०६२ गोपीसन्देशः

ते गोवर्धनकन्दराः स यमुनाकच्छः स चेष्टारसो
भाण्डीरः स वमस्पतिः सहचरास् ते तच् च गोष्ठाङ्गनम् ।
किं द्वारवतीभुजङ्ग हृदयं नायाति दोषैर् अपीत्य्
अव्याद् वो हृदि दुःसहं व्रजवधूसन्देशशल्यं हरेः ॥३०६॥

ते गोवर्धनकन्दराः स यमुनाकच्छः स चेष्टारसो
भाण्डीरः स वमस्पतिः सहचरास् ते तच् च गोष्ठाङ्गनम् ।
किं द्वारवतीभुजङ्ग हृदयं नायाति दोषैर् अपीत्य्
अव्याद् वो हृदि दुःसहं व्रजवधूसन्देशशल्यं हरेः ॥३०६॥

पान्थ द्वारवतीं प्रयासि यदि हे तद् देवकीनन्दनो
वक्तव्यः स्मरमोहमन्त्रविवशो गोप्यो’पि नामोज्झिताः ।
एताः केलिकदम्बधूलिपटलैर् आलोकशून्या दिशः
कालिन्दीतटभूमयो भवतो नायान्ति चित्तास्पदम् ॥३०७॥

पान्थ द्वारवतीं प्रयासि यदि हे तद् देवकीनन्दनो
वक्तव्यः स्मरमोहमन्त्रविवशो गोप्यो’पि नामोज्झिताः ।
एताः केलिकदम्बधूलिपटलैर् आलोकशून्या दिशः
कालिन्दीतटभूमयो भवतो नायान्ति चित्तास्पदम् ॥३०७॥

उपनय मसिं पत्रं चेदं लिखामि किम् अत्र वा
त्वम् इति विनयभ्रंशो यूयं त्विति प्रणयक्षतिः ।
सुहृद् इति मृषा नाथेत्य् ऊनं नृपेति तटस्थता
कथम् इति ततः सन्देष्टव्यो मया यदुनन्दनः ॥३०८॥

उपनय मसिं पत्रं चेदं लिखामि किम् अत्र वा
त्वम् इति विनयभ्रंशो यूयं त्विति प्रणयक्षतिः ।
सुहृद् इति मृषा नाथेत्य् ऊनं नृपेति तटस्थता
कथम् इति ततः सन्देष्टव्यो मया यदुनन्दनः ॥३०८॥

कालिन्द्याः पुलिनं प्रदोषमरुतो रम्याः शशङ्कांशवः
सन्तापं न हरन्तु नाम नितरां कुर्वन्ति कस्मात् पुनः ।
सन्दिष्टं व्रजयोषिताम् इति हरेः संशृण्वतो’न्तःपुरे
निःश्वासाः प्रसृता जयन्ति रमणीसौभाग्यगर्वच्छिदः ॥३०९॥

कालिन्द्याः पुलिनं प्रदोषमरुतो रम्याः शशङ्कांशवः
सन्तापं न हरन्तु नाम नितरां कुर्वन्ति कस्मात् पुनः ।
सन्दिष्टं व्रजयोषिताम् इति हरेः संशृण्वतो’न्तःपुरे
निःश्वासाः प्रसृता जयन्ति रमणीसौभाग्यगर्वच्छिदः ॥३०९॥

मथुरापथिक मुरारेर्
उपगेयं द्वारि वल्लवीवचनम् ।
पुनर् अपि यमुनासलिले
कालियगरलानलो ज्वलति ॥३१०॥

मथुरापथिक मुरारेर्
उपगेयं द्वारि वल्लवीवचनम् ।
पुनर् अपि यमुनासलिले
कालियगरलानलो ज्वलति ॥३१०॥