०१ तारतम्यसमर्थनम्

ॐ यावदधिकारमवस्थितिराधिकारिकाणाम् ॐ

॥ अथ यावदधिकाराधिकरणम् ॥

तारतम्यसमर्थनम्

ॐ यावदधिकारमवस्थितिराधिकारिकाणाम् ॐ

सुधा

ॐ यावदधिकारमवस्थितिराधिकारिकाणाम् ॐ ॥ एतद्यथा यथेत्यादिना भाष्ये व्याख्यातम् । तदविस्पष्टम् । अधिकारविस्य कारणत्वानभिधानात् । मुक्तावित्युक्त्या संसारे नैवमिति प्रतीतेः । आनन्दमात्रग्रहणाद्गुणानन्तरव्यावृत्तिप्राप्तेः । धर्मिणामनिर्देशाच्च । अतः स्पष्टं व्याचष्टे अधिकारेति ।

अनुव्याख्यानम्

ॐ यावदधिकारमवस्थितिराधिकारिकाणाम् ॐ ॥

अधिकारविशेषेण भक्तिज्ञानसुखादिभिः ॥

विशेषो देवतादीनां ……. ……..

अधिकारो योग्यता । अत्र सामान्योक्त्या मुक्तौ संसारे चेति गम्यते । तर्हि मुक्ताविति कस्मादुक्तमित्यत आह मोक्षे चेति ।

…… ……. मोक्षे चैव वितः ॥

चस्त्वर्थः । वितस्तु मोक्ष एवेत्यन्वयः । संसारे विक्षेपवशाद्योग्यतानुसारित्वं किञ्चिद्विहन्यते । मोक्षे तदभावाद्योग्यतानुसार्येव नियमेन भक्त्यादिकं भवतीत्यतो मुक्तावित्युक्तमिति ।

***परिमल ***

यावदधिकारमवस्थितिः ॥ मुक्ताविति कस्मादुक्तमिति । भाष्य इत्यस्ति ॥

अक्षरधियां त्विति ॥ एतदप्यविशदमिति । भाष्य इति वर्तते ।