पश्योदञ्चदवाञ्चद् अञ्चितवपुः पूर्वार्धपश्चार्धभाक्
स्तब्धोत्तानितपृष्ठनिष्ठितमनाग्भुग्नार्धलाङ्गुलभृत् ।
दंष्ट्राकोटिविशङ्कटास्यकुहरः कुर्वन् सटाम् उत्कराम्
उत्कर्णः कुरुते क्रमं करिपतौ क्रूराकृतिः केशरी ॥२०१६॥
सुबन्धोः । (सु।र। १६५५, व्, प्। ४९)
उच्छ्मश्रुर् व्यात्तवक्त्रः प्रविततरसनापल्लवालीढसृक्का
पि गोऽग्रभ्रान्तनेत्रः पुलकिततरलोत्तानला गूलनालः ।
कुत्राप्य् अक्लान्तिगामी क्वचिद् अतिपिहितः क्वापि तु गाग्रमात्रश्
चित्रव्याघ्रोऽयम् आप्तुं प्रमदवनमृगीतर्णकांस् तूर्णम् एति ॥२०१७॥
योगेश्वरस्य ।
आकुब्जीकृतपृष्ठम् उन्नतवलद्वक्त्राग्रपुच्छं भयाद्
अन्तर्वेश्मनिवेशितैकनयनं निष्कम्पकर्णद्वयम् ।
लालाकीर्णविदीर्णसृक्कविकचद्दंष्ट्राकरालाननः
श्वा निःश्वासनिरोधपीवरगलो मार्जारम् आस्कन्दति ॥२०१८॥
तस्यैव । (सु।र। ११६३)
दुर्वारकेलिकलैम्भभयाद् इदानीं
व्यालम्बिलोलकुचकम्बलभारमन्दा ।
सन्दश्य विश्लथम् उदञ्चयता मुखेन
शावं शुनी नयति शालिपलालकूटम् ॥२०१९॥
शुभाङ्कस्य ।
विलेभ्यो निष्क्रान्तं प्रतिनवहरिद्रारसनिभं
पिर्यापृष्ठाश्लेषप्रणयि कृतसम्पन्नवजले ।
स्वरान् सानुस्वारान् विविधतदवस्थाविघटितं
कुलं मण्डूकानाम् उदयगलगण्डं विकुरुते ॥२०२०॥
तस्यैव ।