सूर्योद्देशेनोपवासंसंकल्प्य
देवदारूशीर्कुंकुमैलामनःशिलापद्मकाष्ठतण्डुलान्मधुगव्याभ्याम्पेषयित्वाक्षीरालोडितेनकल्केनाङ्गंविलिप्यस्नायात् तत्रमंत्रः
आपस्त्वमसिदेवेशज्योतिषांपतिरवेच । पापं नाशयमेदेववाङ्मनःकायकर्मजम् १
ततःपञ्चगव्येनस्नात्वापञ्चपल्लवैर्मार्जयित्वामृत्तिकास्नानंकुर्यात्
तर्पणादिनित्यविधिंकृत्वावरुणंपूजयित्वासर्वतोभद्रमध्येकलशोपरितण्डुलादौपद्मं
लिखित्वातस्याष्टसुपुत्रेषुपूर्वादौसूर्यतपनंस्वर्णरेतसंरविमादित्यंदिवाकरंप्रभाकरं
सूर्यमित्यावाह्यमध्येसौवर्णरथेसूर्यमग्रेऽरुणंचावाह्यकरवीरार्कादिपुष्पैर्धूपादिभिःसंपूजयेत्
दिक्पालादिदेवताःसंपूज्यद्वा दशार्घ्यान्सूर्यायदद्यात् सविस्तरःपूजाविधिर्द्वादशार्घ्यमन्त्राश्चकौस्तुभेज्ञेयाः
सूर्याग्रे प्रभाकरनमस्तुभ्यंसंसारान्मांसमुद्धर । भक्तिमुक्तिप्रदोयस्मात्तस्माच्छान्तिं प्रयच्छमे १
नमोनमस्तेवरद ऋक्सामयजुषांपते । नमोस्तुविश्वरूपायविश्वधात्रे नमोस्तुते २ इति प्रार्थ्य
उदुत्यमित्यादिसौरसूक्तानिजपित्वारात्रौजागरणं
कृत्वाप्रातराकृष्णेनेतिमन्त्रेणार्कसमिच्चर्वाज्यतिलैःप्रतिद्रव्यमष्टोत्तरशतंहुत्वाघण्टादिसर्वालंकारयुतांकपिलांगांमन्त्रैःसंपूज्य
विप्रायदद्यात् गोपूजामन्त्राःकौस्तुभेदानमन्त्रस्तु नमस्तेकपिलेदेविसर्वपापप्रनाशिनि । संसारार्णवमग्नमां गोमातस्रातुमर्हसि १
वस्त्रयुगच्छन्नांसघण्डामित्यादिविशेषणान्युक्त्वा इमांगांतुभ्यमहंसंप्रददे इति दत्वासुवर्णदक्षिणांदद्यात्
ततस्तस्मैविप्रायरथंसूर्यप्रतिमांचदद्यात् तत्रमन्त्रः दिव्यमूर्तिर्जगच्चक्षुर्द्वादश्यात्मादिवाकरः ।
कपिलासहितोदेवोमममुक्तिप्रयच्छतु १ यथात्वं कपिलेपुण्यासर्वलोकस्यपावनी ।
प्रदत्तासहसूर्येणमममुक्तिप्रदाभव २ इत्यादि ततःकपिलाप्रार्थनादिविस्तारः कौस्तुभे
अथवोपोषणजागरहोमादिविधिमकृत्वाषष्ठ्यामेवस्नानरथादिपूजनकपिलादानादिकार्यम्
इति संक्षेपतः कपिलाषष्ठीव्रतविधिः इति श्रीमदनन्तोपाध्यायसूनुकाशीनाथोपाध्यायविरचिते
धर्मसिन्धुसारेभाद्रपदमासकृत्यनिर्णयोद्देशः ।