नमामि मामनोनुन्नमानं मुनिममानिनम्।
नानाननममानाममोंनामानमुमेनमुम्॥ 1 ॥
तारतारतरैरेतैरुत्तरोत्तरतो रुतैः।
रतार्ता तित्तिरी रौति तीरे तीरे तरौ तरौ॥ 2 ॥
तनुता तनुतां नीता तेन ते नीतनीतिना।
नाता नूतनता तान्तिं तनौ तेनातनोति नः॥ 3 ॥
या माता ममता माया मा परोक्षक्षरोपमा।
तारोने गगनेऽरो तामक्षगछछगक्षम॥ 4 ॥
सरस्वतिप्रसादं मे स्थितिं चित्तसरस्वति।
सरस्वति कुरु क्षेत्रकुरुक्षेत्रसरस्वति॥ 5 ॥
संसार साकन्दर्पेण कन्दर्पेण ससारसा।
शरं नवाना बिभ्राणा नाबिभ्राणा शरन्नवा॥ 6 ॥
मारारिशक्ररामेभमुखैरासाररंहसा।
सारारब्धस्तवा नित्यं तदर्तिहरणक्षमा॥ 7 ॥
माता नतानां सङ्घट्टेः श्रियां बाधितसम्भ्रमा।
भान्याथ सीमा रामाणं शं मे दिश्यादुमादिजा॥ 8 ॥
सरला बहलारम्भतरलालिबलारवा।
वारलाबहलामन्दकरला बहलामला॥ 9 ॥
भासते प्रतिमासाररसाभाताहताविता।
भावितात्मा शुभा वादे देवाभा बत ते सभा॥ 10 ॥
मारमासुषमा चारु रुचा मारवधूत्तमा।
मात्तधूर्ततमावासा सा वामा मेऽस्तु मा रमा॥ 11 ॥
रसा साररसा सार सायताक्ष क्षतायसा।
सातावात तवातासा रक्षतस्त्वस्त्वतक्षर॥ 12 ॥
यदानतोऽयदानतो नयात्ययं न यात्ययम्।
शिवे हितां शिवेहितां स्मरामितां स्मरामि ताम्॥ 13 ॥
अम्नायानामाहान्त्यावागीतिर्नीतिर्भीतिः प्रीतिः।
भोगो रोगो मोदो मोहो ध्येयेच्चेच्छेत्क्षेमे देशे॥ 14 ॥
नागविशेषे शेषे शेषेऽशेषेति संहृते जगति।
हंस्यसिकालं कालंका लङ्कालङ्घने स्तुतिर्भवतः॥ 15 ॥
विनायमेनो नयतासुखादिना विना यमेनोनयता सुखादिना।
महाजनोऽदीयत मानसादरं महाजनोदीयतमानसादरम्॥ 16 ॥
विश्वस्य हेतुरमरैर्बहु गीयसे त्वं विश्वम्भरे शिवशिवे त्रिगुणात्ममूर्ते।
चिद्व्योमतोऽपि परमां प्रथमां वदन्ति त्वां योगिनः स्तुतिपराः प्रणिधानदृष्ट्या॥ 17 ॥
पायाद्वः करणोऽरणो रणरणो राणो रणोवारणो दत्ता येन रमारमारमरमा रामारमाः सा रमा।
स श्रीमानुदयोदयो दयदयो दायोदयोदेदयो विष्णुर्जिष्णुरभीरभीरभिरभीराभीरभीसारभीः॥ 18 ॥