काव्ये विश्वासटिप्पन्यः

विश्वास-प्रस्तुतिः - १६५१

तुल्यैवेश्वरसेवा कर्म न विद्मः पुराकृतं कीदृक् ।
भृङ्गी यद् अस्थिशेषो भृशतरम् अकृशश् च कूष्माण्डः ॥१६५१॥

मूलम् - १६५१

वाक्पतेः ।

विश्वास-प्रस्तुतिः - १६५२

एको गिरिशः स्वामी गणता तुल्यैव वल्लभत्वं च ।
किं कुर्मः कर्मगतौ शुष्यति भृङ्गी विनायकः पीनः ॥१६५२॥

मूलम् - १६५२

कस्यचित् ।

विश्वास-प्रस्तुतिः - १६५३

कपर्दी भूतिसम्पन्नो जगतीपतिर् अद्वयः ।
धिग् दैवम् अव्ययः सो’पि भृङ्गी शुष्यत्यतो भृशम् ॥१६५३॥

मूलम् - १६५३

अमोघस्य ।

विश्वास-प्रस्तुतिः - १६५४

स्कन्दे मन्दावधानं चरति गणपतौ मौलिपातं न धत्ते
वृन्दे वृन्दारकाणां विनयवति भृशं नादरान् आतनोति ।
किं भूम्ना यश् च देवीं न नमति गिरिजां तस्य निर्व्याजवृत्तेः
क्षीआस्याप्य् एकनिष्ठा जयति भगवती भृङ्गिणस् तस्य भक्तिः ॥१६५४॥

मूलम् - १६५४

उमापतिधरस्य ।

विश्वास-प्रस्तुतिः - १६५५

कूटस्थं श्रवणोपकण्ठविलसत्क्रूरद्विजिह्वाश्रयं
दक्षद्वेषिणम् अङ्घ्रलङ्घितवृषं वैषम्यभीमेक्षणम् ।
ईशं निर्गुणव्ययप्रकृतिकं संसेव्य भृङ्गी चिराद्
यज् जीवत्य् अतिदुर्बलेन वपुषा मन्ये स एवोत्सवः ॥१६५५॥

मूलम् - १६५५

कस्यचित् ।