००९ करः

उद्दण्डकोकनदकोमलकोशकान्तिः
कान्ताकचग्रहणकण्टकितप्रकोष्ठः ।
मित्रद्विजातिरिपुवर्गविलासिनीनां
सम्मानदानभयभोगकरः करस् ते ॥१४११॥

उद्दण्डकोकनदकोमलकोशकान्तिः
कान्ताकचग्रहणकण्टकितप्रकोष्ठः ।
मित्रद्विजातिरिपुवर्गविलासिनीनां
सम्मानदानभयभोगकरः करस् ते ॥१४११॥

निस्त्रिंशत्रुटितारिवारणघटाकुम्भास्थिकूटावट
स्थानस्थायुकमौक्तिकोत्करकिरः कैर् अस्य नायं करः ।
उन्नीतश् चतुरङ्गसैन्यसमरत्वङ्गत्तुरङ्गक्षुर
क्षुण्णासु क्षितिषु क्षिपन्न् इव यशः क्षौणीजबीजव्रजम् ॥१४१२॥

निस्त्रिंशत्रुटितारिवारणघटाकुम्भास्थिकूटावट
स्थानस्थायुकमौक्तिकोत्करकिरः कैर् अस्य नायं करः ।
उन्नीतश् चतुरङ्गसैन्यसमरत्वङ्गत्तुरङ्गक्षुर
क्षुण्णासु क्षितिषु क्षिपन्न् इव यशः क्षौणीजबीजव्रजम् ॥१४१२॥

अस्माभिः स्मयलोलमौलिफलकैर् मुक्ताविसाराधिपं
वेदोद्धारपरः करस् तव परं दानाम्बुपूतः स्तुतः ।
किन्तु क्ष्मातिलक क्षमस्व कविभिः किं नाम नालोक्यते
दृष्टः स्पष्टतरं तवापि निभृतः पाणौ स वैसारिणः ॥१४१३॥

अस्माभिः स्मयलोलमौलिफलकैर् मुक्ताविसाराधिपं
वेदोद्धारपरः करस् तव परं दानाम्बुपूतः स्तुतः ।
किन्तु क्ष्मातिलक क्षमस्व कविभिः किं नाम नालोक्यते
दृष्टः स्पष्टतरं तवापि निभृतः पाणौ स वैसारिणः ॥१४१३॥

तेषाम् अल्पतरः स कल्पविटपी तेषां न चिन्तामणिश्
चिन्ताम् अप्य् उपयाति कामसुरभिस् तेषां न कामास्पदम् ।
दीनोद्धारधुरीणपुण्यचरितो येषां प्रसन्नो मनाक्
पाणिस् ते धरणीन्द्र सुन्दरयशःसंरक्षिणो दक्षिणः ॥१४१४॥

तेषाम् अल्पतरः स कल्पविटपी तेषां न चिन्तामणिश्
चिन्ताम् अप्य् उपयाति कामसुरभिस् तेषां न कामास्पदम् ।
दीनोद्धारधुरीणपुण्यचरितो येषां प्रसन्नो मनाक्
पाणिस् ते धरणीन्द्र सुन्दरयशःसंरक्षिणो दक्षिणः ॥१४१४॥

देव त्वत्करपल्लवो विजयताम् अश्रान्तविश्राणन
क्रीडास्कन्दितकल्पवृक्षविभवः कीर्तिप्रसूनोज्ज्वलः ।
यस्योत्सर्गजलच्छलेन गलिताः स्यन्दानदानोदक
स्रोतोभिर् विदुषां ललाटलिखिता दैन्याक्षरश्रेणयः ॥१४१५॥

देव त्वत्करपल्लवो विजयताम् अश्रान्तविश्राणन
क्रीडास्कन्दितकल्पवृक्षविभवः कीर्तिप्रसूनोज्ज्वलः ।
यस्योत्सर्गजलच्छलेन गलिताः स्यन्दानदानोदक
स्रोतोभिर् विदुषां ललाटलिखिता दैन्याक्षरश्रेणयः ॥१४१५॥