महाभारते विश्वासटिप्पन्यः

೦೧೪ ನಕ್ಕನಸುರವಿರೋಧಿ ಮುನಿ ...{Loading}...

ನಕ್ಕನಸುರವಿರೋಧಿ ಮುನಿ ಹಾ
ಯಿಕ್ಕಿದನಲಾ ಬಲೆಯನಕಟಾ
ಸಿಕ್ಕಿದಿರಲಾ ಸ್ವಾಮಿದ್ರೋಹರು ಸದರವೇ ನೃಪರು
ಅಕ್ಕಜದ ಮಖವಿದರ ಚೂಣಿಗೆ
ಚುಕ್ಕಿಯಾಯಿತು ಮನ ಮಹೀಶನ
ಮಕ್ಕಳಾಟಿಕೆಯಾಯ್ತೆನುತ ತೂಗಿದನು ಸಿರಿಮುಡಿಯ ॥14॥

ಸರ್ವ-ಟೀಕೆಗಳು ...{Loading}...

ಗದ್ಯ (ಕ.ಗ.ಪ)

ಯುಧಿಷ್ಠಿರನ ಮಾತನ್ನಾಲಿಸಿದ ಕೃಷ್ಣ ಪರಿಹಾಸ ಮಾಡಿಕೊಂಡು ನಗುತ್ತಾ “ಹಾ ! ನಾರದ ಮುನಿ ಬಲೆ ಹಾಕಿಬಿಟ್ಟನಲ್ಲ ! ಅಯ್ಯೋ ನೀವು ಸಿಕ್ಕಿಹಾಕಿಕೊಂಡಿರಲ್ಲ ! ನೀವು ಸ್ವಾಮಿದ್ರೋಹರಾದಿರಿ ! ರಾಜರನ್ನು ಗೆಲ್ಲುವುದೆಂದರೇನು ಅಷ್ಟು ಸುಲಭವೇ ? ಅತಿಶಯವಾದ ಯಾಗವಿದು. ಮೊಟ್ಟ ಮೊದಲಿಗೇ ಯುಧಿಷ್ಠಿರ ರಾಜನ ಮನಸ್ಸು ಯಾಗವನ್ನು ಗುರಿಯಾಗಿಸಿಕೊಂಡಿತು. ಇದು ಮಕ್ಕಳಾಟದಂತೆ ಆಗಿಬಿಟ್ಟಿತಲ್ಲ ಎಂದು ಕೃಷ್ಣ ವಿನೋದದಿಂದ ತಲೆದೂಗಿದ.

ಗದ್ಯ (ಕ.ಗ.ಪ)

ಇವರಲ್ಲಿ ಕೆಲವರು ನಮ್ಮ ಕೈಯಲ್ಲಿ ಕೊಲೆಗೂ ಭಂಗಕ್ಕೂ ಗುರಿಯಾದವರು. ಗರ್ವದಿಂದ ಮೆರೆದವರಿಗೆ ಮಾರಿಯಂತಿರುವ ಮಾಗಧ (ಜರಾಸಂಧ) ಪಕ್ಕಕ್ಕೆ ಸರಿಯುವವನಲ್ಲ. ಕಂಸನನ್ನು ಕೊಂದಮೇಲೆ ಮಗಧರೊಡನೆ ಬದ್ಧ ದ್ವೇಷವುಂಟಾಗಿ ಅವನ ಕಾಟವನ್ನು ತಡೆಯಲಾರದೆ ಅವನೊಡನೆ ಹೋರಾಡಲಾರದೆ ಸಮುದ್ರದ ನಡುವೆ ಊರನ್ನು ಕಟ್ಟಿಕೊಂಡೆವು. ರಾಜ.

ಪದಾರ್ಥ (ಕ.ಗ.ಪ)

ತೊಳಸು-ಕಾಟ, ತೋಟಿ-ಹೋರಾಟ
ಕೆಲವರಿದರೊಳು-ಇವರಲ್ಲಿ ಕೆಲವರು, ನಮ್ಮ ಕೈಯಲಿ-ನನ್ನ ಕೈಯಿಂದ, ಕೊಲೆಗೆ ಭಂಗಕೆ ಬಂದು ಬಿಟ್ಟರು-ಕೊಲೆಗೆ ಗುರಿಯಾದರು,
ಸೋಲಿಗೆ ಅಪಮಾನಕ್ಕೆ ಗುರಿಯಾದರು, ಇನ್ನೊಬ್ಬ ಮಲೆವರ ಮಾರಿ-ಪ್ರತಿಭಟಿಸುವವರಲ್ಲಿ, ಮಾರಿ-ಮಾರಿಯಂತಿರುವನು,
ಮಾಗಧನು-ಜರಾಸಂಧನು, ಕೆಲಕೆ ಸರಿವವನಲ್ಲ-ಪಕ್ಕಕ್ಕೆ ಜರುಗುವವನಲ್ಲ, ಹಾಗಾಗಿ ಎಮಗೆ ಬಲವದ್ವರೋಧದ ತೊಳಸು ಬಿದ್ದುದು-ಅವನೊಡನೆ, ನನಗೆ ಬಲಿಷ್ಠವಾದ ಶತ್ರುವಿನ ತೊಡಕುಂಟಾಯಿತು, ತೋಟಿಗಾರದೆ-ಅವನೊಡನೆ ಯುದ್ಧಮಾಡಲಾಗದೆ, ಜಲಧಿ ಮಧ್ಯದಲೂರ ಕಟ್ಟಿದೆವರಸ-ಸಮುದ್ರದ ನಡುವೆ, ಊರನ್ನು ನಿರ್ಮಿಸಿಕೊಂಡೆನಯ್ಯ

ಟಿಪ್ಪನೀ (ಕ.ಗ.ಪ)

ಮಾಗಧ (ಜರಾಸಂಧ)
ಜರಾಸಂಧ :
ಮಹಾಭಾರತದಲ್ಲಿ ಬರುವ ಮಹಾಪ್ರಬಲ ಚಕ್ರವರ್ತಿಗಳಲ್ಲಿ ಜರಾಸಂಧ ಪ್ರಮುಖನಾದವನು. ಬಿಹಾರದ ರಾಜಗೃಹ ಎಂಬ ನಗರವೇ ಈತನ ರಾಜಧಾನಿ. ಹಿಂದಿನ ಮಗಧ ರಾಜಧಾನಿಯ ದೊರೆ ಬೃಹದ್ರಥನ ಮಗನೇ ಈ ಜರಾಸಂಧ.
ಬೃಹದ್ರಥನಿಗೆ ಇಬ್ಬರು ಹೆಂಡಿರಿದ್ದರು. ಮಕ್ಕಳಿರಲಿಲ್ಲ. ಚಂಡಕೌಶಿಕನೆಂಬ ಮುನಿಮಂತ್ರಿಸಿಕೊಟ್ಟ ಮಾವಿನಹಣ್ಣನ್ನು ಇಬ್ಬರು ಪತ್ನಿಯರಿಗೂ ಹಂಚಿದ್ದಿರಂದ ಇಬ್ವರಿಗೂ ಒಂದೊಂದು ಹೋಳಾಗಿ ಮಗು ಹುಟ್ಟಿತು. ಬೇಸರದಿಂದ ಆ ಹೋಳುಗಳನ್ನು ಸ್ಮಶಾನದಲ್ಲಿ ಎಸೆದು ಬರುವಂತೆ ದೊರೆ ಆಜ್ಞೆ ಮಾಡಿದ. ಆದರೆ ಅರಮನೆಯಲ್ಲಿ ವಿಶೇಷ ಪೂಜೆಬರುವಂತೆ ದೊರೆ ಆಜ್ಞೆ ಮಾಡಿದ. ಆದರೆ ಅರಮನೆಯಲ್ಲಿ ವಿóಶೇಷಪೂಜೆ ಪಡೆಯುತ್ತಿದ್ದ ರಾಕ್ಷಸಿ ಜರೆ ಎಂಬುವಳು ಆ ಎರಡು ಹೋಳುಗಳನ್ನು ಕೂಡಿಸಿ ಮಗುವಿಗೆ ಜೀವ ಬರಿಸಿ ‘ಜರಾಸಂಧ’ ಎಂದು ಹೆಸರಿಟ್ಟಳು.
ಗಿರಿವ್ರಜವನ್ನು ರಾಜಧಾನಿಯನ್ನಾಗಿ ಮಾಡಿಕೊಂಡು ಜರಾಸಂಧನು ಮಹಾಬಲಶಾಲಿಯಾಗಿದ್ದನು. ಈತನ ಅಳಿಯನೇ ಕಂಸ. ಅವನೂ ರಾಕ್ಷಸ. ವಿಪ್ರಚಿತ್ತಿ ಎಂಬ ರಾಕ್ಷ ವಂಶದಿಂದ ಬಂದ ಜರಾಸಂಧನೂ ರಾಕ್ಷ¸ನೇ. ಇವನಿಗೆ ಶ್ರೀಕೃಷ್ಣನ ಮೇಲೆ ಅಪಾರ ದ್ವೇಷವಿತ್ತು.
ತನ್ನ ಅಳಿಯನನ್ನು ಕೃಷ್ಣನು ಕೊಂದ ಮೇಲಂತೂ ಅವನಿಗೆ ಕೃಷ್ಣ ದ್ವೇಷ ಮತ್ತಷ್ಟೂ ಹೆಚ್ಚಾಯಿತು. ಶ್ರೀ ಕೃಷ್ಣ ಎಲ್ಲಿಗೆ ಹೋದರೂ ಅಟ್ಟಿಸಿಕೊಂಡು ಹೋಗಿ ಕೊಲ್ಲುವ ಪ್ರಯತ್ನ ನಡೆಸಿದ ಇವನ ಪೀಡೆಯನ್ನು ಸಹಿಸಲಾಗದೆ ಶ್ರೀಕೃಷ್ಣನು ಚೌರಾಶೀತಿ (ಎಂಬತ್ತನಾಲ್ಕು) ದುರ್ಗಗಳಿಗೆ ಓಡಿ ತಲೆ ಮರೆಸಿಕೊಲ್ಳಬೇಕಾಗಿತ್ತು. ಹದಿನೆಂಟು ದುರ್ಗಗಳಿಗೆ ಓಡಿ ತಲೆ ಮರೆಸಿಕೊಳ್ಳ್ಳಬೇಕಾಗಿತ್ತು. ಹದಿನೆಂಟು ಬಾರಿ ಮಧುರೆಗೆ ಮುತ್ತಿಗೆ ಹಾಕಿದ ಈ ಜರಾಸಂಧ ಕೊನೆಯಬಾರಿ ನಗರವನ್ನು ಸುಟ್ಟುಹಾಕಿದ.
ಶ್ರೀಕೃಷ್ಣ, ಬಲರಾಮರು ಮತ್ತು ಯಾದವರು ಜರಾಸಂಧನ ಹಿಂಸೆ ತಡೆಯಲಾರದೆ ಅನರ್ತ ದೇಶಕ್ಕೆ ವಲಸೆ ಬಂದು ದ್ವಾರಕಾ ನಗರದಲ್ಲಿ ವಾಸ ಮಾಡಬೇಕಾಯಿತು. ಅಲ್ಲಿ ಸಮುದ್ರ ವ್ಯಾಪಾರದಲ್ಲಿ ತೊಡಗಿ ಯಾದವ ಜನಾಂಗ ಪ್ರವರ್ಧಮಾನಕ್ಕೆ ಬಂದಿತು.
ಈ ಕಡೆ ಜರಾಸಂಧನು ಭೈರವನನ್ನು ಮೆಚ್ಚಿಸಲು ‘‘ಪುರುಷಮೇಧ’’ ಎಂಬ ಯಜ್ಞ ಮಾಡಬೇಕೆಂದು ಎಂಬತ್ತಾರು ಸಾವಿರ ಮಂದಿ ರಾಜಕುಮಾರರನ್ನು ಸೆರೆಮನೆಯಲ್ಲಿ ಇರಿಸಿದ್ದನು.
ಶ್ರೀಕೃಷ್ಣ ಉಪಾಯವಾಗಿ ಜರಾಸಂಧನ ಮಂತ್ರಿಗಳಾಗಿದ್ದ ಹಂಸ-ಡಿಬಿಕರನ್ನು ಕೊಂದ. ಮುಂದೆ ರಾಜಸೂಯ ಯಾಗದ ಸಂದರ್ಭದ್ಲಿ ಭೀಮಾರ್ಜುನರನ್ನು ಕರೆದುಕೊಂಡು ಬ್ರಾಹ್ಮಣ ವೇಷದಲ್ಲಿ ಬಂದು ಸಾಕಷ್ಟು ದಾಂಧಲೆ ಮಾಡಿ ಕೊನೆಗೆ ಭೀಮ ಜರಾಸಂಧರ ನಡುವೆ ದ್ವಂದ್ವ ಯುದ್ಧ ಮಾಡಿಸಿದ.
ಎಪ್ಪತ್ತನಾಲ್ಕು ವರ್ಷದ ಜರಾಸಂಧ ಭಯಂಕವಾಗಿ ಹನ್ನೊಂದು ದಿನಗಳವರೆಗೆ ಭೀಮನೆದುರು ಹೋರಾಡಿ ಸತ್ತ. ಅವನ ದೇಹವನ್ನು ಎರಡು ಭಾಗ ಮಾಡಿ ಅಸಂಗತವಾಗಿ ಜಡಿಸಿ ಜರಾಸಂಧನನ್ನು ಕೊಂದು ಹಾಕಿದ. ಮಹೇಶ್ವರ ಯಾಗಕ್ಕಾಗಿ ಜರಾಸಂಧನು ಬಂಧಿಸಿದ್ದ ರಾಜಪುತ್ರರೆಲ್ಲರ ಬಿಡುಗಡೆಯಾಯಿತು.
ನರಮೇಧ ನಿಂತಿತು. ಜರಾಸಂಧನಂಥ ಲೋಕಘಾತಕನನ್ನು ಮೊದಲು ಕೊಲ್ಲಿಸಿದ್ದರಿಂದ ಪಾಂಡವರ ರಾಜಸೂಯಯಾಗ ನಿರ್ವಿಘ್ನವಾಗಿ ನಡೆಯಿತು.

ಮೂಲ ...{Loading}...

ಕೆಲವರಿದರೊಳು ನಮ್ಮ ಕೈಯಲಿ
ಕೊಲೆಗೆ ಭಂಗಕೆ ಬಂದು ಬಿಟ್ಟರು
ಕೆಲಕೆ ಸರಿವವನಲ್ಲ ಮಲೆವರ ಮಾರಿ ಮಾಗಧನು
ಬಳಿಕೆಮಗೆ ಬಲವದ್ವಿರೋಧದ
ತೊಳಸು ಬಿದ್ದುದು ತೋಟಿಗಾರದೆ
ಜಲಧಿ ಮಧ್ಯದಲೂರ ಕಟ್ಟಿದೆವರಸ ಕೇಳೆಂದ ॥18॥

೦೧೯ ಮಾವದೇವನ ಮುರಿದಡಾತನ ...{Loading}...

ಮಾವದೇವನ ಮುರಿದಡಾತನ
ದೇವಿಯರು ಬಳಿಕೆಮ್ಮ ದೂರಿದ
ರಾ ವಿಗಡ ಮಗಧಂಗೆ ಮಧುರೆಯ ಮೇಲೆ ದಂಡಾಯ್ತು
ನಾವು ನಾನಾ ದುರ್ಗದಲಿ ಸಂ
ಭಾವಿಸಿದೆವಾತನನು ನಿಮ್ಮೊಡ
ನಾವು ಕೂಡಿದಡಾತ ಮುನಿಯನೆ ಭೂಪ ಕೇಳ್ ಎಂದ ॥19॥

ಸರ್ವ-ಟೀಕೆಗಳು ...{Loading}...

ಗದ್ಯ (ಕ.ಗ.ಪ)

ಮಾವ ಕಂಸನನ್ನು ಕೊಂದಮೇಲೆ ಅವನ ಪತ್ನಿಯರು ಉದ್ಧಟನಾದ ಮಾಗಧನಲ್ಲಿ ದೂರಿದರು. ಆತ ಮಧುರೆಯ ಮೇಲೆ ದಂಡೆತ್ತಿ ಬಂದ. ನಾನಾ ದುರ್ಗಗಳಲ್ಲಿ ಅವರೊಡನೆ ಹೋರಾಡಿ ಸೋತೆವು. ಈಗ ನಿಮ್ಮೊಡನೆ ನಾವು ಸೇರಿದರೆ ಅವನಿಗೆ ಕೋಪ ಬಾರದೆ, ರಾಜ?

ಪದಾರ್ಥ (ಕ.ಗ.ಪ)

ವಿಗಡ-ಉದ್ಧಟ
ಮಾವದೇವನ ಮುರಿದೊಡೆ-ಸೋದರ ಮಾವನಾದ ಕಂಸನನ್ನು ಕೊಲ್ಲಲಾಗಿ, ಆತನ ದೇವಿಯರು-ಅವನ ರಾಣಿಯರು, ಎಮ್ಮ ದೂರಿದರೆ-ನನ್ನ ಮೇಲೆ ದೂರು ಹೇಳಲು, ಆ ವಿಗಡ-ಆ ಉದ್ಧಟನಾದ ಜರಾಸಂಧ, ಮಧುರೆಯ ಮೇಲೆ ದಂಡಾಯ್ತು-ಮಧುರೆಯ ಮೇಲೆ ದಂಡೆತ್ತಿ ಬಂದ, ಯಾದವರಾದ ನಾವು ನಾನಾ ದುರ್ಗದಲಿ-ನಾನಾ ಕೋಟೆಗಳಲ್ಲಿ, ಸಂಭಾವಿಸಿದೆವು-ಎದುರಿಸಿ ಹೋರಾಡಿದೆವು, ನಿಮ್ಮೊಡನೆ ನಾವು ಕೂಡಿದಡೆ-ನಾವು ನಿಮ್ಮ ಜೊತೆ ಸೇರಿದರೆ, ಆತ ಮುನಿಯನೆ-ಅವನಿಗೆ ನಮ್ಮ ಮೇಲೆ ಕೋಪಬರುವುದಿಲ್ಲವೇ?

ಟಿಪ್ಪನೀ (ಕ.ಗ.ಪ)

ಕಂಸನ ಹೆಂಡತಿಯರಿಬ್ಬರೂ ಜರಾಸಂಧನ ಮಕ್ಕಳು. ಕಂಸನನ್ನು ಕೊಂದನೆಂಬುದರಿಂದಲೇ ಜರಾಸಂಧನಿಗೆ ಕೃಷ್ಣನ ಮೆಲೆ ಹಗೆ.

ಮೂಲ ...{Loading}...

ಮಾವದೇವನ ಮುರಿದಡಾತನ
ದೇವಿಯರು ಬಳಿಕೆಮ್ಮ ದೂರಿದ
ರಾ ವಿಗಡ ಮಗಧಂಗೆ ಮಧುರೆಯ ಮೇಲೆ ದಂಡಾಯ್ತು
ನಾವು ನಾನಾ ದುರ್ಗದಲಿ ಸಂ
ಭಾವಿಸಿದೆವಾತನನು ನಿಮ್ಮೊಡ
ನಾವು ಕೂಡಿದಡಾತ ಮುನಿಯನೆ ಭೂಪ ಕೇಳೆಂದ ॥19॥

೦೨೦ ಅರಸ ಕೇಳ್ನೂರೊನ್ದು ...{Loading}...

ಅರಸ ಕೇಳ್ನೂರೊಂದು ವಂಶದ
ಧರಣಿಪರು ಮಾಗಧನ ಮನೆಯಲಿ
ಸೆರೆಯಲೈದರೆ ಬಿಡಿಸಬೇಕು ನಿರಂತರಾಯದಲಿ
ದುರುಳನವ ಭಗದತ್ತ ಬಾಹ್ಲಿಕ
ನರಕ ವೃದ್ಧಕ್ಷತ್ರ ಮೊದಲಾ
ದರಸುಗಳು ಬಲಗರ್ವಿತರಸಂಖ್ಯಾತರಹರೆಂದ ॥20॥

ಸರ್ವ-ಟೀಕೆಗಳು ...{Loading}...

ಗದ್ಯ (ಕ.ಗ.ಪ)

ಅರಸ ಕೇಳು, ನೂರೊಂದು ವಂಶಗಳ ರಾಜರು ಜರಾಸಂಧನ ಬಳಿ ಬಂಧನದಲ್ಲಿದ್ದಾರೆ. ಅವರಿಗೆ ಯಾವ ತೊಂದರೆಯೂ ಉಂಟಾಗದಂತೆ ಅವರನ್ನು ಬಿಡಿಸಬೇಕು. ಆ ಭಗದತ್ತನೂ ದುಷ್ಟ. ಬಾಹ್ಲಿಕ, ನರಕ, ವೃದ್ಧಕ್ಷತ್ರ ಇವರುಗಳು ಬಲಶಾಲಿಗಳಾಗಿ ಗರ್ವಿಷ್ಠರಾಗಿದ್ದಾರೆ. ಇಂಥವರು ಅಸಂಖ್ಯಾತರಿದ್ದಾರೆ.

ಗದ್ಯ (ಕ.ಗ.ಪ)

ಆ ನಡು ರಾತ್ರಿಯಲ್ಲಿ ಜರೆಯೆಂಬ ರಾಕ್ಷಸಿ ಮಾಂಸವನ್ನು ಹುಡುಕಿಕೊಂಡು ಬರುತ್ತಾ ಊರಾಚೆ ಮಿಡುಕುತ್ತಾ ಬಿದ್ದಿದ್ದ ಮಗುವಿನ ಎರಡು ಸೀಳುಗಳನ್ನು ನೋಡಿದಳು. ಸೀಳಿ ಅದೇಕೆ ತಿನ್ನದೆ ಬಿಟ್ಟರೋ ಎಂದು ಕುತೂಹಲಗೊಂಡು ಕೈಗೆ ತೆಗೆದುಕೊಂಡು ಆ ಶಿಶುವಿನ ಆ ಎಡಬಲ ಭಾಗಗಳನ್ನು ನೋಡಿದಳು.

ಗದ್ಯ (ಕ.ಗ.ಪ)

ಅದಕ್ಕೆ ಕೃಷ್ಣ, “ಕೇಳಿ ಏನು ಮಾಡುತ್ತ್ತೀಯೆ ? ನಾನು ಅಸುರರನ್ನೆಲ್ಲ ಧೂಳೀಪಟ ಮಾಡುವ ಶತ್ರು. ಈತ ನಾಲ್ಕೂ ಕಡೆಗಳಿಂದ ಆಕ್ರಮಣ ಮಾಡುವ ಶತ್ರುರಾಜರುಗಳನ್ನು ಏಕಕಾಲದಲ್ಲಿ ಎದುರಿಸಬಲ್ಲ ಭೀಮ. ಈತ ಭಾಳನೇತ್ರನಾದ ಪರಮೇಶ್ವರನ ಬಾಹುಬ¯ಕ್ಕೆ ಸಮಾನ ಬಲನಾದ ಅರ್ಜುನ. ನಮ್ಮಲ್ಲಿ ಯಾರಾದರೊಬ್ಬರೊಡನೆ ಹೋರಾಡು” ಎಂದನು

ಗದ್ಯ (ಕ.ಗ.ಪ)

ಬಗೆ ಬಗೆಯ ಪಟ್ಟುಗಳಲ್ಲಿ ಒಬ್ಬರನೊಬ್ಬರು ಸಿಕ್ಕಿಸಿಕೊಳ್ಳಲು ಹೆಣಗಿದಾಗ ಒಬ್ಬರಿಗೊಬ್ಬರು ಸಿಕ್ಕರೂ ಕೈಮೀರಿ ಹೋಗುವರು.
ಇದ್ದ ಸ್ಥಾನವನ್ನು ಠಕ್ಕಿನಿಂದ ತಿರಿಮುರಿವುಗಳನ್ನು ಮಾಡಿ ಮಂಡಿಗಳ ಸೂಕ್ಷ್ಮ ಚಲನವಲನಗಳಿಂದ ತಪ್ಪಿಸಿಕೊಳ್ಳುತ್ತಿದ್ದರು. ಒಂದು ಕೈಯಲ್ಲಿ, ಎರಡು ಕೈಗಳಲ್ಲಿ ಬಲವಾಗಿ ವಿವಿಧ ಚಾತುರ್ಯಗಳಿಂದ ಒಬ್ಬರನ್ನೊಬ್ಬರು ಹಿಡಿದರು.
ಸೂಚನೆ: ಇದರಲ್ಲಿ ಬರುವ ಎಲ್ಲ ಶಬ್ದಗಳು ಮಲ್ಲಯುದ್ಧದ ನಾನಾವಟ್ಟುಗಳಿಗೆ ಅನ್ವಯಿಸುವುವು.

ಗದ್ಯ (ಕ.ಗ.ಪ)

ಅನಂತರ ಆ ಮಾಗಧನ ಮಗ ಸಹದೇವನು ರಥಗಳನ್ನೂ ಕುದುರೆಗಳನ್ನೂ ಆನೆಗಳನ್ನೂ ತುಂಬ ಸಂಪತ್ತನ್ನೂ ಶ್ರೀಕೃಷ್ಣನಿಗೆ ಒಪ್ಪಿಸಿಕೊಟ್ಟ. ಶ್ರೀಕೃಷ್ಣ ಅವನಿಗೆ ರಾಜ್ಯವನ್ನೊಪ್ಪಿಸಿ ಉಳಿದೆಲ್ಲ ರಾಜರುಗಳನ್ನೂ ಕಳಿಸಿಕೊಟ್ಟು ಭೀಮಾರ್ಜುನರೊಡನೆ ಇಂದ್ರಪ್ರಸ್ಥ ನಗರಿಗೆ ಹಿಂತಿರುಗಿದ.

ಪದಾರ್ಥ (ಕ.ಗ.ಪ)

ಶಕ್ರ-ದೇವೆಂದ್ರ
ಮಗಧ ನಂದನನ-ಸಹದೇವನ, ತೇರುಗಳ-ರಥಗಳನ್ನು, ತೇಜಿಗಳನು-ಕುದುರೆಗಳನ್ನು, ಆ ಭಂಡಾರವನು ಗಜಘಟೆ ಸಹಿತ-ಆನೆಗಳ ಸೈನ್ಯದೊಡಗೂಡಿ, ವಿಸ್ತಾರ ವಿಭವವನು ಒಪ್ಪುಗೊಂಡರು-ವಿಶಾಲ ಸಂಪತ್ತನ್ನು ಸ್ವೀಕರಿಸಿದರು, ಧಾರುಣಿಯನವಗಿತ್ತು-ರಾಜ್ಯವನ್ನು ಅವನಿಗೆ ಒಪ್ಪಿಸಿ, ಸಕಳ ಮಹೀರಮಣರನು ಕಳುಹಿ-ಅಮಸ್ತರಾಜರನ್ನೂ ಬೀಳ್ಕೊಂಡು, ವೀರನಾರಾಯಣನು-ಕೃಷ್ಣನು, ಶಕ್ರಪ್ರಸ್ಥಪುರವರಕೆ-ಇಂದ್ರಪ್ರಸ್ಥ ಪಟ್ಟಣಕ್ಕೆ, ಬಂದನು-ಭೀಮಾರ್ಜುನರೊಡನೆ ಬಂದು ಸೇರಿದನು

ಮೂಲ ...{Loading}...

ತೇರುಗಳ ತೇಜಿಗಳನಾ ಭಂ
ಡಾರವನು ಗಜಘಟೆ ಸಹಿತ ವಿ
ಸ್ತಾರ ವಿಭವವನೊಪ್ಪುಗೊಂಡರು ಮಗಧ ನಂದನನ
ಧಾರುಣಿಯನವಗಿತ್ತು ಸಕಳ ಮ
ಹೀರಮಣರನು ಕಳುಹಿ ಬಂದನು
ವೀರನಾರಾಯಣನು ಶಕ್ರಪ್ರಸ್ಥಪುರವರಕೆ ॥129॥