[[अग्निपुराणम् सुभाषितसङ्ग्रहः Source: EB]]
[
अग्निपुराणम्
<64,42-44>
अश्वमेधसहस्राणां सहस्रं यः समाचरेत् ।
एकाहं स्थापयेत् तोयं तत्पुण्यमयुतायुतम् ॥
विमाने मोदते स्वर्गे नरकं न स गच्छति ।
गवादि पिबते यस्मात् तस्मात्कर्तुर्न पातकम् ॥
</64,42-44>
<111,9>
दशतीर्थसहस्राणि षष्टिकोट्यस्तथापराः ।
तेषां सान्निध्यमत्रैव प्रयागं परमं ततः ॥
</111,9>
<111,10-11>
गवां कोटिप्रदानात् यत् त्र्यहं स्नानस्य तत्फलम् ।
प्रयागे माघमासे तु एवमाहुर्मनीषिणः ॥
</111,10-11>
<112,6-7>
द्वियोजनं तु पूर्वं स्यात् योजनार्द्धं तदन्यथा ।
वरणा च नदी चासौ मध्ये वाराणसी तयोः ॥
अत्र स्नानं जपो होमो मरणं देवपूजनम् ।
श्राद्धं दानं निवासश्च यद्यत् स्याद् भुक्तिमुक्तिकृत् ॥
</112,6-7>
<159,7-8>
मृतोऽपि बान्धवः शक्तो नानुगन्तुं नरं मृतम् ।
जायावर्जं हि सर्वस्य याम्यः पन्था विभिद्यते ॥
धर्म एको व्रजत्येनं यत्र क्वचन गामिनम् ।
श्वः कार्यमद्य कुर्वीत पूर्वाह्णे चापराह्णिकम् ॥
</159,7-8>
<159,11-12>
आमुष्ये कर्मणि क्षीणे प्रसह्य हरते जनम् ।
नाप्राप्तकालो म्रियते विद्धः शरशतैरपि ॥
कुशाग्रेणापि संस्पृष्टः प्राप्तकालो न जीवति ।
औषधानि न मन्त्राद्यास्त्रायन्ते मृत्युनान्वितम् ॥
</159,11-12>
<209,29>
कुलानां तु शतं हन्यादप्रयच्छन् प्रतिश्रुतम् ।
देवानां च गुरूणां च मातापित्रोस्तथैव च ॥
</209,29>
<209,30-31>
पुण्यं देयं प्रयत्नेन यत् पुण्यं चार्जितं क्वचित् ।
प्रतिलाभेच्छया दत्तं यद्धनं तदपार्थकम् ॥
श्रद्धया साध्यते धर्मो दत्तं वार्यपि चाक्षयम् ।
ज्ञानशीलगुणोपेतः परपीडाबहिष्कृतः ॥
</209,30-31>
<211,52>
ब्राह्मीं सरस्वतीं दत्वा निर्मलो ब्रह्मलोकभाक् ।
सप्तद्वीपमहीदः स ब्रह्मज्ञानं ददाति यः ॥
</211,52>
<211,54>
लिखित्वा पुस्तकं दत्वा भुक्तिमुक्तिमवाप्नुयात् ।
वेदशास्त्रं नृत्यगीतं योऽध्यापयति नाकभाक् ॥
</211,54>
<211,63>
येन जीवति तद् दत्वा फलस्यान्तो न विद्यते ।
लोके श्रेष्ठतमं सर्वमात्मनश्चापि यत् प्रियम् ॥
</211,63>
<224,15-6>
दीर्घसूत्रस्य नृपतेः कर्महानिर्ध्रुवं भवेत् ।
रागे दर्पे च माने च द्रोहे पापे च कर्मणि ॥
अप्रिये चैव वक्तव्ये दीर्घसूत्रः प्रशस्यते ॥
</224,15-6>
<224,27-29>
विश्वासयेच्चापि परं तत्त्वभूतेन हेतुना ।
बकवच्चिन्तयेदर्थं सिंहवच्च पराक्रमेत् ॥
वृकवच्चावलुम्पेत शशवच्च विनिष्पतेत् ।
दृढप्रहारश्च भवेत् यथा शूकरवन्नृपः ॥
चित्राकारश्च शिखिवत् दृढभक्तिस्तथाश्ववत् ।
भवेच्च मधुराभाषी तथा कोकिलवन्नृपः ॥
</224,27-29>
<237,6>
प्रकीर्णविषयारण्ये धावन्तं विप्रमाथिनम् ।
ज्ञानाङ्कुशेन कुर्वीत वश्यमिन्द्रियदन्तिनम् ॥
</237,6>
<237,10>
अहिंसा सूनृता वाणी सत्यं शौचं दया क्षमा ।
वर्णिनां लिङ्गिनां चैव सामान्यो धर्म उच्यते ॥
</237,10>
<238,18-22>
सद्भावेन हरेन्मित्रं सम्भ्रमेण च बान्धवान् ।
स्त्रीभृत्यान् प्रेमदानाभ्यां दाक्षिण्येनेतरं जनम् ॥
अनिन्दा परकृत्येषु स्वधर्मपरिपालनम् ।
कृपणेषु दयालुत्वं सर्वत्र मधुरा गिरः ॥
प्राणैरप्युपकारित्वं मित्रायाव्यभिचारिणे ।
गृहागते परिष्वङ्गः शक्त्या दानं सहिष्णुता ॥
स्वसमृद्धिष्वनुत्सेकः परवृद्धिष्वमत्सरः ।
अपरोपतापि वचनं मौनव्रतचरिष्णुता ॥
बन्धुभिर्बद्धसंयोगः स्वजने चतुरश्रता ।
उचितानुविधायित्वमिति वृत्तं महात्मनाम् ॥
</238,18-22>
<239,46>
आमु(यु?)
क्तिकेभ्यश्चौरेभ्यः पौरेभ्यो राजवल्लभात् ।
पृथिवीपतिलोभाच्च प्रजानां पञ्चधा भयम् ॥
</239,46>
<240,19>
सापत्न्यं वास्तुजं स्त्रीजं वाग्जातमपराधजम् ।
वैरं पञ्चविधं प्रोक्तं साधनैः प्रशमनं नयेत् ॥
</240,19>
<337,3-4>
नरत्वं दुर्लभं लोके विद्या तत्र सुदुर्लभा ।
कवित्वं दुर्लभं तत्र शक्तिस्तत्र च दुर्लभा ॥
व्युत्पत्तिर्दुर्लभा तत्र विवेकस्तत्र दुर्लभः ।
सर्वं शास्त्रमविद्वद्भिर्मृग्यमाणं न सिद्ध्यति ॥
</337,3-4>
======================
]