भगवदनभ्युपगमनं दैवतचैतन्यनिह्न1वश्चैषाम्।
कर्मश्रद्धावर्धकतत्प्राधान्यप्रदर्शनायैव॥ 1 ॥
आगमरूपविचारिण्यधिकरणसहस्रशिक्षितविपक्षे।
स्वामिनि जैमिनियोगिन्युपरज्यति हृदयमस्मदीयमिदम्॥ 2 ॥
शबरकुमारिलगुरवो मण्डनभवदेवपार्थ2सारथयः।
अन्ये च विश्वमान्या जयन्ति सन्त्रायमाणतन्त्रास्ते॥ 3 ॥
नैयायिका वा ननु शाब्दिका वा 3त्रयीशिरःसु श्रमशालिनो वा।
4वादाहवे बिभ्रति जैमिनीयन्या5योपरोधे सति मौनमुद्राम्॥ 4 ॥
आदौ धर्मे प्रमाणं विविधविधिभिदाशेषतां च प्रयुक्तिं पौर्वापर्याधिकारौ तदनु 6बहुविधं चातिदेशं तथोहम्।
बाधं तन्त्रं प्रसङ्गं नयमनयशतैः सम्यगालोचयद्भो भिन्ना मीमांसकेभ्यो विदधति भुवि के सादरं वेदरक्षाम्॥ 5 ॥