०१ भगवत्साक्षात्कारस्यापि योग्यतानुसारित्वम्

ॐ प्रज्ञान्तरपृथक्त्ववद्दृष्टिश्च तदुक्तम् ॐ

॥ अय दर्शनभेदाधिकरणम् ॥

भगवत्साक्षात्कारस्यापि योग्यतानुसारित्वम्

ॐ प्रज्ञान्तरपृथक्त्ववद्दृष्टिश्च तदुक्तम् ॐ

सुधा

ॐ प्रज्ञान्तरपृथक्त्ववद्दृष्टिश्च तदुक्तम् ॐ ॥ एतद्व्याख्यातं भाष्ये उपासनाभेदवद्दर्शनभेद इति । तदस्पष्टम् । दर्शनभेदे मूलकारणस्यानुक्तत्वात् । ततो व्याख्याति दृष्टिरपीति ।

अनुव्याख्यानम्

ॐ प्रज्ञान्तरपृथक्त्ववद्दृष्टिश्च तदुक्तम् ॐ ॥

………. दृष्टिरपि योग्यानुसारतः ॥ ३३३२ ॥

नानाविधेति शेषः ॥ ३३३२ ॥

वाक्यार्थचन्द्रिका

उपासनाभेदस्य दर्शनेभदे कारणस्योक्तेः कथं तस्यानुक्तिरित्यत उक्तं मूलेति । योऽयमुपासनभेदः कारणमुक्तो नासौ मूलकारणं यच्च मूलकारणं स्वरूपयोग्यताख्यमुपासनभेदेऽपि नियामकं तदत्र नोक्तमित्यर्थः ॥ ३३३२ ॥

॥ इति दर्शनभेदाधिकरणम् ॥