नारायणं गुणैः सर्वैरुदीर्णं दोषवर्जितम्

नारायणं गुणैः सर्वैरुदीर्णं दोषवर्जितम्।

विष्णुरेव विजिज्ञास्यः सर्वकर्ताऽगमोदितः।

समन्वयादीक्षतेश्च पूर्णानन्दोऽन्तरः खवत्‌॥ १॥

प्रणेता ज्योतिरित्याद्यैः प्रसिद्धैरन्यवस्तुषु।

उच्यते विष्णुरेवैकः सर्वैः सर्वगुणत्वतः॥ २॥

सर्वगोऽत्ता नियन्ता च दृश्यत्वाद्युज्झितः सदा।

विश्वजीवान्तरत्वाद्यैर्लिङ्गैः सर्वैर्युतः स हि॥ ३॥

सर्वाश्रयः पूर्णगुणः सोऽक्षरः सन्‌ हृदब्जगः।

सूर्यादिभासकः प्राणप्रेरको दैवतैरपि॥ ४॥

ज्ञेयो न वेदैः शूद्रादैः कम्पकोऽन्यश्च जीवतः।

पतित्वादिगुणैर्युक्तस् तदन्यत्र च वाचकैः॥ ५॥

मुख्यतः सर्वशब्दैश्च वाच्य एको जनार्दनः।

अव्यक्तः कर्मवाच्यैश्च वाच्य एकोऽमितात्मकः॥ ६॥

अवान्तरं कारणं च प्रकृतिः शून्यमेव च।

इत्याद्यन्यत्र नियतैरपि मुख्यतयोदितः।

शब्दैरतोऽनन्तगुणो यच्छब्दा योगवृत्तयः॥ ७॥

॥ इति ॥

समस्तगुणसम्पूर्णं सर्वदोषविवर्जितम्

॥ श्रीः ॥

श्रीराघवेन्द्रतीर्थविरचिता

ब्रह्मसूत्राणुभाष्यविवृतिः

ॐ समस्तगुणसम्पूर्णं सर्वदोषविवर्जितम् ।

लक्ष्मीनारायणं वन्दे भक्ताभीष्टफलप्रदम् ॥ १ ॥

संसारक्लेशसंश्रान्तसज्जनावनत्पराः ।

दयालवो महान्तस्तान् गुरून्नत्वा गिरंभजे ॥ २ ॥

ग्रन्थोऽयमपि बहर्थो भाष्यं चात्यर्थविस्तरम् ।

इत्युक्तिसाम्यात्सङ्क्षेपभाष्यं चात्यर्थविस्तरम् ॥ ३ ॥

अनन्तोऽर्थः प्रकटितस्त्वयाणौ भाष्यसङ्ग्रहे ।

इत्याहुः श्रीमदानन्दतीर्थार्यौपसदा अपि ॥ ४ ॥

अतोऽनेकार्थयुक्तस्य नैतद्भाष्यस्य विस्तृतौ ।

शक्तोस्म्यथापि लेशेन व्यारव्यां कुर्यां यथामति ॥ ५ ॥

सूत्रार्थं हृदि कृत्वैव भाष्यार्थं सम्प्रकाशये ।

अविक्षेपेण बोधार्थं बुध्यन्तां तद्विवेकिनः ॥ ६ ॥