काव्ये विश्वासटिप्पन्यः

विश्वास-प्रस्तुतिः - २२०१

वरं मृतो न तु क्षुद्रस् तथापि महद् अन्तरम् ।
एकस्य बन्धुर् नादत्ते नामान्य् अस्याखिलो जनः ॥२२०१॥

मूलम् - २२०१

शब्दार्णवस्य । (सु।र। १३२३)

विश्वास-प्रस्तुतिः - २२०२

जीवतापि शवेनेव कृपणन न दीयते ।
मांसं वर्धयतानेन काकस्योपकृतिः कृता ॥२२०२॥

मूलम् - २२०२

जीवतापि शवेनेव कृपणन न दीयते ।
मांसं वर्धयतानेन काकस्योपकृतिः कृता ॥२२०२॥

कविराजस्य । (सु।र। १३२५)

विश्वास-प्रस्तुतिः - २२०३

दृढतरनिबद्धमुष्टेः कोषनिषण्णस्य सहजमलिनस्य ।
कृपणस्य कृपाणस्य च केवलम् आकारतो भेदः ॥२२०३॥

मूलम् - २२०३

गोभटस्य । (सू।मु। ९।१३, सु।र। १३२७)

विश्वास-प्रस्तुतिः - २२०४

असम्भोगेन सामान्यं कृपणस्य धनं परैः ।
अस्येदम् इति सम्बन्धो हानौ दुःखेन गम्यते ॥२२०४॥

मूलम् - २२०४

श्रीव्यासपादानाम् । (सू।मु। ९।१)

विश्वास-प्रस्तुतिः - २२०५

कृपणस्यास्तु दारिद्र्यं कार्पण्यावृतिकारकम् ।
विभवस् तस्य तद्दोषघोषणापटुडिण्डिमः ॥२२०५॥

मूलम् - २२०५

तेषाम् एव । (सु।र। १३२४)