव ताव सच्चानुबोधो होती’’ति।

सत्यानुबोधमार्गः

४३०. ‘‘एत्तावता, भो गोतम, सच्चानुरक्खणा होति, एत्तावता सच्चम् अनुरक्खति, एत्तावता च मयं सच्चानुरक्खणं पेक्खाम। कित्तावता पन, भो गोतम, सच्चानुबोधो होति, कित्तावता सच्चम् अनुबुज्झति? सच्चानुबोधं मयं भवन्तं गोतमं पुच्छामा’’ति।

गुरुपरीक्षा

‘‘इध [इध किर (स्या॰ कं॰ क॰)], भारद्वाज, भिक्खु अञ्ञतरं गामं वा निगमं वा उपनिस्साय विहरति। तम् एनं गहपति वा गहपति-पुत्तो वा उपसङ्कमित्वा तीसु+++(=त्रिषु)+++ धम्मेसु समन्नेसति+++(=समन्वेषति)+++ – लोभनीयेसु धम्मेसु, दोसनीयेसु धम्मेसु, मोहनीयेसु धम्मेसु।

अत्थि नु खो इमस्सायस्मतो तथारूपा लोभनीया धम्मा यथा-रूपेहि लोभनीयेहि धम्मेहि परियादिन्न-चित्तो अजानं वा वदेय्य – जानामीति, अपस्सं वा वदेय्य – पस्सामीति, परं वा +++(जनं)+++ तद् अत्थाय+++(=आस्थाय)+++ समादपेय्य+++(=समादापयेद्)+++ यं परेसं+++(=परेषाम्)+++ अस्स दीघ-रत्तं+++(=रात्रम् → नैकदिनानि)+++ अहिताय दुक्खायाति? तम् एनं सम्-अन्नेसमानो+++(=अन्वेषमाणो)+++ एवं जानाति – ‘नत्थि खो इमस्सायस्मतो तथारूपा लोभनीया धम्मा यथारूपेहि लोभनीयेहि धम्मेहि परियादिन्न-चित्तो - अजानं वा वदेय्य – जानामीति, अपस्सं वा वदेय्य – पस्सामीति, परं वा तदत्थाय समादपेय्य यं परेसं अस्स दीघरत्तं अहिताय दुक्खाय [दुक्खायाति (सब्बत्थ)]। तथारूपो [तथा (सी॰ स्या॰ कं॰ पी॰)] खो पन्+++(=पुनर्)+++ इमस्सायस्मतो काय-समाचारो तथारूपो [तथा (सी॰ स्या॰ कं॰ पी॰)] वची-समाचारो यथा तं अलुद्धस्स। यं खो पन अयमायस्मा धम्मं देसेति, गम्भीरो सो धम्मो दुद्दसो दुरनुबोधो सन्तो +++(अ)+++पणीतो अतक्कावचरो निपुणो पण्डितवेदनीयो; न सो धम्मो सुदेसियो लुद्धेना’’’ति।

४३१. ‘‘यतो नं समन्नेसमानो विसुद्धं लोभनीयेहि धम्मेहि समनुपस्सति ततो नं+++(=ननु)+++ उत्तरि समन्नेसति दोसनीयेसु धम्मेसु। अत्थि नु खो इमस्सायस्मतो तथारूपा दोसनीया धम्मा यथारूपेहि दोसनीयेहि धम्मेहि परियादिन्नचित्तो अजानं वा वदेय्य – जानामीति, अपस्सं वा वदेय्य – पस्सामीति, परं वा तदत्थाय समादपेय्य यं परेसं अस्स दीघरत्तं अहिताय दुक्खायाति? तमेनं समन्नेसमानो एवं जानाति – ‘नत्थि खो इमस्सायस्मतो तथारूपा दोसनीया धम्मा यथारूपेहि दोसनीयेहि धम्मेहि परियादिन्नचित्तो अजानं वा वदेय्य – जानामीति, अपस्सं वा वदेय्य – पस्सामीति, परं वा तदत्थाय समादपेय्य यं परेसं अस्स दीघरत्तं अहिताय दुक्खाय। तथारूपो खो पनिमस्सायस्मतो कायसमाचारो तथारूपो वचीसमाचारो यथा तं अदुट्ठस्स। यं खो पन अयमायस्मा धम्मं देसेति, गम्भीरो सो धम्मो दुद्दसो दुरनुबोधो सन्तो पणीतो अतक्कावचरो निपुणो पण्डितवेदनीयो; न सो धम्मो सुदेसियो दुट्ठेना’’’ति।

४३२. ‘‘यतो नं समन्नेसमानो विसुद्धं दोसनीयेहि धम्मेहि समनुपस्सति , ततो नं+++(=ननु)+++ उत्तरि समन्नेसति मोहनीयेसु धम्मेसु। अत्थि नु खो इमस्सायस्मतो तथारूपा मोहनीया धम्मा यथारूपेहि मोहनीयेहि धम्मेहि परियादिन्नचित्तो अजानं वा वदेय्य – जानामीति, अपस्सं वा वदेय्य – पस्सामीति, परं वा तदत्थाय समादपेय्य यं परेसं अस्स दीघरत्तं अहिताय दुक्खायाति? तमेनं समन्नेसमानो एवं जानाति – ‘नत्थि खो इमस्सायस्मतो तथारूपा मोहनीया धम्मा यथारूपेहि मोहनीयेहि धम्मेहि परियादिन्नचित्तो अजानं वा वदेय्य – जानामीति, अपस्सं वा वदेय्य – पस्सामीति, परं वा तदत्थाय समादपेय्य यं परेसं अस्स दीघरत्तं अहिताय दुक्खाय। तथारूपो खो पनिमस्सायस्मतो कायसमाचारो तथारूपो वचीसमाचारो यथा तं अमूळ्हस्स। यं खो पन अयमायस्मा धम्मं देसेति, गम्भीरो सो धम्मो दुद्दसो दुरनुबोधो सन्तो पणीतो अतक्कावचरो निपुणो पण्डितवेदनीयो; न सो धम्मो सुदेसियो मूळ्हेना’’’ति।

सत्यानुबोध-प्राप्ति-मार्गः

‘‘यतो नं+++(=ननु)+++ समन्नेसमानो विसुद्धं मोहनीयेहि+++(भ्यो)+++ धम्मेहि+++(भ्यो)+++ समनुपस्सति ;
अथ तम्हि सद्धं+++(=श्रद्धां)+++ निवेसेति,
सद्धा-जातो उपसङ्कमति, उपसङ्कमन्तो पयिरुपासति,
पयिरुपासन्तो सोतं+++(=श्रोत्रं)+++ ओदहति+++(=अवदधाति)+++, ओहित-सोतो धम्मं सुणाति,
सुत्वा धम्मं धारेति,
धतानं [धारितानं (क॰)] धम्मानं अत्थं उपपरिक्खति, अत्थं उप-परिक्खतो धम्मा निज्झानं+++(=निध्यानं)+++ खमन्ति+++(=क्षमन्ते)+++,
धम्म-निज्झान-क्खन्तिया सति छन्दो जायति, छन्दजातो उस्सहति, उस्सहित्वा तुलेति,
तुलयित्वा पदहति+++(=उपदधाति)+++,
पहितत्तो समानो कायेन चेव परम-सच्चं सच्छि+++(=साक्षी)+++-करोति पञ्ञाय च नं अतिविज्झ पस्सति।

एत्तावता खो, भारद्वाज, सच्चानुबोधो होति, एत्तावता सच्चमनुबुज्झति, एत्तावता च मयं सच्चानुबोधं पञ्ञपेम; न त्वेव ताव+++(त्)+++ सच्चानुप्पत्ति होती’’ति।

सत्यानुपत्ति-विस्तारः

४३३. ‘‘एत्तावत्ता, भो गोतम, सच्चानुबोधो होति, एत्तावता सच्चमनुबुज्झति, एत्तावता च मयं सच्चानुबोधं पेक्खाम। +++(सत्यानुबोधात् परं हि तनुपत्तिर् भवेत्।)+++ कित्तावता पन, भो गोतम, सच्चानुप्पत्ति होति, कित्तावता सच्चम् अनुपापुणाति? सच्चानुप्पत्तिं मयं भवन्तं गोतमं पुच्छामा’’ति।

‘‘तेसं ये , भारद्वाज, धम्मानं आसेवना भावना बहुली-कम्मं सच्चानुप्पत्ति होति। एत्तावता खो, भारद्वाज, सच्चानुप्पत्ति होति, एत्तावता सच्चमनुपापुणाति, एत्तावता च मयं सच्चानुप्पत्तिं पञ्ञपेमा’’ति।

उपधानम्

४३४. ‘‘एत्तावता, भो गोतम, सच्चानुप्पत्ति होति, एत्तावता सच्चमनुपापुणाति, एत्तावता च मयं सच्चानुप्पत्तिं पेक्खाम। सच्चानुप्पत्तिया पन, भो गोतम, कतमो धम्मो बहुकारो? सच्चानुप्पत्तिया बहुकारं धम्मं मयं भवन्तं गोतमं पुच्छामा’’ति।

‘‘सच्चानुप्पत्तिया खो, भारद्वाज, +++(उ)+++पधानं बहुकारम्। नो चेतं +++(उ)+++पदहेय्य+++(=उपदध्यात्)+++, नयिदं सच्चम् अनुपापुणेय्य। यस्मा च खो पदहति तस्मा सच्चम् अनुपापुणाति। तस्मा सच्चानुप्पत्तिया +++(उ)+++पधानं बहुकार’’न्ति।

तुलना

‘‘पधानस्स पन, भो गोतम, कतमो धम्मो बहुकारो? +++(उ)+++पधानस्स बहुकारं धम्मं मयं भवन्तं गोतमं पुच्छामा’’ति।

‘‘+++(उ)+++पधानस्स खो, भारद्वाज, तुलना बहुकारा। नो चेतं तुलेय्य, नयिदं +++(उ)+++पदहेय्य। यस्मा च खो तुलेति तस्मा +++(उ)+++पदहति। तस्मा +++(उ)+++पधानस्स तुलना बहुकारा’’ति।

उत्साहः

‘‘तुलनाय पन, भो गोतम, कतमो धम्मो बहुकारो? तुलनाय बहुकारं धम्मं मयं भवन्तं गोतमं पुच्छामा’’ति।

‘‘तुलनाय खो, भारद्वाज, उस्साहो बहुकारो। नो चेतं उस्सहेय्य, नयिदं तुलेय्य। यस्मा च खो उस्सहति तस्मा तुलेति। तस्मा तुलनाय उस्साहो बहुकारो’’ति।

छन्दः

‘‘उस्साहस्स पन, भो गोतम, कतमो धम्मो बहुकारो? उस्साहस्स बहुकारं धम्मं मयं भवन्तं गोतमं पुच्छामा’’ति।

‘‘उस्साहस्स खो, भारद्वाज, छन्दो बहुकारो। नो चेतं छन्दो जायेथ, नयिदं उस्सहेय्य। यस्मा च खो छन्दो जायति तस्मा उस्सहति। तस्मा उस्साहस्स छन्दो बहुकारो’’ति।

धर्म-निध्यान-क्षान्तिः

‘‘छन्दस्स पन, भो गोतम, कतमो धम्मो बहुकारो ? छन्दस्स बहुकारं धम्मं मयं भवन्तं गोतमं पुच्छामा’’ति।

‘‘छन्दस्स खो, भारद्वाज, धम्म-निज्झान-क्खन्ति बहुकारा। नो चेते धम्मा निज्झानं खमेय्युं, नयिदं छन्दो जायेथ। यस्मा च खो धम्मा निज्झानं खमन्ति तस्मा छन्दो जायति। तस्मा छन्दस्स धम्मनिज्झानक्खन्ति बहुकारा’’ति।

उपपरीक्षा

‘‘धम्मनिज्झानक्खन्तिया पन, भो गोतम, कतमो धम्मो बहुकारो? धम्मनिज्झानक्खन्तिया बहुकारं धम्मं मयं भवन्तं गोतमं पुच्छामा’’ति।

‘‘धम्म-निज्झान-क्खन्तिया खो, भारद्वाज, अत्थ् +ऊप-परिक्खा बहुकारा। नो चेतं अत्थं उप-परिक्खेय्य, नयिदं धम्मा निज्झानं खमेय्युम्। यस्मा च खो अत्थं उप-परिक्खति तस्मा धम्मा निज्झानं खमन्ति। तस्मा धम्मनिज्झानक्खन्तिया अत्थ् ऊपपरिक्खा बहुकारा’’ति।

धारणा

‘‘अत्थूपपरिक्खाय पन, भो गोतम, कतमो धम्मो बहुकारो? अत्थूपपरिक्खाय बहुकारं धम्मं मयं भवन्तं गोतमं पुच्छामा’’ति।

‘‘अत्थूपपरिक्खाय खो, भारद्वाज, +++(स्मृतौ)+++ धम्म-धारणा बहुकारा। नो चेतं धम्मं धारेय्य, नयिदं अत्थं उपपरिक्खेय्य। यस्मा च खो धम्मं धारेति तस्मा अत्थं उपपरिक्खति। तस्मा अत्थूपपरिक्खाय धम्मधारणा बहुकारा’’ति।

श्रवणम्

‘‘धम्मधारणाय पन, भो गोतम, कतमो धम्मो बहुकारो? धम्मधारणाय बहुकारं धम्मं मयं भवन्तं गोतमं पुच्छामा’’ति।

‘‘धम्मधारणाय खो, भारद्वाज, धम्मस्सवनं बहुकारम्। नो चेतं धम्मं सुणेय्य, नयिदं धम्मं धारेय्य। यस्मा च खो धम्मं सुणाति तस्मा धम्मं धारेति। तस्मा धम्मधारणाय धम्मस्सवनं बहुकार’’न्ति।

श्रोत्रवधानम्

‘‘धम्मस्सवनस्स पन, भो गोतम, कतमो धम्मो बहुकारो? धम्मस्सवनस्स बहुकारं धम्मं मयं भवन्तं गोतमं पुच्छामा’’ति ।

‘‘धम्मस्सवनस्स खो, भारद्वाज, सोतावधानं बहुकारम्। नो चेतं सोतं ओदहेय्य, नयिदं धम्मं सुणेय्य। यस्मा च खो सोतं ओदहति तस्मा धम्मं सुणाति। तस्मा धम्मस्सवनस्स सोतावधानं बहुकार’’न्ति।

पर्युपासना

‘‘सोतावधानस्स पन, भो गोतम, कतमो धम्मो बहुकारो? सोतावधानस्स बहुकारं धम्मं मयं भवन्तं गोतमं पुच्छामा’’ति।

‘‘सोतावधानस्स खो, भारद्वाज, पयिरुपासना बहुकारा। नो चेतं पयिरुपासेय्य, नयिदं सोतं ओदहेय्य। यस्मा च खो पयिरुपासति तस्मा सोतं ओदहति। तस्मा सोतावधानस्स पयिरुपासना बहुकारा’’ति।

उपसङ्क्रमणम्

‘‘पयिरुपासनाय पन, भो गोतम, कतमो धम्मो बहुकारो? पयिरुपासनाय बहुकारं धम्मं मयं भवन्तं गोतमं पुच्छामा’’ति।

‘‘पयिरुपासनाय खो, भारद्वाज, उपसङ्कमनं बहुकारम्। नो चेतं उपसङ्कमेय्य, नयिदं पयिरुपासेय्य। यस्मा च खो उपसङ्कमति तस्मा पयिरुपासति। तस्मा पयिरुपासनाय उपसङ्कमनं बहुकार’’न्ति।

श्रद्धा

‘‘उपसङ्कमनस्स पन, भो गोतम, कतमो धम्मो बहुकारो? उपसङ्कमनस्स बहुकारं धम्मं मयं भवन्तं गोतमं पुच्छामा’’ति।

‘‘उपसङ्कमनस्स खो, भारद्वाज, सद्धा बहुकारा। नो चेतं सद्धा जायेथ, नयिदं उपसङ्कमेय्य। यस्मा च खो सद्धा जायति तस्मा उपसङ्कमति। तस्मा उपसङ्कमनस्स सद्धा बहुकारा’’ति।

उपसंहारः

४३५. ‘‘सच्चानुरक्खणं मयं भवन्तं गोतमं अपुच्छिम्ह, सच्चानुरक्खणं भवं गोतमो ब्याकासि; तञ्च पन् अम्हाकं रुच्चति चेव खमति च तेन चम्ह अत्तमना।

सच्चानुबोधं मयं भवन्तं गोतमं अपुच्छिम्ह, सच्चानुबोधं भवं गोतमो ब्याकासि; तञ्च पनम्हाकं रुच्चति चेव खमति च तेन च् अम्ह अत्तमना।

सच्चानुप्पत्तिं मयं भवन्तं गोतमं अपुच्छिम्ह, सच्चानुप्पत्तिं भवं गोतमो ब्याकासि; तञ्च पनम्हाकं रुच्चति चेव खमति च तेन चम्ह अत्तमना ।

सच्चानुप्पत्तिया बहुकारं धम्मं मयं भवन्तं गोतमं अपुच्छिम्ह, सच्चानुप्पत्तिया बहुकारं धम्मं भवं गोतमो ब्याकासि; तञ्च पनम्हाकं रुच्चति चेव खमति च तेन चम्ह अत्तमना।

यंयदेव च मयं भवन्तं गोतमं अपुच्छिम्ह तंतदेव भवं गोतमो ब्याकासि; तञ्च पन् अम्हाकं रुच्चति चेव खमति च तेन च् अम्ह अत्तमना। मयञ्हि, भो गोतम, पुब्बे एवं जानाम – ‘के च मुण्डका समणका इब्भा+++(=इभ्या → दस्यवः)+++ कण्हा+++(=कृष्णाः)+++ बन्धु-पादापच्चा+++(=बन्धुपादापत्यानि)+++, के च धम्मस्स अञ्ञातारो’ति?+++(५)+++

अजनेसि वत मे भवं गोतमो समणेसु समण-पेमं, समणेसु समण-पसादं, समणेसु समण-गारवम्।

’’ ति।

चङ्कीसुत्तं निट्ठितं पञ्चमम्।