०३५ सज्जनः

अञ्जलिस्थानि पुष्पाणि वासयन्ति करद्वयम् ।
अहो सुमनसां वृत्तिर् वामदक्षिणयोः समा ॥२१७१॥

अञ्जलिस्थानि पुष्पाणि वासयन्ति करद्वयम् ।
अहो सुमनसां वृत्तिर् वामदक्षिणयोः समा ॥२१७१॥

अयं निजः परो वेति गणना लघुचेतसाम् ।
उदारचरितानां तु वसुधैव कुटुम्बकम् ॥२१७२॥

अयं निजः परो वेति गणना लघुचेतसाम् ।
उदारचरितानां तु वसुधैव कुटुम्बकम् ॥२१७२॥

सुजनो न याति वैरं परहितबुद्धिर् विनाशकाले’पि ।
छेदे’पि चन्दनतरुः सुरभयति मुखं कुठारस्य ॥२१७३॥

सुजनो न याति वैरं परहितबुद्धिर् विनाशकाले’पि ।
छेदे’पि चन्दनतरुः सुरभयति मुखं कुठारस्य ॥२१७३॥

असन्तो नाभ्यर्थ्याः सुहृद् अपि न याच्यस् तनुधनः
प्रियावृत्तिर् न्याय्या चरितम् असुभङ्गे’प्य् अमलिनम् ।
विपद्य् उच्चैः स्थेयं पदम् अनुविधेयं च महतां
सतां केनोद्दिष्टं विषममसिधाराव्रतम् इदम् ॥२१७४॥

असन्तो नाभ्यर्थ्याः सुहृद् अपि न याच्यस् तनुधनः
प्रियावृत्तिर् न्याय्या चरितम् असुभङ्गे’प्य् अमलिनम् ।
विपद्य् उच्चैः स्थेयं पदम् अनुविधेयं च महतां
सतां केनोद्दिष्टं विषममसिधाराव्रतम् इदम् ॥२१७४॥

ये दीनेषु दयालवः स्पृशति यान् अल्पो’पि न श्रीमदो
व्यग्रा ये च परोपकारकरणे हृष्यन्ति ये याचिताः ।
स्वस्थाः सत्य् अपि यौवनोदयमहाव्याधिप्रकोपे’पि ये
ते भूमण्डनैकतिलकाः सन्तः कियन्तो जनाः ॥२१७५॥

ये दीनेषु दयालवः स्पृशति यान् अल्पो’पि न श्रीमदो
व्यग्रा ये च परोपकारकरणे हृष्यन्ति ये याचिताः ।
स्वस्थाः सत्य् अपि यौवनोदयमहाव्याधिप्रकोपे’पि ये
ते भूमण्डनैकतिलकाः सन्तः कियन्तो जनाः ॥२१७५॥