विश्वास-प्रस्तुतिः - १२५१
आरक्तायतपुष्पबाणनयने स्निग्धाञ्जनश्यामिकां
काश्मीरारुणकर्णिकारकुसुमोत्तंसे महानीलताम् ।
उन्मीलत्तिलकान्तरे मृगमदक्षोदार्द्रबिन्दूपमां
धत्ते मुग्धतमालकान्तिमधुपीवृन्दं वसन्तश्रियः ॥१२५१॥
मूलम् - १२५१
आरक्तायतपुष्पबाणनयने स्निग्धाञ्जनश्यामिकां
काश्मीरारुणकर्णिकारकुसुमोत्तंसे महानीलताम् ।
उन्मीलत्तिलकान्तरे मृगमदक्षोदार्द्रबिन्दूपमां
धत्ते मुग्धतमालकान्तिमधुपीवृन्दं वसन्तश्रियः ॥१२५१॥
उमापतिधरस्य ।
विश्वास-प्रस्तुतिः - १२५२
पिकत्रोटीदात्रत्रुटितसहकाराग्रमुकुल
स्रुतक्षीरक्षीवप्रसृतपवनान्दोलतरला ।
इदानीं वासन्तीदलितकुसुमामोदमुदित
भ्रमद्भृङ्गश्रेणी रणरणकम् अन्तर् वितनुते ॥१२५२॥
मूलम् - १२५२
पिकत्रोटीदात्रत्रुटितसहकाराग्रमुकुल
स्रुतक्षीरक्षीवप्रसृतपवनान्दोलतरला ।
इदानीं वासन्तीदलितकुसुमामोदमुदित
भ्रमद्भृङ्गश्रेणी रणरणकम् अन्तर् वितनुते ॥१२५२॥
कालिदासनन्दिनः ।
विश्वास-प्रस्तुतिः - १२५३
निरानन्दाः कौन्दे मधुनि परिभुक्तोज्झितरसे
वनेष्व् अम्भोजानाम् अविकृतसुखेषु प्रतिहताः ।
इदानीं चूतानां मुकुलमधुषु प्रेमसरसा
नवीनेष्व् आकूतं दधति परिगाढं मधुलिहः ॥१२५३॥
मूलम् - १२५३
निरानन्दाः कौन्दे मधुनि परिभुक्तोज्झितरसे
वनेष्व् अम्भोजानाम् अविकृतसुखेषु प्रतिहताः ।
इदानीं चूतानां मुकुलमधुषु प्रेमसरसा
नवीनेष्व् आकूतं दधति परिगाढं मधुलिहः ॥१२५३॥
नवकरस्य ।
विश्वास-प्रस्तुतिः - १२५४
मल्लिकामुकुले भाति गुञ्जन्मत्तमधुव्रतः ।
प्रयाणे पञ्चबाणस्य शङ्खम् आपूरयन्न् इव ॥१२५४॥
मूलम् - १२५४
मल्लिकामुकुले भाति गुञ्जन्मत्तमधुव्रतः ।
प्रयाणे पञ्चबाणस्य शङ्खम् आपूरयन्न् इव ॥१२५४॥
कस्यचित् । (सा।द। ४।९, शा।प। ३७८६)
विश्वास-प्रस्तुतिः - १२५५
अविरलपरागसैकतमकरन्दतरङ्गिणीम् अनुवनान्तम् ।
पिकयुवतिजानुदध्नीं गाहन्ते मधुपयोषितस् तृषिताः ॥१२५५॥
मूलम् - १२५५
अविरलपरागसैकतमकरन्दतरङ्गिणीम् अनुवनान्तम् ।
पिकयुवतिजानुदध्नीं गाहन्ते मधुपयोषितस् तृषिताः ॥१२५५॥
आवन्तिकजह्नोः ।