काव्ये विश्वासटिप्पन्यः

विश्वास-प्रस्तुतिः - १०२१

उत्तिष्ठ यदि जीवन्तीं माम् इच्छसि तम् आनय ।
अहं नेतुम् अशक्यापि सुदूरम् इदम् अन्तरम् ॥१०२१॥

मूलम् - १०२१

कस्यचित् ।

विश्वास-प्रस्तुतिः - १०२२

कामं निष्करुणं वेत्सि वेत्सि तं बहुवल्लभम् ।
दूति चूताङ्कुरखरा दिशो वेत्सि न वेत्सि किम् ॥१०२२॥

मूलम् - १०२२

कस्यचित् ।

विश्वास-प्रस्तुतिः - १०२३

जीवितं जलतरङ्गविलोलं
यौवनं त्रिचतुराणि दिनानि ।
शारदभ्रतरला तनुकान्तिः
गच्छ दूति वद सत्वरम् एतत् ॥१०२३॥

मूलम् - १०२३

कस्यचित् ।

विश्वास-प्रस्तुतिः - १०२४

यस्मिन् बाष् बाष्पतरङ्गिताश्रुकलुषा दृष्टिर् न सिद्धिं गता
नो हस्तेन विवर्तमानवलयेनालिङ्गितो न स्थितः ।
येन स्त्रीहृदयस्य पद्ममृदुनः सम्भावितो नात्ययस्
तं गत्वा हृदयं किम् अश्मसदृशं त्वं दूति वक्तुं क्षमा ॥१०२४॥

मूलम् - १०२४

कस्यचित् । (स्व् ११८७)

विश्वास-प्रस्तुतिः - १०२५

दूति त्वं तरुणी युवा स चपलः श्यामास् तमोभिर् दिशः
सङ्केतः सरहस्य एष विपिने सङ्केतकावासकः ।
भूयो भूय इमे वसन्तमरुतश् चेतो नयन्त्य् अन्यथा
गच्छ क्षेमसमागमाय निपुणं रक्षन्तु ते देवताः ॥१०२५॥

मूलम् - १०२५

शीलाभट्टारिकायाः । (स्व् ११८८, शा।प। ३४३९, सू।मु। ४१।११)