देवमुखात्

पद्मपुराणाद् इति -

गुरोरभावे विप्रेन्द्र
मन्त्रग्रहणमुच्यते ॥

कृष्णपक्षे चतुर्दश्यां
दक्षिणामूर्तिसंनिधौ । तालपत्रे मनुं लिख्य
स्थापयेच्च तदग्रतः ॥ …(१)

संपूज्य दक्षिणामूर्तिम्
उपचारैः प्रयत्नतः । पायसं विनिवेद्याथ
प्रणमेद् दण्डवत् ततः ॥ ..(२)

तालपत्रं समालोक्य
पठेद् अष्टोत्तरं शतम् । एवं गृहीतो मंत्रः स्याद्
गुरोर् अपि विशिष्यते । ..(३)

गुरौ संभाविता दोषाः
प्रायेण तु कलौ युगे । एवं गृहीतो मंत्रः स्यात्
सर्वसिद्धिप्रदो नृणाम् ॥