२४ स्त्री-सङ्ग्रहणम्

विश्वास-प्रस्तुतिः - २४।१

पारुष्यं द्विविधं प्रोक्तं
साहसं च द्वि-लक्षणम्।
पाप-मूलं सङ्ग्रहणं
त्रि-प्रकारं निबोधत ॥ २४।१ ॥

मूलम् - २४।१

विश्वास-प्रस्तुतिः - २४।२

बलोपाधि-कृते द्वे तु
तृतीयम् अनुरागजम्।
तत् पुनस् त्रिविधं प्रोक्तं
प्रथमं मध्यमोत्तमम् ॥ २४।२ ॥

मूलम् - २४।२

विश्वास-प्रस्तुतिः - २४।३

अनिच्छन्त्या यत् क्रियते
सुप्तोन्मत्त-प्रमत्तया।
प्रलपन्त्या वा रहसि
बलात् कार-कृतं तु तत् ॥ २४।३ ॥

मूलम् - २४।३

विश्वास-प्रस्तुतिः - २४।४

छद्मना गृहम् आनीय
दत्त्वा वा मद्य-कार्मणम्।
संयोगः क्रियते यस्यास्
तद्-उपाधि-कृतं विदुः ॥ २४।४ ॥

मूलम् - २४।४

विश्वास-प्रस्तुतिः - २४।५

अन्योन्य-चक्षूरागेण
दूती-सम्प्रेषणेन च।
कृतं रूपार्थ-लोभेन
ज्ञेयं तद्-अनुराग-जम् ॥ २४।५ ॥

मूलम् - २४।५

तत् पुनस् त्रिविधं प्रोक्तं
प्रथमं मध्यमोत्तमम्।
अपाङ्ग-प्रेक्षणं हास्यं
दूती-सम्प्रेषणं तथा \
स्पर्शो भूषण-वस्त्राणां # सङ्ग्रहः प्रथमः स्मृतः ॥ २४।६ ॥

विश्वास-प्रस्तुतिः - २४।७

प्रेषणं गन्ध-माल्यानां
धूपम् अध्वन्न् अवाससाम्।
सम्भाषणं च रहसि
मध्यमं सङ्ग्रहं विदुः ॥ २४।७ ॥

मूलम् - २४।७

विश्वास-प्रस्तुतिः - २४।८

एक-शाय्यासनं क्रीडा
चुम्बना-लिङ्गनं तथा।
एतत् सङ्ग्रहणं प्रोक्तम्
उत्तमं शास्त्र-वेदिभिः ॥ २४।८ ॥

मूलम् - २४।८

विश्वास-प्रस्तुतिः - २४।९

प्रेषणं गन्ध-माल्यानां
धूप-भूषण-वाससाम्।
प्रलोभनं चान्न-पानैर्
मध्यमः सङ्ग्रहः स्मृतः ॥ २४।९ ॥

मूलम् - २४।९

विश्वास-प्रस्तुतिः - २४।१०

प्रेषणं गन्ध-माल्यानां
फल-मद्यान्न-वाससाम्।
सम्भाषणं च रहसि
मध्यमं सङ्ग्रहं विदुः ॥ २४।१० ॥

मूलम् - २४।१०

विश्वास-प्रस्तुतिः - २४।११

त्रयाणाम् अपि चैतेषां
प्रथमो मध्य उत्तमः।
विनयः कल्पनीयः स्याद्
अधिको द्रविणाधिके ॥ २४।११ ॥

मूलम् - २४।११

विश्वास-प्रस्तुतिः - २४।१२

परपत्न्या तु पुरुषः
सम्भाषां योजयन् रहः।
पूर्वम् आक्षारितो दोषैः
प्राप्नुयात् पूर्व-साहसम् ॥ २४।१२ ॥

मूलम् - २४।१२

विश्वास-प्रस्तुतिः - २४।१३

सहमायः कामयते
धनं तस्याखिलं हरेत्।
उत्कृत्य लिङ्ग-वृषणौ
भ्रामयेद् गर्दभेन तु ॥ २४।१३ ॥

मूलम् - २४।१३

विश्वास-प्रस्तुतिः - २४।१४

छद्मना कामयेद् यस् तु
तस्य सर्व-हरो दमः।
अङ्कयित्वा भगाङ्गेन
पुरान् निर्वासयेत् ततः ॥ २४।१४ ॥

मूलम् - २४।१४

विश्वास-प्रस्तुतिः - २४।१५

दमो नेयः सभायां यो
हीनायाम् अधिकस् ततः।
पुंसः कार्यो ऽधिकायां तु
गमने सम्प्रमापणम् ॥ २४।१५ ॥

मूलम् - २४।१५

विश्वास-प्रस्तुतिः - २४।१६

गृहम् आगत्य या नारी
प्रलोभ्य स्पर्शनादिना।
कामयेत् तत्र सा दण्ड्या
नरस्यार्ध-दमः स्मृतः ॥ २४।१६ ॥

मूलम् - २४।१६

विश्वास-प्रस्तुतिः - २४।१७

छिन्न-नासौष्ठ-कर्णानां
परिभ्राम्याप्सु मज्जयेत्।
खादयेद् वा सारमेयैः
संस्थाने बहु-संस्थिते ॥ २४।१७ ॥

मूलम् - २४।१७

विश्वास-प्रस्तुतिः - २४।१८

अनिच्छन्ती तु या भुक्ता
गुप्तां तां वासयेद् गृहे।
मलिनाङ्गीम् अधः शय्यां
पिण्ड-मात्रोपजीविनीम् ॥ २४।१८ ॥

मूलम् - २४।१८

विश्वास-प्रस्तुतिः - २४।१९

कारयेन् निष्कृतिं कृच्छ्रं
पराकं वा समे गताम्।
हीन-वर्णोपभुक्ता या
त्याज्या वध्याथ वा भवेत् ॥ २४।१९ ॥

मूलम् - २४।१९