२० पर्वतवर्णनम्

अयमतिजरठाः[^1] प्रकामगुर्वीरलघुविलम्बि¹पयोधरोपरुद्धाः।
सततमसुमतामगम्यरूपाः ²परिणतदिक्करिकास्तटीर्बिभर्ति॥ 1 ॥

(1. (गिरिपक्षे) कठिनाः; (वृद्धवेश्यापक्षे) जीर्णाः.)

अयमभिनवमेघश्यामलोत्तुङ्गसानुर्मदमुखरमयूरीमुक्त³सम्सक्तकेकः।
शकुनिश⁴बलनी⁵डानोकहस्निग्ध⁶वर्ष्मा वितरति ⁷बृहदश्मा पर्वतः प्रीतिमक्ष्णोः॥ 2 ॥

दधति ⁸कुहरभाजामत्र भल्लूकयूना⁹मनुरसितगुरूणि ¹⁰स्त्यानमम्बू¹¹कृतानि।
शिशिरकटुकषायः ¹²स्त्यायते ¹³सल्लकीनामिभ¹⁴दलित¹⁵विकीर्ण¹⁶ग्रन्थिनिष्यन्दगन्धः॥ 3 ॥

इह समदशकुन्ताक्रान्तवानी¹⁷रवीरुत्प्र¹⁸सवसुरभिशीतस्वच्छतोया वहन्ति।
फलभर¹⁹परिणामश्यामजम्बूनिकुञ्जस्खलनमुखरभूरिस्रोतसो निर्झरिण्यः॥ 4 ॥

एते ते गिरिकूटसङ्घटशिलासङ्घट्टशीर्णाम्भसः प्रेङ्खच्चामरचारुसीकरकणस्मेरा दरीनिर्झराः।
यत्पातेषु निकुञ्जकुञ्जरमुखभ्रश्यन्मृणालाङ्कुरग्रासोद्ग्रन्थितटं रटन्ति परितः कण्ठीरवा भैरवम्॥ 5 ॥