काव्ये विश्वासटिप्पन्यः

निम्ब किं बहुनोक्तेन निष्फलानि फलानि ते।¹
यानि सञ्जातपाकानि काका निःशेषयन्त्यमी॥ 155 ॥

²यश्च निम्बं परशुना यश्चैनं मधुसर्पिषा।
यश्चैनं गन्धमाल्याद्यैः सर्वलस्य कटुरेव स॥ 156 ॥

पश्यानुरूपमिन्दिन्दिरेण³ माकन्दशेखरो मुखरः।
अपि च पिचुमन्दमुकुले मौ⁴कुलिकुलामाकुलं मिलति॥ 157 ॥

चित्रं चित्रं बत बत महच्चित्रमेतद्विचित्रं जातो दैवादुचितघटनासंविधाता विधाता।
यन्निम्बानां परिणतफलस्फी⁵तिरास्वादनीया यच्चैतस्याः ¹कवलनकलाकोविदः काकलोकः॥ 158 ॥

यस्मादर्थिजनो मनोभिलषितं लब्ध्वा मुदा मेदुरः सार्धं बन्धुजनैश्चकार विविधान्भोगान्विलासोद्धुरः।
तं दैवेन विवेकशून्यमनसा निर्मूल्य चूतद्रुमं स्थाने तस्य तु काकलोक⁶वसतिर्निम्बः समारोपितः॥ 159 ॥

व्यर्थानि. ↩︎ ↩︎
अत्र वृश्चति सिञ्चति अर्चति इत्यध्याहारेण वाक्यानि पूरणीयानि. ↩︎
भ्रमरेण. ↩︎
काककुलम्. ↩︎
समृद्धिः. ↩︎
निवासः. ↩︎